#زهرة
ج 3
حسيته يضربني
زهرة ...زهرة ...
داحس بكلامه بس ماكدر ارد
احسة يخض جسمي
ولج زهيرة كومي
وذبني بلكاع ..
وعيت وبقيت ماكدر احرك جسمي ابدا
اخاف لا يكرر الي سواه بيه
اسمعه
يكول ولك جمال هاي ماتت ولك شنسوي
هذاك يكوله لا لا هسة تكوم ..
لا تخاف ابد ..
ولك شسويت الها ..شراح يخلصني ليش اذيتها متفقنا هيج
ضلو يحجون واني نايمه بلكاع واكفين باب البيتونه
مابية اكوم وانهزم اخاف ..
كال جمال اذا ماتت نكتر فوكاها سكراب ونعوفها هنا
ومن كلها تنام نجرها ونذبها بشط محد يدري ..
هنا اني
بديت احس بالم فضيع ونااار ..داخل جسمي
شي ماكدر اوصفه اني ومغمضه احس دموعي بحرارة تنزل
راح يحركوني ..ويذبوني بنكرة مثل جنه
فتحت عيوني ..
واكفين يدخنون برة ..ويحجون ..
صوتهم بعيد ..
تحركت ..
ثواني واجاني منير
زهرة زهرة ..
فتحت عيوني
بخوف ماعرف ..راح اموت لو لا ..
كال خرب بيومج خرعتينه شبيج ..
جمال جرني ..حييل
ولج اسمعي نفس ماسمع وان كلتي لاحد
اذبحج واذبج بلكصب ..
هيج اكص لحمج وصله وصله
منير كله اسكت
زهرة ..بعد ماسوي شي الج
بس لا تحجين لاحد ابد
تكدرين تكومين ..
كومني وكفني ..
اي اكدر بس كوة اتحرك ..
نزلو هدومي ونكتوها ..
اني بس ابجي ..
احساس غريب جان وياذي ..الروح اكثر من الجسد
بس اهز براسي اي اي ..
تحجين ولج
لا
تنسين الي صار
اي اي،..
كمت انتجيت ع الحايط
وكمت امشي شويه
جمال صاح هاي مراح تسكت خلي نذبحها ..
انداريت عليه ..
منير احب ايدك ماحجي لا ذبحوني اخاف من النكرة
ابوس راسك ماحجي والله ابد ابد ..
ماكدر اركض .كوة امشي
منير كال روحي بس والله اذا سمعتج حاجيه
ماكمل شراح يجرة الج
تجيت الدرج ونزلت ..كوة بطني جسمي
كله بي بركان الم فضييع
مداتحمله ..
نزلت وعبرت المجاز ..
وطبيت بلغرفه ..
سمعت هاي شبيج زهرة
مرت عمي ..
وكعت عمه وكعت ..
بين سوالف النسوان وصريخهم ..
تكترت ع مندر وتلفلفت بعباه ونمت .. يوم يومين
ثلاثه ماكمت من الفراش حسيت تمرضت مرض الموت ما ماكدر اسوي شي ولا احجي
وبدت العالم تخف وتروح
وامي اجت يمي تبجي ..
وتنحب وحدة ماتت والثانبه تمرضت
هنا عرفت مرضي ومرض جنه واحد ..
بس داخلي ميرضى يستسلم ماريد اموت ..
جنت انام واكوم حد حمام وارجع ..
ابويه جابلي كبسول ..واشرب كوة ..
ويشربوني
وامي تبجي ع جنان ..
فديوم
بليل اسمع امي تكوله لابويه
البنيه راح ضيع منه وديها لبغداد ..
يكولها مينلي ودكاترة بغداد لغف فلوس
شلون يارجال ماكدر افارك بزر بعد ..
جاوبها بعصبيه ..
درت وجهي عليهم واباوع
كلها من جنه سبحت يامرة متعرفين طبين
شوفين لاله ذب نفط ..
انتي موتيها ..
ضربت صدرها ولك اني موتتها ..
وانا شمعرفني ..
ضلوا واحد يذب الوم ع الثاني
لحد ماسكتو ..
وكلمن نام بصوب ..
مجنت اريد اكوم ولا اريد اواجه بشر ولا واحد
يمكن اذا تفوت من يمي نمله افز
وكل الليل اكضي واتخيل السوة بيه ..
وابجي ..
بقى الالم بيه بس بمرور الايام بدة يخف،
وابويه رجع لدوامه ..
صح امي بهاي الفترة تروح وتجي عليه ..
والحزن مطول هواي لان البيت يروش جهال
بس بقت اداري بيه
وتحاجيني ..
ونسوان عمي تحجي اشكال
هاي تكول ع فكد اختها تمرضت هاي تكول خرعه
وكل واحد شكل ..
والي جابت مي شربوني مقري عليه
ضليت مدة طويله بلفراش ..
ومن اسمع كومي سبحي احس مو ادخل حمام ادخل جهنم
صريخي يوصل لسابع جار ..
