انا بنت ذلك الفقير

/6/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الـــبـــارت " الـــســادس "

هيام : حقهم لايگين لبعض اني وين منهم
سمر : و اذا غزوان هواه يمج؟
هيام : لا انتي تتوهمين
سمر : راقبي و شوفي 😉
هيام : اراقب .....!!!؟  سمر حتى اذا ظنج صح هذا يعني تعب و اذيه و حرب الي و اني والله مو كد هيج حرب و ويامن ويا رنا بنت الفلان بالحزب و اني ابويا حتى ماعنده ملف بالحزب
يعني راح ادخل بحرب معروفه نهايتها
سمر : بس اذا يحبج و تحبي كولشي يسهل
هيام : و اني ماحبه و مستحيل احبه ارتاحيتي
سمر : باوع حظي الزفت مرة تكول اني وين و هو وين و مرة تكول ماريد احبه
ولج خبله خبلللله انتي و راسج صخر ابقي بتفكيرج الجاهلي👐
هيام : ههههه هلم اليا يا ابي الحكم
سمر : هيا بنا لنتبلغ ببعض الطعام قد بلغ مني الجوع مرتقاه ههههه
....
بارق : احمد ابالي افتحلي محل غذائية
احمد : شتسوي بي؟؟؟
بارق  : باب رزق
احمد : هههههه مياده جيبي كمادات مي بارد الاخ صخن .. ولك محتاج فلوس انت
مياده : ههههه ديهلوس
بارق : ليش هيج تحجون اني اصلا قررت مليت من هالوضع
احمد : محامي انت افهم .. اعرفك تميل للطبقات العاديه فگر مو بيدك
بارق : تعرفني ما ردت القانون ردت كليه تجارة و بعدين ميهم احسن من الكعده واحد يشغل فلوسه
احمد : تفكيرك زعيم .... شيفيد الحجي اعرفك اذا تقرر تنفذ
مياده : لازم مامفكر تتزوج
بارق : زواج!!!!؟  لا يابا لا بعدنا
مياده : ليش مو صرت رجال و مناقصك شي
بارق  : اذا فكرت اتزوج اول شي لازم اعتمد ع روحي ماخذ فلوس ابويا
احمد : و فلوس ابوك فلوسك خير من الله ميخلصن
بارق : مراح تفهمني لو احجي لباجر اترك احسن .. انطيني بطل المي

(هيام و سمر  بالقاعه)
سمر : اروح اجيب لفات تجين
هيام : لا مابيا اشو احس تعبانه
سمر : اوكي ع راحتج ماتاخر عليج مو تطلعين تخليني ادور عليج
هيام : لا لا
تطلع سمر
هيام : اييي هيوم و خلص الكورس الاول و عدا ع خير اني لازم اطلع الاولى حتى القسط يتخفف بهذا الشي اساعد ابويا
مممم حب؟؟؟  غزوان!!! هههه 😒  امداج سميران 👐
غزوان : يالربع رايح للقاعه اجيب الكتاب وصولي وياكم ع لفه و كلاص جاي  ماشي
عبدالله (صديق غزوان ): ماشي كنگ

غزوان :طبيت للقاعه شفت هيام كاعده وحدها .. اول يوم بالجامعه شفت بنيه كعدت بالحديقه وحدها مبينه من ملابسها بنت فقر .. اجاني شعور غريب تجاهه كلما اشوفها عيوني متقبل تشيح عنها... بنت العاميه هسه جنت بطاريها ويا الشله هه .. خلي اخذ الكتاب
هيام : يما اسم الله شجابه هسه هذا بمجرد فكرت طلع سلام قول من رب رحيم .. انوب عـطره وصل ليمي اشمدريني هذولا شيخلون 😣
غزوان : فرصه..! اريد احجي وياها او لا ماريد اتنزل ... اتنزل شنو؟؟؟ اصلا هي تطول ماعتقد تصدني .. توجهت ناحيتها بخطوات ثقة ..
هيام : يما هذا اجا عليا وينج سمر ليش اتاخرتي شلون ورطه يربي
غزوان : احم السلام عليكم
هيام : هاا ..!!!😓
غزوان : " صدقه لمحمد " هههه كلنا السلام عليكم
هيام : اي وعليكم. ..
غزوان : اتاجل امتحان باجر
هيام : لا ليش
غزوان : مو احسن؟؟؟
هيام : “ادري مو صارلي 3 ايام اقراله خرب حظي “ اي احسن تسلم
غزوان : متعرفنا بحضرتج
هيام : شنو؟؟؟
غزوان : اقصد عدا الاسم منعرف شي عنج محضرتي حفل التعارف ابدايه السنة
هيام : ها اي عادي
غزوان : اي ...؟؟؟ باوعت بعيونها و هي تحجي ويايا
هيام : صارت عيني بعينه لمده دقيقتين
نزلت عيني عنه مادري حسيت بخوفه من نظرته
هيام : اني اترخص .. كمت من المقعد و بالكوة عبرت بحيث ماطخه و طلعت
غزوان : بقيت جامد بمكاني اني صدت لو نصاديت؟؟؟   " الله اكبر دخت مو عيون سحر بيهن دخيلك ربي "
هيام : اني شسويت يربي شسويت هاي ليش اصلا ليش مكمت من الاول يالله ماريد ابعدني ليش باوع بعيوني شيريد
ربي حيلي ديرجف .. خرب بيج سمر وينج ليش اتاخرتي
سمر : لج هاااا طالعه مو كلت لج لتتحركين اوف اوف الزمي لفات خرب حظي وكعت اللفه مني و رحت اشتريت لخ شايفه الحظ
هيام :  (اخذت اللفات ايدها ترجف )يلله فدوة
سمر : ولج مو ع اللفه القهر وكعت اللفه كدام امه محمد من ثول حتى ثول اشلون فشله هاي شنووو الحظ ... هيوم؟؟؟؟ 😒 اشبيج
هيام : هاا شنو شبيا مابيا
سمر : هيووومتي عليا 😒 حيلج ديرجف كتلتي منو و ليش شارده من القاعه 😡
هيام : لا مشردت طبوا ولد و استحيت و طلعت لان وحدي
سمر : هااا خوووش كلتيلي....😒
منو صارحج ولج 😒😒😒
هيام : اشكد بطرانه
سمر : احجي هاي الرجفه اشم بيها ريحة ولد
هيام : اوووف ... غـ... غزوان
سمر : غزووووووووان بلحمه و شحمه 😱 هااا شكلنا صارحج مووو لا يا بعير يا غزوان عبالي فقير خخخخخخ طلع ابن ابو والله
هيام : ياااااا ولج لاااا مصارحني فضحتينا اوششش
سمر : و سم حتى سم مو كلتي غزوان
هيام : اي اقصد غزوان اجا حجة ويايا
سمر : ايييي وبعدد
هيام : مكال شي بس سالني ع حفل تعارف ..

.....يـــــتــــبــــع ...