قلوب صماء
بقلم فاطمة الألفي.
انتفض بفزع من نومه عندما فتح عيناه بكسل وجدها نائمه داخل احضانه وهو لا يفهم شئ عما حدث ولماذا هى تنام بجانبه بهذة الملابس المثيرة .
ابتلع ريقه بصعوبة وهى مصدوم لا يعلم ماذا فعل .
يزيد بعصبيه . كارلا قومى قوليلى ايه نيمك هنا فى سريري وازاى مش فاهم
كارلا بحزن . ليه مش فاكر حصل ايه بينا ولا نسيت
يزيد بصدمه . نعم حصل بينا ايه ان شاء ا لله انتى اكيد اتجننتى، قومى استري نفسك .
تصنعت الدموع وبدات فى التمثيل .
كارلا بدموع . هو عشان بحبك ووثقت فيك تقول عليه مجنونه ، انا بحبك وعشان كدة مش ندمانه على إللى حصل بينا
يزيد بانفعال . تانى هتقولي اللي حصل بينا ، انا لا يمكن أكون عملت كدة
كارلا بحزن مصطنع . يعنى انا هتبلي عليك مثلا وهجى سريرك لوحدى ازاى انت مش فاكر لم جيت اطمن عليك حصل ايه
يزيد بغضب . وانتى تزفتى وتدخلي اوضتى ليه ، انا متأكد أن لا يمكن اعمل كدة
زادت فى البكاء . طبعا الغلط غلطى لانى حبيتك ووثقت فيك انا أسفه ماتلومش نفسك انا إللى غلطانه وهمت بمغادرة الغرفه وهى تبكى بحرقه زائغه واغلقت الباب خلفها.
دلفت غرفتها وهى تبتسم بشر ووعيد أمام المرآه..
اما عن يزيد ظل مصدوم ويحدث نفسه .
يزيد بتفكير . مش ممكن اكون عملت كدة
انا لا يمكن أكون عملت كدة انا مش حقير ولا واطى ولا ندل عشان اعمل كدة ، هى قدامي بقالها سنه ولا عمرى فكرت فى حاجة زى دى ، استغفر الله العظيم يارب من كل ذنب عظيم، انا مش عارف اتصرف ازاى ومش فاكر ايه حصل بينا بجد ، دى انا خلاص قربت اناقش الرساله وراجع بلدى معقول أكون ضعفت بس انا عمرى ما فكرت فيها بالشكل دى ، اكيد فى حاجة غلط ، لازم اتكلم معاها وافهم حصل ازاى .
قرر الحديث معها ليفهم ماذا حدث بالفعل وتوجه إلى غرفتها وطرق الباب عدة طرقات ولم ياتى اى رد.
استمع الى صوت بكاءها .
ودلف غرفتها بهدوء وظل واقفا مكانه .
يزيد بضيق. من فضلك يا كارلا بلاش عياط عشان نعرف نتكلم بهدوء، انا بجد مش فاهم حاجه
كارلا بحزن. تقصد ايه انا السبب صح ، ارجوك سبنى لوحدي من فضلك ، انا فعلا السبب ان حبيتك والغلط غلطي انا مش انت وانا بعفيك من مسؤليه إللى حصل بينا ، وانسي اللي حصل بلاش تئانب ضميرك عشان ترتاح وكمل حياتك عادى يا دكتور، انا بجد أسفه انا إللى غلطانه عشان حبيتك واطمنت ليك، اعتبر ماحصلش حاجه بس بلاش تظلمنى وتجرحني أكتر من كده انت عندك اخت فكر فيها .
ظل مصدوم أكثر من حديثها بخصوص شقيقته وترك الغرفه بضيق ولا يعلم ماذا يتصرف فى هذا الماءذق .
جلس بالفراش ويضع يده على جبينه يعتصرة يحاول تذكر اى شئ عن ليله أمس ولكن للأسف الذاكرة لا تساعده.
كان يشعر بالاختناق والندم ويلوم نفسه ، هل فعل بها هذا حقا ولم يرضي لنفسه التخلي عنها ، ولن يسمح لاى اذي يصيب شقيقته بسبب تصرفاته الحمقاء ، وحاول اتخاذ القرار الصائب .
زرع الغرفه ذهابا و ايابا وظل يحدث نفسه ويانبها .
وجودي هنا غلط من الاساس، المفروض كنت رفضت اعيش هنا معها فى بيت واحد تحت سقف واحد كان غلط من الأول ، ماينفعش أكون معها فى نفس المكان ومغلوق علينا باب، انا قبلت بالغلط من الأول يبق أتحمل المسئولية نتبجه الغلط دى ،معقول أكون ضعفت بس انا عمرى ما فكرت فيها بالشكل دى ولا نظرت لها نظرة مش تمام ، دايما كنت براعي ربنا فيها وعامل حساب لربنا ازاى اضعف كدة ، طب اتصرف معاها ازاى وهبص لوشها بعد كدة ازاى وانا طلعت ندل وجبان حقير كمان ، هى مش غلطت لوحدها دى غلطى انا كمان ولازم اصلح غلطتي مش هقبل أكون ندل معها ولا يحصل حاجة لجميله بسببي ، انا لازم أتحمل المسئولية كامله .
