#اناالبكماء
#الكاتبه_دلال
ناصر : اكول حبي بنتج ياصف تدرس لا
ليليان : هااااا اصدك نسيت اسألها بس مبين لا
لان لاشفتها فاتحه كتاب ولا تديس
ناصر : ليش خطيه باجر شوفيها حتى اذا اله واهس انرجعها للمدرسه
ليليان : ناصر تعرف بنتي جرعت الامر بسبب زوجت
ابو مشغلتها خدمه بالبيوت وتخلينا تنام بالبيتونه
امانه ناصر اذا صار بيه شي لجين لاتعوفها نزلت
ناصر : اشششش
لزم ايدها وكام اخذها للغرفه كعدت هي على طرف الجربايه وهو واكف كقابيلها
_ اني كم مره منبهه عليج هذا الكلام ماريد اسمعه انتي ليش مصره اتأذيني
ليليان وكفت كباله تقربتله حصرت وجهه
بين كفينها وعينها بعيونه وهي مبتسمه : ناصر حبيبي انت تعرف وضعي اكثر مني لاتتأمل على فاضي واني تدري بيه ماعندي سند بالدنيا من بعد ربي غيرك اريد...
ناصر نزل اديها وبتعد عنه وحجه بعصبيه : يعني وتالي وياج انتي مابيج شي ورح اتعيشين وبنتج الي دتوصيني عليه انتي رح اشوفين احفادها بس شويه خلي عندج امل
ليليان : اووووووووووكيييييي هسه صار عندي امل بس كافي لاتعصب ماحب اشوفك هيج متعوده عليك وانت حنون ورمانسي
ناصر اخذ نفس وزفره : وشنو اوكي صار دضحكين عليه طفل اني كدامج حتى اتقشمريني
ليليان : اهوووو وتالي وياك ناصر ترا اني كلبي
ديوجعني رجآ لازودها عليه
ناصر بنفذ صبر اخذ نفس وغمض عيونه : استغفرالله
شوفي اني ماحب اشوفج ضعيفه اني متعود عليج ليليان القويه الي الموت يخاف منها تجرعتي صعوبات كومه بحياتج لاتخلين هاي النتكاسه اتأثر بنفسيتج كلنه معرضين للمرض بس رحمة الله موجوده والطب اطور بهاي سفرتي سألت على دكتور وصفولي واحد كلش ممتاز وحجزلتج يمه بس يرجع من سفرته انسافر ومنرجع اله وانتي اصحى واقوه مني
ليليان مبتسمه وتباوعله كلامه جان مثل ابر المسكن خفه كل لم البداخله وتحوله نظرة اليأس الى نظره امل : ناصر يعني مرح اموت ..
ناصر : عمرج طويل ان شاءالله
هاي اخر مره اسمعج تحجين بالموت مفهووووم
ليليان : احبك
ناصر : ضحك تردين اسكتيني مو
ليليان : اااااحببببببببك
ناصر اتقرب منه حاوط خصرها بأيدي وجرها له صار جسده متلاصق بجسدها : واني اموت بيج
ليليان : ماعرف اني من دونك شنو ممكن يصير بيه
تعرف بكلمه منك تقلب احوالي وتهز كياني
ناصر : ضحك يعني بس كيانج اهتز
دفعها على الجرباية ووو.........
