المـسا كنا قاعدين في الصاله بنحضر في التلفزيون وحسام شايل جود في رجلو قالت ليهو بابا انت ثومي طبعا انا وحسام اتخلعنا من السؤال 😳 قلت احتمال سمعتها غلط حسام قال ليها قلتي شنو قالت ليهو مث إت إثمت ثومي اتأكدت اني سمعتها صااح حسام قعد يضحك لم نزل جود من رجلو قلت ليها جود حبيبه تعالي شلتها قلت ليها كده عيييب حبيبتي ده بابا واسمو حسام عييب تقولي ليهو سومي حسام شغال يضحك قال لي خليها ما فيها حاجه ولأ انتي ما عايزاها تشاركك في الإسم 😉 قلت ليهو ما كده بس خايفه تناديك بالإسم ده جنب زول ويفهمها ويقوم يسألوها سمعتيهو من وين 😓 قال لي دقيقه الـ نسألها انا اشوف ردها قال ليها جودي البقول لي سومي منو رفعت راسها عاينت لي وابتسمت بخجل ☺ قلت ليهو اهااا كده اتأكدته قال لي كلامك صح قال ليها جودي انا اسمي بابا بس بابا واتلفت علي وقال خلي كلمة سومي لـ ناسها 😉 جود زعلت وعندها حركه لذيذه بتعملها لم تكون زعلانه بتقلب شفاها التحت وتصر وشها فيها براءه عجيييبه 😍 وحسام طوااالي بكاويها عشان تعمل الحركه دي ويقعد يضحك فيها 😅 قلت ليهو بحده حسام ما تزعلها عشان انت تضحك 😠 حنستها وشلتها دخلت الغرفه انومها بعد شويه حسام جا لاحقني قال لي جودي نامت قلت ليهو اااي “ خت يدو في بطني قال لي والهنا نام ولأ لسه قلت ليهو شكلو مشاغب زي ابوهو قال لي خلي يجي بالسلامه وح اعلمو الشغب علي اصولو 😍قلت ليهو بعد يطلع علمو العايزو بس بعيد مني 😒 نزلت من السرير حسام قال لي ماشه وين قلت ليهو الحمام قال لي دقيقه دقيقه انتظري دخل نشفو من المويه وكل ما اكون داخله يدخل اول حاجه ينشفو ويقول لي حاسبي ما تتزلقي ويفضل منتظرني بره لحدي ما اطلع بعد اطلع يقول لي حمدلله علي السلامه زي الـ كنت مسافره 😅 خوفو ده كلو بسبب الاجهاض الاول لانو السبب كان اتزلقت في الحمام 😔
يوم الجمعه رحلنا عند ناس خالتو نوره قلت لـ حسام يعني ح تبيع الشقه قال لي اكيييد لااا بعد توضعي بالسلامه ح نجي راجعين وهديل ح تقعد مع ناس امي قلت ليهو تمام 😍 وخالتو نوره كانت مريحاني راحه تامه ما حسستني بي بعدي من امي يوم انا وهديل كنا قاعدين في بيتي فوق قلت الأ اعمل فيها مقلب دخلت الحمام قعدت اكورك هديل حصليني سريييع هديل جات جاريه والدموع في عيونها شافتني واقفه قالت لي شجن مالك 😳 قلت ليها شربتي المقلب انا كويسه ما استحملت الهظار انهارت وقعدت في الارض تبكي 😭 وانا لم شوفتها بتبكي غلبني امسك نفسي بكيت معاها جود جات لقتنا بنبكي ومن غير ما تفهم حاجه قالت لي ماما وقعدت تبكي قلت ليها خلاص حبيبتي مافي حاجه بقيت اسكت في هديل وجود بعد ما قلبنا المكان بيت بكا 😅 ... هديل زعلت مني قالت لي شجن ما عايزه معاك كلام كيف تهظري معاي كده 😒 قلت ليها عايزه اشوفك بتخافي علي قدر شنو قالت لي حيوانه 😒 حسام جا راجع من الشغل هديل قالت ليهو ما شوفت شجن عملت فيني شنو اوعك تاني تقول لي اقعدي معاها قال ليها اصلا عاارفها مجنونه عملت ليك شنو 😅 حكت ليهو الحصل حسام خلا هديل واتلفت علي قال لي شجن والله وقسماً بالله تفكري مجرد تفكير انك تعملي فيني كده والله ح ارتكب فيك جريمه وما ح اراعي لمشاعرك ولا للـ في بطنك عرفتي من هسه حزرتك هظار زي ده ما معانا قلت ليهو هظار معاك زاتو ما عايزه 😒 قال لي انا زاتي تاني ح اهظر بس مع اولادي
