زهرة

البارت السادس الجزء الثاني

مسائكم عافية 💜
زهرة
الفصل الثاني
ج 6
سوزان المندلاوي

فتحت عيوني ..
دنيا بعدها لليل ..
ماذكر نمتت لو لا

بس اذكر غمضت عيني ..

كمت من فراشي جسمي يون عليه ون ..

غسلت ..
وكعدت ..ع الدرج ..

اخذت ..نفس قوي..

اعاين للسما غيم مدلهمه ..

سمعت صوت رجلين تخط ..

وصوت المغسله انفتح ..
مديت راسي ..
هذا ابوي
كام من نومه ..

كمت كتله يابه اسويلك ريوك ..
كال هاي شمكعدج من وكت ..

كتله كعدت بعد ..

غسل ونشف وجهه وايدة ..
كال تعاي بابا زهرة ..

تعاي ..
مشيت وراه ..
وطب المطبخ

من جهه خالين جودليه صغيرة كعد عليها ..
كال بويه ..اليوم عرسج ..
وهاي حياتج راح تتغير يابه
وان شاء الله بيت عمج ميقصرون وياج
واني امنت عمج عليج وان ساء الله ميقصر ..

خليت الجاي ع النار ..
وطلعت كاسه الخاثر ..
وحضرت البيضات ..

زهرة يابه ..
اريدج تسامحيني ..
درت وجهي ..ليش يابه اسامحك ..

سامحيني بويه صح لا قاري ولا كاتب ..
انا بس افتهم ..واعرف ..
قصرت وياكم هوااي ..

وجنت بعيد عليكم ..سنين وماعرف شيجره هنا ..
وامج..الي شفته منها موخوش
حسيت شيلتني هموم مو هم واحد
حتى جنان اهمال منها ..احسة ..

لوما العشر مابقيها ..

ارجعها لاهلها واصلا شايل هم من ازوجج ..
وترحين خواتج منو الهم ..

يابه لا تكول هيج فدوة مقصرت ويانا ابد

هذا حالك ..وع كدك ..المهم انت وصحتك بالدنيا ..

كال المهم اريدج ترفعين راسي يم بيت عمج
ويكولون ونعم من التربيه والادب .

تدلل يابه ..اريد اكوله يابه ماريد ازوج منير واسكت ..

بويه ..عندج ملابس وغراض مو انا انطيت لامج
وكتلها جهزيها ..
صفنت عليه ..
كتله اي عندي ..

كال خوش ..بويه حضري الاكل
حتى الطلع للبيت اشوف العمال وين وصلو ..

بين مديحجي ..
كركعت الدنيا ..
شويه ..
وذبت مطر ..
بيتنا هذا ..الحوش مالته كله نكر ..
وتراب ..وطين الحوش يصير بس خيسة .. بحيث من تمطر ..البيت يفيض ..
الا نفتح المنهوله ..يلا تسحب ..
المي ..
ابوي كال ع هالحطه ..العالم متكدر تفوت ..
لبيتنا ..
موخوش ..

كال سهله بالكي يوكف المطر ..

دعيت بالكلبي عساه ميوكف . وذب حالوب
وفشخ غنيه وتصير عورة ..
وجهال القريه تركض وراها غنيه العورة ..