زهرة

البارت السادس عشر الجزء الثاني

صباح الورد

زهرة
الفصل الثاني
ج16

عاطت بيه اصعدي فوك وابد لا تنزلين ..

الرجال يصير بوجهي ..باوعت عليه وصعدت

ركض طبيت للغرفه..

وسديت الباب  ..
بسدتي مريم رفعت راسها شبيج زهرة ..

كتلها ..لا مابيه بس نزلت اشرب مي ..

وشفت عالم جوة وخالة رزلتني ..

كامت من فراشها وليش نزلتي احنه مو كلنا محد ينزل ..

كتلها وانا شمدريني اكو خطار ..

كالت ديلا تعاي نامي ..

اي هسة جايه ..

خليت راسي ع الفراش ..

بقيت افكر منو هذولي وشجابهم هنا ..

رفعت راسي مريم يعني ذولي كرايبكم ..

رفعت الغطى من راسها
كالت زهرة نامي...هسة ..

تحركت مرام ..

كالت شكو شبيكم تحجون ..

جاوبتها مريم ..ماكو شي ..

كالت لعد سكتو ونامو ..

ردت انام مكدرت ..ابد ..

بقيت اتكلب ..

كمت من فراشي ..
طار النوم من عيوني ..والمنظر الي شفته ..

انطبع ابالي شديسون .

خالتي .ونسوان وزلم كاعدين ع ميز جبير ..

زين هذا الميز مشايفته اني ..؟

بيت خالتي مو هوايه جبير .بس مرتب ..

اول ماندخل اله طرمه صغيرة ..واكو باب حديد ..

انطب مطبخ ..بعدها ..حولي جبير ..

خالتي خاله بي تخم وتليفزيون ..مثل الهول مسويته .

ومن جهه استقبال صغير .
والجهه الثانيه غرفه خالتي ..

وفوك غرفه البنات ومخزن ..وبس ..

رغم صغرة بس جان كله دفو وامان لنفسي ..

من كمت من الفراش ..

وكفت يم البباب اريد افتحها وأخاف..
صار عندي فضول اريد اعرف منو ذولي ..

سمعت مرام ..

امني سدسوين كل شويه كايمه وكاعدة ..

شبيج ..

ها لا مابيه شي ..

كامت وتربعت ع الفراش ..

مرام تشبهه امها هوايه هم بيضة وعيونها صفرة ..وشعرها طويل ..

اما مريم ملامحها جانت انزك من مرام بس سمرة وشعرها اسود ...

كالت نامي لا تخبلينا مثل الجهال كل شوية ورايحة لباب ..

إسألي خالتج باجر ذولي منو ؟

كامت مريم ...وتالي منام من وراج زهرة .

لا عيني جيت انام ..جيت ..

ضلت تحجي مرام ..ع خالتي ..

راح تبدي حفلاتها ..لا نطب ولا نطلع بليل ..

لا حمام نفوت ولا نزقنب مي ..

اختها تكولها اسكتي ..

واني مثل الاطرش بزفه ..

كالت اسكت اسكت .هو هذا بس الي محصلي من هذا البيت .

ام مخرفه وسكوت ..

.مريم ضاجت ..وكامت من الفراش ..

هاي شبيج ..مرام ..وتباوع عليه ..

كالت ديلا عساس منو هي ..وهيج نرجف منها اصاله نصري

ودارت جسمها ..وغطت راسها ..

بيومها متحركت من فراشي ابد ..حتى خفت انكلب ..

ومدري شكثر مر وكت .

سمعت صوت حذاء بلممر .قريب علينا ..

غمضت عيوني حيل ..

وراها سمعت الباب انفتحت دقايق ورجعت انسدت ..

من سدة عيوني ..نمت ننمت بخوف ..

خوف داهم قلبي من جديد ..

ماعرف شنو سببه ..

كمت ثاني يوم ..

جنت اخاف اكوم من وكت اضل بالفراش ..

اتكلب ..ومرات افكر باهلي الي عافوني وبعد مجوي ابد ..

