#اناالبكماء
#دلال_عبد
طيبه : هييييي (وضربت على صدرها ) وترديني اقبل ابني يزوجت بت شريجتي
بهاء : لعد احسن تروح فلوسنه للغربه المرحو م كلشي مسجل نص بسمها هووزواج مصلحه ازوجها ورجع فلوسنه ويادار مادخلج شر
طيبه : تزوجها بس بشرط
بهاء : موافق قبل لا دكولين شرطج
طيبه : تززجها هنا بهذا البيت اريد اطلع نار كلبي بيها ....
بهاء : هااا الله كريم الله كريم
طيبه : محد كلك الله مو كريم ندري الله كريم
من هسه نتفق اذا ماتجيبها لهنا لاتشوفني خلقتك
والله ثم الله اغضب عليك اليوم الدين
بهاء : شسالفه ماما هاي بعدني ماتزوجتها ولاحجيت
وياها وانتي شتغلت عندج سوالف العمه والجنه
الحجيه : ياطيبه ترا العمر خلصان ومحد ماخذ منه هالدنيا شي
غير اعمالنه ومحد ضامن عمره
على كولت السيد الصافي الموت ماتعرف بيا ساعه يجك وقصتك تخلص بعد وشلون بيك
ماندري بيا ساعه الله ماخذ امانه
فاشيلي من راسج هاي السوالف التعبانه والحقد هذا البكلبج شيلي وفكري بس بأخرتج وانتي مره صايمه امصليه لاتخلين فلوس الدنيا تغريج ترا وداعتج انروح بطرك الجفن مانخذ الف دينار ويانه خلي الطمع الذوله المكاميع (وتأشر على بهاء واميره )
اميره : بيبي احنه ماريدين غير حقنه فلاشمرين حجي علينه بابا الله يرحمه قسمته مو عادله مانصفنه
بهاء : بيبي احلفج بالله ترضيها نتعب وتالي ينقسم تعبنه نصين
الحجيه : شوفو اني من يوم يومي احجي الحك ولا ادافع الهذا ولاالذلك ابوك بدأ حياته المهنيه من الصفر
بهاء : لا ياصفر هذا مو شركه جدي ابو امي هو الي الشتغل بيه ومنا بدأت انطلاقته
الحجيه : ياشركه هاي بله مادكولولي عنه شني لازم انتو ماتدرون جدك المرحوم وخلينه ساكتين لان الميت ماتجوزله غير الرحمه جان عنده وحده ويا بشغل ضحكت عليه وكعدت على حديده بقت بس بالاسم شركه مو تمام يطويبه شو ساكته ليش مادكوليلهم على حقيقه لمن مات المروح مو انتي اجيتني تبجين ودكوليلي ابوي عافنه بطرك الهدوم
طيبيه : هاا اي بس هي تبقى شركت ابوي الله يرحمه
بهاء واميره فاتحين عيونهم ومنصدمين منالي ديسمعو لان طول عمرعم فاهمين انو شركه جدهم هاي ورثته امهم وناصر ازوجها وشتغل بيها ومن خلالها كدر يفتح شريكات خاصه بي
الحجيه : طيبه شركت ابوج بس بالاسم ناصر الي رح وداين وطخ راس لليسوه والمايسوه ورهن بيتي وكعدنه بشقه احنه وياج الحد ما رجع احسن من لاول كل هذا وهو سوده عليه ماغير اسمها ولافديوم حجه وكال اني الاسستها حتى لا تتفشلين كدام ذوله(وتأشر عليهم بالعكازه) الرعنان ومايخجلج بفعال ابوج بس اظاهر انتي نسيتي شنو ناصر وشسوه على مودج امبارك كاتله روحج شلون عرس عليج وهو هذا حقه نسيتي انتي اكبر منه بشكم سنه وماحسسج بالفرق البينكم نكري كولي لاااا
YOU ARE READING
أنا البكماء
ChickLitما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
