زهرة

البارت الخامس عشر الجزء الثاني

(من منكم بلا خطيئة فليرمها بالحجر )

مساء الجوري

زهرة
ج 15
الفصل الثاني

الدرب اظلم من روحي

عتم عليها الليل بلايا صبح ..

جنها غابت روحي بيومها ..
ومات بيها كل شي ..

قبل لا نطلع باب البرة ..

وكفت ..كتلهم ماروح يابه فدوة لا تذبحني

وحگ الله منير ..جيب القران واحلف عليه منير ..

يمه مو بعينج ذاك اليوم شفتي هو ..

ابويه وكف ..

كال زهرة ..اخوج ناوي ع شر وعندج 3بعد اذا التمو عليج دفنوج ..امشي ..مابيدي غير حل امشي ..

طب عليه كال الدنيا لليل هسة
باجر اخذها بروجه العالم واذبحها

تدرين هالكاع شكد حوت نسوان ..
تدرين لو لا

ولج كلبي ديتفطر ..
من الي سويتي

بس ماكدر اسلمج للموت بايدي
ماكدر بويه

شفت ابوي الدمعه بعينه ..تلمع ..

كتله هسة

وين ماخذيني ماااروح ..خلي يذبحني ولا تبجي ..

امي كالت امشي ..ولج ناوي يموتج لا تخافين ..

امشي ..

يابه دخيل جدك اسمعني انتظر منير
وين تودوني ودنيا لليل فدوة

اني ضناكم ..مو يمه متكتلوني مو يابه ..

امشي ..

وجرتني امي ..

جنت امشي بخوف ورعب ..

عشتها سنيني بخوف ..يكتل الروح

من شكد فاركني الفرح
وعم عليه الحزن والخوف

ولشوكت ابقى ..بلا حياه ..

جسد وبلا روح ..

ابويه يمشي ..واني وامي وراه

كالت شحجي شكول اني ..

كعد ابوج من نومه شاف الباب مفتوحه

طب علينا جاي يسال شافج ماكو دورج بلبيت
ماكو كعدني وراها كعد وليد وصارت

ولج اخ زهرة ..

شحجي شكولن ..للعالم بنتي خزتنا

ولج هذا منير لو غيرة ..

عيوني ماشوف بيهن زين لزمت عباتها وامشي

امشي واون وابجي ..وابوي كدامي

لابس دشداشه وسترة .وذاب عكاله ع راسه وسبحه بايدة

اريد اوصل حدة ماكدر ..