مثل الي نسوني ..وارحع واكول لا ..يخافون عليه ..

من يوم الي نضربت عيوني ماصحت ابد..

بين فترة وفترة ..ينزل مثل غيمه سودة عليها ..
واضل افتح واسد بيها مدري شكثر ..

يلا اكدر اعاين بعد ..

وخاصه من اكعد  من نومي تبقة ضلمه دقايق وبعدها تروح ويصفى كل شي ..

شفتهم اتاخرو لا البنات كامو ولا خالتي ..

طكت روحي وكمت ..

تسحبت ع كيف ونزلت ..جوة..بهدوء ..

واعاين منا ومنا ..

نزلت جان كل شي مرتب ولا عبالك اكو احد هنا البارحه

طبيت للمطبخ وفتحت الباب البرة حتى يتغير هوى البيت

لان جانت بي ريحه مطيبة ..

بقيت كاعدة ..وسويت ريوك ..للكل ..

هناك وكعدو بس البنات ونزلو

كالو اليوم عطله ..جمعه ..

ونتاخر بيها ..

حتى خالتي تاخرت بنومها ..

جنت اداري البنات حيل ..

احضر الهم الاكل ومن يكملون اشيله واغسل المواعين ..

واضل وياهم ..

في سبيل لا يطلعوني من دائرتهم دائرة الامان ..

رغم كلام مرام ويايه الي جنت احسة يجرح حيل ..

بس مجبورة اسكت لان اعرف ..

اذا احجي وين اروح ارجع لاهلي

حتى ماعرف طريق وارجع الهم بي

لو اتهجول بشارع..

بيومها للظهر يلا كعدت خالتي ..

وكعدت ..من نومها جانت ضايجة

وتحجج ع البنات بتحضير او هدومكم وصخة ليش مو بالغساله ..

وتحجي عليهم ..

اني سويت الغدة وكملت كل شي

لان من هي ماكو علمتني وين ..مكان االاكل والجدورة وغيرها ..

بيت خالتي صا.ر الي وطن وطن صغير ..

حماني من هوايه اشياء ..

لهذا جنت من كل خاطري اتعب واسوي واشتغل

وابتسم حتى لو يحجون عليه ..

بعد مدة صبيت الغدة ..

ونزلو الكل وكعدنا ع الميز ناكل ..

بالبدايه جتت الكه صعوبه باكلي وياهم ..

حنت لكمه بحلكي والباقي اباع عليهم شلون ياكلون واسوي مثل مايسون ..

حتى لا اتعرض للانتقاد اكثر ..

واكوم من ا لا كل جوعانه ..بس،المهم ..

اتعلم .شي ..

كعدنا ناكل ..

خالتي كالت ..فدوة حبيتي زهرة مو مثلي مخلفه 2لا نفع ولا دفع هيج كلاص مي ميجيبون الي ..

مراك رفعت راسها ع امها وكملت اكل ..
اما

مريم كالت ماما غير ملتهين بدراسة ..

شويه وكالت اليوم يجي ..غسان هنا ..

مريم .عاينت ع امها وابتسمت الها

مرام ..ذبت الخاشوكه وكالت ليش مو وله شرجعة الافندي ..

خالتي ..مرام احترمي نفسج ..لا اهينج

اني اباوع منا ومنا ..

كالت ..اني محترمه نفسي وعمري والله ..

شفت خالتي تغير وجهها
ومريم ادغ باختها ..

كامت .كالت الحياه هنا لا تطاق اتمنى اخلص منج ..

واروح وبعد مارجع ..
بس تعرفين ماعدنا احد ومجبورين نبقى يمج ..

انتي هم ام ..

خالتي انجبي ..وشمرت عليها الخاشوكه

اسكتي لا اكسر راسج ..

كامت مريم من الاكل وتحاول تهدي بينهم
اني بقيت ساكته واباوع عليهم ..
وانصدمت بكلامهم ..

