"IT'S BEEN a week since you had a fight with your sister but she's still ignoring you, son?"
"Apparently," sagot ni Rabi sa daddy niya na kasalo niya sa dining table habang kumakain ng breakfast na si Ruma ang naghanda pero dahil galit pa rin ito sa kanya, kumain ito sa kuwarto nito. Mahilig sa karne ang kakambal niya kaya heto, beef tapa at sinigang na kanin ang niluto nito ngayon. Siya dapat ang nakatoka sa pagluluto sa umaga pero dahil sa deal nilang magkapatid no'ng summer vacation, ito na ang umako ng lahat ng house chores niya bilang dagdag sa binabayad nito sa kanya para sa webcomics nito. "But don't worry about it, Dad. You know Ruma can get overdramatic most of the time. Mahihimasmasan din 'yon."
He wasn't convinced himself, though. Kapag nalaman ni Ruma ang dahilan kung bakit gusto na niyang i-drop ang Dazzling World, siguradong magwawala ito. Dahil kambal sila, alam niyang hindi ito mag-ho-holdback at talagang sasaktan siya nito physically. That was how they fight since they were kids after all.
But since I'm mature now, I'll try not to hit her back.
Natawa ang daddy niya habang iiling-iling, saka ito sumimsim muna ng kape bago muling nagsalita. "If that's the case, then I won't meddle anymore. Alam ko namang maaayos din niyong magkapatid ang problema niyo."
Tumango lang siya dahil bukod sa inuubos na niya ang natitirang ilang subo ng sinangag ay tinatamad na rin siyang magsalita.
"By the way, your sister said she doesn't want a party for your eighteenth birthday, too," nag-aalalang sabi ng daddy niya mayamaya. "That surprised me because I know that Ruma has been planning her debut since she was sixteen."
That surprised him, too. Gaya ng sinabi ng daddy nila, matagal nang na-plano ng kakambal niya ang debut nito mula sa dress na isusuot hanggang sa venue ng dream party nito. What made her change her mind?
"Ang sabi niya, cash na lang din daw ang gusto niyang regalo," pagpapatuloy ng daddy niya. "Sigurado ba kayong magkapatid d'yan sa decision niyo? Alam niyo naman na dahil sa sitwasyon ng family natin ngayon, maliit lang ang maibibigay namin sa inyo ng mommy niyo."
Maraming gastos ang pamilya nila nitong nakaraan. Early this year, inoperahan sa puso ang lolo nila sa father side at bilang ang daddy nila ang nag-iisang anak ng mga ito, ang ama niya ang gumastos at gumagastos para sa grandparents nila.
'Tapos, buntis pa ang mommy nila ngayon at maselan daw ang kondisyon nito dahil nasa late thirties na. Kaya nga kahit three month pregnant pa lang ito ay nagdesisyon nang mag-stay sa Tagaytay kung saan mas maalagaan ito ng grandparents nila sa mother side. Ayon kasi sa kanilang ina, hindi raw nito makukuha ang complete bed rest na advice ng doktor nito kung mag-i-stay ito sa bahay.
His mommy was an amazing housewife after all. Dahil do'n, hindi nito mapipigilang kumilos at gumawa ng house chores kung nasa bahay ito kaya sinuportahan ng daddy nila ang desisyon ng mommy nila na sa Tagaytay muna mag-stay.
Pero gabi-gabi naman, hindi pumapalya sa pag-video chat ang mommy nila. Tuwing weekend, nag-da-drive ng malayo ang daddy nila para bumisita sa kanilang ina. Naiiwan silang kambal sa bahay dahil natatakot daw ang mommy nila na baka raw gustuhin na nitong umuwi agad kapag nakita sila sa personal.
"Daddy, hindi maliit ang twenty five thousand pesos each na ibibigay niyo sa'min ni Ruma," pag-console ni Rabi sa kanilang ama na halatang nag-aalala sa feelings nila ng kakambal niya. "To be frank, it's too much for a simple birthday celebration."
Noong hindi pa nila nalalaman na buntis ang mommy nila, nagsabi ang parents nila na ibibigay ng mga ito ang engrandeng dream birthday party ni Ruma. Wala siyang pakialam sa celebration pero apparently, importante daw sa mga babae ang eighteenth birthday. Pero nang malaman na ng mommy niya na buntis ito at maselan ang kondisyon, nagdesisyon ang parents nila na mag-ipon para sa paglabas ng baby dahil hindi naman matatapos ang gastos ng mga ito sa panganganak lang.