قرر الحديث معها مرة اخرى ..
توجه إلى غرفتها ودلف بتردد وهو يشعر بالندم .
يزيد بضيق . كارلا اى كان ميت الغلطان فينا انا ملزم اصلح الغلط دى ، بس من فضلك تهدي وبلاش عياط كفايه كدة ، بس بطلب منك تستحملينى لم اناقش الرساله وارجع بلدى وهتكوني معايا عشان مش هتجوز من غير عيلتي وسط اهلي وتتعرفي عليهم .
كاد قلبها يقزف من شدة فرحتها ولكن سيطرت على فرحتها وتماسكت وتصنعت الرفض .
كارلا بدموع . لا يا يزيد دى مش ذنبك انت قولت قبل كدة ان مش الانسانه المناسبه ليك ، بلاش تظلم نفسك معايا ، مش عايزة تكون مطر تتجوزنى .
يزيد . كارلا من فضلك دى غلطى وانا لازم أتحمل نتيجته وأن كان على اى كلام قولته قبل كدة ، انا بسحبه ياستى واسف على إللى حصل ،انا لا عمرى كنت واطى ولا جبان وممكن أهرب من مسئوليتى ، بس زى مااتفقنا هترجعي معايا بلدى والأمور هناك هتمشي عادي .
أسرعت إليه بفرحه وضمته على حين غفله وشعر يزيد بالضيق من خطة التصرفات وابعد يدها برفق .
يزيد بجديه . بلاش اى تصرف طايش يا كارلا الامور بينا هتفضل زى ماهى لحد لم تبقي مراتي على سنه الله ورسوله ، إذا كنت عملت الغلط وانا مش مدرك فأنا دلوقتى واعي وعارف انا بعمل ايه متفقين
كارلا بهدوء . أسفه والله مش هتتقرر تاني
يزيد . انا نازل الجامعه دلوقتي ، محتاجه اى حاجه
كارلا . لا شكرا .
غادر المنزل بضيق وهى ظلت تقزف من شدة فرحتها ، اخيرا سوف تحقق ما تتمناه وتصبح زوجته ...
(انا كيدهن عظيم)
فى الاسكندرية
ظلت شاردة فى غرفتها وتنظر إلى صورتها المرسومة وانثات الدموع من عيناها عندما قرأت ماكتبه مالك أعلى صورتها ..
جميله بحزن . انا عقبه فى طريقه ياااه لدرجه دي محلل لنفسه يحب واحدة ويتجوز غيرها ، قد ايه إنسان قاسي القلب وماعندوش مشاعر اصلا ، كنت بدات التمسلك العذر على جرحك ليا يوم فرحى وقدام اهلك ، كنت بدات اتشد ليك بس للاسف انت ماتستهلش قلبي .
وامسكت بالقلم وخطت بعض الكلمات التى تشعر بها ..
...مجرد سراب ...
حياتى معك أصبحت مجرد سراب ، عندما دخلت هذة العائله ومنذ اللحظة الأولي وهدرت كرامتي وجرحت قلبي ، علي يد من .. على يد من ظنته زوجي وسندي فى الحياة ،،
فقد تجرد من مشاعره وجرحني بلا شفقه ولا رحمة ، ومازال الجرح يدمي له قلبي ،،
ليس من أجل اعاقتي . عدم سماعي له أو التحدث معه ، فهذه حالتي ولا دخل له باعاقتي ولا اخجل من نفسي يوما ، ومنذ لحظه ولادتي الى الان وانا لم ابغض اعاقتي على العكس فأنا احمد ربي ليلا ونهارا علي هذا الفضل ،، حقا قد كرمني الله بهذا البلاء وأنا حامده شاكرة وهذا قضاء الله لي وأنا أرحب به ، وإنما جرحني واهان كرمتي عندما جردني أمام عائلته يوم زفافي ، فقد جن جنونه وكنت أقف امامه مثل المذنبه المخطئه وما ذنبي فى هذا ، عندما علم باعاقتي عاملني بكل قسوة وكانت جميع العيون مفترسه لي تتطلع.بى من رأسي إلى قدمي بنظرات غير ادميه بلا شفقه ولا رحمة ولن انسي تلك النظرات ما حييت ، القليل منهم من نظر لى باشفاق علي حالتي ولكني لم اتطلع لهم لا اريد ان ارء نظرات اشفاق او لوم أو كره وحقد وإنما انزلت براسى لأول مرة بحياتي اتطلع الارض وأشعر بالخجل من نفسي انى أقف أمام كل هذة العيون الجاحصه المتفرسه لي بدون حجابي ، كنت أشعر انى مجردة الثياب وهذا الكاسر يقبض بيدى ولا يبالي ولا يهتم سوا بالمظاهر الخداعه الذائفه الكاذبه ، فطوال عمري فى بيت جدى ارتدي ثيابي كامله وحجابي لا يفارقني وعندما اتزوج زوجى هو من يجردني وإمام عيون الجميع ، بدلا من حمايته لي والحافظ علي مظهري بعفتي فقد عمت القسوة عيناه ولم يبالي كوني لم أكن بثياب كاشفه لبعض جسدي ، فهل هذا حقا له ان يضعني بدائرة الاتهام البشعه بهذا الشكل المولم والنازف للقلب ، مازالت اتذكر نظرات الشك والمهانه والتفرس لروحي وكيانى ،
ما ذنبي فى كون قدري جمعني بك ، ما ذنبي في كوني لا اسمع ولا أتحدث ، فأنا إنسانه مثلك لدى قلب ينبض وعامرا بذكر الله ، لدى لسان يتحدث مع من هو أفضل منك ومن غيرك ، يتحدث مع خالقه ، وهو وحده الذى يسمعني بقلب خاشع ويعلم ما اريد ان ابوح به ، ليس غيره يشعر بي فى المي وضعفي ، حزني وفرحي ، قوتي وكسرى وهذا يغنني عن العالم باكمله ...