عزة بعيني هاي لو عدها امي جان شسوت ياربي ..

مثل الي سرحت ..بحالي..

وفزيت ع صوت ..

مرام تعيط وتصيح ع امها ..
الله ياخدج ..ونخلص منج ..

كتلها لا تحجين ع امج هيج ..مرام

جاوبتني بكل عصبيه وبعياط

وانتي منو ومين اجيتينا شكلج ووضعج جنج ذولي الطالعين من الشماعيه المخابيل..
بهذا شعرها المزين ..

لا اراديا لزمت راسي وحسيت بنقص جبير ..

وكانما فرغ البيت والمكان وبس اني بي ..

وحدي ..
رجعت كالت 

والله يالله بس بقيتي انتي عليه ..

كامت ..خالتي ..عليها ..
وجرتها من هدومها ..انتي متحتارمين ..
احد ..والله ادزج يم عماتج ..
ترة ..

كالت الها

اكرهج اكرهج ..

وعافتنا وراحت ..

جان شي غريب عليه ..والي اذاني كلامها ..

عدلت ربطي زين وغطيت كل راسي ..

كامت خالتي من الاكل وكامت مريم ..

وبديت الم الاكل وارجعه لان محد اكل ..

سامعه بشماعيه الي بيها مخابيل..

يعني اني مخبله .بسبب شعري اكيد هيج ابين
غوركت عيوني ..بس دنجت ..
وكمت الم بالمواعين
واواسي نفسي ..
خالتي جت يمي اخذت باكيت الجكاير ..
كمت احجي حتى لا احد يحس عليه ..
كلت ليش ماكلتو ..
مو سويت برياني خاله معجبكم ..

اجت ..وخلت راسها ع جتفي ..

زهرة ..
دنجت والم بالاكل وارجعه بالجدر ..

كالت الطريق طويل ومتعب حيل ..

والحياه اتعب اكثر ..
حبيبتي لا زعلين من هاي بنتي متعرف تحجي واني دللتها زايد ..
ونسيت اربيها الظاهر ..
زهرة الي مرينا بي اني وانتي الظاهر السبب
انحرمنا من كل شي ..
وعوضته باطفالي باسراف ..

كالت كملي شغلج ..وسوي عشا وصعدو فوك
اليوم رجلي يجي ..

اني صفنت كتلها مو مات
كالت لا ..
وكعدت كبالي..

ازوجت وراه ..

والي شفتي البارحه هيج سهرة حبايب

وماريد تنزلون ابد
لان متعرفين شنو من بشر هم ..

كالت اروح احضر روحي ..
وراحت  

حسيت شي انجرح بيه .جبير ..

جنت ابجي ..واشتغل ..وكوة لازمة نفسي

ع الي الصار وضل فكري يودي ويجيب
منهو هذا غسان وليش من سمعت بي مرام ..
هيج تنكدت ..وكامت تعيط وتصيح ع امها ..
وهناك الزم شعري ..واحس غصة بروحي ..

اكيد اكو شي ..

بيومها ماكعدت ..لزمت فرفوري المطبخ
كله جلفته ..وحتى الكاونتر

نزلت الغراض وكلهم غسلتهم

كملت وصفطتهم ع السنك ..

ونزلت مريم يمي ..

سالتها هذا منو ..
كالت رجل امي ..

وليش مرام تكرهه ..

كالت هي هيج مو مثلي اني ..

هي تتعارك ..ومراضيه بوضعيه امي

كتلها بس امكم ممقصرة وياكم

كالت صح ..بس حالنا من حالج انحس بنقص
زهرة ..امي .صاحبه سهر ..
كتلها شلون يعني ..
كال ت الي شفتيهم البارحه
اصدقاء بجون يشربون واقمار وسهر ..
مدافتهم ..

كالت ..سالفه شرب وخمر..
ضلت تشرح الي الا ان افتهمت ..

هنا حسيت اني طلعت من دائرة الامان
ورجعت بمكان الخوف ..
ضلت يمي وتسولف

وعرفت مرام تحب واحد صار سنين ..

