سحر الياسمين

عرس

بعد مرور5شهور
اجه اليوم الي كان يحلم بي ايمن يوم زواجه وية البنية الي حبها وتملكت احاسيسه
ايمن اختار افخم قاعه للعرس كانت كولها شموع وورد احمر وابيض واصفر فاتح تنزل من السقف وبداخل الورد كرستالات
الطاولات مزينه بطريقة راقيه شموع وورد منثور عليها الكوشه كانت تجنن .
دخلت ياسمين بثقه كانت لابسه فستان ابيض طويل ماسك على جسمها من فوق بي ردن كولها دانتيل ومن جوه منفوش شوية كان الفستان مزين بكريستال ناعم وبطريقة انيقه وشعرها الي رافعته بس باقي خصل ع كتفها التاج الي مزين شعرها طالعه اميرة مكياجها الناعم الي بين لون عيونها ومزيدها جمال كانت اميرة وتمشي والكل يسمي عليها من الحسد.
ودخل وياها فارس احلامها ايمن ب ملابس رسمية انيقةوبوردةحمرةصغيرة مزينه السترةكان بكامل اناقته.
كعدو ع الكوشة وبدت الاغاني والناس فرحانه
ياسمين كانت خايفة كل متفرح يصير شي يعكر مزاجها بس بعدت هالافكار من بالها جوي اصدقاء ايمن يباركون لايمن وللعروس
اجه واحد انيق وحلو سلم على ايمن وباركله ياسمين مكانت منتبهه راح يسلم للعروس ويباركلها شافته انصدمت وهو انصدم بس انتبه لنفسه باركلها وراح.
اما ياسمين ظلت ممستوعبه هذا مصطفى (خطيب ياسمين سابقا)ليش ايمن يعرفه؟
ياربي متوقعت بيوم اشوفه ظلت ياسمين قلقة والكل فسر سبب قلقها انوخايفة من زواج .
بعد مراحو للفندق كانت طول الطريق تفكر ليصير شي ومصطفى يآذيها
دخلو للغرفه ياسمين كانت خايفة وحتى نست شغله مصطفى بقت هي وايمن وحدهم.
ايمن كان متوتر ومرتبك
طلع من جيبه علبه صغيرة ومدها الها ياسمين شافت العلبه و اخذتها منه وفتحتها شافت التراجي مالتها الي كانت ناسيتها بغرفته بهذاك الموقف تفاجئت بيها وابتسمت
ايمن ابتسم بحنيه :هاي التراجي كانت وياية وين مااروح هي السبب خلتني اتعلق بيج وافكر بيج بكل لحظة بيها سحر مثل صاحبتها سحر الياسمين.

ا