زهرة

البارت الرابع الجزء الاول

#طفوله مشوهه

#زهرة
ج 4
سوزان المندلاوي،
شنو ياعروس وياعريس ..انتي شجاي تحجين

وصاح على اسيل امشي طبي جوة
منو يلعب وياج عروس وعريس
هاي اللعبه ..
شتحجين انتي راح اتخبل
بديت احس بي عصب ..
كمت اخاف وصلت للباب السركي عالي
اريد الوحه حتى افتحها وارووح
زهرة حاجيني ..
عطت وخرررررررر مني
يومه يومه ..
لا تخافين زهرة
افتح الباب وادك برجلي ولج يوومه
فتحها ..
بس اصبري ..والله ماسوي شي الج
كمت ابجي طلعت برة بيتهم
مسحت وجهي كتله
ماحبها ومالعبها ..ابد وماريد لعابة
ولا ملاعيب ولا مرجوحه ماااريد
وانهزمت اركض ..وابجي
قبل لا اوصل بابنه وكعت ..وانجبحت ع رجلي ووجهي
ضليت ماكمت
مادري شنو الي صار بيه
بس عقلي بدة يحس ويفكر
اكو شي مو صح
بس ماعرف ابرمجه
ولا احد برمجه الي
كمت نفضت هدومي اجه من بعيد اخويه ..
وشايل سله جبيرة ع راسه
كمت يمه رحت نفضت هدومي
هااا زهيرة وين موليه ..
جنت اللعب ..
يلا فوتي شلون سمجات صدت ..
نزل البقجه ..اشوفها كلها سمج من هذا الصغار
يخبل ..
فتت ويا ..
طلعنا من المجاز وعبرنه لبيتنا ..
نسمع جدي ..
اااااااخ ..بوويه اشتروني ..خلصوني
وكفنا ..
خضير شبي جدو ..
كال طبه مرض ..عساه بزايد ..
وكفت ليش ..تحجي علية ..
كال انسان قذر هذا ..امشي زهرة ..
جان صريخه يرج الكاع
ماعرف ليش ماجبرو
مرة عدنا مطي نكسرت رجله جبروهاجدي مجبرو
ظهرهه ابد ..
وبقواالليل كله يتلوى
وبين مرة ومرة يجيبون المضمد
يجي يجكه ابر ويرروح
وبقوا عمامي ..
يدارو النسوان تودي اله اكل ..
مرات يدفر الاكل من الام ..
بس جان صوتة يرعب بلصراخ ..
ومعرفت خضير ليش يكرهه جدي هيج ..
طبينا للبيت ..
وامي جانت تغسل هدوم ..
وصلت يمها .
جريت هدومها
يمه يمه ..
تنزل راسها وترد تشر
يمه ..
هااا
اريد اروح مدرسه ..
اكو بلوكة بلحوش كعدت ..عليها ..
كالت منين زهرة اوديج مدرسه ..
لا جنسيه سويت الج ولا شي
اول مرة امي تسمعني وتحجي ..
كتلها سوي جنسيه ..
كالت اي اسوي
زين يمه شكثر عمري ..
كالت انتي ورة جنه جيتي ..
يعني شكد ..
كالت هيجي بيج عشرة اهدعش،..
طلعت اصابيعي ..
اعرف كل اصبع 5
كعدت احسب 5وهاي الايد 5
يعني هلكد ..
نزلت ايدي ..
وبعد واحد وياهن ..
فرحت وضحكت يمه تعرفين تحسبين ..
كالت اي شعبالج اعرف لل50 والله ..
الله شكد حلو
كامت تشر ..
وارجع امد ايدي ..
واسال روحي شكد عمرج زهرة ..وامد ايدي  10وبعد واحد ..
عبالك سويت انجاز عظيم حتى كلبي كام يدك سرريع ..
من الفرح
يمه اريد صدريه وطاك ابيض ..وشريط
اييي
وحذاء وجواريب
اييي
وجنطه واقلام ودفاتر
ايي
عاطت بيه
روحي ع اختج شوفيها ليش تصرخ
اوصل للغرفه وارحع
يوومه
ها ولج ..
واريد الوان حمرة وخضرة ..
ضحكت ..مكرودات يايمه ع امكم ..مالكم حظ
ميخاللف ..
عود من شيب ابوي اجيب ..
صفنت عليها ..
عاطت بيه رووحي ..
ركضت رحت ..
جنت مرات ..اكعد بفي التيغة ..الظهرية ..
احس بيه غلط يختلف عن الباقي ..
اكو خلل بروحي ..
مداعرفه شنو ..
صار سنين ..وانه ..عايشة بهالصراع بيوم شفت
جدي ..لليوم شكثر مرن مادري ..
اضل هيج كاعدة ..
واصفن وي روحي ..
من طبيت بيت المختار لليوم وانه الوب ع الورقه والقلم
والصدريه الزركه ..
ويوميه اطلع جنطي واحسب شكثر عندي
فلوس
نص دينار
دينار
5؛10 ..ووارجع احسبهن ..
اريد اروح لو ملاعيب عمو غالب لو اروح مدرسة ..
حلميين بس تحقيقهم اصعب ممايكون ..
صعب ..
ابوي يروح ويجي علينا
واني بالفترة هاي ورة سالفه بيت المختار
همدت بلبيت وكعدت ..
لان صارت شتا ..والشارع ينترس طين ..
ومالتي الجزمه ..تملخت ومحد شرالي وحدة
وامي كامت ذب عليه شغل البيت
اغسل الحوش وانضف الحصر ..
واشطف المواعيين ..
وكل هالوكت مر عليه وماشفت منير بيوم
ولا جمال ..
والي عرفته منير ماخذي للعسكريه
وجانت امه ../غنية / ..تركض للوحدة مالته ..
وتودي اكل وشرب ..
اسمع الوادم تححي ...عن الجيش والعسكر والوحدة
هنا اني بديت اشب اكثر ..
ولحد مايوم ..
تفاجئت ..بهدومي دم ..
وفراشي ..
كمت من نومي الطم ع وجهي خفت لا تشوفه عمه غنيه
ام منير وتسوي عزة
لان دائما تسال ع الدم
اخذت الفراش وارجف وطبيت ..
للحمام ..وغسلته وذبيت هدومي وغسلتهن
وابجي حييل ..مجاي اعرف شجرة بروحي ..
بس اون ياربي وياربي ..
راح يذبوني يم الطنطل يمه ربي
واتلفت بلحمام
طلعت ركض وشريتهن
وطبيت ..يم امي بلمطبخ ارجف
شبيج زهرة
باردة ..
كومي ..شيلي اختج ..داخبز
اي يمه ..
شلتها ..وضليت خايفه ..
هناك عاطت بيه ولج زهرة شعامله ع روحج
وغاسلة فراشج
بعيرة صرتي زماله ..
سكتت ..
وكمت .هم شفت دم ..
هنا اني رعب عشت مدافهم شبيه ..
راح يحركوني ويذبحوني ..
رحت مثل المخبله ذبيت هدومي ..
وغسلتهن ..وبلا وعي لفيت هدوم ولبستها ..ومفهمت هالدم شنو ومكلت شي خفت