اليوم التاني الساعه 6 صباحآ اتصلت علي هديل واول ما فتحت الخط سمعتها بتبكي قلت ليها هديل في شنو قالت لي شجن سمر وغلبها تتكلم قلت ليها سمر مالها 😳 هديل ردي علي سمر مالها قالت لي ماتت في اللحظه دي فكيت الصرخه من غير ما اشعر ريم صحت مخلوعه وامي وابوي جو جاريت يا بت في شنو وانا ببكي وبقول سمر ماتت هديل قالت سمر ماتت 😭 امي قالت لا حولا ولا قوة الأ بالله ربنا يرحمها ويسكنها فسيح الجنات ابوي قال لي انا لله وانا اليه راجعون خلاص اجهزو نمشي العزا وانا لحدي ما وصلت بيت البكا وشوفت الجنازه ما كنت مصدقه 😭 واول مره اشوف حسام متأثر كده والناس كانت محتاره اني ببكي عليها بالطريقه دي وهي ضرتي قعدت انا والبنات مع اهل سمر يومين لحدي ما ايام البكا انتهت وفي الفتره دي كنت بسمع كلام جارح في غنا عنو 😔 في البقول انا السبب في موت سمر وفي البقول انا قاعده في بيت البكا شمتانه وفي البقول انا اصلا مطلقه وحسام جادعني وفي البقول هسه قاعده عشان ارجع راجل سمر بعد ماتت وهم ناسين انو راجلي قبل ما يكون راجلها 😒العصر ودعت خالتو نوره قالت لي ما قصرتي يا بتي قلت ليها ده الواجب وبعدين سمر دي صحبتي قبل ما تكون زوجه حسام اتقدمت خطوتين قلت لأمي اعمل شنو هسه بخصوص الطفله و وصية امها 😢 قالت لي يا بتي ده ما وقتو الناس ديل لسه محسورين علي بتهم وبعدين كلهم كانو حاضرين الوصيه وحسام هسه قاعد وبرضو كان حاضر عشان كده خليهم يعملو البريحهم وانتي ما عليك لوم ولا ذنب طلعنا حسام جا قال خلاص راجعين امي قالت ليهو اي والبركه فيكم وربنا يجعلها اخر الاحزان 😔 قال ليها اللهم امين طيب تعالو اركبو اوصلكم قلت ليهو لا شكرا بنركب امجاد 😒 قال لي ما عشانك عشان خالتو ساميه 😒 امي قالت ليهو يا ولدي شكرا انتو زاتكم مضيوفين قال ليها بس ده برضو واجبي اوصلكم فتحت العربيه ركبت ورا وامي ركبت قدام وطول الطريق كان بتكلم مع امي وانا ساكته وصلنا البت لم جينا ننزل قال لامي بعد ايام البكا تعدي ح اجيكم ان شاء الله لأنو عندنا قعده بخصوص وصيه سمر ربنا يرحمها وعاين لي بالمرايه امي قالت ليهو تشرفو لم جيت انزل اتلفت عاين لـ يدي الشمال وصر لي وشو 😠 ما اشتغلت بيهو كتير دخلنا البيت قلت لأمي كيف عايزين يقعدو بخصوص الوصيه يعني غيرو رايهم ما عايزين يدوني البنت 😭 قالت لي بري يا بتي ما عارفاهم بس البنت بتهم ومن حقهم قلت ليها وبالنسبه لـ كلام سمر و وصيتها الاخيره 😢 قالت لي ده يبقى بينهم وبين ربهم دخلت غرفتي وانا بفكر وفي ايام البكا اتعلقت بالطفله شدييييد والليل كلو كنت داخله النت بقرأ عن كيفيه التعامل مع الاطفال حديثي الولاده 😍
بعد اسبوع ابوي جا من الشغل قال لي يا بتي ضرب لي عمك محمد وقال المغرب جايننا قلت ليهو جايبين الطفله معاهم 😍 قال لي والله ما عارف بس قال لي جاينكم قلت ليهو تمام قال لي لو ادوك ليها اصلو ما تشيلي هم هنا في وسطنا بتتربى كلامو ده طمني فضلت منتظره متين المغرب يجي واشيلها في حضني 😍 المغرب وصلو ابوي استقبلهم بعد دخلو غلبني اصبر رسلت ريم قلت ليها تشوفهم جايبين معاهم الطفله بس جاتني بالفاجعه انو ما جابوها قلت اذا غيرو رايهم لييه كده يعني ما واثقين فيني 😒 طيب جايين لشنو قلت ليها الجا منو قالت لي حسام وامو وابو ؛؛ امي جات داخله قالت لي شجن اطلعي سلمي عليهم قلت ليها ما طالعه الطفله ما جابوها جايين لـشنو ما في حاجه بتربطني