Anry's POV
Panuto: Kapag umilaw ang kwintas na ito, nangangahulugan lamang na malapit ang gumagamit sa kanyang soon-to-be-daddy. Automatic na kapag umilaw na ito, lahat ng lalaking nasa lugar malapit sa gumagamit ay hindi siya makikita. At ang tanging lalaking makakakita lamang sakanya ay ang tunay na soon-to-be-daddy niya.
Parehas kaming parang nangningning ang mga mata matapos kong basahin ng malakas ang nakalagay sa kwintas. Halos umabot hanggang kisame ng apartment ang mga ngiti namin.
Yes! So hindi si kuyang kulot na nasa C.R!
"Ba't hindi mo sinabing may ganito pala?" tanong ko.
Nagkibit balikat lang siya, "I did not know, mommy."
Nagtawanan kaming dalawa. "It will be easier for us to find daddy! Yey!" Tumango lang ako siya naman nag-umpisang magtatalon sa kama dahil sa sobrang saya. Nakakatuwa lang tignan si baby boy, sobrang cute! Nakakagigil! Sobrang gwapo!
Masaya ako dahil nga mapapadali na rin 'tong misyon na 'to, pero mas masaya ako kasi nakikita ko kung gaano kasaya ang anghel na 'to.
*
Sa loob ng simbahan
"Umiilaw na ba?" Umiling lang siya.
*
Sakayan ng bus
"Umilaw na?"
"No signs."
*
Sa Jollibee
"Wala parin?"
Umiling sya.
I sighed, "Okay, let's go."
Pinigilan nya ko, "Wait, mommy!"
Lumingon ako sakanya, "Umilaw na?!"
Sa wakas!
"No. I want Jolly spaghetti and Chicken Joy, mommy!"
Bakit ba kami nagawi dito? Tsaka bakit niya alam ang Jolly spaghetti and chicken Joy?
*
Nandito kami ngayon sa isang bookstore. Nawala raw pagod niya kasi nakakain siya ng Jollibee. Tinanong ko rin kung bakit alam niya ang terms ng food, ang sagot niya sa commercials daw.
Matalino, mana sa akin!
"Umilaw na?"
"Nope." habang umiiling.
*
9:55 p.m.
Naglalakad na kami pauwi. Ilang lugar na rin kasi ang napuntahan namin pero hindi naman umilaw ang kwintas niya. Sabi ko nga sakanya, baka pundido na 'yung necklace. Pero pinagmamalaki niya na made in heaven daw ito, kaya imposibleng mapundi.
"Mommy, what is that place?" Tinuturo niya yung bar.
Nilingon ko ang tinuturo niya. "Bar." Natawag siguro ng pansin niya kasi maraming ilaw at maingay. Karga-karga ko siya ngayon, masakit na raw kasi ang mga paa niya at pagod na raw siya.
"Can we go there?" inosenteng tanong niya.
"No, we can't."
Sumimangot siya, "Why not?"
"Kids are not allowed to go inside the bar and I'm not into places like that. Masyadong crowded."
"But I wanna go there!" Pag-angal niya. Kinuyakoy niya pa ng malakas ang mga paa niya.
"No." Hinigpitan ko nalang ang hawak sakanya baka kasi mahulog, sinusundan niya ng tingin ang bar na dinadaanan na namin.
"Let's go inside!"
"I said no." matigas kong sabi. Konti nalang at malalagpasan na namin ang bar, titigilan na rin siguro ako ng batang 'to sa pangungulit.
"Mommy wait! Stop!"
Huminto ako, "'Di ba sabi ko, hindi tayo papasok doo---"
"Look!" Tinaas n'ya yung locket para makita ko.
Mahina 'yung ilaw.
"Move backward, mommy!"
Ginawa ko naman.
Umiilaw!!
Hinawakan n'ya ko sa pisngi at pinatingin sa harap ng bar, "We shoud go in!"
"Pero, di ka papapasukin ng mga guard doon."
Umiling siya. "Remember the instruction?"