اذا كنت العائق بحياتك فسوف ابعدك من هذا العائق أيها الكاسر ، ولك أن تكمل هدفك فى الوصول إلى محبوبتك ، لا تضعني عالقا بينكم فسوف احررك من ذلك الوضع ، تبا لك اذا كنت رجلا ولا تجيد اتخاذ القرار ، فسوف أكون أقوى منك فى اتخاذ القرار بدلا عنك ، ..
وهنيئا لك حياتك القادمه ، سوف اتركك لتتحرر من قيودك وتنعم بحياتك ...)
أغلقت الدفتر ووضعته على الطاوله ، ووضعت الورقة التى تخصه التى بها صورتها المتقوشه بالقلم الرصاص بدرج الكومود ...
وفجأة اهتز هاتفها فى جيب سترتها ، اخرجته وجلست على الأريكة ترسل لشقيقها وتتحدث معه ...
........
عندما غادر مكتب صديقه ، قرر الذهاب إلى الفيلا ليبحث عن هذة الورقه ، فلا يريد أن تراها جميله الآن ...
هذا ما ظنه ..
قاد سيارته وتوجه إلى الفيلا ..
وخلال دقائق كان يدلف من الباب الحديدى الضخم ويعبر الرواق الداخلي بالحديقه ، صف سيارته وترجل منها بسرعه ، ودلف الفيلا بمفتاحه الخاص ، بحث بعينه عن أحد فلم يجد أحد ،
ركض الدرج وصعد إلى غرفته بهمه ومهارة وامسك المقبض ودلف فجأه .
كانت تبتسم وتراسل شقيقها كانت فرحه بتحديد موعد مناقشه رسالته وتقدمه فى العودة وخلال أسبوعين فقط سوف تتقابل معه بعد غياب عامين لم ترا بهم شقيقها وصديقها ووالدها وكل شئ لديها بعد الله سبحانه وتعالى ..
.......
عندما وجد ابتسامتها وتمسك بالهاتف وتضغط على الشاشه اسرع خطواته ، شعر انها تراسل أحد ، وقف امامها بغضب .
عندما رأته امامها تلاشت الابتسامه ، كانت تعبير وجهه غير مبشرة .
وقف ينظر لها بغضب شديد وامسك منها الهاتف ونظر إلى من تراسله وابتسم بسخرية ..
مالك بعصبية . مين يزيد دى وكمان كتبتله واحشنى ونفسي اشوفك النهارده قبل بكرة ، بقي انتي انتى بتكلمى شباب كدة عادى ، مش عامله حساب انك ست متجوزة ، قد كدة مرخصه نفسك ، انا مش عارف اوصفك بايه ، انا مصدوم فيكى بجد ، عشان كدة اهلك ماصدقو وافقو على طلب جدي ، ماكنتش متخيل ان فى حد بيرخص.بنته بالشكل دى وحكايه التار دى لعبه عشان جدى قالى ان لا ابوكي قتل ابويا ولا ابويا اتسبب فى موت ابوكى ،.
اسقط الهاتف بقوة فقد تناثر إلى قطع .
وهى تريد أن تكتب بالدفتر .
مالك قبض على يدها بقسوة ، والقي الدفتر بعيدا .
وظل يصرخ بوجهها .
وهى تبكى ولا تعلم كيف تدافع عن نفسها أمام هذا الكاسر ...
كانت مثل الريشه بين يديه وهو يهزها بعنف والقاها بعيدا عنه وغادر الغرفه بانفعال ..
سقطت بالارض بسبب الدفعه القويه وانثابت الدماء من رأسها فقد ارتطمت بحافه الاريكه الصلبه وفقدت الوعي فى الحال ...
......
يتبع
عيد سعيد عليكم