عشكت ملاك

بارت ١٩

بارت ١٩
ياربي هسة شلون سالفة هاي والله راح اتخبل
من جهة اني اكره وابغض جوزيف واموت منه ومن جهة ثانية اني حامل منه غصبا عني بطفل غير شرعي
ونوب ماكدر انزله

الليل كله انا افكر بكلامه وما نامتلي عين

حوزيف
تفاجئات من عرفت بحملهة حيل وشلون من اول مرة وصار هالشي
بس مع هذا لازم اتحمل نتيجة خطأي واتزوجهة
طبعا جوزيف جان يشعر بالندم اكثر مما هو يحبهة وجان اصراره عالزواج من غزل تكفير ذنب
صار الصبح
كعدت غسلت البيت ورتبته وكعدت يم خالتي ونوب سويت غده ماكلت شي ما اشتهي
وتعبانه حيل
صعدت العصر نمت
ما احس اله الدنيا الصبح
كعدت اركض عالسريع بدلت وطلعت للدوام
كالعادة تعب وركض ويه المرضة ولا الدكتور راضي علينه ولا المريض راضي علينه

رجعت اول مدخلت غرفتي بدلت ملابسي وكعدت ابجي من كل عقلي
شهل الحالة الوصلتلهة
الصار كله خارج عن ارادتي
نوب طلعت روحي حيل حيل
شلت الموبايل وخابرت ..
*الو
_الو منو بصوت رجولي خشن
*معرفتني مو اني غزل عيني الي بهذلتهة ودمرتلهة حياتهة
_شرايدة؟
*شنوووووو شنو شرايدة
فوك مغلطان جاي تتكبر عليه وتبيع ثكل
_ اوك مالي خلكج باي
*انتضر اريد احجي وياك
_تفضلي
*شوكت تجي تخطبني ؟؟
_ ماعرف باللي يعجبج
*تعال هذا الاسبوع لان بطني بدت تكبر
_اوك ماشي
*بس اكو شي لازم احجي
ترى انا اعرف انت تزوجني بس حته تبرر خطأك وترتاح من تأنيب الضمير
وانا مضطرة اوافق بيك لان ابنك ببطني
وزواجنه مبين فاشل ومو صحيح
لحد ما اولد انطيك ابنك وننفصل ماشي ؟
_الله كريم
اتحظري الجمعة اني يمج

جوزيف
اتفقنا ع الخطوبة ورحت حاجيت امي وشافت غزل ومدحت بيه وبجمالهة
وانطيت خبر لعامي يجون
الجمعة جهزنه كلشي
ورحنه وتمت الخطوبة الحمد.لله
جانت هيه لابسة جبة وشال نازكة حيل ومرتبة

غزل
صارت الخطوبة واني مجبورة اوافق حته شفته لا عنده لهفة تجاهي ولا شي
ماعرف شلون حأعيش حياتي

ورى اسبوعين انطاني خبر انو لازم نكمل كلشي ونتزوج
جانت الحفلة راقية حيل وبدلة وهوسة وعالم وناس

جوزيف
اجه اليوم وصارت غزل الي وحتصرف وياهة بدون اي مانع او شي وحتكون جوه عيني كل الوقت
طالعة تجننن بالعرس ابد مشلت عيني عنهة
وبرائتها حيل ملفته للنضر
امي جانت حيل فرحانة وخالاتي وعمامي يعني ما الهم راي وعماتي ضاجن لان متزوجت وحدة من بناتهن
انتهت الحفلة
وصعدنه للغرفة ...
يتبع