واهله ميرضون بيها بسبب امها ..

وهو باقي وياها وهي هم.

وكالت من صغرنا جنه نشوف هيج

بس اغلب الايام تقفل علينا الباب
الا ان تخلص السهرة ..

وهوايه جنت اشوف امي تبجي ع واقعها الي انفرض عليها من ابويه .صح فلوس والكل تحب امي والكل يخدمنا
بس يبقى بقعه سودة ..بحياتنه وحياتها .

زهرة خليج بعيدة ..عنهم

سويت العشا من وكت ..لان خالتي. رادت

وبقيت افكر ..بحياه خالتي ..

سامعه بهيج عالم هواية حتى منير مرة حجالي عنهم ..

ردت ارجع لبيتنا شيريد يصير يصير
وماتحمل اعيش هنا ..

متخيلت هالناس الي تجي هيج ..

اللتهيت بالعشا ..
وخالتي رايحه جاية عليه ..

مخلت شي ماسوته ..

شوت دجاج بالفرن ..وسوت اكلات عجيبه غريبه ..

تسميها مقبلات اشكال ..
وكلينا كبب ..وعروك ..

جانت فرحانه عبالك عدها عيد ..
وخالتي سبحت وبدلت وسوت شعرها يخبل مي ..
جانت لابسه بلوزة زيتوني وبنطرون لازك ع جسمها اسود وبي سير من جوة
وشاحطه سفنج تخبل ..
تمشي كدامي وعيوني عليها ..
وتضحك وتسولف ولا عبالك صار شي ..ومرام تعا كت وياها
وكل شويه تبوس بمريم .

سرحت بروحي ..

من صغري احب الشعر الطويل السرح

جنت دائما الزم المشط الخشب وامشط بي وابلله ..

وارجع امشط بي ..حتى يصير سرح

وهسة راح شعري كله ..

وعيوني راحن
واهلي راحو ..

مضل شي بيه حتى روحي راحت ..
كملت

وكعدت بالكاع عدلت ..ربطتي ..

اندكت الباب ..

طلعت امشي ..منو ..
محد جاوب ..

منو ..

كال اني ..

منو انت ..

غسان ..

غسان منو ..

امشي صيحي امج ..

امي مهناه ..تريد خالتي ..

طلعت خالتي ورايه ..

شكو ..

كتلها واحد يريد امي ..

ولج يا امج هاي ..

روحي طبي وفتحت الباب

كمت امشي واتلفت ..

طب واحد طول بعرض وشعرة اكرع ..

اول ماطب ..كالت هلاو حبي ..
وطبو اثنينهم ..

اني كمت ارجع بغراض الكاونتر ..

طب كال منو هاي خدامه ..

كالت ولك لا بنت اختي زوزة ..

هااا..شلونج بابا ..

دنجت .هلا عمو ..

كال نهولة ميت جوع ..هاي جيتي ..
تعب الطريق ..

اسبح وحضري الاكل ..

طبت مريم سلمت عليه ..

وهو هم سلم عليها وضل يسالها شلونج

وبدراستج ..

وخالتي يمي .تكولي شيلي وحطي ورتبي ..

مر اليوم هيج

وحتى ع العشا ..هم وحد

واحنا وحد اكلنا ..

بس مرام ما اكلت شي وجانت تخابر بالتيفون

وتبجي ..
وتحجي بصوت ناصي ..محد يسمعه ..

اريد اعرف ليش ويا امها هيج

مكدرت اسال ولا اجرئت ..

بعد الكلام الي سمعته منها ..ومن الرجال كال خدامه ..
طبيت سبحت ..نزعت الربطه وهدومي ..

حسيت بنقص جبير بروحي ..

اعاين ملامحي ..

عيوني صفرة ..حواجبي ..مرفوعات حلوة

خشمي صغير ..وشفتي .حلوة .

حتى وجهي دائري ..

