كعدت اباوع للمراية متكسرة كلت بعد دمعة وحدة ما انزل لخاطر جوزيف واني لازم اطلع من حياته يطلكني واني ما ادري
هيه اني الغشيمة الحبيته وصدكت بي
هاهية جوزيف تحلم تشوفني مرة لخ
والبيناتنه ميتصلح لو اشوفك ميت كدامي
رحت للكنتور فتحته كعدت اصفط بأغراضي اريد اطلع واسمع عمتي ام جوزيف تصرخ وتكول يمة ابني راح من ادية
نزلت اركض ولا حسيت بوجع رجليه ولن اشوفه سبحان بدمة
هنا اني فقدت ضليت ارجف والطم وابوس بي
احس مو دموع دتنزل احس دمي وروحي دتطلع واني قبل دقايق وعدت نفسي ما انزل دمعة هسة روحي كلهة نزلت
اجتي الاسعاف واخذو
وكالو حالته مستعصية مصوبي بصدرة
وبقه بالعناية المركزة
واني نايمة بحضن عمة وابجي وادعي وهيه تدعي وياي
اثاري ابن عمه متعاركين وصوب علي واجتي طلقة بصدرة
اجه عمه اللخ كال ارجعو للبيت اني مقبلت غصبا عني رجعوني واني اباوع وراي
وصلنه للبيت لكيت الشرطة يحققون واي ابن عمه اني شفته وركضت علي واضرب بي واصيح علي كوة سحبوني منه
اخذوه الشرطة وطلعو واني بقت روحي يم جوزيف صارت الساعة ب٥ الفجر اني كعدت صليت ويقيني بالله اعظم من قدره واني حبيبي رب العالمين اكيد ميقبل الزعل الي
رحنه للمستشفى واشوفه من الباب متمدد طوله يجنن لحيته وصدرة الكله دم وشعره الحلو اخخخ يا حسرة كلبي اخخخ
طبعا ادعي لكل زوجة او حبيبة متمر بهيج ضرف تعبان ياربي امين
بالدعاء والتوكل على وجهود الاطباء رجع جوزيف وتحسنت حالته
اليوم يطلع من المستشفى
اني من كد ما فرحانة رحت للبيت جلفته جلف ونضفت الطرمة والحديقة بس غرفتنه مدخلت الهة ابد من تصوب لحد هسة
هو عنده غرفة بالطابق الارضي وبيهة ملابسة وشي رتبتهة وجهزتله كولشي
اجه طبعا كلبي يضل يكمز مو ينبض
احس البيت ضل يشع فرح وياي
وامه تهلهل وتطش جكليت وخالته هم
اجه فات للاستقبال وانكلبت العالم علينه
اصدقائه واقاربه
منا لليل يلا كعد وحده
اجيت اني سلمت عليه ورحت بست راسه وكتله الحمد لله على سلامتك توه نور البيت
هو ضحك وكالي الله يسلمج
عيوني غورن قبل لا تنزل الدمعه كبل كالي شطالعة ولج
اني كتله شنو
كال تجنننييين معقولة محلوة علة غيابي
اني كتله لا والله حال الضيم حالي
هو كام على حيله واجه عليه وكال
غزولة يروحي اذا تردين تبجين تأذين كلبي اني هياتني كدامج مابيه ولا شي والحمد لله
تعالي وياي للغرفة يجوز احتاجج
اني ابتسمت ورحت وراه
بقيت اداري واهتم بي واكعد الصبح الكه روحي مرات بحضنه
بس بدون ميتقربلي
وكلما يشوفني اضوج يحجي نكتة ويضحكني غصبا عني
بحيث اتفاجئت منه
فد مرة العصر اجه ابن عمه فات للاستقبال اني شفته واني رحت اركض لغرفة حوزيف وسديت الباب هو جان يبدل يريد يطلع كتله ماكو طلعه من باب الغرفة ابد هذا المجرم اجه عليك يريد ياخذك مني هو ضحك وباسني بخدي وكالي غزولة ترة مروان حبيبي واني تعاركت وياه وردت اصوبه وصيحت عليه هو حجاية مردني بيهة راد ياخذ المسدس مني واني ضغطت زناد وتصوبت
