زهرة

البارت ٢٧ ج ٢

صباحكم عنبر

زهرة

الفصل الثاني .

ج 27

ورجع ..
يم دموع ..وكف فوك راسها ..باسها من كصتها ..

وطلع

طلعته جانت غريبه ..قلقتني ..

قفلت الباب وراه ..

ورحت شفت من البردة مال مطبخ ..

بيت نعمان ضاوي لو لا..

شفتهم نايمين ..

الاضويه مطفيه ..

رديت رجعت ..

للغرفه ..

حطيت راسي ع المخدة اذكرت الجنطه الي
انطاها الي الي الحجي ..

بس جان كابس ع عيني النوم ..
غمضت عيوني وغفيت ..

ماحسيت الا الفجر طالع ..
كمت غسلت ..وذبيت الجاي ع النار ..
هناك واذكرت طلعه الحجي الغريبة ..
طفيت النار ورحت .للغرفه ..

جريت الجنطه فتحتها ..شفت اربع ضبات فلوس ..هواي بيهن ..

واكو اوراق ..هم ..جريت اول ورقه هذا عقد زواج محكمه ..بديت اقرا بي ..

الزواج ..زهرة فلان .ونعمان ..
كمت ارمش بعيوني حيل ..

جريت الاوراق الثانيه هذا بيان ولادة ..

باسم دموع نعمان ..

وهويه وجنسيه ..هم ..

اخذتها وطلعت ....بسرعه جنت امشي ..

وفتحت الباب ..

وطلعت ..لبيت نعمان ..

كمت ادك الباب سريع ..
طلع الي نعمان ..

راويته الاوراق كتله هاي شنو ..
كولي هاي،شنو اني زوجتك ودموع باسمك ..
وراه اجتي امل ..والنوم بعيونها ..

شبيج زهرة شصاير اندار عليها نعمان..
كلها ..ماكو شي وسد باب المطبخ وطلع يمي ..

لا مستحيل شنو ماكو شي ..
فتحت الباب امل ..
امل / شكو اريد افتهم  وانت ليش سديت الباب .وشنو هاي الاوراق الي بايدك

نعمان / ماكو شي

كتلها لا اكو واكو شوفي الاوراق ..
جرتها من ايدة ..

ضلت تقلب بيهم هاي شنو نعمان ..
وضربت صدرها حيل انت مزوج زهرة ..
وتباوع عليه هاي شنو احجي

اباوع ع نعمان وجهه اصفر وامل وجهها احمر دم يريد يطك ..جر امل من اديها وطبيت وياه ..

امل/ سويت الي،كلك عليه خلي يفيدك الحجي مابقى هنا ولا دقيقه ميت وتعبت من حياتي هنا الحجي بكل شي يتحكم بينا حتى بهاي ..
ومشت شويه وردت رجعت ..

امل/اخذي وشبعي بي ..

كتلها شبيج ام رند ..اني الي مصدومه من الي صار مو انتي ..عاطت بيه طلعي برة ..
خربتي حياتنا هسة ارتاحيتي وله اخذي وشبعي بي الف عافيه عليج ..