الصباح اتصل علي حسام قال لي جود عيانه في دقيقه لقيت روحي جاهزه وطالعه امي قالت لي يا بت علي وين 😳 قلت ليها جود عيانه قالت لي في ياتو مستشفي قلت ليها في البيت ح امشي اجيبها واجي 😢 قالت لي انتظري امشي معاك ابوي قال ليها خليك بوصلها ابوي وصلني قلت ليهو انزل معاي قال لي لا انا برجع وانتي حسام بعدين بجيبك قلت ليهو تمام طلعت الشقه دقيت الجرس فتح لي حسام من غير ما اسلم قلت ليهو جود وين قال لي في الغرفه جوه جريت علي الغرفه فتحت الباب لقيت السرير فاضي اتلفت لقيت حسام يتبسم ☺ قلت ليهو هنا مافي وين قاعده عايزه ادخل الغرفه التانيه مسكني قال لي جود مافي البيت قلت ليهو في ياتو مستشفى طيب 😱 قال لي بعد الشر عليها قلت ليهو طيب قاعده وين قال لي اهدي جود بخير ما عندها حاجه عند ناس امي قلت ليهو يعني ما عيانه قال لي لاااا قلت ليهو طيب بتغش فيني لييه 😒 قال لي عشان تجي لانو عارف لو قلت ليك تعالي ما بتجي الأ عن طريق جود وعايزين نصل لحل ح نفضل كده لمتين لينا 5 شهور بعيدين عن بعض 😢 قلت ليهو لحدي ما ورقتي تصلني قال لي ولو قلت ليك ما في ورقه وقرب علي قلت ليهو لا في وبعرف بشيلها كيف 😓 قرب علي شديييد لم حسيت بضربات قلبي زادت وهو مبتسم ابتسامه تدوب الحديد 😍 قال لي وريني ح تشيليها كيف في اللحظه دي قطعت مويه ونور 😅 بس فجأه اتزكرت لم اتهمني بإني داسه الحبوب لزيتو قلت ليهو زح مني كيف تقرب من وحده كانت عايزه تقتل طفلك قال لي ولو طلعتي بريئه اقرب منك عااادي قلت ليهو وانت عرفت كيف اني بريئه قال لي لأنو انا الختيت الحبوب في دولابك اتخلعته قلت ليهو بانفعال تختها انت وتشاكلني انا وتتهمي اتهام زي ده عايز تصل لشنو كُنت ولأ عايز تشوه سمعتي يعني واهنيك فعلا ده الحصل ودموعي نزلت 😭 وفتحت باب الغرفه عايزه اطلع مسكني من معصم يدي وداني الدولاب طلع جواز السفر قال لي شوفي ده قلت ليهو ما ح اشوفو لأنو ما بهمني قال لي لا ح تشوفي لأنو انتي بالزات بهمك انتي عارفه المفروض بعد بكره اسافر الامارات ومن غير عوده في اللحظه دي اتخلعت قلت ليهو شنووووو فتح لي الجواز فعلا عامل التأشيره وقاطع التزكره لم شفتها عيوني اتملت دموع قلت ليهو ده شنو طيب وبالنسبه لـ بتك قال لي ما كنت عارف القدر وانو ح يحصل كده 😔 كنت عايز اطلقك انتي و سمر ربنا يرحمها وبتي مصاريفها شهري تصلها قلت ليهو برضو ما فهمتك عملت كده لشنو 😳 قال لي طيب تعالي قعدني في السرير قال لي يوم كنت قاعد في الغرفه سمعت سمر في الصاله كانت بتغيظك بالولاده والحمل ما استحملت بعد جايي اشاكلها تاني اتزكرت انها حامل عشان كده فكرت قلت استحاله تقدرو تتأقلمو مع بعض وقررت اضحكي بحبي من اجل راحتك قلت في الحمل بتطاعن فيك طيب بعد الولاده الوضع ح يكون كيف عشان كده فكرت في خطة الحبوب دي عشان انتي تزعلي وتطلبي الطلاق وبسبب الحليفه الـحلفتها اطلقكم الاتنين وارمي كل شي وراي واسافر بس انتي ما طلبتي الطلاق وكل ما ابوك يجيني كنت بقول ليهو عايزه اسمعها من شجن 😔 وبعد عرفت انو جاك عريس قلت ما بقيف في سعادتك عشان كده قلت لابوك يصبر علي شهرين في الفتره دي سمر ح توضع ممكن اطلقها عادي وكنت عايز اديك ورقتك واسافر مباشره لانو ما عندي زي شجاعتك اني احضر عقد حبيبتي وعشان اثبت ليك اكتر تتزكري اخر يومين قضيناهم مع بعض كنت بقول ليك شنو مش كنت دايما بقول ليك سامحيني لو غلطت في حقك واي شي بعملو لصالحك كنت قاصد موضوع الحبوب طبعا انا بسمع فيهو ومصدومه 😳 وبقلبي بقول يا ربي ده جادي في كلامو ولأ بكضب علي قال لي بس كنت مسافر وشايل معاي الزكريات شجن اتكلمي قولي حاجه قلت ليهو ما