☆ انــا بـــنـت ذلـــك الــفـقــيـر ☆
الـكـاتــبــه : نــــازك الــبــور✎
الـــبــارت الــثــالـث و الـعــشــريــن
هيام : من كالت عمي .. بعد لساني وكف .. شسويت اني ...؟؟ شسويتي هيام ..؟؟؟ اريد اكعد مابيا... عقلي ينطي امر لجسمي و جسمي متصلب مياخذ امر
نور ..!!؟
نور : درت ع هيام وجهها مصفر .. اشبيج .. كعدتها
ام هيام : يوم لتهتمون مهما يكونون عمامكم ..زين .. اني اكون اترس مي
نور : طلع محمد يتنفس الهوا .. كلما يجي طاري عمامي محمد يختنك .. محمد ميحبهم لان اذونا ...
هيام : نور .. الحكيلي
نور : اشبيج .. و هاي الحمدلله طلعتي مو السبب ..و مالج علاقه بالموضوع ..
هيام : ولج بارق .. بارق .. شسويت اني .. عزا بعيني ..ولج جفصت اني .. شراح يصير هاا نور هسه شراح اسوي ..؟
نور : بارق ..؟؟؟ منو هذا ..
هيام : ولج الولد الي هنته .. حجيت حجي مينحجي .. ولج مادري شحجيت بوجهه .. نور كلتله تشترون بنات الناس .. كلتله انت نذل نور معناها نذل و واحد بلا اخلاق... عزا و منو ..؟؟ بارق يربي .. عيوني نور الحكيلي
نور : اهدئي .. اهدئي .. ميصير شي.. اعتذري منه و تنتهي السالفه
هيام : ماكدر اواجهه ماكدر افهمي نور مااكدر والله .. ما اداوم بعد ..مابيااا ليش هيج يصير بيا
نور : ولج عادي .. عادي لتكبريها والله عادي .. قابل ذبحتي انتي بس اعتذري..!
هيام : مادري شبيا عقلي انهار بافكاره .. و نور متفهمني .. اريد افكر بشي عقلي احسه قفل .. حجيت بوجه بارق كلام مينحجي .. و المن ..؟ لبارق .. كلما اتذكر راسي يموتني من الوجع .. هذا كابوس
بقيت يوم كامل بدون اكل .. و بدون كلام .. شسوي ياربي .. دبرني بامري ..
نور : يمةة جعت شنو ماكو عشاا ...؟؟
ابوية بالسجن .. لا مسواك و لا اكل .. امي بس دبرت الغدا عدنا اشوي تمن و طبخت كوشري عراقي .. كالعاده الاكله اليوميه النا .. اما العشا ..؟؟؟
ام هيام : يوم خدرت جاي .. و عدنا خبز .. نعمة من الله ..
محمد : يمةة و باجر..؟ اشلون ..؟ حتى كروة للدوام ماعدنا ... يعني عمي مافكر ..؟ مكال يموتون .. يعني نلوم الناس الغربة .. هم عمامنا ديحفرون كبورنا بيدهم يمةةةة ...
ام هيام : يلله يوم يلله تهون ميصير هيج تحجي ...؟
نور : علاووووي دمرت ثريددددي .. ثردت خبز قطع ناعمه و صبيت عليه جاي و خليت شكر فوكاه .. و علاوي لعب بي طوبه
و محمد و هيام ناموا بدون اكل ... هففف يا هيام تكبرين الامور و هي متسوا ..
هيام : الليل كله افكر بحل شسوي ..؟ اروح اكوله اني مادري .. عبالي انت ..؟ لاا اشلووون... ماكدر اواجهه .. شاكوله مادري عبالي انت سجنت ابوية...؟؟؟ .. هيام شسويتي .. هو حتى ما أذاج يوم من الايام .. انسان هادئ .. ولج حتى ميدور سوالف بناات .. ربي راح اموووت شحجيت اني شحجيت ...
حاربت روحي .. يلله نمت وجه الفجر ..
