#اناالبكماء
#الكاتبه_دلال
اميره خليت السياره بالكراج قريبه من المطعم ونزلت امشي بدون واهس
عصام ركنت السياره ونزلت شفت اميره من بعيد
رحت امشي بسرعه وصلت يمها لزمت ايدها
اميره سحبت ايدها بسرعه : هييي يمه فزانتني
عصام ضحكت : سلامتج عيني اهدي
اميره بستمت هلاو شلونك
عصام : هلاو بيج امورتي شاونج
اميره : الحمدالله بخير(دخل للمطعم سحب كرسي
اتفضلى
اميره : شوكرا
عصام كعدت مقابيله : شنو اتحبين نتغده
اميره : ع ذوقك
عصام : مو خاف ذوقي ميجبج
اميره : لا اني عادي اني مو من النوع الي ارغب الشي واكرهه شي
عصام : همممم يعني باجه وبصل اخضر انزل
امير ضحكت بصوت عالي
عصام ويلتفت على الجهتين : خرب اكفر هسه صوتج فضحتيني
اميره تضحك : مو حقي اضحك يعني هسه مال باجه وبصل
عصام : مو انتي كولتي على ذوقك اني ذوقي باجه
اميره : اممممم اوكي باجه ،باجه
نزال
عصام ضحك : يعني عادي تاكلين مو
اميره : لابس اتفرج وضحكت
عصام : ضحك لاشاقه وياج اني اصلا ماحب الباجه
اميره : اممممم اول عراقي ميحب الباجه
عصام : شلون يعني رح نخلصه بالباجه مناويه تغيرين الموضوع وضحك
اميره كبر هذا شبي هيج فشلني : لا غير هذا ذوقك
عصام : احسن حل ذاك البوفي مفتوح كولمن ياكول لليعجبه
اميره مبتسمه : والله حليت النزاع
عصام : اي اعجبج اني بالنزاعات اول واحد ينزع اقصد احله وضحك
اميره احمر وجها خجل وضحكت
عصام : لاتخجلين ترا عادي كلنه ننزع بالنهايه اقصد نتنازع على اشياء وتاليه تنحل
اميره : يعني شلون لو ننزع لو باجه حتى نسيتني شنو الموضوع الي جايتك عليه
عصام : ضحك اي هاي عود مانزعنه ونسيتي لو....
اميره قطعت كلامه : وتالي اكوم اروح
عصام : لالا خليج حاكعد عاقل والله
وما احجي شي والله بس
هو النزاع شي طبيعي
بس انتي مكبره الموضوع وضحك
اميره : يعني شلون خلاص كايمه اروح (وكفت تاخذ موبايله والسويج على طاوله )
عصام لزم ايدها وهوويضحك : لالا خلاص والله بعد مااحجي بس اكعدي
اميره : هاي اخر مره
عصام لازم نفسه بالكوه ويحاول ميضحك : كابتن
الكرسون : اتفضل استاذ شنو طلاباتكم
عصام : ثنين عصير ليمون شوي حتى العصاب تهدء قبل لغده وضحك
الكرسون : ثواني والعصير يجهز
عصام : اي اموره كوليلي شنو الموضوع الي جنتي رايده تحاجيني بي
اميره : احم احم الحقيقه اني فكرت هواي قبل لااتقدم هاي الخطوه
عصام عدل كعدته : اي وشنو هاي الخطوه
اميره : عصام اتمنى لواتكون صريح وياي ودكولي الحقيقه
عصام بتوتر وكان مصور انو عرفت ابموضوع لجين : اي حقيقه قصدج
اميره : يعني لمن اجيت اتقدمتلي وحجيت وياي وفهمتني انو انت معجب
لا مو بس معجب اتحبني ومراقبني
تمام لو مو تمام
عصام وعرك من التوتر مسح جبينه بالكلنكس : اي تمام شنو عندج شك بكلامي
اميره : الصرحه هو موشك بمعنى الكلمه لكن اني حز ابكلبي تجاهلك الي طول الفتره الي فاتك وهذا الي دفعني اجي وحجي وياك ....
