انا بنت ذلك الفقير

/9/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الـــبـــارت " الـــتــاســـع "

و جان تجي امتحانات الفاينل نهاية السنة يمااا و كل كتااااب يبووو بس شنو اني مسيطره الا اطلع درجات فول و اخفف القسط فـدوة لباباتي
سمر : هااا لااااووو شنو دتدردم ويا نفسك ياكتكوت
هيام : ويص ويص ويص😒
سمر : وسم ههههه😂
هيام : لعد مو كتكوت يلله افهميهن انتي 
سمر : اعتقد رديتي السلام ههههه
هيام : ههههه لا كلت امداج معليج
سمر : هذا كله بتلث وصويصات 😨
هيام : ههههه دهاج التلخيص
سمر : ايدج عاشت گلب خلي اراجع ع فكره غزوان صافن عليج صارله نص ساعه خخخخخ
هيام : ادري انتبهت

غزوان : خوش مراجعه غزوان السنه دور ثاني اذا مكابل هيام و كاعد .. يلله الفلوس موجوده كولشي تجيب ..
كولشي تجيب؟؟؟؟  راح تجيبج هيام لحظني!!!  اويلي اووف دصيري بحظني
عبدالله : وين صافن كنگ
غزوان : ع حظي ..!

احمد : السنةةةة دور ثاني بارق كابلني و الطم. احووو ابويااا اذا ما گلى بصل ع اذاناتي اني مو احمد
بارق : مجان قريت كاضيها طربكه السنة كلها
احمد : شكو عليك مسيطر امورك معدله و درجات اليشوفهن ميكول هذا جاي قانون غصب
بارق : وراك الحية يابا
مياده : احمد لتحسده يمعود هذا الغالي
احمد : احم احم و اني ابن البطه السوده شنو
مياده : ههههه
احمد : اكولك بارق شنو رايك بـل بـل بالحب
بارق : يا ستار
احمد : لا صدك احجي
بارق : الحب حلو اذا اختاريت صح ..اي شنو حبيت لازم
احمد : ممم نكول اعجاب اووف غير صاروخ من قسم الحاسبات
بارق : بالخير... اشوفك طول السنة رايح جاي لبناية الحاسبات
احمد : اييييي ه ه ه .. ذكي يوم اشوفك غركان
بارق : هممم
هيام : و ع هالمنوال خلصنا الامتحانات و عطلنا و طبعا نجحت بتفوق و ضمنت القسط انعفيت من نصه و خففت ع ابويا..

بيت عقيد الركن محمد .. تتذكروا اعزائي ؟  ابو بارق...
ابو بارق : وين ابنج؟
ام بارق : طلع ويا صديقه
ابو بارق : ام بارق طلعات الليل هاي مارتاحلها بس ماريد اضغط ع الولد اكثر
ام بارق : ابنك عاقل لتخاف لل11 بالليل ميبقى برا ..
ابو بارق : مو بيدي اقلق عليه ماعندي غيره ..
ام بارق : دافكر ازوجه؟ 
ابو بارق : بهاي سوالف انتي اتكفلي بيها ع راحتج اني كل امنياتي اشوفه مرتاح كبال عيني
ام بارق : تعرف المقدم شاكر؟
ابو بارق : اي اكيد منو ميعرفه
ام بارق : عنده بنيه هي طالبه ويا بارق حلوة و حبابه و النعرفه احسن من المنعرفه
ابو بارق : اتوكلي ع الله عمري بس شوفي راي الولد اول ام بارق
ام بارق : بهاي معليك ماخذ رايه هو شمعرفه بمصلحته و بعدين هذولا ناس حسب و نسب اني ماخذله حي الله بنيه شيريد قابل
ابو بارق : هههه الله كريم الله كريم

هيام : فرشنا فوك السطح و كعدنا نسولف و نمنا الله ليلة الصيف فوك السطح احساس ميعيشوا الذوات و عمرهم خساره اي خساره ...
(اتمددت و تباوع بالسماء و تتأمل ) ياااااه ياربي و ارتاحيت بالعطله احس ريحت روحي و عقلي من عالم نرجسي و خصوصا موقعي تسلل  بي 😒 بس الله ستر و عدت ع خير
و نجح حمودي و طلع قانون حكومي طبعا اشطر مني هواي فديته فرحنا كولش حسيت الدنيا بعد ماريد منها شي هايها ماعندي امنيات من الفرحه احس گلبي راح يطگ

مرات الحياه ببساطتها ممكن تهب كـل شي للبشر و هذا يعتمد ع قناعته
اذا جانت قناعاتنا بسيطه مراح تقهرنا الدنيا هيج تحس البسمه تشگ گلبك و تطلع
احب الله هووووواي مموواح الله هههه... احبك ربي و انت تدري
اي اني هيام من كوكب الارض رساله الى السماء  نشكرك اللهم ع النعم 😄

.....يــــتــــبـــــع ...