Tumango ako.
"So---"
"Ah!" I snapped my fingers. "Oo, 'di ka nila makikita kasi malamang mga lalaki 'yon!" Pagputol ko sakanya.
Paano kung isa pala sa mga bouncer pala ang destiny mo, Anry? Bulilyaso ang plano niyo.
Umiling-iling nalang ako sa naisip ko. "Let's go"
*
Huminga ako nang malalim. Sabi ko kay baby boy humawak lang siya sa duluhan ng damit ko para di siya mawala. Natatakot ako sa mga bouncers. Straight face lang kasi silang dalawa, ang lalaki at muscular ang katawan nila. Naka all black at may kalat na balbas! Para silang kambal! Parehas silang mukhang wrestlers!
"Sandali." Nanlaki ang mga mata ko at nabato sa kinatatayuan ko.
Lumingon ako kay kuya bouncer number 1. "B-bakit p-po?"
Nakita n'ya ba si baby boy? Siya na ba si future daddy?
"Bawal minor dito, neng."
26 years old? Minorde edad?
"N-nagkakamali p-po kayo. 26 n-na po ako. F-first time ko lang kasi sa ga-ganitong lugar."
Hindi na talaga ako papapasukin ng mga bouncers kung hindi lang ako nagpakita ng I.D. Buti nalang din may dala akong bag ngayon.
Pagpasok ko, napahawak ako sa dibdib ko, inaalalayan ko ang puso ko baka kasi mahulog sa lakas ng tunog sa loob.
Nanlibot ko ang mga mata ko sa buong club. May mga nagsasayaw, umiinom, naglalandian, nagke-kwentuhan at kung ano pa. Nilingon ko si baby boy. Tinanggal ko ang kamay niya sa damit ko at hinawakan ito.
"Ayos ka lang? Sa akin ka nalang tumingin, okay?" tumango lang siya kahit na feeling ko hindi naman niya ako narinig talaga.
*
Huminga ako nang malalim bago magsalita. Kailangan kong gawin 'to, kahit magmukha pa kong shunga.
Hinawakan ko nang mahigpit ang kamay ni baby boy tsaka nagsalita, "He-hello!" Napatingin naman sila sa akin. Nasa harapan ako ng isang grupong lalaki na may mga kaakbayan na babae. Punong puno ng beer, pagkain at sigarilyo ang mesa nila.
Pare-pareho silang nakakunot ang noo sa akin.
"Speak! Mommy!" Siya lang talaga nagpapalakas ng loob ko para gawin 'to. Para sakanya rin naman 'yon.
"Nakikita niyo ba siya?" Ipinatong ko ang dalawang kamay ko sa balikat ni baby boy.
May napa-kunot lalo ang noo, may nanlaki ang mata at may umiling.
"Are you drunk, Miss?"
Another guy smirked and said, "Mukhang may tama na nga 'yan mga dre."
"Miss, tara, akong bahala sa'yo?"
Kumaway kaway ako bilang pagtanggi. "Ay, hindi, hindi. S-sige, okay lang ako. Bye." Kailangan ko nang dalian, sobrang dami ng lalaki dito. Mas mahihirapan ako kapag dumami pa sila lalo.
"Wait, miss!" Lumingon ako sa nagsalita.
A-ang gwapo!
"B-bakit?" Kumukurap kurap pa ko.
"I'm Darryl!" Medyo pasigaw na sabi niya dahil sa lakas ng music. "Anong pangalan mo?" Nilahad pa niya ang kamay niya para siguro makipag handshake sa akin.
"S-sorry. But I need to go."
Pagkatalikod na pagkatalikod ko, narinig ko ang mga kantyaw sa kanya ng mga kasama niya kanina sa table. Kesyo, ang hina raw niya, ano raw nangyari at kung ano pa.
Akala siguro non porket ganito itsura ko magpapa-uto na ako sakanya?
*
Nakaka-ilang tables na kami, pero ni-isang lalaki walang nakakita kay baby boy.
