احم احم اسعد الله اوقاتكم حبايبي
كتبتلكم بارت اطول من حياتي قرأه ممتعه❤❤
#اناالبكماء
#دلال_عبد
_ هسه انتي حجيتي كل الي عندج واني حجيت الي عندي بس خليني اضيف عليه وركزي وياي وهذا كلامي خلي ترجيه بأذنج شوفي بويه مال اخليج تبقين اتعيشين هنا الوحدج هاي كطنه وطلعيها من اذانج ماعدنه مره تسكن الوحده اصحي احنه مو ابااوربا بويه
بهاء دخل لابس طقم اسود ومشنف اردانه : ومنو كلك راح اتعيش الوحدها
(صاح بصوت عالي ) هاااااااا بله كلي منو كلك
جلال : وا ... وا...وانت منو حظرتك حتى داخل على بنتي بدون لااحم ولادستور
_ وشنو هسه ذكرت عندك بنت وين حنيت طول هاي الفتره لمن جانت بحاجتك انت ماتندله ولاتدري الله وين خالهه
_ اكلك انت ليش مااحترم نفسك وشوفنه عرض اجتافك مو جاي تنطيني محاظرات عن الأبوه
وبعدين انت شعندك جاي هنا بصفتك منوو طاب للبيت انت واحد غريب لمن جاي هااااااااا فهني اليوم اسويها وياك كعدت عشاير شلون اطب على بنتي وهي الوحدها
_على كيفك ياباااا لاسوي نفسك كلش حريص الي يسمعك يكول نيال بنتك عليك وبعدين اني جاي البيتي و لجين زوجتي
لجين فتحت عيوني وحلكي مصدومه من الي كاله بهاء بقيت صافنه عليه لااكدر اكذبه اخاف جلال ياخذني لو يجيب مرته ولده هنا وارجع منبوذه يمهم
وبنفس الوقت خفت على بهاء خطيه افضاله هواي عليه بس اكول لا
جلال مايمانع يروح الشيخهم ويسويله سالفه وهو ميستاهل يتأذى بسببي ابدآ
جلال اندار بعيونه على لجين : شنو هذا السمعته هذا صدك يحجي لووشنوووو الموضوع شنو اني طرطور مو ابوج ليش ماعندي علم بزواجج
واله اكلج هاي جذبه مو
(رجع اندار على بهاء رافع ايده ويأشر بصبعه السبابه ) ولك انت مارتاحيتلك انت واحد جذاب وجاي تضحك على بنتي
بهاء : اني موو كذاب ولجين زوجتي شرعآ وهاي كدامك أسألها
جلال : ش .. ش ... شنو ليش هي بكيفها تزوج وانت غير تجي تخطبها مني ونتفق على مهرها
بهاء : والله ياسيد الوالد اني خطبتها من امها الله يرحمها ولجين موو قاصر امرها ترا بيدها مو بله لجين
لجين واكفه بنصهم والأنظار عليه اني صرت مثل بلاع الموس لاكدر ابلعه ولااكدر اطلعه بقيت ساكته ومحتاره مر ثواتي على سكوتي اخذت نفس وغمضت عيوني واخذت قراري بلحظات واتمنى لو يكون صائب : حجي هذا بهاء اناصر الراوي اكيد سامع بي هوويصير ابن زوج ماما وحاليا هو زوجي
واني ماسمحلك ولااسمح الاي واحد يخرب علاقتنه
جلال واكف ومكور اديه بغضب وتسارع نفاسه : اشمدريني كلامكم صح يجوز يطب ويطلع عليج هيج
شافج ماخذه راحتج لاحسيب ولارقيب انطوني جناسيكم خ اتأكد من كلامكم
YOU ARE READING
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