لزمت راسي ..شعري مز عدل نص طويل ونص مثل الولد
اخذت حسرة ..شوكت يطلع

شنو الي بيه غير عنهم
شنو الي ناقصني ..

اتلمست جسمي مثلهم اني ماكو فرق بينا ..

سبحت وطلعت ..

وكعدت يم مريم كتلها مريم اريد اصير مثلج

شلون يعني ..

البس مثلكم ..

وادرس وكل شي اصير ..

كالت زهرة ..مدام اجه غسان هسة يدخلج

مدارس عندة معارف بكل مكان ..

واذا ع مثلنا فانتي احلى مني وتشبهين امي هوايه ..

بس نزعي الربطه ...

وهسة انطيج بجايم مني تلبسيهم ..

وتترتبين ..
وطلعين احلى منه ..

كتلها الربطه ما انزعها ..
واذا ع خاي البجايم البسها ..

والله عندي ثوابة تموت ..كلهم حفر وطاوس وبلك

بس عفتهم وطلعت ..

لو جايبتهم انطيج منهم ..

منير جابهم الي ..

كالت منير منو

ابن عمي ورجلي ..

انصدمت انتي مزوجه ..

اي وطلكت ..

جذابه ..
وليش وشلون ومنو وبعدج صغيرة ..

كتلها ماعرف ..بعد ..

راح هو والحمدلله خلصت منه ..

ليش متحبي جنتي ..

سكتت..

كتلها لا ماحبه ..

كالت حبيتي بيوم ..وهناك شنو حياتكم اتمنى اعيشها ..

كلت بكلبي شتعيشين يم صبريه لو غنيه ..

انتو هنا بنعيم ..
عايشين ..

وحجيت الها ع حياتنا شلونها ..هناك ..

وطلعت الي هدوم مثل مال منير ..

هيج بجامه وردي ..وبيهن سحابه من النص

كتلها لا عيني وين ثوابتي هناك ترد الروح وين هالخرك

الي متنلبس مدري شلون تلبسوهت ..

بعد كلام طويل لبستها ..

بس احس روحي مكمطه بيها ..

طبت علينا مرام ..

شافتنا هيج ..وجاي ترتب بيه ..
وبهدومي ..

وكفت فوك راسي ..
وجرت ربطتي مني ..

حسيت السما وكعت عليه ..
واسمع صوت ضحكها العالي ..

وتقلد عليه ..
كمت اركض وراها اريد اخذ منها ربطتي ..

شلت هدوم ولفيت راسي بي ..

وكمت ابجي بصوت عالي ..

اريد اهلي رجعوني يم اهلي واعيط ..

صعدت خالتي ..

شكو شبيج. .

حجت الها مريم ع تصرف مرام ..

رزلتها وكامت تحجي عليها وتكولها بس غسان يروح حسابي وياج عسير اصبريلي ..

جرتني ..كتلها خاله ف وة

رجعيني لاهلي ماريد ابقى هنا

اريد ارجع لاهلي

فدوة لعينج لو دزين عليهم لو توديني ..

كالت كافي زهرة بس ..

امج قبل لا تطلع كالت بقيها يمح ..

لحد ما الله يفرجها ..

هم تعاونج بلبيت وتخدمكم ..

انتهى كل الكلام ومات كل احساس بيه ..

ماتت روحي ويا ..

عرفت اني وحدي ..

ولازم ابقى وحدي ..

بس اريد اعرف شبيها الدنيا وياي وتعصرني عصر ودوس عليه حيل ..

اريد اعرف شنو ذنبي بحياه قذرة ..وقاسية ..

شنو ذنبي وشنو الي جينيته حتى هيج يصير
وياي بيومها عيوني مضاكت  قطرة نوم ..

بيومها تمنيت الموت ..
بيومها سالت نفسي الف سؤال شنو اني اختلف عنهم ..

بشنو ..شنو الي بالعالم مو بيه

فلوس ..فهم ..

شنو ااي بيه ..

شنو ..
شناقصني اريد احد يجاوبني ..

