زهرة

البارت ٢٨ ج ٢

صباح العافية

زهرة
ج 28

الفصل الثاني ..

بعد ماطلعو امل ونعمان ..قلبي كمشني وانخرط..

من سمعت طكه الباب ..وقفلها علينا نعمان ..
بسرعه فتحت الشباك ..وصحت نعمان
اندارو عليه ..
نعمان لا تقفلها من يمك افتحها .
كل شي يصير ع الاقل اكدر افتحها .
نعمان اندار امل .بربج هذا مو وكت روحتنا
وماكو شي يمهم صدكي ..

امل .نعمان تروح لو لا اذا متروح اني اروح وحدي ..
رجع ع الباب ..فتح القفل ..وكلي ..

زهرة عينج ع الجهال ..ولا تخليهم يتعاركون .
واخاف نجي الفجر ..خلي بالج يم الباب ..

كتله الله وياكم ..سلملنا ..

ومشو ..كدامي الا ان طلعو من الباب الرئيسي

درت وجهي ع الجهال جانو يلعبون ..

كالو جوعانين ..
رحت فتحت المجمدة ..باقي خبزتين وحتى صاير عليها عفن ..لان ماكو كهرباء
شميتها ؤيحتها مال بايته
بس مابيها شي وكفت ع السنك بالسجينه حكيت الخربان ..
ورحت طكيت الهم بيض واكلو  ..

والايام هاي لا افران ولا مخبز ولا محل مفتح
وله اني مشايفه ولا اعرف شي ..

وشنو الي يصير برة بس حسب كلام نعمان الوضع يخوف ..

وبدت تسقط محافظات ويكولون الامريكان طبو للعراق ويفترون بدباباتهم ..

بس لليوم بغداد مقاومه رغم القصف الي علينا صار ..

.....
هم زين اكو كونيه طحين ..

جيلت منها ..ع كد. .اليوم بس ..

لان اذا يبقى يخرب ..

ولازم اخبز بالفرن عجنت وكملت وذبيت غدة ع النار اللحم والدجاج والكبب للي سوينها

كلها ذبيناها برة ..بس طفت للكهرباء خربت ..

حتى يومين احنا مطلعين المجمدة برة من الريحة الي،صارت ..

كومه اكل ضميت حتى بيتنجان مال تبسي مجمدة وباميا وسبيناغ كله تلف،

وذبينا حملنا ع بقوليات ..

العدس،والحمص والفاصوليا ..

وموجود البصل البتيته ..

بس هذا الموجود عدنا .

عكسنا هناك ..يبقى المخضر موجود واللحم هك ..
بالقرية ما نتأثر مثل هنا ..
والاغلب جيب من مزارعها .
....

اختمر العجين وبديت اسوي بي بالتبسي مال فرن ..اسوي والجهال تاخذ وتاكل .

مابقو منه غير كم كرصه خبز ...

عطت بيهم ..ولكم كافي ..لا تخلصو اهلكم جاين الفجر ع الاقل يتريكون شي بي حظ ..

من بقيت وحدي ..ضجت حيل ..