عشكت ملاك

بارت٩

عشكت ملاك بارت ٩

طارت الطيارة وانا جنت تعبانة منايمة بالليل
فنمت بس مو مريحة النومة ابد
تقريب ٨ساعات ووصلنه
اسمع صوته يكولي يلا يا عصفورة اكعدي عيني ست
اني فزيت وكتله احنه وين
كال وصلنه هذا المطار الامريكي
نزلنه وصه على اكل كناتكي وبركر انا مأكلت شي كتله ما اشتهي هو ما صدك خبر لا لح عليه ولا شي
انا جنت  ميته جوع بس استحي
كمل انا رحت للمغاسل بقى ينتضرني
وهناك عنده اوراق ماعرف باص مدري شنو بقى يفتر من مكان لمكان ساعة ونص واجته سيارة عاليه حديثة سودة ركب بيهة وصاح يلا اركبي
انا صعدت ليورة
كال بصوت عالي:هيوووووو
مو شوفير عد الخلفوج تعاي اركبي هنا بالصدر
انا نزلت ما حجيت شي وركبت يمه
كتله شكد ونوصل كال ٣ساعات
انا بعدني تعبانة ونعسانة نمت ومادري بعد
فزيت على صوت الباب من انضرب وكالي يلا انزلي
انا فرحت وكلت اسألة :وصلنه؟؟
كاال ي بس مو للمكان التردي هذا فندق حتبقين بي وياي عندي شغل هاليومين اكمل واخذج للمكان التردي
يلا انزلي
انا ترددت ضل وجهي  ينطي الوان واستغربت وكتله لا خليني هنا احسن
صاح بصوت عالي:شهالغباء حتبقين يومين بالسيارة
ترى ما اسويلج شي انا هنا مو الزعيم انا جوزيف رجل اعمال
وما الحك اباوع بوجهج اصلا
دنزلي وفضهة والله ماسويلج شي ماطولج امانة يمي
نزلت وانا ارجف صعدت للشقة فتح الباب انا امشي ورا دخلت بس بقيت يم الباب
انطاني مفتاح وكال هذا مفتاح غرفتج وأشر على غرفة مقابيل الباب
يلا فوتي بساع
انا دخلت بسرعة وقفلت الغرفة
واسمعه يكول والله ما اكلج
بدلت ملابسي ولبست دشداشة طويلة ورداناتهة طوال مستره حيل
وحجاب وبقيت بالغرفة
فتحت التلفزيون معجبني شي
طفيت الضوة ونمت
يتبع....