وعدت سنه وحسام اتخرج وبدأ يحضر في الماجستير وعلاقتنا رجعت اقوي من الاول 😍 بعد انتهي من الماستر الجامعه عينتو معيد لانو اول الدفعه ونحن فضل لينا سنتين ونخلص وفي الفتره دي اتعرفو الاهل علي بعض واتخطبنا رسمي ولبسنا الدبل بس مقابلاتنا داخل الجامعه ما زي اول بقت محدوده 😔 يا في مكتبو وده نادر عشان باقي الدكاتره يا طلعنا مطعم بره وحرم علينا قعاد الكافتريا انا وهو نظام بقى استاذ وكده بس اخر الدوام كنا بنرجع مع بعض وبعد خطبني رسمي بوصل اول هديل حتي يوصلني يا دوووب في المسافه دي بلقى راحتي معاهو في الكلام بنحكي عن يومنا كان كيف يوم واقفه في حوش الجامعه مع البنات جا داخل عيني وقعت في عينو بدل يجي يسلم علي ابتسم وغمز لي وطلع مكتبو والبنات شغلوها لي واااي يا شجن والله لو عندنا خطيب زي ده اخلي محاضرتي وامشي معاهو قاعه قاعه ماسكه في يدو قلت ليهم يا ريت والله لو بوافق ما عندي مانع قالو لي بس مالو ما جا سلم علينا قلت ليهم عشان انتو شلابات 😅 جات هديل داخله وراهو قلت ليها اخوك ده مشكلتو شنو قالت لي مالو 😳 قلت ليها وقت بستعر مني جنب الناس خاطبني مالو ما قدر المقام ولأ ما قدر المقام 😏 قالت لي يا بت اسكتي انا من انزل من العربيه من باب الجامعه بعمل روحو ما بعرفني وبدخل طواااالي في دور الاستاذ 😅 قلت ليها اليصبر لي بعد اطلع من المحاضره البنات قالو لينا بتتهامسو في شنو ونحن قاعدين هديل قالت ليهم وحدة ومرت اخوها انتو مالكم 😒 قالو ليها والله يا هديل الايام الاولي فاكرنو حبيبك عشان بتجو مع بعض وترجعو مع بعض بس تاني عرفناهو اخوك ندي قالت ليها عشان كده قربنا منك وصاحبناك عشان خاطر اخوك بس جات شجن قصتنا رفعت ليهم يدي قلت ليهم احترمو روحكم وعاينو لـ يدي دي فيها دبله تقريبا وبطلو انبراش قدامي 😒 قالو لي يخسي عليك انتي مش صاحبتنا والله مستعدين نشاركك فيهو واصلا الراجل محللين ليهو اربعه قلت ليهم اربعه حبال يخنقوكم بيها هديل قالت ليهم تدفعو كم واظبط ليكم اموركم مع اخوي ضربتها قلت ليها ماديه حقيره انتي زاتك تتلفي معاهم بالاربعه حبال قعدنا نضحك وطبعا سمر بعد ما اتغيرت بقت من ضمن صحباتها قالت للبنات والله زمان حاولت اشلبو منها بس حسام طلع تقيل ما بتشلب قالت لي تتزكري يا شجن قلت ليها اي كانت ايام يااااخ 😅 دخلنا المحاضره بعد انتهت طلعت ورا الدكتور طوااالي هديل قالت لي ماشه وين والمحاضره التانيه عايزه تبدأ قلت ليها ماشه اشوف سيد الدبله ده فهمو شنو مشخت لي كده 😒 قالت لي بس المحاضره قلت ليها بحصلها طلعت وصلت مكتب حسام وحسب زعلتي منو توووش دخلت من غير ما ادق الباب فتحتو واتفاجأت معاهو الدكتور الـ ح يدينا المحاضره الجايه وبدون مقدمات طلعت منو بسرعه زي ما دخلت من غير ما اسلم عليهم 😅 سمعت الدكتور ناداني بس كأني ما سمعتو وجري علي القاعه وقلبي يضرب هديل قالت لي مالك جيتي حكيت ليها الحاصل قالت لي عااادي ما فيها حاجه بعد شويه الدكتور جا داخل وانا من الخجل قعدته في البنشات الاخيره ومدنقره راسي قال لي بأعلي صوت شجن لو عندك امر طارئ ممكن اسمح ليك بربع ساعه عشان خاطر استاذ حسام هزيت ليهو راسي لاااا فضحني ياااخ جنب زملائي والقاعه كلها اتلفتت علي اليبتسم واليغمز واليشغلها لي اولاد علي بنات خجلت ليك يا روحي والله 🙈
بعد ادانا المحاضره وشال الاتندس لم جا يطلع قال لي شجن ان شاء الله ما نكون اخرناك دكتور ظريف بس بحب الاحراج 😅 بعد طلع قلت لـ هديل ارح الكافتريا قالت لي ما ماشه لـ حسام قلت ليها لااا خليتو ونحن نازلين قابلونا بنات وقفوني يا بت يا بت اتلفت وحده منهم قالت لي انتي بالجد خطيبه استاذ حسام قلت ليها اااي في حاجه 😳 قالت لي لاااا مافي شي اتقدمنا منهم حبه سمعتها قالت ليهم مش قلت ليكم الدبله الـفي يدو دي حقت خطوبه وما صدقتوني بس حظها خطيبتو يلااا بعد ده اتصطدمو واقطعو العشم منو بعد سمعتهم قربت ارجع ليهم تاني قلت يا بنت يا شجن ديل برالمه شفع ساااي ما تردي عليهم 😑 واصلنا الكافتريا حسام اتصل في الاول رفضت المكالمه تاني اتصل رديت عليهو عايز شنو قعد يضحك قال لي اظهر وبان عليك الامان تعالي المكتب فاضي قلت ليهو ما جايه قال لي انتي هسه زعلانه مالك 😳 قلت ليهو مافي حاجه قال لي طيب تعالي المكتب نتفاهم قلت ليهو ماجااايه قال لي طيب وين انتي قلت ليهو في الكافتريا اها ح تتنازل من مكانتك وتجي ما رد علي قفل الخط هديل قالت لي اعصابك ما ينفجر ليك عرق 😅 قلت ليها ده كلو من اخوك قالت لي دي نار الحب يلااا اتكوي بيها جونا باقي البنات قعدو يفطرو وانا نفسي اتسدت وقفلت معاااي ما اشوف ليك الأ وحسام واقف جنبنا قال لينا اقول ليكم برالمتي ولأ خريجين الأ سنه قالو ليهو اي شي منك حلو بقلبي قلت ليهم بكاشااان شلاباااات 😅 قال ليهم تسلمو ما بتقصرو هديل قالت ليهو هوووي ما تصدقهم ديل بجاملو فيك ساااي وسلم عليهم ولم سلم علي مديت ليهو يدي من غير ما افتح خشمي قال ليهم ممكن اخط
