#اناالبكماء
#الكاتبه_دلال
بهاء خله القلم على مكتب وكف على حيله : اني استاذ بهاء ناصر الراوي
_ استاذ على روحك مو علينه عنده بلغ عليك اتفضل امشي ويانه على مركز
بهاء مستغرب : بلاغ من منو
_ عندك شكوه وبلاغ من جابر جلال حمدان يلا تفضل كدامنه للمركز هنا تفتهم كلشي
بهاء هذا اكيد اخوها الجين يلعن يومه شكد نذل
السكرتيره : استاذ يحتاج ابالغ محامي الشركه لحتى يجي وياك
بهاء : لاماحجه اني اذا مانحلت اخابرج لو اخابره
رحت وي الشرطه وصلنه للمركز دخلت وجان الكه هذا جابر الارعن كاعد لاف راسه بشاش وتارس خشمه كطن ولابس مسند سفنجي الركبته مرفوع راسه للخلف اشوي مو دكول ضاربه بوكس وكله عبالك طالع من معركه
الشرطي موجه كلامه للظابط
سيدي هذا المتهم بهاء ناصر الراوي
الظابط : اهلا اتفضل اكعد هنا (ويأشر غلى كرسي الي مقابيل جابر )
بهاء : اسلام عليكم اولا وثانيا اكدر اعرف شنو الموضوع
الظابط : وعليكم السلام
الموضوع هو (دنك يقرء بالورقه الكدمه ) حول شكو مقدمها جابر جلال حمدان تاهمك بيه بالتعدي عليه والضرب ومن ثم التهديد بالقتل
جابر : سيدي لو لا رحمة الله جان هسه اني بثلاجات الموتى
بهاء : لاتخاف العار ميموت
جابر : شفت اسيدي بعينك شاون يجاوز عليه بدون سبب
بهاء : لادكول بدون سبب انت انسان فاشل ومتخلف وماعندك كل شخصيه كسر بجمع انت واحد همجي
جابر : احترم نفسك ولاتجاز لاعبالك انت عندك فلوس معناها تشتري العالم بفلوسك
الظابط ضرب بأيده على مكتب : بسسسس كافي شسالفه هاي عود انتو بالمركز وهيج تتلاغون
بهاء : بس لحظه لحظه خالفهم من هذا انت شتخربط شنو تشتري العالم شهالحجي الماصخ هذا اشجاب الفلوس بنص
جابر : سيدي تقبله اني اروح اشوف اختي يجي هذا الغريب يجاوز عليه ويضربني سيدي انكطع نفسي وداعتك
بهاء : اي صحيح انت الحنين جاي اشوف أختك مثل االأوادم واني الظالم المفتري اتهجمت عليك بدون سبب
الظابط : شوف استاذ بهاء قبل لا ابدي بالاجرأت القانونيه وانت رجال معروف واكيد دخولك لسجن رح يأثر عليك رح انطيكم ربع ساعه لحتى تتراضون ابينكم ونسد القضيه قبل لاتوصل اوراقكم. للقاضي
جابر : سيدي لا نتراضا ولاهم يحزنون هو اجاوز عليه وضربني واني اريد القانون ياخذ حقي الشكوه مااسحبها
الظابط : اني رح اطلع عنكم ربع ساعه بس ورجع اكمل الاجرأت لو نسد القضيه لو نمشي بيها
(طلع وسد الباب ورا )
جابر : اله اندمك على الي سويته وياي وخليك اتعض اصابعك وتتحسف لان مديت ايدك عليه
بهاء : شوف جابر لادوخني من الاخير شكد اتريد وتسحب الشكوى
جابر : هااا لااااا لاااا اني ماريد افلوس اريد القانون ياخذ مجرى
بهاء : هااااا تريد القانون ياخذ مجرى زين لعد اني رح اخابر محاميي واخلي يدفع كفاله واطلع غصبن ماعليك وربع ساعه مابقى بالسجن خاف عبالك تلوي اضراعي بشكوتك هاي اصحه اني مو حي الله واحد اني بهاء الراوي
جابر ابتوتر : اسحب شكوتي بس بشرط
بهاء : استغفرالله اللهم طولج ياروح اي بله وشنو شرطك
جابر : اتقنع لجين
بهاء : ابشنو
جابر : ابجيتنه يمها
بهاء : ضحك انت عود صدوك تحجي
جابر : شوف يابن ناصر الراوي لجين اختي واحنه مستحيل انعوفها الوحدها
