في بيت ناس خالتو نوره بعد الغدا والضيوف رجعو بيوتهم خالتو نوره قالت لـ حسام انت شجن اختفت فجأه وين النسوان كلهم شغالين يقولو لي وين مرت ولدك لم خجلوني غطست وين 😒 قال ليها شجن رجعت البيت بس يا امي ما غريبه تطلع من غير ما تستأذن منك قالت ليهو اسألها خلت وشي صغير جنب النسوان قال ليها طيب شجن من امس قاعده وفجأه ترجع البيت مش اكيد وراها سبب قالت ليهو سبب شنو كمان 😏 قال ليها يعني مثلا ما في زول اداها كلمه جارحه كده ولأ كده ولأ سمعت ليها كلام ما المفروض كان تسمعو 😔 قالت ليهو بري هي قالت ليك شنو 😳 قال ليها ما قالت لي حاجه ويا ريت لو بتحكي بس عليك الله يا امي ما تختيني في موقف محرج يخليني اختار بينك وبين شجن ولو دايره سعادتي قصة العرس دي تنسيها خااالص وبعدين انتي نور عيوني البشوف بيها وشجن نبض قلبي العايش بيهو عشان كده ما بقدر استغني عن واحد فيكم ابوهو قال ليهم ربنا ما يحرمكم من بعض قالت ليهو بس انا كان دايره اشوف جناك قال ليها يعني يا امي انتي مُصره قالت ليهو خلاص خليتك في اللحظه دي هديل جات داخله قالت ليهم مالكم مجتمعين كده زي البتتكلمو في موضوع مهم حسام قال ليها مافي حاجه طبعا هديل عشان صحبتي شديييد هي زاتها ما مكلمنها بعد حسام طلع خالتو نوره اتصلت علي قالت لي يا بتي مالك مشيتي قلت ليها صدعته يا خالتي وغلبني اقعد 😢 قالت لي عشان حسام قال لينا انتي زعلانه قلت اشوف المزعلك شنو انا زاتي استغربته عشان مافي حاجه تزعلك 😏 طبعا هي متصله عايزه تتأكد اني كلمت حسام بالسمعتو ولأ لا وتطمن اني ما ح اكلمو قلت ليها اطمني يا خالتو انا ما زعلانه من حاجه وقفلت منها
المغرب حسام جا داخل قال لي اتأخرت عليك قلت ليهو لااا قال لي يا دوووب الضيوف اتفرقو قلت ليهو ما مشكله جا شايل معاهو اكل قال لي تعالي ختي لينا الغدا انفعلت فيهو قلت ليهو لييه يا حسام تجيب معاك اكل انا قلت ليك عايزه اكل ولأ جيت قلت لي ختي لي الغدا قلت ليك مافي 😠 قال لي حبيبي في شنو 😳 قلت ليهو هسه يقولو انا ما قعدت معاهم وطلبت منك تجيب لي اكل قال لي حبيبي اهدي والله ما طلبت منهم يدوني حاجه ده لحقتني ليهو امي في العربيه قالت لي ده حق شجن وما كان في زول غريب وبعدين حتي لو طلبنا داك برضو بيتنا يعني ما تتحسسي قلت ليهو لااا داك ما بيتنا 😒 قال لي كيف يعني 😳 قلت ليهو مش قلت بس ده بيتي وفي بيت ابوي بقيت ضيفه برضو هناك ضيفه قال لي حبيبي انا صح طيب هسه ممكن نأجل النقاش وتختي لينا الغدا ولا بعد ده اقول عشا والله تعبان من قبيل واقف قلت ليهو لحدي هسه ما اتغديت 😱 قال لي تصدقي لحدي الان ما اكلت مشيت المطبخ رصيت الاكل وانا مستغربه في خالتو نوره يعني تقطع فيني مع النسوان ومن ناحيه تاني جنب حسام تكون حنينه 😒
بعد اتغدينا حسام قال لي شجن داخل ارتاح بعد تنتهي تعالي 😔 قلت ليهو طيب لميت الصينيه وغسلت العده دخلت الغرفه لقيتو ماسك التلفون قفلو وختاهو في التربيزه قال لي تعالي قعدت جنبو قال لي قربي اكتر رقدني في حضنو وشربك يدي في يدو قال لي الدبله يخلوها ليك قلت ليهو حاسي بشنو الليله 😳 قال لي زول معاهو نصو التاني بحس بشنو غير السعاده و باس الدبله 😘 قال لي الدبله دي ما عايز اشوفها بره من اصبعك ما تطلعيها لاي سبب الا بعد اموت اعملي العايزاهو وبعد اموت لو طلعتيها روحي ح تطاردك قلت ليهو بصوت مبحوح سومي 😢 قال لي يا روح سومي انتي اها نغير الموضوع طيب ما عايزه تحكي لي الحصل شنو في بيتنا قلت ليهو حسام قلت ليك ما حصل حاجه بس زهجته وجيت 😔 قال لي ديل تلاته كذبات لحدي هسه اول قلتي جيتي تتحممي تاني قلتي مصدعه وهسه قلتي زهجتي طيب اسألك سؤال متأكده انو امي ما عندها علاقه بالموضوع قلت ليهو امك علاقتها شنو ما تظلمها ساي 😑 قال لي طيب اعمل شنو وانتي ما عايزه تتكلمي قلت ليهو كلمتك بالسبب قال لي كضااابه بأمارة يدك قلت ليهو يدي مالها 😳 فكاها قال لي شوفيها من تكضبي يدك بتعرق صاااح قلت ليهو غلط قال لي حبيبي انا بعرفك كم سنه ؟؟ قلت ليهو من سنه قال لي حرام عليك والـ 5 سنين حقت الجامعه قبل العرس وديتيها وين يعني سته سنين دي براها كفيله اني اعرفك فيها اكتر من روحي 😍 عشان كده ما تحاولي تكضبي علي هسه بخليك ما عشان اقتنعت بالسبب بس عشان ما عايز اضغط عليك وانتي عنيده ما بتحكي وكل مره ح تقولي لي كذبه جديده تمااام باسني في راسي وقال لي تصبحي علي خير يا عنيده وراح في نوم عميق من التعب وانا فضلت سهرانه افكر في كلام خالتو نوره وكنت كل الوقت بكون سرحانه وبفكر حتي حسام لاحظ يوم بتكلم معاي وانا سرحانه قال لي شجن رايك شنو قلت ليهو في شنو ما سمعتك 😳 قال لي طيب انا خليني انتي الايام دي مالك ما طبيعيه بتسرحي كتير في شنو خايف اقول ليك الشايل قلبك يتهنا بيهو بس خايف يكون زول غيري قلت ليهو مافي حاجه بس اشتقت لاهلي 😢وانت طالع الشغل وصلني ليهم قال لي يعني ده الشاغل تفكيرك الايام الفاتت طيب ناس امك واقعين في مشكله ولأ حاجه ق
