عشكت ملاك

بارت٧

#عشگت_ملاك بارت٧
رجعت وياريتني ما رجعت
باوعتلي بحقد وگالت الج وجه ترجعين لبيتي يالعاهرة
انا ماكدر احجي شي ولا اكدر ابرر
كتله عمه مو وصلولج خبر انا مخطوفة ليش منطيتي خبر لعمو
گالت اش ولا كلمة يا قذرة رحتي وي صحبانج وعساس انتي مخطوفة
اخذج للطبيبة واتأكد منج اذا طلعلتي مو بنية اذبحج بأيدي يالساقطة
هيه عمه سناء تشتغل ممرضة جامعية بس موونفس المستشفى الي اشتغل بيهة انا
رحت وياهة وانا على حق
اخذتني وصلنه للعيادة مالت الدكتورة باوعت للدكتورة تخوف عبارة عن وحدة گوا... حشه السامع وتطك بعلجهة
ضلت تضحك وتگلي ها انفتح... لو لا حجي مو زين ومدري شنو
انا مقبلت تفحصني بس سناء اله شويه تموتني
كملت وطلعت انتظر برة دخلت سناء يم الدكتورة
وشوية وطلعت اجت عليه فاتحه ايديهة انا فرحت گلت الحمد لله الحق ميضيع ورحت حظتنه
جان تبعدني وتضربني راجدي بكل قوتهة وتصيح رجعتيلي مفتوحة يالوكحة يالك...
شسوي بعد والله ماعرف انا متاكدة محد متقرب عليه يربي وين انطي وجهي
رجعت حبستني بالغرفة
وانا بس ابجي وضليت اصيح واگول حتى الله ما يحبني لو يحبني جان اخذ روحي ( استغفر الله)
وراهة اجت فتحت الباب كمشتني من شعري وجرتني عالجرباية ذبتني وگالت:
ادري بيج مجربة ويه كل الشباب وصايرة كلش سخيفة وما اسويلج ترقيع لو شيصير
انا كتلهة عمه والله وال
صاحت عليه وعيونهة تطفر شر كافي اش ولا كلمة
گالت باعي انا سويتلج اجازة بالمستشفى من جنتي دايحة وتسوين سوالف مكسرة ومحد يعرف بيج انتي شنو وعمج مراح اگولة اي شي عنج بس عندي شرط واحد
انا بدون وعي كتلهة موافقة والله ابوس ايدج لتگولين لاحد
گالت اكو طيارة حتسافر لامريكا وبيهة شكم بنية هناك يطورونهن ويشتغلن ممرضات ويخدمن ذوي الاحتياجات الخاصة
انا صح مرت عمج وكرهتج من شفتج هيج سويتي بس بعدني اريد مصلحتج روحي هناك ولتجين بعد وعمج انا اقنعه ماشي
انا كلش فرحت وگلت هاهية راح اتخلص من هالضيم واعيش مرتاحة بستهة براسهة
هيه عافتني ومشت
گالت الطيارة تسافر الاحد واليوم خميس اني سويتلج جواز
حضري اغراضج من هسة
اني حسيت حياتي حتتغير للاحسن وگلت الحمد لله والشكر الهي على كلشي
ومادري شنو المنتضرني..
يتبع..