بهاء : ومنو كلك هي الوحدها اني عاقد عليها وهي اصير زوجتي شرعآ
جابر : شنووووووو
بهاء : واكدر هسه وكل محامي يرفع عليك دعوه
انت اتعرضت الزوجتي وحاولت تتهجم عليها
وكامرت المراقبه تشهد ونقلب السحر على الساحر
وضل تتوسل حتى تطلع لان ضربي الك جان
دفاع وانت ابقى هنا
جابر : انطيني 300 واسحب الشكوى ولاعبالك سالفة زواجك من لجين عبرت عليه تر ماعبرت ومستحيل اصدك
(قطع حديثهم ابدخول الظابط )
الظابط : ها شتوصلتو
بهاء : راح يسحب الشكوى من بعد مايخذ تعويض مادي مو جابر افندي
جابر : اي سيدي رح اسحب الدعوه هو رح ينطيني فلوس الدكتور وفحوصات واني سامحته
_____________________________________
اميره : شبيك حبيبي شو مو على بعضك
عصام : هاا لامابيه شي
امير : شلون مابيك شي وانت كاعد وصافن وبالك بغير عالم ولاكأنو انت نفسك البارحه لحيت عليه حتى نطلع نتغده
عصام اخذ نفس وتنهد : ماريد اضم عليج اني اليوم اتلاغيت وي المدير وتعصبت عليه فاضربته
وهو ضل يصيح وكلي انت مرفوض وتحلم اخليك تتوظف بأيمكان لان اذا ردت اقدم لازم اخذ اورقاي من يمه واكيد رح يبدع بكتابته مسيرتي المهنيه من بعد ماضربته
اميره : ليش متعارك ويا شنو السبب
عصام : ردت اخذ أجازه زمنيه وهو رفض عاد اني اصريت عليه وكوتله احسبني غايب وكطع من الراتب هو كلي لا متروح واذا رحت تحسب نفسك مرفوض
بالحظتها من حجه هيج اني رجعتله ظربته ضربت قهر اموت ولا واحد يهددني
اميره : ولايهمك حبيبي تعال اشتغل وياي بالشركه اني اشوفلك مكتب مناسب الك وبراتب عالي
وهمينه بدون تعب
عصام : لاماريد مستحيل
اميره : شنوه المستحيل يعني بدل ماتشتغل ابوظيفه حكوميه حتشتغل ابشركه اهليه نفس الاختصاص
عصام : وإن مااريد شتردين العالم والموظفين . شيكلون عني يشتغل عند مرته
اميره : حياتي لاتعقد الامور يعني شكو بيه لو شتغلت وياي مو عندي اكو فرق ترا اذا تلاحظ
عصام : مادري مادري اني راح ادور ع شغل والله كريم
اميره : عجيب يروح يدور شغل وي ناس غربه وخطيبته وزوجته المستقبليه ادكوله اشتغل وياي ميقبل ترا ماكو هيج
عصام : اميرتي كلشي ولاالكرامه تنهان
اميره : ماعاش الي يهين كرامتك واذا الشغل وياي اشوفه صعب اشتغل بشركتنه الثانيه يديرها صديق بابا رجال كبير بالعمر
عصام شركتهم الثانيه ورجال جبير بالعمر يعني فتره وازحلكله واسيطر على وحده من شريكات الراوي
اميره : هاشو اصفنت بس لاهم ترفض بعد ماكو اي عذر الك لااني اشتغل بيه ولاحتى بهاء وتشتغل موظف حالك حال الموظفين
عصام : طيب موافق بس عندي شرط
اميره ضحكت : بسم الله صار بيه شروط اي كول
عصام : ماريد بهاء يعرف بالموضوع
اميره بستغراب : ليش عود يعني اذا عرف بهاء شحيصير مثلا
عصام : لاااا بس اني استحي منه
اميره : حياتي ليش تستحي ترا عادي انت مشتغل وبتعبك وخبرتك محد مفضل عليك بشي لاتتحسس من الموضوع
عصام : لاهو مو مسأله تحسس بس اني ماحب احد ياخذ علي نظره لو يفكر اني طمعان بيج وهيج شي يعني
اميره : لاتخاف محد رح يفكر هيج تفكير لان اهلي مو من النوع الي يهتمون للفلوس لحتى اي واحد يجي بطريقهم يتهمو بالطمع
