أنا البكماء

الحلقه الثالثه والعشرون

#اناالبكماء

#الكاتبه_دلال

لجين رحت للغرفه شفت هديه بهاء خالته على مكتبه نسيت افتحها
فتحتها طلع موبايل بس شاشه لمس الله شكد حلوو
هذا مثل موبايل عصام
لزمت كلبي وكعدت بالكاع اخ ياعصام الي سوايته بيه مرح انسا طول ماني عايشه ورح يجي اليوم الي اخليك اتعض اصبعك ندم ...

______________________________________

ايمن : ها عصام شو تأخرت

عصام : يخوي والله ماحسيت بالوقت والحجي ابينه نسيت الدوام اصلاا

ايمن ضحك : اها اضاهر القاء جان تمام

عصام : اي الحمدالله اجه ابوقته البنيه حبابه ومثقفه ومؤدبه كامله والكمال ل الله
اني قررت اكمل وياها وبلكي اكدر انسى الي احبها

ايمن : احسن قرار صدكي مرح تندم وانت هم حاول اتحبه ولاتفكر ترجع او تحجي وي حبيبتك لحتى لاتأثر على زواجك بالمستقبل

عصام : هي غير كون اجاوب وتريحلي كلبي

ايمن : يمعود انت اشبيك خلاص انساها علاقه صارت ابوقته وانتهت لاتخليها تتعايش وياك رقمك غيره لو تحذف رقمها ولاتحاول تحجي وياها نهائي

عصام : الله كريم الله كريم

______________________________________

جابر : اكول يمه شفت جيهان بيده جنطه وين ماخذها ورايح

سناء : رح زعل الغبر ويكول انقل لجامعه الموصل

جابر : عليمن متوازي  رايح
لاهنا ولاهنا رح اللموصل هذا ابنج والله يتعاير

سناء : اي كلش ويتمضيك مدري شراح اتفيده الجامعه

جلال : هسه خلونه من جيهان وجامعته
احجولي بذوله العالم رح تخلص المهله
واحنه كلشي ماسوينه
وهم يردون فصل شيخهم
كال طفرت الحايط صعبه
وعليه فصل مربع وبالأخص
الافندي طفر حتى يتحرش
وهسه اذا طلبو فصل منين انجبلهم

جابر : ياباا خلونه انبيع البيت
وننطي فصل الذوله النصابه
والباقيات افتحلي مشروع
واكعد واسكت والله
اوعدكم بعد رح اشتغل
وابطل سكر واصلا
اني متندم على الي سويته .

سناء : زين اذا بعنه البيت
وتفتحلك بالباقي مشروح
جا احنه وين انولي بعدين

جابر : أنأجر واني من شغلي
ادفع ايجار والله يوم
بس اوكف على حيلي نشتري بيت

سناء : هاا والله مادري ؛ انت شدكول جلال موفق ؟

جلال : اي موافق ليش احنه عدنه غير هذا الحل
(ندار على جابر ) بس كون انت تنعدل واصير ادمي

______________________________________

ابو عصام :  اي احسان سمعت بيك
هالايام صاير
رجال  ويكولن حتى محد يكدر يفرض رأيه عليك