شكد ضليت يمهم اخدم واخدم ..

حتى ملابسهم وجواريباتهم اجلفها بايدي

حتى احذيتهم انظفها وارجيها الهم ..

البيت الطبخ كله عليه

في سبيل شنو ..

سبيل اتعامل انسانه ولو يوم واحد ..

ماعرف ادعي ع امي
لو ع ابويه
لو منير ..

بيمن السبب والصوج ..

بمنو..

كضيت لليالي بدمعه والم

الكل خذلني حتى منير ..رغم كرهي اله ..

بس وينه حتى هو اختفى ..

كمت ثاني يوم

توجهت لخالتي مباشرتا ..

كتلها اني اريد اتغير..

ماريد ابقى نفسي الكل نهش بيه ..

الكل داس عليه طلعيني من الي اني بي

طلعيني لو اطلع ..

كالت الثمن غالي ..

كتلها مو اغلى من الي خسرته وراح مني ..

روحي ماتت ..

اريد اعيش ..متت محد يحس بيه ..

دارت الدنيا دولابها بيه ..

اريد يوم الي يصير مو بس عليه ..

مرت الايام ..وبدة داخلي يقوة واحتاج الي يسندني بس ..

بهاي الايام ..

كمت البس من مريم ..

وكمت اهتم بروحي ..

صح اشتغل لان مجبورةحتى اعيش واكل واشرب..وانام ..

وكامت تعلمني ع الجلسات الي تصير ..

جان عالم جديد وغريب حييل ..
عليه ..

بس لازم اعيش ..

واثبت نفسي منو اني ..

جلسات السمر ..والكيف ..

الي سمعته منها يجون ناس كبار ..

وجيوبهم مليانه ..

زهرة بوكتنا هذا ..عندك فلوس تسوى ..

ماعندك ..تنداس ..

كالت الي اريدة منج شي ..
واحد ضحكه وسالفه بس ..

اختلاط ماكو غيرها ماكو لو مهما يكون الشخص
ترفضين ..
هم يجون كم ساعه ويرحون ..

نتحمل كلامهم وشقاهم ..وسوالفهم

ومرات عصبيتهم زهرة
اريدج .تتحملين ..

اني شوداني هالدرب الاعوج غير العازة واهلي

بس زهرة ..اني مزوجه غسان وغسان جان منهم

صح زواجنا سر ومحد يعرف بي لان مزوج وعندة بيت وجهال

بس اسمي مزوجه وعندي رجال ..
وفاتح الي هذا البيت ..وساد كل شي ..

وكامت تحجي ..سالفه السهرات ..

كالت رجلي من زمان يلعب قمار ..
وجان يجيبهم يمي ..

بالبدايه جنت ابجي وانهار .ويعرف ماعندي اهل اعتمد عليهم جنت اطلع افتر بشارع وارجع برجلي لا همة بناته ولا همه اني . ماعندي احد اروح اله انجبر واسوي الي يريدة

الدنيا داست عليه قبلج ..واذتني حيل ..

خايفه عليج من قساوتها

اني جبيرة ..

بس انتي طفله وترفه ..

بسرعه تنكسرين ..

جنت مصره اعيش ..الي بي هي ..

كلما احضر روحي اريد انزل

متقبل تكول الحجي موجود ..

منو هذا ماعرف

بس جانت تمنع النزله من هو موجود

بهاي الفترة غسان يروح ويرجع بين فترة وفترة

ورغم كلامي ع اهلي ..

بس جنت ويا كل دكه باب ..اكول امي لو ابويه لو منير

واطلع اركض

ايام طويله

انتظرتهم وانتظرت ..يجون

رغم الي صار ..بس جنت اريدهم..

حتى منير ..كمت اريدة ..

اريدة يجي ياخذني

جان اكو تناقض بحياتي شي يدفعني
اصير مثل خالتي

وشي يردعني ..

ويكول اصبري ..

الا ان اجه اليوم الي كالت حضري نفسج ..

بي ..اليوم تنزلين ويايه ..