عصام : امممم هاي ونحلت ووو زواجنه مو كأنو طال اشوي لامو اشويه هواي والله ترا كلش وصلت حدها بعد مابيه اتحمل
اميره : عصام شنو نسيت بابا متوفي واني مستحيل اقبل هسه انتزوج
عصام : يعني هسه مو اله زواج زواج يعني
شوي حنني كلبج عليه ترا كلش قاسيه وياي
اميره : لاتحسبها قساوه الي مريت بي مو اشويه قطع مني رحت جوه التراب شتريد مني اكون سعيده واكعد اتغزل بيك
عصام : واني مقدر وضعج والدليل صارلي شكد مامعاتبج بس هسه لان شفت الاسود عليج طالع فدشي فاتحركت مشاعري واحاسيسي
اميره ضحكت : ابو مشاعرواحاسيس كوم وصلني للبيت وترتك عنك هالمشاعر التعبانه
عصام : اخ اخ
اميره : هااا شبيك
عصام : والله مو مشاعري التعبانه كلبي التعبان
اميره : تعبان لو حيه ههه (وتمثل انو تضحك هههه)
عصام : لا ثعبان وامشي وياي لشقه اروجياا
اميره : ضحكت منحرف خلي الك ماريد اشوفه
عصام : ليش اتخافين يلدغج
اميره : اووو عصام لاتلح تدري بيه ماحب هالمواضيع
عصام : ضحك يابه ترت هو ثعبان شبيج مكبره الموضوع ونيتج وصخه دومها
اميره : ضحكت سلام الله على نيتك السليمه كوم وصلني وترك عنك الثعبام والحيه
______________________________________
دره : لجين باجر عدنه متحان حسبي احسابج
لجين : لابربج صدوك تحجين
ريحانه : اي صدوك مشوفين جهرتها ودتحجي ابجديه
دره : لمن دكولين جهره تحسسيني انو اني بياع لبلبي كولي شكله وجها الجميل عينها الجميلتان
لجين : ولج ياعينان ياجميلتان غير عيونج ذكر وانثى في الشتاء ومزاعلات بالصيف وضحكت
ريحان ضحكت : لالا مااقبل ابدآ بتاتآ ليش تحجين على صديقتي شنو قصدج هي بشعه وحوله وشكله طاوه محتركه
دره : انجبن اثنينجن (وهي اتأشر الوجها *) هذا الوجهه الماعجبجن استاذ علي دايخ بي
لجين : انتي شخابصتنه بستاذ علي لايكون هو احد المشاهير او سياسي معروف ترا هو كوله استاذ عادي يعني مو فد شي مهم
ريحان وتأشر بحواجبها وتقصد تنهي كلامها
دره : اشششششش وراج وارج
لجين مافهمت قصدهم ومستمره : لا اششش ولاهم يحزنوت اي واحد احجي ويا ودخل استاذ علي بنص يااخي هو شخص عادي ليش هالكد مهتمين اله تحسسوني انو هو ملاك مو بشر وهم ياريته يحس شايف روحه عبالك بس هو اشقر وعيونه ملونه
اصخونه لفت ذوقج
ريحانه خلت ايدها على حلكها وكاتمه ظحكتها
دره لامه شفايفها وتهز براسها لحتى تسكت او تغير كلامها
لجين نتبهت لتصرفاتهم : شكو شبيجن
( اندرت ليوره جان تنصدم بعلي واكف نازع نظارته الطبيه وعيونه حمر من العصبيه ) بس تردون الصدوك ماكو مثله انسان كريم و رحيم ومسامح الى درجه متصورها
علي بعصبيه : لجين تعاي وراي حفاظن على ماي وجهك ( عافهم وراح )
ريحانه : عزه رحتي بيه ولج
دره : ولج شراحسوين بعد هاي المصيبه
لجين بهمس وخوف : الله ياخذجن غير تحجن حتى ادوس بريك هسه اكيد رح انفصل لواتعاقب
ريحانه : دروحي يحظي ورا لايرجع يطشر كرامتج بين الطلاب
لجين رحت تركض ورا : وهو يمشي بخطوات سريعه اتوقف بمكان قريب من الكفتريا لاجانب خالي من الطلاب واكف خال ادي بجيويله
_احجيلي ست لجين او بالحرى وضحيلي الي سمعته
لجين : أ ...أ .. اني مكان قصدي اذمك بس ..
