انا بنت ذلك الفقير

/26/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الــبــارت " الــســادس و الــعــشــريـن "

كمت صرت اباب القاعه ... صار بارق بوجهي .. يما اسم الله ... دنكت راسي .. تيهت الدنيا اروح هيج يجي هيج اروح هيج يجي هيج بقينا 3  دقايق ع هالحال... راح اوكع من طولي من الخوف .. ردت ابجي .. قريب مني حيييل .. لدرجه خفت ليسمع دكات گلبي  ... اريد اخلص يربي .. شلت ايدي  ..

اوكف ....!!!

وكف .. بدون ما اشيل راسي ... طـلعت ع السريع .. احس كلبي يريد يطلع من صدري ..

بارق : رجعت للقاعه اجيب محفظتي نسيته ع مقعدي ..
صارت هيام بوجهي .. دنكت راسي .. مردت عيوني يصيرن بعيونها ... جروحي نامن ... يهيجن عليا اذا شفت عيونها ..
اريد اطب و هي دتطلع خطواتنا تشابهت اجي هيج تجي هيج .. مسيطرت اريد اوكف حتى تعبر .. مكدرت ..
كالت : اوكف ...! جسمي ويا صوتها كله وكف .. حتى عقلي...! هه جسمي الماخذ امر مني .. وكف ع صوتها الهادئ ..طلعت ركض ..
بقيت بمكاني مشيت للمقعد .. نسيت ع شنو اجيت ..؟ كعدت .. صوتها ابالي مليان حنية و خوف و رقه .. صوتها وحده عالم بحاله .. يرجف صوتها رجف گلبي ويا..
اصحى بارق .. اتشوفك نذل مو اكثر ..!!

هيام : طبيت اخذت قلم من المكتبه .. طلعت بدون مانطي الفلوس ..
ابو المكتبه : العفو اختي الفلوس ..؟
هيام : هااا.  اااا.. العفو اعتذر اعتذر ..
انطيته الفلوس و طلعت كعدت ع المصطبه .. مابيا بعد استوعب شي ..
جان قريب مني لدرجه حسيت بنفسها .. روحي طلعت مني .. الرجفه بحيلي دخيلك ربي ساعدني ..
سمر : طلعت من العماده شفت هيام كاعده ع المصطبات ...؟

هيام .. يااا اشبيج تبجين ..

هيام : مادري ليش نزلن دموعي.. من كثرة حبي له ..! لو خوفي منه لان جان قريب كولش... لو لان خسرته و ضيعته مني ..
كولشي اختلط بداخلي ..

سمر ... سمرر اني متاذية كوولش

سمر : اشو كلتلها اشبيج طكت بجي بالزايد و لزمت ايدي .. كعدت يمها
اشبيج عمري .. اشبيج..؟

هيام : مادري اشبيا اريد اموت بس .. مابيا حيل اتحمل اكثر .. روحي مخنوكه حييل سمر ..

سمر : اوش اوش عيوني اهدي ..

هيام : روحي راحت وياه سمر مابيا اكتم بعد ضاعت وياه من ضاع مني .. سمر ضيعت بارق

سمر : من حجت هيج و هي منهارة بجي .. مادري انقهر عليها .. مادري افرحلها لان حبت ..

ولجج فديتج .. حضنتها حييل
كومي غسلي وجهج كومي عيونج ورمن عيب شيكولون الطلاب كوومي .. راح تبدي المحاضره