بيومها اخذتني خالتي من الصبح للصالون

حفولي وجهي ورتبوني ..

واشترت الي باروكه شعر ..

شكد حلوة ..

لونها اسود والشعر سرح زبد ..

يخبل

واشترت كم حاجه ورجعنا البيت ..

منعت اختلط بناتها بعد ..

وفرغت الي المغزن وخلت الي بي دولاب وجربايه انام بي ..

ماعرفت السبب ..وكلت علمود ..مرام لا تضوجني بعد ..

اخذتني لغرفتها وابستني ثوب
عدل وطويل ماروني ..

بس لطش ع الجسم ..شلون راح اطلع بيها
انداريت عليها ماعدج روب البسه عليها .
كفختتي زهرة كاافي ياروب
اذا تبقين هيج رجعي لغرفتج
كتلها لا فدوة ..
وكعدت

وخلت اليه الباروكه والمكياج ..

فوك عيوني كحل مجرور واسود طول ارموشي

وحمرا حمرة ..كتلها فدوة حطي لمع لمع احبه

وابستني شحاطه بيضه ..كعبها بسمار بس مو عالي ..هواي

طلعت جني عر وس

واذكرت البدله البيضة ..
اوف كون البسها هسة وانزل بيها ..

شحلاتني بيها وله البركع ياربي

كالت تكعدين وبس ياهو الي يضحك وربح توكفين يمه ..

صبين كاس ..اله تورثين جكارته

تنطي مي ..

والي معصب معليج بي..

جنت فرحانه حيل مثل الي اليوم عرسه ..

ومتحضر ..

ماعرف سبب فرحتي بس شي جديد

واريدة ..مثل الجاهل ويريد ملعوبه ..

بلا فهم ولا عقل يريدها ..

نزلت ونزلت وياها ..

ميز جبير منصوب ..

وعليه كلاصات ..وابطاله الوان ..

وكرزات وجبس ..وخيار ولبن ..

اشكال حاطين ..

كعدت شويه ..

وبدت العالم تجي

طبو اثنين زلم ..لابسين بناطير ..وقمصان .

اول ماطبو سالو عليه ..

كالت بنت اختي ..

جان كلبي يرف بخوف ..مو طبيعي ..

ودخلو وراهم رجال ويا 2نسوان ..

وكعدو ع المير يسولفون ويشاقون بيناتهم ..

وبدت خالتي توزع الورق

واني بس اعاين ياهو الي يضحك اوكف بصفه

وتخنزر عليه ارجعي

ويكولون الها عوفيها ..مبين اول مرة متعرف

وياهو الي اوكف يمه ينطيني فلوس

الا ان صارت صفطه شكبرها ..

وبدو ..يتعاركون ساعه ..ويضحكون ساعه ..

زالدخان ترس الغرفه ترس ..

كامت تغوش عيوني منه ..

وريحه مو طيبه ترست الهول ترس ..

تكتل كتل ..

هناك وعاط واحد ببهم ..وكام ..

وطلع وطلعت وراه خالتي تراضي بي ..

واجه الثاني مدري شبي وحد بيدي فلوس
كال وجهج حلو عليه

وكرص خدي ..

خالتي شافتة كالت اله ..
عيني ابو امجد ..ايدك متنمدمرة ثانيه

تريد اكوغير بيوت هذا اختصاصها ..

وجرت مني فلوسه وانطتها اله ..
اخذ فلوسك عيني احنا مو هيج ..

وضل يتعذر منها ..

وزاد فوكاهم لخالتي ..

وضلت تسولف وتضحك ويا /

خلصت الليله واني كل شي ممسويه

وبس اضحك الهم واصب شربت  ومي ..

وحصلت بيهن كومه فلوس ..

وبراها بيومين هم اجوي ..وهم نفس الشي وتنطوني فلوس ..

المهن يم خالتي ..
ورة مدة جابت الي محبس زاركون يخبل ..

كالت هذا تعبج ..زهرة ..

