#اناالبكماء
#الكاتبه_دلال
الشيخ : الحمدالله على سلامتك ابو جابر خليك كوي ولاتنهز بسرعه
جلال : الله يسلمك ياخويه بس الي صار عليه مووشويه ابني تعب السنين
يوكعني بمشكله ويبوكني ويشرد شتريد مني اصبر موزين باقي عايش غصه بكلبي بسببه
الشيخ : شسوي بعد حظك هذا ادعيله الله يهدي ويرجع
جلال : الله لايهدي ولا يهني الهل خسيس هذا
الشيخ : لاحول ولاقوة اله بالله .
جلال : حجيلي هسه خابرت الجماعه شكالو
الشيخ : والله ياخويه بلغتهم بالي صار بس محد صدكني يكلولي هاي خطه مسويها حتى اتفلتون من الفصل وانطوني مهله الباجر اذا مارحت انت وجبت مشيه شيوخ الهم وتفصل مراح يعوفك بحالك واني ماريد اقهرك اكثر انت صحتك على كدها بس لازم انطيك.علم ترا
هددو بقاسم
جلال يحجي ويلهث : دخيليك خويه مابقالي بس قاسم شوفلي حل وي ذوله مناعيل الوالدين.كل رحمه ماعدهم
الشيخ : شوف ابو جابر هي وحده من الثنين لو نمشي وننطي فصل لو تتبره من ابنك ونطيهم ورقه تبري منه ساعته مايسون شي
سناء واكفه وره الباب تسنط ركضت لبست حجابه ودخلت : لاااااخويه على بختك صدك تحجي جذب شنو نتبره منه هذا وليدي شلون اتريدنه نتبره منه
قاسم : خوش لعد لاتتبرين وخليهم يكتلوني فدوه البنج
سناء : انت احجي عدل شنو ابنج مو اخوك
قاسم : متبري منه مو اخوي
جلال بصوت تعبان : كافي عاااااد ام قاسم روحي جوه ولاتدخلين اني الي اصرف واقرر مو انتي
الشيخ : خويه ام جابر اسمعي مني ادري انتي والده وكلبج يحن مو بايدج بس صدكيني بس صدكيني هذا انسب حل الكم ...
سناء قاطعت كلامه : شوف بله شيحجي خويه من الاخير شيل هاي السالفه من راسك ابني مانتبره منه لو تنكلب الدنيا وهذا الموجود اتريد اتفرقنه عنه هنوب
الشيخ بعصبيه ومتنرفز من ردها وكف على حيله : على كيفج ياباااا الحجي مو بس الج تحجين وعبالك اني طارد ابنج لو خاطفه عنج
اشو ابنكم باكم ونهزم وبالحالتين مرح تلكو ابغداد نهائي فا اليش ما تسون ورقه تبري وتشوفها للعالم حتى تخلصون من دفع الفصل وانتو اول وتالي شايلين منا عود من يرجع ابنكم لاتخلو يجي هنا هي كله مسأله وقت والسالفه تنسي بعد انتو بكيفكم لو دفعون فصل لو تتبرون يلا خويه ضلت عندك العافيه اودعاناكم
جلال : شيخنا قبل لا تروح اخذني وياك
الشيخ وهو مستغرب : اي دلل بس وين اتروح
أنت تقرأ
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