علي قاطع كلامها : اكيد.مو قصدج لان شخص مثلي مستحيل ينذم بس ليش شايفتني مغرور شنو صدر مني ؟؟
لجين نرفزها اسلوب التعالي : ماكو داعي للغرور
ماكو انسان كامل
علي : بس اني كامل ومناقصني شي
لجين : الكمال بس ل الله مرات انت تلاحظ المقابل اشوفه شكل وترتيب واناقه وكأنو كامل لكن هو فارغ عقله جامد متعجرف مغرور ومتكبر فالانسان ياستاذ علي مو بس شكل ومظهر
علي : صدقتي الانسان مو بس شكل ومظهر اني شخصيآ هواي شفت بنات الي يشوفها يكول الله شكد.طيبه ومحترمه وهي بالاصل بداخله عجوز ذمامه فعلا المظاهر خداعه
لجين : افهم من كلامك هذا قاصدني .؟
علي : انتي مو بهاي الاهميه لحتى اقصدج بكلامي
لجين تحاول تمتلك اعصابه وكفه مكوره اديها : طيب شنو تريد مني من الاخير اتريد اتعاقبني تحرمني من الامتحان عادي بس لا تفصلني
علي : اعتذري واني راح اعديها وكأن و مااسمعت .
لجين : وليش اعتذر اني ماكولت غير الحقيقه
علي : الحقيقه هي ان تجاوزين على استاذك اكبر منج علمآ وعمرآ تهيني امام صديقاتج متشوفين هذا التصرف ملايق بطالبه مؤدبه
لجين بعصبيه : استاذ علي انت اخر واحد يحجي عن الأداب نسيت حظرتك اول يوم دوام الي شنو طلبت مني فالاسوي نفسك انت الشخس ذو الشخصيه مهمه وذو اخلاق عاليه
علي : عتذري وسحبي كل كلامج الي كلتي بحقي فورآ
لجين : لااسحب كلامي ولا اعتذر ماحجيت غير الحقيقه واذا تريد تفصلني عادي اني ماعاد يهمني شي من الدنيا
علي : على هذا تطاولج وياي مراح اكتفي ابفصلج
لان مررح يريحلي كلبي ويشفي غليلي اظاهر انتي متعرفين وي منو خليتي راسج اني استاذ علي ورح اشوفين اشراح اسوي
لجين : لغة التهديد هاي بس للمراهقين والاطفال الي يطلع ابايدك سوي
( عافته وراحت )
(( تركت خلفها نار قد تسببلها ضرر كبير ))
علي تسارعت انفاس من شدة الغضب : بسيطه يا لجين اذا ماكرهتج بحياتج اكثر منما انتي كارهتها ماكون اسمي علي
_____________________________________
بهاء من بعد ما انحل الخلاف وي جابر وسحب الشكوه
رجع لشركه ولاول مره من بعد وفات ابو
يدخل مكتبه لحتى يفتح خزتنه
ليتفاجئه بوصية ومانصت عليه .....