عارفه اصدقك ولأ قاطعني قال لي والله دي الحقيقه قلت ليهو بس انت 3 شهور ما حاولت تسأل مني قال لي يومي كنت بلقى اخبارك قلت ليهو من ريم صح قال لي ومجتبي قلت ليهو مجتبي ود خالتي قال لي اي حتي كنت بضرب ليهم عشان يخلو الخط فاتح ويتكلمو معاك وكنت يومي بسمع صوتك كل ما يحكي لي كنت بتفاجأ بتصرفو قلت ليهو وهسه عايز تعمل شنو ح تسافر تخلي بتك وراك وبقلبي قلت ليهو وانا 😢 قال لي بتي مطمن عليها في يد امينه وصدر حنين قلت ليهو بصوت مكسور يعني مسافر قال لي الأ اذا لقيت لي سبب يمنعني السفر او زول عزيز يقول لي ما تسافر قلت ليهو طيب امك وابوك قال لي ح اشيل رضاهم قلت ليهو حسام قال لي يا عقل وقلب وحياة حسام سكت ما رديت قال لي ما عايزه تقولي حاجه قلت ليهو لاااا 😔 قال لي طيب اسافر يعني هزيت ليهو راسي لااا قال لي حياتي انتي وحضني عليهو قلت ليهو حسام انا مشتاقه لـ جود قال لي انا بفكر في شنو وانتي في شنو بس حااااضر وما عايزه سومي مع جود قلت ليهو لاااا قال لي خلاص جود ماف قلت ليهو حسام قال لي خلاص ح اجيبها بعد نستقر وترجع حياتنا زي الاول بنتكلم كده تلفون حسام ضرب رد اهلين عمي لا كل الامور ظبطت الحمدلله في اللحظه دي اتزكرت سمر لم بتتصل عليهو ودموعي جرت 😭 حسام قال ليهو مافي عوجه اي بجي
بها بكره الصباح وقفل الخط قال لي خلاص سمعتي صوت ابوك وبكيتي 😒 وغلبني اوقف البكا طلع جاب لي مويه قال لي شجن مالك قلت ليهو اتزكرت سمر قال لي ربنا يرحمها طيب خلاص اطلعي ارح رجعني بيتنا ابوي قال ليهو مالكم جيتو قال ليهو عندي شويه حاجات عايز اعملها وبجي بسوقها ابوي قال ليهو اختلفتو تاني ولأ شنو قال ليهو استحاااله تاني نختلف بس شجن اتزكر سمر عشان كده جينا ابوي قال ليهو بس اعرف تاني لو زعلت شجن ما بساعدك ترجعها واعرف اني اول واحد ح اقيف ليك 😒 قال ليهو ما عندك مشكله طبعا اتفاجأت انو ابوي كان واقف في صف حسام بعد حسام مشي سألت ابوي قال لي وقفت في صفو عشان حكى لي الحقيقه طبعا امي كانت معترضه علي رجوعي لـ حسام بس ابوي حكيَ ليها واقنعها ..
انا وحسام علاقتنا رجعت زي الاول واكتر وجونا خالتو نوره وعمو محمد باركو لينا الرجوع زي العرس الجديد 😅 اتصل علي قال لي بكره من الصباح خليك جاهزه ح اجي اسوقك وما عايز تأخير اصبحنا الصباح قمت بدري امي قالت لي الوحده بسوقوها المساء انت سايقك الصباح مالك زي ناس المدرسه 😒 قلت ليها يا امي الصباح والمسا واحد قالت لي غايتو ولوت لي خشمها 😏 حسام وهديل جو ساقوني اول ما شوفت حسام حسيت كإني مراهقه وشافت حبيبها 😍 رجع لي حسام الاول الأنيق الوسيم الشال قلبي من اول نظره وظبط اللحيه قلت ليهم ماشين وين وهديل شغاله توصف لـ حسام الطريق فجأه وقف جنب كوفير قلت ليهم دا شنو 😳 حسام قال لي عايزاني اسوقك كده وفتح لي كفة يدي قال لي البشوفنا داخلين الشقه وانتي كده يقول علينا شنو قال لينا بعد تنتهو اضربو لي نزلنا هديل قالت لي والله ما مصدقه انكم رجعتو زي الاول مش قلت ليكم انكم مخلوقين لبعض 😍 بعد الحنه اتصلت علي حسام ورجعنا البيت قال لي بكره خليك جاهزه بجي اسوقك 😘 قلت ليهو تمام دخلت لامي قلت ليها اها ظلمتيهو ساي ح يسوقني المسا وفعلا جا ساقني واثناء ماشين غير طريق البيت قلت ليهو حسام ماشين وين 😳 قال لي بيتنا قلت ليهو بس ما بهنا قال لي دي مفاجأه وقف العربيه قال لي انزلي قلت ليهو وين 😳 قال لي ده بيتنا نزلت وما مصدقه وفعلا لقيتو بيت جديد قلت ليهو طيب والبيت القديم قال لي بعتو واشترينا ده قلت ليهو لـ شنو قال لي عشان نبدأ حياة جديده وبعدين القديم دخلتك فيهو في دقيقه قلبتيها لي نكد وزكريات