سحر الياسمين

لغه العيون

(4)

ايمن:انتي صديقتها ولامرة سامع بيج المهم لوسمحتي طلعي بره

ياسمين تفشلت وانجرحت راحت تاخذ التراجي من الكع وانطفت الكهرباء الغرفه الظلمه ممبين شي راحت تمشي بس انضربت بشي قوي وجتي الكهرباء شافت نفسها كدام ايمن وانضربت بجسمه وكانت قريبه منه

ياربي شنوهالفشله ليش ديصير وياية هيج

ايمن مشاعر غريبة بداخله عيونها بيها سحر بيها كلام هواية وحس ع نفسه وابتعد

ياسمين انحرجت اكثر وراحت بسرعه اخذت الصندوق وطلعت بدون اي كلمه

شاف ايمن التراجي مالتها بالكع اخذها وحطه بجيبه وطلع من غرفه وهو مبتسم

ياسمين راحت بسرعه لغرفه ريم وهي منحرجه وخايفة تفكر بآلي صار خافت ايمن يطردها او شلون تروح للشركه بعد هالموقف ولازم اني اعتذر حتى ميفهمني خطآ وظلت صافنه ريم راحت عليها كلتلها:شبيج صايرة حمرة بشنو تفكرين من جيتي وانتي صافنه

ياسمين:لاحبي مابيه شي

ريم فكرت سبب هالشي سالفتها القديمة معقوله منسته!

ونزلو البنات ونزلت العروس ريم للاستقبال كانت كلها مزينة بالشموع والورد وديكور كولش حلو كعدت ع كرسي الي كان مزخرف بطريقه راقيه وجنبها الورد الابيض والاحمر بلون فستانها والشموع والاضوية نازله من السقف كان المنظر جميل ،فتحو الاغاني وكامو يرقصون البنات وكامت ترقص ياسمين والكل يباوع عليها كانت ايه من الجمال رشيقه وحلوة وعيونها الي لونها غريب يريدون يعرفون تكون بنت منو .خلصت الحفله والكل كان تعبان وراحو بقو بيت عمها وياسمين وية ريم تساعدها راحو بيت عمها وساعدتهم ياسمين بالتعديل وراها ياسمين وريم كانو كاعدين بالاستقبال ياسمين لريم :اني راح اروح تآخرت

ريم:ليش خليج باتي حباااابه

ياسمين:لاحبي مترهم عندي شغل بالبيت غير مرة حبي

ريم:اوك حياتي ع راحتج

ياسمين:اكو احد فوق اريد اروح اجيب عباتي