سحر الياسمين

حب

في اليوم الثاني
كعد ايمن من النوم وشاف ياسمين بحضنه ابتسم بحب الها واخذ ايدها وباسها وتقرب من خدها يبوسها
ياسمين بدت تفتح عيونها وحست على ايمن وابتسمت بخجل
ايمن بصوت كله حب : صباح الورد صباح الياسمين على حبيبتي
ياسمين بضحكه: صباح الحب
ايمن: احلى نومه نمتها وانتي بحضني خليتيني املك الدنيا
ياسمين خجلت وغطت راسها باللحاف
ياسمين: كافي ايمن تره بعد ماابقه يمك
ايمن: لاوالله موهي بكيفج انتي صرتي مرتي الي وحدي
ياسمين طلعت راسها شويه من اللحاف وكالت: وانت الي وحدي ماكو وحده تشاركني بيك الي وبس
ايمن بضحكه : الج وحدج شتسوين بيه راضي
ياسمين: الله يخليك الي، يلا كوم خلي نتريك

كامت ياسمين و ايمن يحضرون نفسهم والشنط حتى يروحون لبيتهم
كانو مقررين يكون شهر العسل بتركيا

اثناء مدتحضر ياسمين اغراضها شافت التراجي الي انطاها الها ايمن
ابتسمت وتذكرت مواقفهم الي جمعتهم وكالت بداخلها: الله يخليك الي شكد اني سعيده وياك وفرحانه متوقعت راح ارتبط بهيج انسان طيب وحنون
وخلال هالذكريات الحلوه فجأه جتي صوره مصطفى من شافته البارحه بالعرس
وقلقت كالت معقوله يعرفه ايمن لان شلون اجه للعرس
بس ميخالف اني ممسويه شي وحاجيه كولشي لايمن بس خوفي ليسوي شي مصطفى "يارب كون ويايه اريد اكون مرتاحه بحياتي ولو مرة"