#اناالبكماء
#الكاتبه_دلال
عصام : هااا اني احب لجين لو هي لو ماازوج ....
ريام :ههههههههههههههههاي بلا عيد عيد منو كولت
ام عصام بصدمه واستغراب اندرت بعيونه على ريام : لحظه انتي خ افتهم منه(ر جعت ندارت بعيونه على عصام ) ياا لجين قصدك لايكون لجين هي هي نفسها
عصام : اي هي ليش شبيه مو بشر شنو ناقصها اشو ادب واخلاق وجمال وفوك كل هذا هي انسانه بمعنى الكلمه طيبه وحنونه واني اشوف بيها مقومات الزوجه المثاليه...
احسان : اشعر بالصدمه ريام ضربيني اني بحلم مو اخوج مو معقول ابد اكيد يعوف الفلوس ويروح لخدامه
ابو عصام : احس نفسي مثل الاطرش بالزفه احجولي منو هاي لجين شدارسه واهلها منو
عصام دنكت ماحجيت شي لان اني بنفسي استعر من اهلها شريد اكله كتفيت بالصمت
ام عصام : رد على ابوك وكوله منو اهلها احجيله عن امها وعن اخوتها من ابوها
ابو عصام بعصبيه وضرب على طاوله الطعام : هو شنو الموضع حزور هي جاي اسأل منو هاي لجين كلكم اتعرفوها الا اني اخر من يعلم انت ستاذ عصام ارفع راسك جاوبني بنت منو هاي
عصام مسحت وجي ورفعت شعري بأيدي ليوره : بابا اني مو مهم عندي اهله منو اهم شي عندي هي تكون نسانه واعيه ومتفهه
ريام ندرت على امها واحسان وتأشر بأيدها على عصام : شوف هذا يكول متفهمه واعيه وين فهمها (رجعت اندرت على ابوها ) شوف بابا لجين هاي الخدامه الخرسه الي تجي كل يوم اتنظف البيت وداعتك لافهم ولاعلم سرحتآ روحتآ (تطلع و ترجع ) ..
عصام اسمع ريام تحجي واني احس دمي يغلي سديت قبضه ايدي وضرب على الطاوله وصحت بصوت عالي : ريااااااااااااام احترمي نفسج وسدي حلكج ولاتدخلين بالي ميعنيج لاتخليني اكسر راسج وكص السانج فتهمتي ....
ام عصام عاقده حواجبها وتلوح باديها : وشبيك انت اصيح شنو الي حجته غلط نسيت لجين شنو وهلها شنو هي رتله امها مطلكه اخوها سكير زوجة ابوها وحده همجيه همها الفلوس وابوها احد كل شخصيه ماعنده عايفين بنيه شابه تفتر بالبيتوت شدرانه شبيها مابيها
عصام بعصبيه وصوت عالي: يوم شنو هالحجي هنوب تتهميها بشرفها خافي الله مو عندج بنيه....
ريام وكفت قاطعتها وهي تبجي : شفتو ابنكم شلون يعيط عليه هاي بعدهي مصارت زوجته يمكن لو يزوجها حتى امي يضربها ويطردنه على مودها ...
ابو عصام واكف وبصوت عالي هز البيت : لك عصام هاي البنت اشيله من راسك لا وروحه لبويه اتبره منك زواج اني ازوجك الانسانه المناسبه الك انت لاتفكر بس بنفسك فكر بينه احنه ناس النه اسمنا وسمعتنا بين العالم شيكولون عني اني مااازن ازوج ابني الخلك الخدامه رتله وممعروفه اصلها من فصلها
لا وشنو امها مطلكه وخوها سكير خوش يريد ينزل راسي ابن ساميه (شمر الكرسي الكاعد عليه للكاع ومشى متوجه لدرج لغرفت النوم )
أنت تقرأ
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
