انا بنت ذلك الفقير

/19/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الــبــارت " الـتـاســع عــشــر "

جانت اجمل فرصة اجدد العهد ويا عيونها و اشبع منهن ..

جمعت كل حيلي و قوتي و شلت عيني بعينها ....

هيام : انصدمت هذا شلون وصل هناا ..؟؟؟

من باوع بعيوني .. عيونه ..!! ليش اتدخلني بغيبوبه ..؟؟؟ احس عيونه الي دتتحكم بعيوني اشكد احاول اسحبهن من عيونه .. عيونه تسحبهن اكثر .. هيام اصحي هذاا ابن عقـ.... راسا نزلت عيني .. احسهن يرين يطلعن من مكانهن من نزلتهن ..

الاستاذ : ممم القضيه سرقه .. بارق اكعد ع كرسي الاتهام

بارق : نزلت عيونها لو نزلت روحي ويا عيونها .. حرامية .. رحت كعدت بمقعد الاتهام
الاستاذ : اتفضلي الملف و فهمي المتهم بالقضيه  .. تلقين المتهم هو تفاهم بين المحامي و المتهم الي يدافع عنه ..

هيام : بوجوده غابوا كل طلاب القاعه .. الرهبه منهم ضاعت بحضرته .. اخذت الملف و اتوجهت ع بارق .. رهبتي من  الطلاب و الرجفه اختفت .. رهبتي كلها من بارق  .. بكل خطوة تجاهه گلبي يدگ كمت احس گلبي بالجهة اليمنى هلكد ما قوية الدكة .. حطيت الملف كدامه و هو اتصفحه ..

بارق : جتي عليا و اني اباوع عليها من وصلت دنكت راسي لان هيج قرب بيني و بينها اذا شلت عيني عليها افقد .. گلبي هي صارت گلبي .. من اليوم ماكو بارق .. اتصفحت الملف و حجيت بحيث بس هي تسمع

من هذا الكرسي و بتاريخ ٢٠٠٢/١/١٣ ..
اعلن استشهاد بارق محمد مجيد ...!

هيام : نعم ...؟؟؟؟!!!
بارق : احم .. قضيتج سرقه مو ؟
هيام : اي ...
بارق : رفعت عيني بعينها .. نزلت عينها عني؟؟؟

اكو مجرم يتهم شهيدهُ بالسرقه ..؟؟!

هيام : رفع عينه و بسرعه نزلت عيني .. ماريد لازم ابتعد  ..
مجرم ..؟؟ رفعت عيني بوجهه..؟؟؟؟

بارق : جازفت بكلامي الها بس احس عيونها تنطيني قوة ...! ورا كلامي شالت عينها بوجهي و رفعت حاجبها .. اتوقعت راشدي ...؟ ابتسمت و دنگت راسي

هيام : استاذ المتهم فهم القضيه .. شلون ورطة يربي ... خلصني  !!!

اترافعت و قدمت كل دفوعاتي و كدرت اطلع السارق بريء عن جرم سرقه حليب لابنه الرضيع .. الدفوعات ..  لو جان السارق نيته فساد عام جان سرق صندوق الاموال او اي شي اخر بالمحل غير الحليب .. بس للضرورة احكام ..
كملت و رحت اخذ الملف من بارق .. اخذته و رجعت و هو شكرني رجع
الاستاذ : القضيه فريده من نوعها و ادهشتيني هيام .. انتي مشروع قاضية ناجحة مو محامية فقط .. احسنتي
هيام : تسلم استاذ .. كولش فرحت
سمر : الزمي اصابيعي راح اوصوفر والله .. ولج بدعتيييي
هيام : الحمدلله الحمدلله .. اوففف اشكد جنت شايله هم .. خلصت المحاضره .. احس الوجوه مكهربه ...؟؟  بس مهمني جنت كولش فرحانه لان مدحني الاستاذ ..
سمر : امشي احتفل بيج بلفات فلافل✌ كومي  ...