اني مقتنعت بكلامة كتله اروح وياك
وصلته للاستقبال طبعا مسلمت علي
كال جوزيف مرتي تريد تحاكمك وضلو يضحكون وكالي والله اختي زوجج خبل
ميتحاجه ابد
وضلو يتمازحون
راح ورجع ب٩ بالليل
اني بهاي الاثناء صعدت للغرفة لاول مرة من ٣ اسابيع
ووكفت كدام نفس المراية
ردت ابجي بس مسمحت لنفسي
لميت غراضي فتحت الباب لكيته بوجهي
_وين تردين تروحين
*مالي مكان هنا انت مطلكني ومبقيني تضحك عليه تريد تستغلني بعد اكثر
_ بضحك ولج يالفاهية يالبريئة ممطلكج اني بس ذاك اليوم جنت رايد اخلص نن لسانج معقولة اني افرط بالماستي الغالية
اني تعجبت كتله انت دتضحك عليه وتختبر صبري
هو كال
اقسم بالله ومالج طلعه من هالبيت ابد انتي حبيبتي موو؟
اني تفاجئت نوب ضحكت كتله يعني ارجع الاغراض
هو سحب الجنطة مني
وكالي شنو رأيج نبدي بداية جديدة وصحيحة ونجيب جهال
اني مصدومة كتله شلون يعني
كالي تعالي وياي للغرفة انا اكلج شلون
اني عيطت علي كتله لاا ابتعد روح مني
هو هدأني وضل يحجي وياي بهداوة واقنعني وحجالي هو شكد يحبني وشاريني والصار بذاك اليوم الاسود لازم انساه
بقيت مترددة الا ان حبي اله غلب خوفي منه
وصرت ام ل٣ جهال منه
سامي ورند وهاجر
وفعلا جان كد كلمته يحبني ويحترمني ومخله شي بنفسي ولا بنفس جهالي
وفتح مشروع يساعد الفقراء بي
سامي صار طيار مدني وتزوج بنت مروان وعدهم بنوته شهودة
وهاجر معلمة انكليزي وعدهة حسن وزينب
ورنودة دتدرس ماستر بايولوجي
واني وابوهم كلش فخورين بيهم
طبعا كعدنه بشقه بس اني وياه لحد هذا العمر يغازل بيه وخابصني بالحب
طبعا ما اكوللكم حياتنه جانت كلهة سعادة لا ابد هواي ضروف مرينه بيهة وتعب والم بس اجتازيناهة لان احنه سوة
_غزل كافي تحجين للعالم قصتنه تعالي خل نطلع للبلكون نشم هوة باجر ورانه سفر اريد اسولفلج اني شكد احبج
*والله ادري انت شكد تحبني واني هم احبك بس غير يردون يعرفون النهاية
_ههههه يلا بس مو تنسين تشوفين الشيخ وترجعين تعيديلي
مناسك الحج لان الف مرة تعيديهن وانساهن وباجر نسافر
واني بعدني مخافظهم
*تمام يروحي يابو جهالي يا عجوزي الغالي 😂
_دنجبي لا اكوم اشوفج العجوز شيكدر يسوي
*استر علينه جاية بس اجيب الجاي واجي
يلا حبايب هاي قصتي وعرفتوهة خليكم حبابين وحلوين وابقو على علاقة برب العالمين مهما كانت الظروف
اترخض منكم حياكل كلبي اذا اتأخر
.......
ووصلنه لنهاية القصة ان شاء الله تكون عجبتكم
تابعوني بقصة جديدة ان شاء الله بعد الامتحانات
وادوعولي حبايب حته افرغ للقصة
سلام ❤️
أنت تقرأ
عشكت ملاك
ChickLitعشكت ملاك 🔞 تدور احداث هذه القصة على شابة زغيرة شريفة من اهالي بغداد الحبيبة غزل:هلو انا غزل عمري ١٨سنة رشيقة وبيضاء البشرة وعيوني عسلية وشعري طويل واشقر تقريبا انا الجبيرة لاهلي وعندي اخ اسمه علي اصغر مني ب٤سنوات امي وابويه ماتو بحادث سيارة ب...
