عشكت ملاك

بارت٥

#عشگت_ملاك بارت٥
كملت الخياط واباوعله بخوف اندار عليه ونضراته غريبة ما تتفسر صفن عليه نوب گال:
ليش ساعدتيني مو تدرين بيه نذل وأذيج
انا كتله : هذا واجبي بعدين بسرعة گلت لا واجبي ولا شي بس مجبورة اسوي هالشي
ضل يباوعلي ضحك وگال رجعوهة لمكانهة
انا صحت بصوت عالي لا فدوة ماريد ذيج الغرفة اقلها بس جازيني لان ساعدتك
جروني اثنين واخذوني للغرفة بطريقي شفت هذا الضربته يباوعلي بحقد ولو بيدة ياكلني
رجعت لغرفة رقم ٧ بس هالمرة ما بجيت شيفيد البجي
جوزيف :
ورة ما كملت خياطياتي رحت للطبيب گال اي خلل ماكو الخياط ممتاز وعاشت ايدهم المخيطي بس ورى اسبوع تجي اشيلهم او تشيلهم يم المضمد الي خيطك براحتك
اني رجعت وبقيت بالمبنى مالتي ( بيت جبير بمنطقة نائية زراعية )
مرجعت لامي بس ارجع ترجع هواي مشاكل بس خطية ماخليهة قلقة خابرتهة وكتلهة انا مسافر لدبي اسبوعين وارجع وطمنتهة
محد يعرف انو انا اخط بنات واراهن عليهم
ماخذ حذري من كلشي الحمد لله

مر اسبوع
غزل : تعودت على هاي الغرفة وبقيت انتظر شوكت اموت واخلص
جانو يدزولي اكل عادي انا جنت اكل حاولت اجوع نفسي بس ماكدر اقاوم الاكل
فتح الباب ولاء وگال يلا يا كلبة تعالي انا گمت بالبداية فكرت اعاند واخلي يكتلني ويموتني بس فكرت انو ممكن يعتدي عليه وانا هم اريد اغير جو قبل شوية جنت افكر بالموت وهسة بس انفتح الباب رجعلي الامل
گمت ورحت لغرفة الزعيم
گالي شيلي الخياطات
بقيت اشيل بيهن على كيفي وايدي ترجف وبگلبي اگول عار مصار بيك شي وممتت
كملت وبعد ماكدر اسكت گتله الله يخليك رجعني لاهلي ضحك وگال تددللين اليوم نحتفل بيج
من گال هيج انا گمت
يتبع...