وماقبل اسبج
تضطر امي جيب طشت وسبحني بطن الغرفه ..جبر
اكو اشياء بداخلي انزرعت مجنت اكدر افسرها
كرهت السبح والنظافه ..
كرهت ..جسمي
كرهت ..اللعب كله ..
اكو انتفاضه غضب داخلي ماعرف اعبرها
ولا اعرف ابرمجها ..
ورة ماسبحتني امي ..
وبدلت وكعدت ..
طبت مرت عمي ام منير ..
ها شلونها زهرة اليوم
امي والله ام منير ع حطه ايدج ..
لا تاكل ولا تلعب ولا شي
كاضيتها بلفراش ورجف
ام جاسب ..دام غسلتيها راح اخذها للمضمد وع حسابي
اني بنصهم بس اباوع ع امي وعليها ..
امي غطت وجهها وتبجي ..
اي ياخيه حقج موتته جنه لا ع بال ولا ع الخاطر
الله يعينج يايمه ..
يلا زهرة كومي اوديج
لا ماروح
امي كالت كومي زهرة لا تموتوني بحسرتي عليكم
كومي روحي شوف حالج شنو
..
بعد كلام طويل
كمت ..
لبست شحاطتي ..
وام منير لفت عباتها وطلعنه
لازمتني .
مشينا دربنا ..كله ..
ومشينا وي المشروع للاخر الدرب ..
اعرف بنهايه الشارع تجي سيارات ..
بس ماخذتني لنهايه الشارع ..
كالت تعاي نفوت من هلبستان ونطلع
كبل ع الدكتور
امشي وراها اني
طبينا البستان ..
بعدنا معابرين كم خطوة
وكفت ..
وعتتني من هدومي سمعي ولج بنت صبريه ام الكمل
كل شي عرفت ..
والله يازهرة والي خلقج
اني بس عيوني انفتحت ..عليها ..
اذا سمعتج حجيتي ولا نطقتي بحرف ع ابني وابن اخوي
ماتلومين الا روحج
وجرت ايدي كرصتني حييل
اخخخخخ عمه ..
وعمه بعينج عمه كاعدة تغوين الولد وتقشمريهم
اي اعرف هلدروب اني
ولج امج جبناها من الزريبه جانت تنام وي البقر وسوينه براسها خير كل كمله براسها بكد راسج
وتجين انتي بت ام الوصخ تريدين
تسوين بلبله اذبحج والله
لا ماسوي والله ساكته ..
وتعاي اكولج ..نزل عليج دم لو لا
عمه والله مدافتهم واباوع يمنى يسرى
اريد احد يخلصني منها
احجي ولج جاوبني
شنو عمة
طلع منج دم من سووا وياج
والله ما اعرف عمة والله
ضربتني قوي على راسي
متعرفين بت ام الزريبة ولج اسمعني زهرة والي سماج زهرة اذا سمعت حاجية كلمة وحدة اذبحج بيدي واخلي اهلي يدفنوج بصف اختج
افرك براسي وابجي واكلها
اي اي والله عمة ما احجي
جرتني حيل وتعت بيه احجي شنو سووا وياج
ما اعرف عمة اسئلي منير انة نمت من الوجع
لتجيبن طاري منير على لسانج متربي احسن تربية مو مثلج امج ام الكمل عافتكم مسربتين انتي واخوتج
بس حقها هي تعرف بس للخرفان والبقر متعرف تربي بشر
بقيت ابجي واسمعها
كالت كافي بعد لتبجين واسمعني زين
اني ما أذيج بعد ولا اضربج
ويا زهرة بس تشبين شوية يعني تكبرين اخذج لمنير
لان عرفت ميأذج هو ولا جمال
الزمي لنسانج عدل وما اعوفج اني هم عندي بنات وما ارضى بالظلم
صح انتي وصخة وبت ام الكمل بس اني اعلمج واتكفل بيج
بس مثل ما وصيتج دتسمعني
اي عمة والله افتهمت
يلا امشي ..وحدتجن مفتحه بتيزاب ومسويه روحها غشيمه براسي ..
طلعنه من البستان بس ابجي ..
كافي اسكتي ..
مسحت دموعي ..
ومشيت وياها ..
راحت للسوك .
وكامت تسوك واني اشيل
رغم كل الم بيه بس طبه السوك والفساتين واللعابات
هيج تعيشني بغير عالم ..
جنت من اصعد فوك يمهم بيت عمي
واباوع وي نغم بنت عمي كارتون .وسندرلا وتوم وجيري اتخيل روحي مثلهم ..واتمنى هوايه اشياء
كملت مسواك
وطبت للصيدلية
مدري شكالت لابو الصيدليه
انطاها شيشه دوة ..
وطلعنه ..
اخذت الي كعك ..ومصقول الي بطنه فستق عبيد
شفتي شلون احبج
بعد ماوصيج
زين
اي عمه ..
وغمه لا تكولين عمه ..
شكول لعد ..
سكتت ومشيت وراها
