أنا البكماء

الحلقه العشره

#اناالبكماء

#الكاتبه دلال عبد

عصام : لاشلون ماكو فرق الشرط شي والطلب شي لخ..

اميره : قطعت كلامه الأوله شرط اخره نور مثل ميكلون واني احب النظام بكلشي 

عصام : والي يكولج شروطج اومرج طلباتج  موافق عليهن شدكولين

اميره : اكول شنو السبب الي يخلي يوافق بدون مايعرف شروطي

عصام وهو  يذكر كلام ابو (العوده بالذكره)

ابو عصام  وهو يدك الباب : عصام بابا كاعد اريد احجي وياك

عصام : اتفضل

ابو عصام : يعني لشوكت تبقى مقاطعنه لو طالع لو حابس نفسك

عصام : يباا عوفني براحتي شتردون مني

ابوعصام : الي اريده منك اطك فوك (ويأشر بيده) لسماا

عصام : يي بلا وشلون اطك

ابو عصام :  بنت ابو بهاء  هي النقله بحياتك بس انت افتح عقلك  ومخمخلي وخلينه انجيك وضعك عدل

عصام : بس بابا اني احب لجين

ابو عصام : اي شكو بيه ازوج هسه ورتب وضعك وبعدين  ازوج الي تحبها وانت مسيطر خو مو انت حافي وتزوجلك حافيه  شلون تعيشون المهم اسمعني يول
اليوم جابولي تقرير كامل عنه بنت ابو بهاء  اسمها اميره اسم على مسما  هم شخصيه وهم جمال والاهم من هذا كوله غنيه ادير  اهم شركه من شركات ابوها وعلى اغلب ابوها ناطيها اله دومها من8 الصبح ل2  اقصى حد يعني حتى مرح يخلص وقتها بالدوام وتهملك يعني كامله والكمال بس الله

عصام : والله مادري بابا فكري مشوش

ابوعصام : شغل مخك وفكر عدل اذا تزوجت بنت ابو بهاء رح تكدر تزوج لجين وانت المسيطر بس فتحلي هذا(هو يضرب بطرف اصابيه براسه )  دماغك المحشش  وانت مرح تندم

_ اني الصرحه حبيتج وقبل لادكوليلي شبسرعه حبيتني اني اجاوبج اني مراقبج وخال عيني عليج من فتره  اكعد انتظرج ب7 طلعين من البيت وانتظرج ب2 ترجعين من شغلج  سألت عليج هواي كوله حمدتلي بخلاقج وشخصيتج القوي هذا الي جذبني الج

اميره وهي مصدومه من كلامه  : بسسس انيي

عصام  خله طرف اصابعه على شفايفها وقاطع كلامها  : بدون بس   فكري بكلامي وخذي قرارج ساعته ارح اكون اسعد انسان لان متأكد من جوابج
(قطع كلامه بطرق الباب)

طيبيه دكيت الباب ودخلت  وهي مبتسمه : عصام الاهل منتظريك

عصام : احم احم  يلا اني استأذن اميره
وانتظر جوابج بأقرب وقت ان شاءالله

اميره وهي مبتسمه والفرحه باينه عليها : اممممم

عصام طلع  وطيبيه متقدمه كدامه تمشي  هو اندر على اميره  غمزلها ويضم شفته  بين اسنانه