انا بنت ذلك الفقير

/28/

☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎

الــبـــارت " الــثـــامـن و الــعــشــريــن "

هيام : ملحكت اندار حتى فقدت توازني .. اريد شي اجلب بي ... صار غزوان كبالي
عزااا راح اوكع عليه غمضت عيوني حييل
طخ راسي ...و دفعت روحي ع حايط رجعت توازني؟؟؟
فتحت عيوني .. ايد ولد لازمه الحايط  .. صرت بينه و بين الحايط
رفعت عيني ...
بارق ... !

صارت عيني بعيني .. وجهه قريب مني لدرجه گلبي احسه وگع هلگد مايدك سريع
.. فتح عيونه كلهن و مبتسم بوجهي .. ربي اريد اموت .. ليش هيج وجهه ياخذ روحي ..

بارق : كمت داروح ع الاستاذ وصلت للباب .. غزوان و عبدالله واكفين شفت سمر و هيام دايطبن وراهن علياء و رنا .. صارت هوسة .. فاتت سمر وكفت انتظر هيام تعبر.. متشيل راسها الجبانه ههه ..
دفعتها علياء .. راحت ع غزوان ..
خطف .. راسا خليت ايدي حاجز بينها و بين غزوان .. مردتها توكع .. راسها طخ بيدي
مردت ايدي تطخ جسمها رفعتها لحد راسها .. رجعت ليوره و مغمضه
رفعت عينها مندهشه .. ابتسمت بوجهه .. و طككت عيوني .. حيل احب عيونها .. يسحرني  ياخذن عقلي و روحي .. هذني ملاتي .. هيام ماتي .. اريد اكوللها ترا انتي ماتي مفهوم ..

هيام : بقيت اباوع بعيونه لحد ماحس عيوني غرگن بالدموع بس مينزلن .. قريب حيل احس جسمي يبس ..ميمشي الدم.. اررريد امييي ..
انسحب صفح و فتحلي مجال .. شردت ع سريع

غزوان : جتي من الله علياء ردت الزمها بس توكع .. بارق مخلاني.. اعصابي فارت شلت ايدي

عبدالله : شفت غزوان وجهه صار دم .. لزمت ايده
لا غزوان ... امشي منا امشي
طلعنا بعيد ان القاعه كام يصيح و اهدي بي

غزوان : هذاا منين طلع منيييين.. اذبحه عبدالله و القراااان اذبحه بيدي ..  ادفنه لك دمرني دياخذهااا مني ..

عبدالله : كاافي غزوان هي شنووو خلك وحده بنت فكر دكاافي فلسين متسوا

غزوان : احبهاا افهم احبهااا.. لو اعرف اكلب الامه ع راسه .. اخذها يعني اخذهااا و انعل ابو بااااارق

عبدالله : كافي لتصيح فضحتنا .. كاافي
اكعد هسه نفكر بحل لتصير مخبل
غزوان : دبرني عبدالله دبرني انتهيت .. منين طلعلي منين ..

هيام : بدت المحاضره و انتهت و اني بعدني بعالم ثاني .. بعده وجهه بوجهي .. ريحته احس عطره ديمشي بدمي .. و گلبي بعده يدك حيل .. كاعدات يم الصفصافه.. سمر تسولف و اني مو يمها ماسمع شي ..

سمر : شفتي شفتي شسوت السوسه .. طاكه طاكه قهر .. هذني عقلهن برجليهن شنوو هلافكار .. السانها اطول من احمد .. هففف هففف
هيام ...!!!! 😒 ويامن داحجي ..؟ هييي الووو .. لزمتها من ايدها ... يمعودةةة...!!