~الدكتور طردنا طلعنا بره يعني الليله اليوم باين من اولو زحمة المواصلات وطرد من المحاضره بعد طلعنا قلت لـ هديل ارح الاستراحه ولأ الكافتريا قالت لي انتي جاده خلينا هنا نسيتي حسام لو شافنا ما بريحنا ... حسام سنيرنا اخوها لـ هديل اكعب قلت ليها ارح ياااخ اصلا هسه بكون في محاضره ولو قابلنا ح نقول ليهو الدكتور اعتزر ما جا اتفقنا علي كده قعدنا في الكافتريا والمحاضره قربت تنتهي واثناء ما بنتونس ألمح ليك حسام جايي طبعا حسام لونو قمحي طويل واهم حاجه عندو لحيه من اشوفو بحس بدقات قلبي اتغيرت وبجيني شعور غريب بس عمري ما فكرت افسر الشعور ده شنو لأنو ما كان في حاجه بتربطني بيهو غير انو اخو صحبتي المقربه لي قلت لـ هديل ما تتلفتي وراك حسام جايي الكفتريا اعملي روحك ما شايفاهو ونزلي راسي عشان ما ينتبهه لينا قالت لي وااااي كضاااابه قلت ليها وحياة ربي اي وحده فينا طلعت تلفونها وفضلنا مدنقرين فيهو وانا شغاله اراقب فيهو بطرف عيني قلت ليها سجمك شافنا وجايي علينا قبل ما اتم كلامي وصلنا جا دق لينا التربيزه عشان نرفع راسنا قال لينا جوز اللوز المقعدكم شنو من الصباح في الكافتريا سكتنا مساااافه قعد معانا قال لينا اها مالكم ساكتين زي العاملين مصيبه هديل قالت ليهو حراام عليك ... عليك الله وشنا دهوش مصايب قال لي اها يا شجن شايفك ساكته قلت ليهو هديل ردت ليك قاعدين بره عشان المحاضره اتلغت والدكتور اعتزر واديتو ابتسامه قال لينا اهااا وانتو فرحتو طبعا طيب تشربو شنو بدل قاعدين ساااي كده هديل قالت ليهو عصير انا قلت ليهو شكرا قال لي ما عندهم مشروب اسمو شكرا شوفي غيرو قلت ليهو طيب ما عايزه قال لي فرصه زي دي تاني ما بتلقيها وبعدين احسن تختاري من اشتري ليك علي مزاجي هديل قالت لي بطلي عواره ياااخ قلت ليهو طيب قهوه قال لي من الاول ما تقولي كده بعد مشي قلت لـ هديل شوفتي الموضوع ساااهل هسه كان نقعد جنب القاعه لحدي ما المحاضره تنتهي قالت لي اي والله والكفتريا زاته من الصباح هاديه وحلوه قلت ليها رايك شنو نخلي محاضرات الصباح ونجيهاطوااالي قعدنا نضحك حسام جا شايل 2 شيرا ناولني واحد قال لي القهوه من الصباح ما صحيه والمعده فاضيه وشال واحد وناول العصير لـ هديل قال لينا غريبه ما شايف زول من دفعتكم تحت قلنا ليهو اي قاعدين في القاعه فوق واثناء الونسه براااحه قلت لـ هديل الحمد لله المحاضره انتهت وناس دفعتنا ظهرو بعد شويه جات سمر بنت من دفعتنا سلمت علي حسام الخفيفه اللفيفهقالت لينا شجن و هديل انتو كنتو بتتونسو في شنو لما الدكتور طردكم وقعدت تضحك بـ مياااعه طبعا سألتنا جنب حسام انا من الخلعه قربت اعملها في هدومي و هديل العصير عشرق ليها حسام قال ليها اشربي برااحه ما تموتي وحمر ليها سمر بدل تمشي قعدت معانا حسام استأذن وقام من غير ما يسألنا بس قال لينا ان شاء الله المحاضره الجايه اجي القاكم في مكانكم ده بعد مشي انا و هديل استأذنا من القواله سمر وقمنا هديل قالت لي واااي يا شجن الليله حسام ما بخليني والحاله صحيتو بدري قلت ليهو عايزه احصل المحاضره دي مهمه قلت ليها والله يا حليلك قالت لي وانتي قلت ليها انا مالي الحمد لله