قطعت كلامها بوصول الكرسون
الكرسون قدم العصير
عصام شكرا
اميره شوكرآ
الكرسون : بالخدمه (وراح)
عصام : شوفي اني ماخبي عليج فعلا اني الفتره الي فاتت نفسيتي زفت وحتى بالبيت ماكعد تعرفي اخذ ساعات اضافيه بالشغل بس لحتى .....( وسكت)
اميره : اي كمل لحتى شنوو
عصام يحك براسه هو بالعاده من توتر هاي حركته الي تدل على توتره : احم المهم اني اعترف قصرت بحقج
بس هذا مايدل على انوواني مرايدج
لوشي من هلقبيل
يعني اني لو مارايدج ليش اتقدملج من اساسه
اميره : ماعرف بعد ، طيب اكدر اعرف شنو الي مضوجك لدرجه مأثر بنفسيتك هيج
عصام : لا تهتمي للموضوع مو يمك بس اني اوعدج من اليوم ابذل كل جهدي لحتى اسعدك
واعذريني اذا الفتره الي فاتت
ماسالت ومتواصلت وياج
بس كوتلج ميرت بايام والله صعبه
(قدم ايده لمس كف ايدها) بس ابوجودج يمي
ان شاءالله رح اكدر اتخطى كل الازمات
______________________________________
جلال : شفتي عمايل ابنج والله استحي من للعالم اطلع حاجيني شراح انسوي هسه بهاي المصيبه
سناء كاعده وشاده راسها وتضرب على رجلينه : انت كل الي هامك الناس وابنك عادي يتبهذل وشارد بشوارع
جيهان : يمه انتي ابد مو معقوله بعد كل هذا الي سوه جابر وانتي ادفعيله وخايفه عليه
جلال وندار على جيهان : هو شخرب جابر غير دلال
امك لاتقبل واحد يحاسبه ولا وحد يحجي وياا من صغره هيج
جيهان : ياباااا بلا لاذب الوم بس على امي انتو ثنينكم المذنبين عايفيلكم رجال طول بعرض لادراسه شغل مكضيها بنهار نايم وبلي مخلصه سكران وطالع ومحد بيكم يحجي ويااا استلمو هسه هاي النتائج
سناء : انت خو اول واحد اشمتت بينه من صغرك وانت تغار حاقد على جابر بس لو اعرف كل هالكراهيه البكلبك ليش اخوك واكع بشده وانت جاي اتبيع علينه مثاليات هاي بدال ماتوكف وياا ودافعله
جلال : اي والله لاعاب حلكج انت شو ولاجن هذااخوك حتى مبين عليك فرحان
جيهان واكف جامد ومصدوم بكلامهم الي جان بمثابت نار الي تمشي بالحطب : هه انتو تحجون من كل عقلكم يعني اني اغار وحاقد على اخوي هاي لان حجيت كلمه الحق طلعت اكرهه انعم الله عليكم
مادام هيج صار الحجي
اني من هاي الحظه اشيل ايدي من موضوع جابر
جلال : ديلا عاد هسه انت تقدم اتأخر جاي بس ادردم مثل النسوان
جيهان : خلاص يابااا اني اصلا طلع نقلي بالجامعه الموصل ورح اروح اقسام داخليه يعني حتى البيت تلركه الكم ارتاحو مني اني رجال لا اقدم ولا ااخر عمركم ماسمعتو كلمه مني ولاحتى تتقبلون رائي خليكم ورا جابر دشوفه لوين يوصلكم
سناء : والله خبصتنه جامعتي وجامعتي متعجب بروحك دروح مدكلي هسه احنه شمستفادين منك ومن جامعتك
جيهان عفتهم ورحت للغرفه اجمع ملابسي بعد هذا كلامهم مستحيل اسامحهم ولاابقى يمهم اروح اعيش حياتي واامن مستقبلي ورح اثبتلهم جيهان منو
جلال ويباوع من شباك الهول الي صاير اكباله الكراج وباب الشارع : وينج سناء روحي شوفي منو هاي المره الطبت للبيت لابسه عبايه وبوشيه
سناء طلعت مفزوعه هاي منو دخلت علينه هيج : ها داده سالمين
جابر دخل وطبك الباب وشمر البوشيه : هاي اني يوم والله مشتاقلج (ركض حظنها )