______________________________________
(صباح يوم جديد)
اميره : صباح الخير
الحجيه : صباح العافيه
طيبيه : صباح الورد
اميره ضحكت سحبت الكرسي وكعدت لحتى تتريك : هاي شنو اليوم عافيه ورد لازم اكو شي احجولي شعدكم
الحجيه : لاقابل شعدنه غير بنيته الوحيده وفرحانين بيها
اميره : وشنو اليوم ذكرتو اني الوحيد ماما صبيلي حليب من يمج
الحجيه : الغسل حتى غسل انتي موجهه واحد يهتم بيج
طيبيه وهي دصب حليب ضحكت : ها هسه ارتاحيتي
اميره : اهاااا هسه هاي بيبي الي اعرفه قبل شوي عبالي بيج شي كلت خاف هاي المره اتريد اتموت وحجت وياي هيج لحتى اسويله ثواب وضحكت
الحجيه : شوف بله المكموعه شلون تحجي ولج انتي طالبتني بطلابه دومج مفاوله عليه بالموت تريد بس تخلص مني مادري انه شمسويتله بايكه حلالها مدري كاتله امهاااا
ولج امها متحجين وياها لوانتي هم اتكفين اموت
طيبيه وهي تضحك قدمتلها كلاص الحليب : اميره تأدبي واحجي وي بيبتج عدل
اميره تضحك : تحمليني سبيجه هي كم شهر ورح اتخلصين مني
الحجيه وتحجي من وره خشمها : شني وافقت هذا الولد
اميره : اي
بس بشرفج بيبي مو عبالج رح كلج يدفنوج وتخلصين مني وضحكت
الحجيه سحبت العكازه يمها خالتهة وكامت من مكانها : خايبه انتي لو ماكوملج وبالعكازه على راسج ماصيرين ادميه ابقي بمكانج اليوم اطيح حظج
اميره خلت كلاص الحليب على طاوله اخذت السويج وطلعت تركض : ماما ديربالج على بيبي لا يصعد ضغطها وتموت
طيبه كاعده اتراقب خربانه ضحك : رجعي عمه اكعدي طلعت بعد ماتلحكين عليها
الحجيه رجعت المكانها : دبسج لاضحكين انه اليوم الا اكول الناصر لان هاي بنته صايره كلش ماتحترمني
طيبيه : لاعمه لاتحجين هيج تره والله اميره
تحبج
بس هاي سوله بيه السانه ماتلزمه
الحجيه : ام عطوب خترجع وانه اعلمها والله اذا ماكسرت هاي العكازه على راسها ماكون انه سبيجه
بهاء : يافتح ياعليم يارزاق ياكريم خير بيبي شبيج من صبح صوتج عالي ودردمين
طيبيه : كل من وره السان اختك كم مره اكله لاتشاقين وي بيبتج وهي ماتلزم السانه
الحجيه : اطويبه لادفعيلها هي ماتشاقه وصدك تريدني اموت اتعلميني بيها هاي ام عطوب المعصعصه
بهاء ضحك وتقرب باس راسها : من عمري على عمرج حجيه انتي شمعه البيت ياربي عمرج طويل وحتى اطول من عمر اميره
الحجيه : يامن كون رحتلك فدوه هذا على ابو طالع حنين ويحبني بس ذيج تنهدت مادري عليمن طالعه
طيبيه : شنو قصدج طالعه عليه وماتريدج مو
الحجيه : هسه اني كلت شي فتحت حلكي كلت طالعه عليج ليش تاخذين على روحج
طيبيه : ااااااي ابد ماكلتي بس اعرفج اني تبسمرين
وتقصديني تعلميني بيج
بهاء : اكوم اروح احسن الكعده يمكم تنقص العمر
طيبيه : عجبج هسه رح الولد بدون ريوك
الحجيه : هاي كله من وره بنتج ام عطوب علكتها وراحت
______________________________________
عصام : صباح الخير
ام عصام : هلا بالعريس صباح النور
ابو عصام طلع من الحمام الخاولي على راسه جر كرسي وكعد :صباح النور عصومي
عصام : شو اليوم ماما نشاط كاعده من الصبح ومنظفه البيت ومسويه ريوك (غمزلها ) وبابا سابح شنووالموضع
ابو عصام : احم احم شريد منك اليوم تاخذ باقه ورد وتروح لبنت ابو بهاء روحلها لشركه اريد كون تغسل مخها
عصام ضحك شوف شلون غير الموضوع
ام عصام بخجل : ماما عوف الضحك واسمع كلام ابوك
عصام : يعني ضروري اروح هم مو كالو اليوم بليل يرجعولنه خبر بعد عليمن رايح