لا عندي اخو لا اخت حره وطليقه بس حنيت عليك والله لكن ما تخافي لبعدين بكون نسي قالتلي ما بنسي مسكينه كل المحاضرات كانت شايله هم حسام اخوها وانا عكسها تماما ما كنت خايفه بس كنت خجلانه لانو موقفي بقي بييييش جنبو بعد الكذبه اخر الدوام رسل لـ هديل رساله قال ليها انتي وشجن انتظروني ما تطلعو هديل كلمتني وما صدقتها ادتني التلفون قريت الرساله قلت ليها انتي تنتظريهو بس انا ما عندي حق انتظرو الزمن بتأخر علي وانتو بعدين معاكم عربيه قالت انتظري وبنوصلك قلت ليها لااا بمشي بالمواصلات فعلا هي انتظرتو وانا طلعت وصلت البيت ولقيت نبع الحنان اتونست معاها وعدا اليوم اصبحنا الصباح صحيت بدري علي صوت االمنبهه واتجهزته كـالعاده وطلعت الجامعه بس المره دي وصلت قبل مواعيد المحاضره جات هديل قلت ليها اتوقعتك ما تجي قالت لي ليهقلت ليها عشان اكشن امس قالت لي ما للدرجه دياتكلم معاي عادي بس زعل لم عرفك مشيتي ما عارفه ليي فرحت لم قالت لي انو سأل مني وزعل بعد المحاضره كان عندنا break نزلنا حوش الجامعه تحت وانا كنت بفتش فيهو بس ما لقيتو قلت لـ هديل انتي الليله حسام ما وصلك الجامعه قالت لي وصلني بس هسه بكون في محاضره قلت ليها اها تمااام بعديها دخلنا باقي المحاضرات ونهايه الدوام كالعاده ودعتها وطالعه قالت لي بطلي هبل وانتظري نقدمك قلت ليها لاااا المواصلات ساهله طلعت لقيت حسام واقف مع اصحابو جنب العربيه عملت روحي ما شايفاهو اتقدمت منو سمعت صوتو بناديني وبرضو عملت روحي ما سامعه في ثانيه ماشوفت العربيه الا واقفه جنبي وقال لي اركبي قلت ليهو شكرا قال لي الطلاب بعاينو لينا اركبي من سكات مافي داعي فتحت الباب الورا ركبت عاين لي بالمرايا بعد سلم علي قال لي عايزه تقنعيني انك ما سمعتيني وانا بناديك قلت ليهو كنت ماشه سريع ما سمعتك قال لي يا شيخه كنت ماشه بسرعه ولأ سرعتي خطواتك بعد سمعتيني وابتسم رجعنا لـ هديل بعد ركبت قالت لي شنو المفاجأه دي ومن قبيل بحنس فيك عاين لي بالمرايه قال لي ده كلو عشان موضوع طردت أمس صاح وانتو بتتونسو في المحاضره كيف ؟؟ ومن سنه اولي عايزين تتعلمو دك المحاضرات دي اخر مره القاكم بره سامعين طبعا نحن ساكتين بقلبي قلت ليهو انت تأمر ونحن نقول حاضر قال لي بالمناسبه يا شجن انتي و هديل في الحد السوا طبعا كلامو ده طعني يعني انا زي اختوواصل كلامو يعني يا شجن ما تفتكري انو ما عندك اخو تعملي العايزاها لا اعرفي اني مراقبك في كل مكان تمام وبعدين ما كل مره ح نعيد موضوع التوصيل ده اتفقنا و هديل شغاله تقول احم احم قال ليها انتي ح تفضلي تحمحمي فينا كده كتير ولأ حابه تنزلي هنا قالت ليهو خلاص سكت وشغاله تضحك وشمتانه فيني اهو ادوك حقك وانا عامله روحي زعلانه وصلوني البيت وانا فرحانه من قلبي علي الكلام السمعتو منو دخلت البيت وشغاله اتبسم امي قالت لي الليله حاسه بشنو فرحانه كده قلت ليها ساااي بس شغاله بمقولةاضحك للدنيا تضحك ليك قالت لي خليك بتضحكي كده لم تجنيقلت ليها ما مشكله الجن بيداوه كعب الاندراوت ودخلتغرفتي وشغاله اتذكر في كلامو واتبسم تاني اتزكر لم قال لي انتي زي ولاء اختي قال اختو قال #أستكااااانهه