Napatigil ako sa paglalakad nang hilahin niya ang kamay ko kaya napalingon ako sakanya.
"Mommy, nawi-wiwi ako." Nakahawak na siya sa pantog niya at nakangiwi ang mukha.
Hinatid ko siya sa tapat ng restroom ng kalalakihan atsaka tinuro ang table na susunod kong pagtatanungan para doon niya ako pupuntahan kapag tapos na siya. Hindi naman din kalayuan dito sa restrooms.
Papunta na sana ako sa table nang may humatak sa akin at bahagyang sumayaw. Hinila ako sa dance floor ng lalaking 'to. "What---"
Tinignan niya ko, at nagtama ang mga mata namin. "Just for a minute, dance with me. Pagseselosin ko lang ang fiancée ko."
"P-pero---"
"Please?" Natigil ako dahil sa mga mata niya, parang nakita ko na noon. Hindi ko kasi maaninag nang buo ang mukha niya dahil madilim.
Pero bakit sa dinami-rami ng mga babae dito, ako pa nahatak nito? Hindi niya ba nakikita itsura ko? Ay kung sabagay, madilim nga pala. Pero hello? Mukha bang pagseselosan ako ng girlfriend ng kahit sinong lalaki dito?
Hindi, Anry. Hindi.
I sighed. Just go with the flow na nga lang muna. Hindi rin ako sanay sumayaw, so talagang nakatayo lang ako sa harapan niya.
"Fuck! Bakit walang epekto?!" Reklamo niya.
"E nasaan ba ang fiancée mo?"
"Ayon." Bahagya niyang tinaas ang hintuturo niya, sinundan ko naman ng tingin ang tinuturo niya. Babaeng nakaupo habang may ka-kwentuhan na lalaki, nagtatawanan pa sila. Nanlaki ang mga mata ko tsaka ako napa-wow. Napaka ganda niya! Nakakulot ang mahabang buhok at nakasuot ng Red dress na hapit na hapit sa katawan niya.
Para siyang model. Sobrang elegante at sopistikadang tignan. Ngayon ko lang ata na-feel na sobrang alikabok lang ako sa mundo.
"Akala ko ba fiancée mo s'ya? E ba't may kasama siyang ibang lalaki?" Parehas kaming nakatingin sa fiancée niya nang magulat ako dahil pinatong niya ang isa kong kamay sa balikat n'ya, at lalong kinagulantang ng buong sangkatauhan ko nang humawak siya sa beywang ko.
Wala pa kasing gumagawa sa akin ng ganito.
Nawala lang ang tingin ko sa mga kamay niya nang magsalita siya. "That guy is her bestfriend. We had a little fight earlier and now she's using her bestfriend to get revenge on me."
"Ay sus! Para pala kayong mga bata 'no? So, gumaganti ka?"
Tumango siya. "But not even working."
"Mommy, I was looking----" Lilingon na sana ako kay baby boy dahil alam kong boses niya 'yon. Pero bigla kong naramdaman ang pagtulak ng lalaking 'to sa batok ko papalapit sakanya naging resulta para magtama ang mga labi namin.
Nalulunod ako. Nalulunod ako sa lalim ng mga halik niya.
Sa gulat ko naitulak ko siya nang malakas pero dahil nakakapit ang isa niyang kamay sa beywang ko, natumba kami parehas. Nakapatong ako sakanya.
Nakita kong pinagtitinginan na kami ng tao. Nakayuko akong gumapang paalis sa pagkakapatong sakanya.
"Shit!" Kaagad akong tumayo at kinuha ang kamay ni baby boy. "Tara na"
Maglalakad na sana ako palabas ng bar nang nakita kong tumayo na rin ang lalaki at hawakan ako nang mahigpit sa braso. "Bakit may bata dito?! Kasama mo?!" Tanong niya.
"Ah.. Eh.." Anong gagawin kong paluso---
Pero, teka?!
"Na-nakikita mo siya?!"
__________________________________________________