ياربي شنو هالشغل الي كومه فلوس بضحك

وليش بناتها ميشتغلن ..مابي شي ..

بدلي مكيجي ..وصبي وضحكي .

مو احسن من التعب ..

هناك واحن ..لبيتنا وابويه ..

ولخواني وخواتي ..
واتحسر الهم ع كل شي ..

واذكر شلون جننت اطلع ملهوفه واجفص بالطيانه من اشوف فارس

لو بنص الليل من اطلع لمنير ..
زين ليس من اذكر منير احس غصه بروحي
واحس ..مشتاقه اله..

ليش من اشوف احد بكصته اذكرة
واتخايله هو ..

واتخيل كلامه ويايه ..
هناك واوعي نفسي ..ع الي سواه بيه
وينه هو لليوم ماكو ..
لا اجة ولا سال ..

مو جان يكول احبج ..
وينه ..
....
صارت حياتي 

الليل كله سهرانه ونهار نايمه ..

ومن يجي الحجي ..مانزل ..

واتنمى اطب ع بنات اسولف وياهن

بس لا خالتي تقبل ولا هم ..

حتى مريم كامت من تشوفني متسلم عليه
ومن اسالها ع شي مجاوبني ..

مرن ايام طويله ..شعري طول ..وكمت مالبس باروكه وانزل
هوايه جانو يصيحون الي وجهه الخير

كمت احس نفسي بشر ..

كمت احس بنفسي من احد يتغزل بيه وبعيوني وجمالي.

صح بيه خوفه منهم ..بس اني امراه ..
اني ..
انسانه يحبوني وينطوني فلوس ..

ويجيبون الي نساتل وكيك ..

و من يوم الي نزلت ويا خالتي ..

كام واحد يدز ع الثاني ..

حتى يجون علمودي ..

مرات خالتي تضوج من تشوفهم هيج وياي

ومرات تطرد منهم وترزلهم ..
ومتقبل احد يحجي ويايه ..

وبدت تخنكني اكثر ..

من غسان موجود ماطلع من غرفتي

ومن فلان موجود مانزل ..

واسلوبها وياي بدة يتغير ..

بس ترجع ودز عليه ..

فديوم ..اندكت بابنا من الغبشة ..

واسمع خالتي تصيحني زهرة تعاي ..

نزلت كوة فاتحة عيوني ..

طبيت شفت امي كاعدة

ضليت اباوع عليها ..

بس متوقعت استقبالي الها بارد حيل

بوستها وكعدت يمها ..

كالت شلونج مكموعه ..هاي شصايرة ولج سمنانه وتباوع ع لبسي وايدي

كتلها زينه....

يمه ابوي شلونه ..

كالت شبي ..مابي شي ..

وتقربت عليه ..جوعانه ماصبيتو غدة ..

كمت احضر الها اكل ..

ابويه شلونه ..

كالت زين بس ماله خلك ..صار عندة ضغط

ويكربع حبوب تكولين ..مصقول

ومن يتخربط نخلي جوة لسانه حبايه ..

شنو هاي يمه..

كالت لا تخافين عليه ماعدة شغل وعمل بس يسب بيه اصلا هجيت من وراه ..

ليش شصار ..

وخليت كدامها الاكل وخالتي تسولف واني

كالت اخوج جاه ولد

واختج حبلى ..

كتلها يسالون عليه لو لا ..
كالت دعوفينا منهم ..شنو هالمحبس ..ولج
زوجتي ..مينلج .يامعزايه ..

كتلها لا ..

يمه شو محد اجاني بعد ..لا انتي ولا ابويه

ليش نسيتوني وعفتوني هنا

..كالت

احسن الج هنا ..

والي يسال عنج كلنا ازوجت ..

المن كلتي
كالت للجيران والكرابه ..

زين يمه ومنير ..

كالت ..شبيهم ..راحو للولايه ..

وزاوج ومرته حبلى ..

وللحكايه بقية
شهرزاد

اعتذر عن التاخير 😞