كعدت ع صوت نور .. يمكن ساعـه 9.. يووو حتى فرض الفجر فاتني .. هايهة انتي انتهيتي هيام ..عونك يـااااارب !
نور : داكولك اليوم دوري .. البيضه الي؟؟
محمد : نور لتصيرين غشاشه ... البارحه مباضت دوري يزحف ع اليوم...
نور : ماكوو .. البيضه الي اليوم .. مو بكيفك ممتفقين هيج. .
محمد : طلعت ركض للحوش ادور ع الدجاجه ..؟
نور : يمةةةة ... اوووكف محمد عوفهاااا...
محمد : شايل الدجاجه اتريد تبيض .. و نور تجر بيها ..
يومي يزحف لتغشين مباضت البارحه
نور : نزلهااا دنزلهااا راح تبيض بالهوا و توكع و تنكسر .. ولج يووووم كوليله
ام هيام : يوم عوفوها تبيض براحه .. حتى الدجاجه خبلتوها ...؟
هيام : بقوا يتناگرون حتى الدجاجه صدع راسها .. كعدوا حولها و ينتظروها تبيض .. اووف يا هيام .. اني من الجوع و التعب كمت ماحس بشي .. صعبه احساس الظالم .. و اشكد حلو احساس المظلوم رغم قسوة الامر عليه .. اول مرة احس ظلمت بشر .. ضميري اذاني .. تعبت .. معقولة باجر اذا داومت يرزلني ..؟؟ اي اكيد هيام اي انتي جفصتي ... ربي ساعدني .. والله ماريده يحبني بس سهل الامور ربي خلي ينسى ..
نور : برائيك راح تبيض.. شلت الدجاجه و باوعت ... محمد اشو مدتطلع البيضه ..؟؟؟
محمد : نزليها نزليها .. انتظري السالفه مو سهله عليها
نور : اكيد دتكول براسها مابيض الا يتفقون محمد و نور ههههه ولجج فديييتج
محمد : اي يمكن ههههه
هيام : هاا موصلتوا لحل ..؟
نور : عمي ناكلها كلنا بس خلي تبيض راح تصير بال10 ..متت جوع
هيام : رحت ع امي .. البيت لا فلوس لا مسواك .. تسكت الجهال بثريد جاي و حليب ..
يمةة .. الغدا اشلون ..؟
ام هيام : والله يوم مادري .. اكولج اكو خبز يابس اني جمعته بالحوش دلگطي الزين الزين و جيبي .. اطبخه اشبي نعمة من الله
هيام : زين يوم .. اكوم اشوفه .. اخذت جدر و طلعت الگط الزين .. طبخ الخبز اليابس اكلة الفقراء .. يسموها شرباية .. بحيث الخبز يلين اشوي بالمي و بهارات و ع النار لحد ميفور ..
هذا حالج هيام .. دبري عيشتج .. اشلون تخلين راسج براس بارق .. ابن الكذا رتبه بالدوله ..؟؟
منين جتني الجرأة و رحت حجيت بوجهه...؟ اعوذ بالله منك يا ابليس..
تعبت .. عقلي حيل تعب .. شيسوي خلي يسوي قابل راح يذبحني .. رزاله و رايحة فشله و رايحة اصلا اتعودت ع كلامهم و استهزائهم .. ميهموني ..
سمر : ماكو اليوم هيام .. بالي يمها .. اخر مرة شفتها حالتها حالة .. اووف يارب ساعدهم ..
احمد : بارق ...؟؟ مجتي...!
بارق : و لتجي احمد .. تعبان حيل .. ثق بالله ماريد اشوفها .. كلامها براسي .. احمد كلامها ذابحني .. طلعت واحد نذل .. گلبي موتني البارحه داشوف الموت المووت احمد ..
احمد : اتهون صاحبي اتهون ..
