سحر الياسمين

افكر

(9)
ياسمين بتفكير :انطيني مجال 4ايام افكر بالموضوع
عماد:موهواية 4ايام
ياسمين:استاذ عماد هيج موضوع موسهل اريد افكر
عماد:اوك الله يصبرني مع سلامة
ياسمين ظلت ساكته وتفكر شكوله زين كتله 4ايام مترهم ارفضه رئسا هسه يفكر انوهو بي شي من يجي اشرحله احسن

سمع محادثتهم وانقهر كولش ليش كالت تفكر معقولة تقبل وليش متقبل شكله حلو عنده فلوس واني ليش افكر بالموضوع اصلا هي متعنيني شتسوي تسوي

مراليوم الثاني بدون حدث مهم كل واحد بشغله وملتهي بس ايمن صار عصبي على كولشي يضوج ويعصب خصوصامن يشوف ياسمين
اجه اليوم الثالث ريم اتصلت على ياسمين وطلبت منها تجي يمها للبيت ويروحون للسوق لان ريم تريد تجهز وتحب ذوق ياسمين.جتي ياسمين لبيت ريم كعدو شوية وكامو يريدون يطلعون يم الباب شافو ايمن دخل للبيت ياسمين من شافته ارتبكت هي مكالت لريم تشتغل وياه بشركه محبت تكوللها هيج موضوع ،ايمن شاف ياسمين وريم يريدون يطلعون
ايمن:وين رايحين
ريم:اني وياسمين راح نطلع للسوق ياسمين تريد تسـ.. ملحكت تكمل كلامها وقاطعها ايمن بعصبيه:شنو تروحون وحدكم هيج طلعين بدون متاخذين رآي احد انتي عندج اهل موبكيفج وين متردين تروحين مثل صديقتج طالعين بنات وحدكم شبيج انتي
ياسمين انجرحت كولش من كلامه وانقهرت طلعت بره بالحديقة تنتظر ريم
ريم بعصبيه:هاي شبيك انت اليوم حتى مخليتني اكمل كلامي حسام يوصلنه ويجي ويانه(حسام خطيب ريم) رئسا عصبت علينه وياسمين شعليها تحجي وياها هيج عيب تره وهالايام انت موطبيعي دائما معصب وضايج
ايمن حس على نفسه وكال:وين تروحون لآي سوق
ريم :مول....
ايمن :اوك
وطلعت ريم بسرعه وشافت ياسمين واكفه ودموعها بعينها
ريم:اسفة حبي ايمن موقصده بس هو عباله وحدنه نطلع
ياسمين:لاعادي هوحقه انتي اخته ويخاف عليج مومثلي محديسآل عليه