بينهم غير الطفله 😒 قالت لي عيييب جونا في بيتنا اطلعي سلمي اعتبريهم اي ضيوف قلت ليها مالم ما جونا قبل 33 شهور عايزين يجو علي كيفهم ومنتظرني ارحب بيهم يبقو غلطانين كفايه اتنازلت حق حقوقي كتير بس لحدي هنا وكفايه 😔 امي طلعت وجاتني تاني راجعه قالت لي شجن نوره دي قالت دايراك في كلمتين وجاياك هنا قلت ليها يا امي ما في زول يجيني خالتو نوره زاته ما اتزكرتني الا بعد سمر اتوفت ومافي بينا كلام مخصص 3 شهور ما سألت عني😒 امي نهرتني قلت ليها طيب ح امشي اشوفهم عايزين شنو بس كوني اضحي واضغط علي نفسي تاني عشان خاطرهم لاااااا 😒 وفعلا طلعت سلمت عليهم لم سلمت علي خالتي نوره قالت لي شجن مرت ولدي 😍 بقلبي قلت ليها لو عاداني مرت ولدك كنتي جيتي سألتي عني الفتره الفاتت مش رميتوني انتي و ولدك .. وحسام كل مره يعاين لي في يدي ويصر وشو 😠 بس ما اشتغلت بيهو كتير لانو بطني طمت منو 😔 عمي محمد الوحيد الـ ما قصر معاي قال لي طبعا يا شجن جاينك بخصوص الطفله زي ما عارفه بقلبي قلت خلاص عايز يعتزر ويقول لي ما ح نديك ليها 😢 قلت ليهو خير قال لي المرحومه سمر ربنا يرحمها وصت انك تكوني امها البديله صح قلت ليهو صح قال لي هسه جايين نشوفك بتقدري تمسكيها ولأ لا ولو ما بتقدري عليها اتأكدي تماما مافي زول ح يلومك ولأ يعاتبك لأنو ده من حقك وما ح نضغط عليك يااااخ ما صدقت قال لي تمسكيها 😍 قلت ليهو زي ما عارف يا عمي سمر دي صحبتي من 55 سنين عشان كده ح اعمل بوصيتها وامسكها ☺ كلامي ده قلتو مخصوص عشان خالتو نوره وحسام عمي محمد قال لي عارفك والله بت رجال قلت ليهو بس بشرط طبعا كلهم اتخلعو لم قلت كده حتي امي اتخلعت 😅 عمي محمد قال لي شرطك شنو قلت ليهو ح تقعد معاي محل ما انا قاعده في بيت ابوي كلهم سكتو ابوي قال لي لو ما شالها البيت نشيلها في عيونا طبعا حسام اتصدم خالتو نوره قالت لي بس البنت المفروض تتربي في بيت ابوها 😒 قلت ليها بس بيت ابوها انا ما عندي حق فيهو في اللحظه دي حسام رفع راسو عاين لي بخلعه 😳 خالتو نوره قالت لي بس حاليا كل حاجه اتغيرت قلت ليها بالنسبه لي ما في حاجه اتغيرت 😊 بقلبي قلت ليها يعني عاملني اسبير عشان خاطر حفيدتكم 😏 خالتو نوره قالت لي طيب ممكن نتكلم مع بعض برانا قلت ليها اتفضلي وطلعنا من جنبهم قالت لي شجن يا بتي بقلبي قلت ليها يا دوب بقيت بتك 😏 قالت لي انا لحدي هسه انا محتفظه بالدبله وما اديتها لحسام لانو وضعو ما كان بسمح اني اديها ليهو هسه يا بتي اديك ليها رجعيها في يدك وكأنو ما حصل حاجه 😓 قلت ليها بعتزر يا خالتي بس بقت ما بتلزمني بقلبي قلت عايزني انسي بالسهوله دي قالت لي عشان خاطر الطفله قلت ليها الطفله زي ما قال ابوي علي العين والراس بس في بيت ابوي خالتو نوره عملت زعلانه بس انا كنت مرتاحه 😌 طلعنا وحسام لسه بحمر لي ويعاين لـ يدي في الاخر اكتشفت عشان ما لابسه الدبله طلعو مننا من غير ما يقولو موافقين علي شرطي ولأ لا امي قالت لي خير ما فعلت بالشرط حقك ده 😘 قلت لأبوي بعتزر عشان قلت كده بس ما عايزه امشي معاهم قال لي يا بتي راحتك اهم شي انتي والطفله في عيوني الاتنين والبيت ده ح يكون بيتها قبل ما يكون بيتك دخلت غرفتي ريم شاكلتي قالت لي كيف تقولي ليهم كده 😠 مش كان بتتمني يدوك ليها هسه طفشتيها منك يعني شنو لو مشيتي معاهم طال ما مطلقك 😒 قلت ليها بس انا اعتبرت روحي مطلقه من تلاته شهور 😢