نور : يمةة صار الغدا جوعااانةةة .. الله اشتم ريحة الشرباية اوفيييش يووم
ام هيام : يلله طبخت .. اكعدوا و سمو باسم الله
هيام : التمينا ناكل .. اني متت جوع ماكلت من البارحه.. لو يقدمولي حصو اكل
نور : الله .. يمةةة اتحدى هذولا الزناكين ياكلون هيج اكلات .. يمةة عمرهم خساره ... احبهاا .. اريد ابجي و اني اكل .. طيبه
ام هيام : بالعافيه...
هيام : صار المغرب .. و الحال نفسه ...
يمة اشلون يعني يبقى ابوية بالسجن..؟؟
اني داحجي ويا امي و طب ابوية .. يابةةةة .. طفرنا عليه نبوس بي
ابو هيام : هلاا هلاا بوليداتي .. ههههه هلا بحبايبي ..
محمد : شعجب تنازل عمي ..؟
ابو هيام : لا ابني .. طلعت بكفالة ..
ام هيام : منين افلوس الكفاله ابو هيام ..؟
ابو هيام : كالولي فاعل خير عليه نذر عتق رقبه ..الضابط كالي باسمه .. يمكن غزوان احمد .. اي غزوان ..
هيام : من ذكر اسم غزوان .. عيوني طلعن من وجهي .. شجابه ع ابويةةة صارت بيا خووفه .. شنو هالمصايب ياربي شديصير ويايا ... هذاا شجابه .. باوعت ع نور .. وبداخلي اعيط من القهر ع حالي ..
نور : درت ع هيام وجهها ينطي الوان ..
هنيال امي ههه ههه هه ...
ام هيام : الحمدلله من يسخر الخير و الفرج باي طريقه .. كن فيكون .. تبهرك رحمته ابو هيام ..
ابو هيام : اي والله صح الحمدلله
جبت مسواك طلعت الظهر و رحت للمحل كلت البيت مابي مسواك و ماكو فلوس للجهال يداومون ..
ام هيام : متقصر عيوني دتضغط ع نفسك و صحتك ..
ابو هيام : لا لا ماكو ضغط ام هيام .. الحمدلله انزرقت و خير الله موجود ..
ام هيام : الله يحفظك النا و يديمك بصحه و سلامه
ابو هيام : و يحفظج و يحفظهم النا عيوني ..
هيام : بين فرحة جية ابوية و بين مصيبة بارق و مصيبة غزوان .. نمت بالليل و من القهر اذا خليته ع جبل يصير تراب .. بعد ماكو مصايب بالدنيا كلها التمت ..
سمر : داومت و مالي واهس اداوام .. هففف يا هيام ميصير هيج تخليني قلقه .. طبيت للقاعه ..
هااي منووو؟؟؟
هيووم .. هيووم ولج فدووة ..
شفتها كاعده بالقاعه ركضت عليها و بوستهاا. .. اشلون صررتي ..؟؟؟
هيام : هلو عمري .. الحمدلله .. ماشي حال ..
سمر : ولج ضل بالي ... تسولفيلي من الاول للاخير .. نكتلت من القلق ..
هيام : فديتج .. داسولف و طب بارق .. من الخوف سكتت و دنكت راسي من الفشله .. رحمتك ربي .. احتاجك. ..
گلبي نجلط .. خطف من يمي و طب حسيته صاير نار ..الطلاب مالين القاعه .. انتهيتي هيام انتهيتي ... استعديت للرزلة ..
بارق : ماشفت الراحه صار يومين .. كلامها يدور براسي .. اني كاره عيشتي و اجتي هيام كملتها .. مو تجازين الحب هيج .. گلبي مات ع ايدج ..
طبيت للقاعه شفتها كاعده بدم بارد .. اتذكرت كلامها .. اعصابي صارت نار .. كمت افور .. طبيت شمرت كتبي. ع المقعد ..
هيام : مسمعت غير طبة الكتب ع مقعده جفلت حيل .. شمر كتبه حيل ... گلبي كام يوجعني ..
خطف سريع لحد ما وصل لمقعدي و وكف ...
وكف ...!!!!! يمكن متت سبع موتات ..
... يــــــتــــبــــع ...