سناء : يايمه بعد روحي هاي شمسوي بروحك والله بالي يمك وين جنت بايت جوعان عطشان
جابر : شسوي يمه مراقبين البيت ماكدر اطب اله هيج
جلال : ها شرفت استاذ جابر
جابر ابتعد عن حظن امه ورح لابو : هايابااا شلونك
جلال دفعه عنه : شلوني من وره مصايبك شلوني يعني ولك اصغير زلمه مشورب شطولك شعرضك تتحرش ابنات العالم وتخلي اليسوه والميسوه يشمت بينه خليته علج بحلوك العالم
جيهان طلع لازم بيده جنطته هه هذا الي مايرضون كلمه عليه جايهم وصاير مره : ها جابر
دنزع العبايه انزع (بنبرة اشمئزاز )
جابر شمر العبايه : وشبيك تحجي معلك وياي لو مكيف لان اني اتهموني بهذا التهام
جيهان : اي صحيح اتهموك
بيمن بله بالتحرش الي كم واحد شاهد على تعرضك للبنيه اكثر من مره
لو تهموك ابطفرت حايط بيتهم
الي تصوير الكامرات المراقبه صادتك واضح همينه
جابر : انجب انت ولاتدخل ياباا والله البنيه صاحبتي واحبها وهي الي كالتلي تعال ذوله اهلها ناس نصابه
يزون بتهم اصادق وتالي يدورن فصول اندر على امه يمه انتي اكثر وحده تعرفيني اني ادور هسوالف مظلوم ياناس ياعالم مظلوم
(كعد بالكاع ومثل انو يبجي يعرف نقطه ضعف اهله )
سناء وندرت على جيهان : ها شفت خو ابعينك هم الي طلعو نصابين ويدزن بتهم على ولد العالم
جيهان هز براسه : اي اي صحيح صحيح
(عافهم وراح وصل الباب الشارع اندر عليهم ) بس اكلكم شغله وحده المظلوم الله ينصره والظالم اله نهايه وهاي حوبت لجين وامها بيكم
جابر : يمه انتي متأكده هذا خوي مامتبدل بالمستشفى ترا ماكو هيج اخو
سناء : ولك هذا هاي المسمومه لجين هي الي اتوز بي (اتحرضه) علينه وغاسله مخه شمسويله احنه وظالميها ياطيح الحظ يلا ولي دخت صعد ظغطي من ورا هذا الحقير
جابر : هدي يمه لا تتخربطين منو يفيدنه اذا صار بيج شي
______________________________________
اميره رجعت للبيت الطريق كلة سارحة وعقلي وكلبي يم عصام نزلت وآني احس روحي طايرة الگاع مسايعتني شعور حلو بداخلي الابتسامة ابوجهي الي يشوفني يگول شبيهة تخبلت تضحك وية روحهة فتحت الباب ودخل بوجهي كبل لدرج داروح للغرفة مسلمت على احد او بالحرى منتبهت على وجود احد
ناصر بصوت عاي : وعليكم السلام بنتي
اميره خاله رجلي على اول بايه من الدرج وسمعت صوت بابا رن اباذني قطعلي سلسله افكاري وكفت بمكاني اندريت عليه : هلو بابا رايد مني شي
طيبيه : تعاي بنتي اكعدي عدنه موضوع وياج
اميره خير ياستار شعدهم بعد وياي مكفاهم رزالت الظهر رحت وكفت مقابيلهم
ناصر كاعد خال رجل على رجل ويدخن : اتفضلي استرحي مراح ناخذ من وقتج هواي
اميره هياني كعدت : اكو كلمه بحقي بعد ناسيها غير انو ماعرف الاصول
طيبيه : ماما احنه مسؤلين عليج يعني ضروري نعرف وين طالعه ويامن تلتقين
اميره اندرات على امها : ضروري اتعرفون اذا جنت مراهقه مو من اني عمري 25 سنه ومخطوبه جاين اسمعوني هذا الكلام الي ابد مو وقته
هذا وقته واني بالمتوسطه او العداديه
(رجعت اندرت بعيونها على ابوها ) موصح بابا لو اني غلطانه .....
لاتنسون صوتولي والله دا اتعب 😭