شافت ياسمين زوجه ابوها وخالة ايمن
جتي يمها وكفت كانت مترددة بس ابتسمت: الف مبروك ياسمين ان شاءلله تكونين سعيده ومرتاحة
ياسمين صفنت شويه عليها بعدين كالت : شكرا
راحت حنان"زوجه ابوها" وكعدت بعيد وظلت ياسمين تباوع عليها متكدر كل متشوفها تتذكر ابوها شسوه بيها
اجه ولد صغير كان يكمز ويلعب بين البنات واجه قريب على ياسمين
كان عمره 6 سنوات حلو شعره اسود وجهه ابيض وعيونه جوزيه
كولش يشبه ابوها
كللها: انتي عروسه؟
ابتسمت ياسمين : اي عروسه انت شسمك؟
الطفل: اسمي يزن وعندي اخت صغيره اسمها روان
ياسمين عرفت هذا الطفل هو اخوها
خلت ايدها على خده وبعدين باسته : روح لماما حبيبي
وراح يزن لامه وظلت ياسمين تباوع كل شويه على يزن وشافت
روان كانت ناعمه ولابسه فستان وردي وحاطه طوق بشعرها
هم عائله ام واب واولاد عائله متكامله واني وحدي بعيده عن كل هالشي اخذت نفس وقطعت افكارها ريم اخت ايمن
ريم: يسووو حبيبي شطالعه تخبلين والله اسفه ازدحامات كولش
ياسمين بحب: حبيبتي عادي انتي طالعه تخبلين
ريم بتفاخر : طبعا مو صديقه العروس واخت العريس غير اطلع المع
ياسمين تضحك: ههههههه المع حلو هالمصطلح
ريم: اي شفتي افحمج بمصطلحاتي يلا حياتي هسه اجيج خلي اشوف ماما اخاف محتاجه شي
ياسمين: اوك حبي بس مو تعوفيني تره نص الناس الي هنا مااعرفهم
ريم: لا مااطول هسه اجيج
ياسمين رجعت كعدت بعدين جوي بنات عليها كوموها حتى تركص وياهم
وجتي ريم عليها وشاورتها
ريم: يلا يسو حتى تغيرين فستانج وتلبسين غيره
ياسمين: اوك يلا
وصعدو ياسمين وريم فوق حتى تلبس ياسمين غير فستان
كعدت ياسمين ع الفراش حتى تنزع الحذاء
ريم: يسو هسه جايه نسيت شغله جوه
ياسمين: يلا حبابه بسرعه لتتأخرين
وراحت ريم فتحت الباب لكت خالتها
حنان: موجوده جوه؟
ريم: اي خاله جوه بس لتتأخرون علمود الناس جوه
حنان: لا مااطول بس احجي وياها شويه
راحت حنان لغرفه ياسمين دكت الباب ودخلت
ياسمين رفعت راسها وشافت زوجه ابوها
حنان كانت مترددة بس لازم تسوي هالشي: اكدر احجي وياج شويه
ياسمين صفنت عليها واخذت نفس: تفضلي
حنان دخلت وسدت الباب: يمكن هذا الوقت مومناسب لهيج حجي بس ماعندي غير مجال
فتحت شنطتها وطلعت ظرف وكالت: محمد الله يرحمه " ابو ياسمين" قبل ليموت كتب هاي رساله اني والله لا فتحتها ولاشفتها بس كلي اسلمها الج من يموت بحاله اذا مكدر يحجي وياج ويشوفج
محمد حجالي عن الي صار كبل
من تزوجته ماادري بي عنده بنيه كان مرضيت بهالشي يصير بس هو مكلي كال هو مطلق وماعنده اولاد تفاجأت بهالشي هوايه محمد مكان يطلع منه تصرف محلو كان زوج واب طيب يساعد الناس ويحب اولاده ويحترمني من حجالي وعرفت ماادري اعذره وانطي الحق لو الي سواه غلط بس الي صار صار وبهذا الظرف اكيد شارحلج هو اني مااحجي شي الظرف يمج وشوفي
وطلعت حنان وبقت ياسمين صافنه ع ظرف ومتوتره شنو بداخل
الظرف شمكتوب بي حاط اعذار يبرر لنفسه ! يريد يقنعني لو اسامحه
فتحت الظرف وايدها ترجف خايفه من الي مكتوب بي
طلعت رساله طويله بدت تقراها وايدها وجسمها يرجفون والدموع بعينها مصدكت عيونها من الي دتقراه
دخلت ريم عليها وشافتها واكفه جامده بدون حركه بس دموع
تنزل
ريم راحت بسرعه عليها وبخوف لزمت وجهه: ياسمين شبيج احجي شكو
ياسمين ظلت ساكته عبالك بغير عالم ومحاسه بشي
ريم بدت تخاف وكامت تهز بيها علمود تحس عليها : لج ياسمين شكو احجي وكعتي كلبي احجيييي
ياسمين وكأنو بدت تستوعب الي صار والمكتوب وبدت تعيط
وتبجي وحضنت ريم وتبجي بحركه انهارت
وبدت تكول كلمات ريم مدتفهم عليها بس تريد تهديها شصار هيج بيها خاله شنو كالت الها
محست غير ياسمين وكعت واغمى عليها بيدها