بس هنا عايزين نملأ البيت فرح ونرمي الزكريات ورانا تمام قلت ليهو تمااام عايز يقرب مني فجأه اتزكرت انو لمس سمر اشمأزيت منو لزيتو قلت ليهو حسام ابعد مني اتخلع قال لي حبيبي في شنو 😳 قلت ليهو بس ما تقرب علي وقعدت ابكي قال لي طيب اهدي في الاخر من تصرفاتي عرف انو السبب سمر قال لي اووووف منك اووووف يا شجن سمر حيه وميته واااحد لازم تدخليها في علاقتنا وريني بس اعمل معاك شنو زهجت خلاااااص 😠 وطلع وانا رقدت في السرير ابكي بعد نص ساعه جا داخل الغرفه قال حبيبي الزعلو منو يا ناس وقعد و زعلك سومي ولأ حسام ولأ الاتنين بس اكيييد ده حسام لانو سومي ما بزعل حبيبتو صح 😘اتلفت عليهو حسام والله ما بيدي انا عارفه اني غلطانه بس والله ما بيدي 😭 قال لي وهو بمسح في شعري حبيبي انا الغلطان ما كنت انفعل فيك كل المحتاجه ليهو انتي شوية وقت وانفعالي ده خايفك تضيعي مني تاني بس اوعدك مع الوقت كل شي يتصلح بس ساعديني حاولي انسي سمر او كل ما تتزكريها اتزكري جود حبيبي والله انا ما قربت عليها الأ مره واحده وكانت برضاك صح قلت ليهو حسام ممكن نقفل الموضوع ده قال لي حاضر حبيبي انا يلاااا بطلي نكد وفعلا بدينا من الصفر وعشنا اجمل ايام حياتنا بوجود جود وحاليا عمرها 6 شهور
خالتو نوره سافرت العمره وجات المسا حسام ودانا سلمنا عليها قالت لينا الا تبيتو معانا واصلا بكره الكرامه قلت ليها ما جبت لـ جود حاجاتها بس بنجيكم بكره من الصباح كضابه يا انا 😅 طبعا بقيت اجيهم زي الضيفه ما زي زمان لانو ما قدرت انسي خالتو نوره كانت جاهلاني خلال الـ 3 شهور 😒 وخلاف ده كانت بتنادي سمر قدامي ام حفيدي من غير ما تراعي لمشاعري 😏 المهم رجعنا البيت يوم الجمعه من الصباح حسام قال لي اجهزو عشان نمشي قلت ليهو حسام انا ما ماشه حضني من ورا قال لي قاسيه حبيبي انا ما نسيتي طيب لسه مُصره ما تحكي لي الموقف الحصل في بيتنا وخلاك تزعلي الزمن ده كلو 😢 قلت ليهو حسام قاطعني قال لي وهو بحاكي فيني ما في حاجه حصلت ح تقولي لي كده صح 😅 قلت ليهو وقت عارف الاجابه بتسأل ليه قال لي طيب لو قلت ليك ارح عشاني ما ح تمشي سكت قال لي خلاص خليتك ما ح اضغط عليك 😘
حسام اتحمم وجهز وجا طالع قلت ليهو حسام دقيقه انتظر قال لي عايزه حاجه قلت ليهو اقيف سوق معاك جود قال لي خلاااص قررتي تمشي قلت ليهو لااا قلت ليك جود قال لي جود براها اوديها وين 😒 قلت ليهو من حقها تمشي بيت حبوبتها وتحضر الكرامه قال لي مش انتي ما ماشه خليها معاك وبعدين ح اشيلها كيف وانا سايق العربيه قلت ليهو بختها ليك في شنطتها وختها في الكرسي عادي ما بتجيها حاجه وفعلا لبستها وريحتها بنت زي الملاك 😍 وجهزت حاجاتها ساقها معاهو بعد وصلو اتصلت علي خالتو نوره قالت لي مالك ما جيتي يا بتي قلت ليها تعبانه ما قدرت اجي بقلبي قلت ليها المره دي عايزين تقطعو فيني بشنو انتي واختك 😏 قفلت الخط وجود خلت البيت خفيف فقدتها والله بعد شويه اتصل علي حسام قال لي لقيتي المكان هادئ وعايزه تنومي صح قلت ليهو اي والله 😅 قال لي جود قاعده تبكي رايك شنو اجي اسوقك ليها قلت ليهو لااا بدل تجي تسوقني جيبها هي ولأ خلي هديل تعمل ليها البزازه قال لي يعني مصره انك ما تجي قلت ليهو ما تضغط علي قال لي تمااام ..
المسا جو راجعين ما صدقت شلتها وابوس فيها جود حبيبة ماما 😘😍 وهي من شافتني تضحك كل ما تكبر كل ما نتعلق ببعض اكتر واعتبرتني امها الحقيقيه ما بتسكت لزول الأ انا وحسام ومرات حتي حسام بتبكي منو الأ اشيلها انا 😘 حسام قال لي بديت اغير منها بالمناسبه ما ملاحظه اهتمامك كلو اتحول ليها قلت ليهو اكيييد عندي كم جود انا ...