Kaya hayun, pinapili sila ng mga magulang nila kung gusto nilang mag-celebrate ng simpleng party. Kung ayaw daw nila, hahatiin na lang sa kanilang magkapatid ang budget na fifty thousand pesos. Since he hated parties, he chose to take the money instead and he knew Ruma could still organize an impressive birthday bash with twenty five thousand pesos.
"Your mom and I feel bad for Ruma since we know that your sister wanted to have a grand debut party," sabi ng daddy niya sa malungkot na boses. "Gusto sana naming ibigay sa kapatid mo ang pangarap niyang party pero kailangan nating magtipid ngayon."
"Dad, Ruma won't die if she doesn't get her dream debut. And if she acts up..." Tinaas niya ang kamao niya. "I'll hit her and knock some sense into her stupid head."
Hindi niya masasabing mahirap sila pero hindi rin sila mayaman. Nasa average lang siguro ang pamilya nila at komportable naman ang buhay nila. Sa isang private school pa nga sila nag-aaral ng kakambal niya, eh. Assistant Branch Manager ang daddy nila sa isang malaking bangko sa Manila na hindi naman gano'n kalayo sa Bulacan kung saan sila nakatira.
Malaki naman ang kinikita ng kanilang ama pero sinusuportahan nito ang mga magulang nito kaya hindi sila puwedeng maglustay ng pera sa mga bagay na hindi naman gano'n kaimportante.
"Plus, we'll be college students next year," dagdag ni Rabi. "Parehong expensive university ang gusto naming pasukan kaya wala siyang karapatang mag-inarte ngayon."
"You should seriously stop hitting your sister," natatawa pero iiling-iling na sabi ng daddy niya. "Hindi na kayo mga bata, Rabi."
"Ruma still acts like a third grader so it doesn't make me feel bad when I hit her."
Lalo lang natawa ang daddy niya. "Do it in moderation if you don't want your sister to hate you, son. Anyway, kung tapos ka nang kumain, sunduin mo na ang kapatid mo para maihatid ko na kayo. Kailangan ko ring umalis ng maaga para hindi ako maipit sa traffic."
7AM ang pasok nila ni Ruma sa school at 9AM naman ang pasok ng daddy nila sa office. Pero umaalis na ito ng gano'n kaaga dahil kailangang nasa bangko na ito ng 8:30AM.
"Okay, Dad," sagot niya, saka siya tumayo dahil ang daddy niya ang nakatoka ngayon sa pagliligpit at paghuhugas ng mga pinagkainan. Our family is organized this way.
Dumeretso siya sa second floor kung nasa'n ang kuwarto nilang kambal. Pumasok siya sa bedroom niya at naglakad papunta sa adjacent door para sumilip sa peephole. Pero sa pagkainis niya, tinakpan na nito ng papel na may drawing ng laughing emoji ang butas.
This brat really does annoying things.
Dinukot niya mula sa bulsa ng chinos niya ang mga duplicate keys ng bahay nila, saka niya pinili ang susi ng adjacent door para buksan iyon.
"Ruma, Dad said we have to..." Natigilan si Rabi sa naabutan niyang eksena: si Ruma na nakasuot ng puting sando at plaid skirt na parte ng school uniform nito, nakaupo sa harap ng study table nito at may kaharap na salamin habang nakataas ang isang braso. She was in the middle of plucking her underarm hair using tweezers. Pero hindi na siya nagulat dahil hindi naman 'yon ang unang beses na nakita niya ang kakambal na ginagawa 'yon. "Alam mong hindi puwedeng ma-late si Daddy, 'tapos ngayon ka pa talaga nagbunot ng buhok sa kili-kili?" Tinuro niya ang pinagkainan nitong plato sa mesa. "At ano 'yan? Tingin mo ba, maglalakad mag-isa 'yang pinggan mo papunta sa lababo? Naghuhugas na kaya si Daddy."
"Shut up, Rabi," iritadong saway sa kanya ni Ruma, saka nito pinagpatuloy ang pagbubunot ng buhok sa kili-kili nito. "Saka matatapos na ko. Ako na lang ang maghuhugas ng plato ko mamaya. Just leave me alone for now."
