☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎
الــــبـــارت " الـــخــامـــس "
خلص دوام و رجعت للبيت تعبانه من كل النواحي جسديا و عقليا و نفسيا من الاجواء الشافته عقلي و تفكيري تلخبط صار عندي شعور غريب خوف من مجهول ..
هيام : الله يساعدج يما
ام هيام : هلا هلا يوم اكعدي ارتاحي .. اشلونه الدوام
هيام : ماشي حال اخذنا محاضرات اوليه والله كريم
ام هيام : الله كريم ماخاف ع بنتي سباعيه
نور : ولج هيووووم تعاااالي "تسحبها للغرفه" ها سولفي شصار..؟ شفتي ولد..؟ حبيبتي مو ..؟ 😉اكيد اكو واحد حلو 😁 هنيالج
هيام : هيي هييي اوكفي ادري رايحه ادور ولد لو ادرس
نور : عصفورين بحجر ههههه بربج دحجي شلونها الكليه
هيام : لا يا مخبله .. ولج نور شنو كليه! شنو ناس!! خبال بخبال
نور : صدوووك شبيهم
هيام : ناس طاكه تكولين دا اداوم بالخارج مشايفه هيج بحياتي شاكولج شاحجي .. مادري اشلون صمدت يوم اني و هدومي ووو مادري مادري حسيت كلها تباوع عليا بنظره شفقه
نور : و ليش عيني اصلا اشتريتي هدومج من احسن محل بالسوك.. خلي يولون ال شفقه ال 😒
هيام : ههههههه والله ع نياتج ولج يا محل كل ملابسهم من الخارج لو البنات يبوووو .. بس لكيت صديقه كولش حبابه
نور : صدووك بنت زناكين مو
هيام : يعني هيج شي مادري بس حبابه كولش و اتضحكني
نور : الله اشوكت اطب للكليه .. ولج هيوم اذا حبيتي متضمين عليا اموتج
هيام : نورو ماعتقد راح احب
نور : ليش حرام لو عيب
هيام : لا طبعا بس الحب بهيج كليه انتحار واني كل همي اخذ الشهاده و اساعد ابويا
و بعدين محد عجبني خليني مرتاحه
يلله للنوم ورانا دوام ..
و مرت الايام و سماء حياتي صافيه رغم العنصريه الطبقيه و النظره الي باستصغار و احس نبذوني بعض البنات بس لازم اصير قويه بكل الاحوال ماحتاج هيج ناس
(تجي ايام ترجع تبجي ع حالها بس ورا كل دمعه تصير اقوى و اصلب )
و يوم من الايام بالكليه
سمر : اويلي هيومه شنو هاي الاسئلة ماكو بالكتاب ...؟ اشلونج بيها
هيام : صعبه بس الحمدلله الكدرت عليه كتبته بعد مادري
سمر : انتي سجاجه مينخاف عليج .. يلله امشي نفتر
هيام : يلله اني همين عقلي تعب اشوي ... كمت و ماحس الا شخص دعمني باوعت هاي رناا .. وكع كتابها
رنا : انتبهي من تمشين
هيام : منتبهت اسفه
رنا : طبعا متنتبهين هو انتو ناس شايفين شي .. همـ....
علياء : ههههههه عوفيها لتاكلج
هيام : مادري من حجت هيج خنكتني العبره و عيوني دمعت بس لزمت دموعي
سمر : هيام معليج بيهن تغار منج و هيج حجت اصلا هي دعمتج انتي ليش اعتذرتي
هيام : هـه اتغار مني؟؟؟؟ بربج سمر ع شنو .. عفتها و طلعت
سمر : هاي عافتني حسيت بيها انقهرت ركضت وراها .. اي تغار اولا انتي حلوة و شخصيتج غير و ثانيا مشايفه غزوان اشكد يحاول يتقرب 😉
هيام : وكفت و درت عليها بربج سمر غزوا... يمعووده هههههه اليوم مصخنه انتي ولج اني وين بالجمال و رنا اجمل وحده .. دتتوهمين انتي ال غزوان ال واسيني بعقل و عوفي خيالج
سمر : مو خيالي طبعا متنتبهن و عيونج بالكتب بس اني مراقبه الوضع و تصرف رنا و هذا التصرف اليوم اكبر دليل .. انتي نايمة ورجلج بالشمس
هيام : ترا رنا اندكت بيا مو غزوان..!؟
سمر : و رنا تحب غزوان! 😉
هيام :هاا انتي من هذا درجاتج ناصيه ملتهية تراقبين خلق الله
سمر : ههههه ولج كل القاعه تدري رنا الملكه لغزوان الملك
هيام : حقهم لايگين لبعض اني وين منهم
سمر : و اذا غزوان هواه يمج؟
هيام : لا انتي تتوهمين
سمر : راقبي و شوفي 😉
هيام : اراقب ....!!!!!؟
..... يـــــتـــبــــع ...