ابو عصام : يول اني لشوكت ابقى اعلم ولك بابا ذن البنات يموت على هالحركاتو ورد ماورد
دروح مثل ماكتلك وبكم كلمه حلوه وهمسه وغمزه اتخليها ابجيبك
احسان كعد من النوم سمع الحديث الي دار : انت معلم وحنه منك نتعلم نسكت وانت موجود مااا نرضا نتكم
ام عصام : هاي من صباحيه الله نكعد انغني هاي بدلماتقرء دعاء الصباح دعاء الايام
ابو عصام : اي هذا فالح بس بركص والاغاني
اعصام : هسه احجولي بالجارجر شوكت توصلني وخلي ابالكم اذا اتراجعتو اني هم اتراجع
ام عصام : انت دروح اليوم مثل ماكلك ابوك اخذ و وحجي وي البنيه جيب الموافقه
و اني العصر اسحبلك فلوس الجارجر
عصام : وين اكو واحد يبيع ورد طبيعي لو عادي اصطناعي
ابو عصام : اكو واحد مفتح جديد.بشارع **** قريب من صيرفه الامل
احسان : بخت جارجر وعروس ورد طبيعي لعد اني اشبي حظي وين نايم حظي
ام عصام : انت بس خليك ورانه وشوف شنو ظاميك ضمه محترمه بس كون اخوك يصير بي خير ويعدي الموضوع
عصام : لاتاخفي عليه وداعتج اغركها بالعسل اااموتها بالحب وضحك
ابو عصام : ضحك كدها وكدود ابو الحب
______________________________________
سناء : منووووو
الطرف الثاني :اني داده ام ايمن فتحي الباب
سناء هاي اشجابها من الصبح (فتحت الباب)
اهلا وسهلا تفضلي عيني فوتي جوه
ام ايمن : لا والله مستعجله اريد اروح عندي شغل
سناء : هاا برحتج امري
ام ايمن : اني اجيت اسألج على لجين شو ماكو متنجيني هالايام وهنوب ادك عليج ماتردين
سناء بتسامه مصتنعه : هاا والله مادري وين التلفون
ام ايمن : هسه اني شعليه بتلفونج بس كليلي لجين وين ليش ماتجي
سناء : هاا والله راحت لامها وبعد متجي هالناكرى المعروف.
ام ايمن : هاااا لعد مادام هيج ماتجي رجعي فلوسي اني ناطبتج فلوس تعبها وهسه رجعي
سناء : يااا على بختج داده من وين اجيبن اني وداعتج وانتي مامحلفتني هي اخذت الفلوس ونهزمت لامها
ام ايمن بعصبيه : هاي سوالفج ماتعبريها عليه عبريها على خيري اني الفلوس انطيهن بايدج والتفاق وياج
بعد شعليه بيها تروح تجي تاخذ تنطي احنه على اتفاقنه استلمتي فلوس شهر لكدام لو تخدمين انتي لو ترجعين افلوسي هسه
سناء : عسى الله لايوفقج يا لجين لاانتي ولاامج هسه اني منين اجيبلها وهذا جابر خاله على حالي حال
ام ايمن : والله عاد هاي مشكلتج يلا تستعجلي جيبي الفلوس خليني اروح
سناء دخلت جوه لحتى اجيبله فلوس ماكدرت تقنعها وتغلس عليهن
_ عسى بحظج وبختج ياليليان اجتني مثل فردت ابليس هسه صارت بتها عزيزه هسه لو مكمله شهريه الوادم
جيهان : خير يوم شو تحجن وي روحج خير صاير شي
سناء : منين يجي الخير واني كل ساع وحده تريد
لو فلوسها لو لجين تشتغللهم
جيهان : رجعيلهم فلوسهم وفضت خلصت
سناء : اي يالذكي حليتها واني منين ارجع فلوسها
اذا جابر وراي وراي يبقى عندي فلس عانه
جيهان : هاا هسه كلتي جابر وراي وراي قبل ماتقبلين عليه وبس احجي واكول ليش تعب المسكيه يشرب بي انتي وياة تفضحوني وصيحن الحنين والحنين
هسه خلي يفيدج جابر
______________________________________
السكرتيره: استاذه اميره ولد منتظرج بره واصر داخله عليج كوتله مشغوله مقبل
اميره : وشنو هو بكيفها شنو مقبل ومنوو هذا
عصام : هذا وحد مختل عقليلا وضحك
اسف لدخولي بدون موعد
اميره اندرت على السكرتيره نهى اتفضلي وسدي الباب
السكرتيره : ان شاءالله طلعت وسدا الباب
عصام قدمله بوكي الورد : اتفضلي اتمنى يعجبج ...
يتبع