انا بنت ذلك الفقير

/8/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الـــبــارت " الـــثــامــــن "

(تنهار من البجي هيام)
وينج سمر ..... گلبي ديوجعني .....
وينج يووم. يمةةة عيوني وينج .. ربي رحمتك اني عبدك الضعيف و شنو ذنبي اذا بنت فقرا من شوكت الفقر ذنب .. ربي انت مو تكول الفقراء احبابي ربي عين احبابك .. اني حبيبك ربي.. ربي اذوني اذوني عبادك اكفيني شرهم ..
تمسح دموعها. .. اذوا روحي ربي اذوها..

اوش هيام اووش امسحي دموعج اشبيج هيج ناس تبجيج واذا عدهم فلوس؟؟؟ 
اني اقواهم و اقوى من فلوسهم و مراكزهم و نرجسيتهم اي اني اقوى
مدام الله ويايا اي .. (تاخذ نفس عميق)
هيج و بيدي مدفع الا افجر القاعه بصاروخ مكروهين 😒 ماطلع بيهم واحد وهمين ماطول سمور ماكو خوش فكره هيوم😂😂

بارق : طلعت ضايج روحي مقبوضه من الكلية و الدنيا كلها كل يوم مشكله ويا ابويا من ورا الدوام ليش ماعندي حرية ادرس الي اني اريده مو صرت جبير روحي طكت .. روحي طكت من العيشه ناس بالظاهر مرفهة و بالباطن اموات.. روتين بروتين
وكفت بالحديقه يم شجره صفصاف ضخمه متعود اجي هنا وحدي من اختنك
سمعت بجي بنيه ..
منو هاي باوعت هيام؟؟؟؟! 😓😓
اشبيها هاي تحجي ويا روحها؟؟؟ 
اشو ساعه تبجي ساعه تضحك 😒😒تخبلت البنيه ههه خبلوها النرجسيين 😂 ادري شجابج هنا هو اني اريد اهج منهم 
عود همزين طلعت من القاعه دروحي فجريها 😂 هسه يطلع عدها ملف نووي 😒😂
خلي اروح للكافتريا احسن ابتعد عن القاعه قبل التفجير من هيام ابيب😒
هيام : كملت هلوسه ويا روحي حسيت ارتاحيت و رجعت للقاعه اخذنا محاضرتين طبعا رنا عيونها تشمر نار عليا و لا سويت روحي شايفتها لا هـي ولا هذا طليها غزوان
طلعت بنهاية الدوام امشي بالشارع طبعا كالعاده السيارات البرستيج وكفت تاخذ الطلاب هه اني وين و هالناس وين
وصلت للبيت لكيت امي صابه الغدا بدلت ع السريع لان ميته جوع.. تغدينا و كملنا
ابو هيام : يلله ام هيام جمعي الجهال اصلي بيهم
ام هيام : صار عيوني ... هيام ..نور .. حمودي يلله ماماتي ع الصلاه
نور : اي يوم جايين .. ادري مسجد لو بيت  ميفوتون فرض الا جماعي هسه دعوفوني اصلي وحدي شصار!
هيام : خلي انوم الاصغار .. يااا ولج حرام اوش و وجع اذا عفناج وحدج تصلين فرض الظهر بالليل 😂😂
نور : عابت اشكد مكروها
و اجا الليل اني احب الليل اخلي راسي ع مخده عقلي يرتاح من هموم و شرور كل الناس.. نور
نور : هممم
هيام : شنو شعورج اذا ولد حبج
نور : من احب اكولج
هيام : امداج
نور : هههههه .. منو هذا؟
هيام  : واحد
نور : حلو
هيام : هممم
نور : و جان اكوم من فراشي و اكعد سولفيلي هيوم اتحمست .. صارحج؟؟  و انتي شكلتي زيين انتي انتي حبيبتي؟؟
هيام : يما هاي اشبيها .. لا مصارح بس بين شي بتصرفاته .. شاكولج نور ماعتقد احبه اشو مافكر بي و ماهتم لكلامه يعني مادري
نور : طننن مو اعرفج ام راسين متعرفين شتريدين
هيام :  نور كل بنية تتمنى تحب و تنحب و اني من البنات مو من المريخ
نور : احد لازمج اجاج واحد ليمج كل التسوي بادلي شعوره و خلاص
هيام : ابادله.!! هي مو سهله .. الحب اذا رد جميل لحب اجاني مو اقوى من حب ينبع من داخلج
نور : دخت شدتحجين 😵
هيام : انطمري احسن
نور : هو هم هيج .. اذا حبيتي سولفيلي يولي
هيام : هممم .. اذااا ...!
و غفيت واني مادري شنو ضامتلي الحياه

غزوان : بفراشي و مجايني نوم اتكلب و اتكلب .. سمعت قصص ع بنات الفقراء قويات و صادفت هيام بالكليه سولفنا اني وربعي ع الفقراء و اصرارهم بالحياه صار تحدي اربحها .. يوم بعد يوم كمت انسى الرهان شبيك غزوان حبيت مبين ..؟
عيونها مادري شبيهن عيونها. ..وجهها شنو معقوله الوجه المتعوب من ضيق الحياه هيج ترف و بي جمال خاص ..
يا رنا يا باسكال مشعلاني اوووف ياروحي حبيت تاليتك ..؟! و هيام اخ ياگلبي

تعبت اريد انااااام ياااااا هيـااااام؟؟؟؟

...يـــــتـــــبــــع ..