Sumandal siya sa doorframe at humalukipkip. "No, I'll stay here. Hindi mo bibilisan ang pagkilos kung iiwan ka dito. Kaya babantayan na lang muna kita."
"Suit yourself, baby brother."
He just rolled his eyes at her. Pero dahil ayaw naman niyang titigan ang kili-kili ng kapatid niya, nilibot na lang niya ang paningin sa kuwarto nito.
Messy, as usual.
Pastel colored ang dingding ng bedroom ng kakambal niya, gano'n din ang mga furniture nito mula sa rose pink bedsheet at curtains nito. Plus, her room smelled sweet.
She still has those posters, huh?
Nakadikit sa dingding ang poster-sized picture ng dream "galaxy dress" nito. According to one of his sister's rant before, the dress was supposed to glow in the dark. Anyway, sa tabi naman ng pangarap nitong damit ay nakadikit ang picture ng villa na gusto nitong rentahan para sa theme nitong night swimming party. Mahilig kasing mag-swimming ang kakambal niya at si Ariel din ang paborito nitong fairy-tale princess.
The Disney version, just to be clear.
Obvious naman 'yon dahil merong malaking Ariel doll sa kama ng kapatid niya.
Argh, even her bed looks so untidy.
May mga libro at printed hand-outs na nakakalat sa kama ng babae pero kahit hindi pa niya nababasa ang title ng mga iyon, sigurado siyang hindi academic books ang mga 'yon dahil wala itong kahilig-hilig sa pag-aaral. At tama naman ang iniisip niya.
How to Write Romance Novels... Basic Guide to Writing Scripts... Steps to Hook Readers...
Hindi na siya nagtaka. Nasa HUMSS Strand si Ruma at sa pagkakaalala niya ay may Creative Writing subject ito ngayong semester. He was in the STEM Strand but he was still updated with her sister's activities since she told him her schedule when the classes began.
"I'm done," masiglang deklara ni Ruma, saka ito tumayo para kunin ang naka-hanger na white blouse nito sa dingding. Pagkatapos, sinuot na nito ang uniform nito at mabilis na kinabit ang mga butones. Sunod naman ay ang red ribbon na parte din ng uniporme nito. Mukha namang handa na ito dahil suot na nito ang pares ng white high socks at black shoes nito. "I just need to style my hair–"
"No," kontra ni Rabi sa istriktong boses. "We're running late. If you don't hurry up, Dad will be late, too."
"Fine," naka-pout na sagot nito, saka kinuha ang backpack nito sa ilalim ng study table nito. Pagkatapos, naglakad ito palapit sa kanya. "Rabi, help me carry the boxes of cupcakes I need to deliver today. Saka 'yong isa do'n, pakibigay kay Jasper."
Kumunot agad ang noo niya nang marinig ang pangalan ng lalaki. "Bakit ako pa?"
"Because Jasper is your classmate, duh," sabi nito, saka hinawakan ang red necktie na parte ng school uniform niya. Pagkatapos, hinila na siya nito palabas ng kuwarto at hindi siya binitawan sa kabila ng reklamo niya. "Anyway, you have to wait for me after class, Rabi."
"Lagi naman kitang hinihintay since hindi ka makakauwi ng wala ako," sagot niya, saka niya inalis ang kamay nito sa necktie niya. Binigay na sa kanya ni Ruma ang allowance nito bilang bayad sa kanya kaya sumasabay ito ng uwi sa kanya para makatipid ito. Gabi pa kasi ang uwi ng daddy nila kaya nag-ko-commute lang sila pauwi. "Ano bang meron?"
To his surprise, his twin sister turned around to face him and give him one of her "signature" bright smiles. "Pumapayag na kong tapusin na ang Dazzling World. In fact, sa one week na hindi ko pagpansin sa'yo, natapos ko na 'yong script para sa last five episodes ng story. I'll send it to you later so you can start working on the illustrations."
"Oh, that's good then," relieved na sabi niya. Akala kasi niya ay matatagalan pa siya sa pagkumbinsi sa kakambal niya na tapusin na ang Dazzling World. Maybe he could tell her the reason why he was eager to end it now. "Ruma, you have to know that–"
"Kids, hurry up!"
"Okay, Daddy!" masiglang sagot ni Ruma sa pagtawag ng daddy nila, saka siya nito hinarap. "Let's talk later, Rabi. May sasabihin din ako sa'yo, eh."
"Okay," pagpayag ni Rabi. "See you after class then."