قلوب صماء ...بقلم فاطمة الألفي

الفصل الرابع والعشرون

قلوب صماء
بقلم فاطمة الألفي
دوت صفعه قويه فى أرجاء المنزل تفاجئت بهذا التغير الجذرى فى علاقتهم ،، فقد كانت لا تتوقع ان يظل عشقيها سراً ، فأردت أن يعلن عن زواجهم ،وما كان منه إلا صفعه هبطت على وجتتها ...

ماجد . انتي اتجننتي ، جواز ايه ، انتي اخرك ورقتين عرفى وخلاص شطبنا خلصنا ، انا اتجوزك انتي ليه ، مختوم على قفايا ، فوقي لنفسك يا تاليا ، وماتنسيش أن زرعتك فى طريق مالك ،عشان احتكر السوق ، لكن للأسف لسه مالك موجود وانا خسرت بردو ، انتي دورك انتهي خلاص ، مابقتيش تلزميني وحقك وصلك .
تاليا بغضب . بتضربني يا ماجد وكمان عاوز تستغني عني ببساطه
ماجد . بضربك عشان تفوقي لنفسك ، وانتي اخر حد ممكن اثق فيه واسلمه اسمي وامنه على حياتي وبيتي ، انتي اكيد بتخرفي ، انت الشوكه اللي في ضهرهي يا تاليا ،ومش من مصلحطك تقفي في وشي ، انتي لسه ماتعرفيش ماجد الزيني ممكن يعمل ايه ، ممكن أفعصك تحت جذمتي ولا تفرقي معايا ، يلا برة بيتي ، ومش عاوز اشوفك ولو صدفه غوورى .
امسكها من كتفها والقاها خارج المنزل وصفع الباب بقوة خلفها ..
تاليا بوعيد . ماشي يا ماجد بكرة ادفعك التمن غالي ، مش انا اللي ارتمي بالشكل دة ، انا اللي ارمي مش اترمي ، انا هدفعك تمن القلم غالي اوووى ..
.......... .................
فى منزل الحاج قاسم .
ترجلت من سياره شقيقها وهى شاردة فى كلام هذا البارد الذي اقتحم تفكيرها ، وصعدت إلى غرفتها توبخ نفسها على تسرعها والحديث معه ، وهى تشعر بالغضب ..
ماريا لنفسها . هو فاكر نفسه ايه ، وأنا غلطانه ازاى اقف اتكلم معاه، واوضحله ليه من الاساس ، أوف بقى مش عارفه ليه اتسرعت واتكلمت معاه ، بس دة ميدلوش الحق ان يكلمني بالبرود دة ، بس عادى هو انا ايه مشكلتي ، مش عارفه ليه بفكر فيه اصلا ، دى مايستهلش التفكير فيه لحظه ، هههه لا بصراحه يستاهل ، مز وزى القمر وواخد فى نفسه مقلب ليه حق يترسم هههه ،انا شكلي لسعت باين هههه ، الله يخربيتك يا يزيد ، من ساعه ما شوفتك على موبايل جميله وانا معجبه بيك بصراحه ،ظلت تحدث نفسها ، توبخها طاره وتصمت طاره اخرة تفكر فى ذلك اليزيد الذى استحوذ على جزء من تفكيرها .
..........
قرر مالك عدم الاستسلام وأن يظل يسعى لوجودها جانبه مرة اخرى ، سوف يتحدى شقيقها لأجل اثبات حبه لها ، سوف يتحمل من اجلها كره شقيقها واثبات له ، إنه يستحقها وليس غيره أحق بجميلته منه ...
وسوف يبدأ اول خطواته للوصول إليها ...
.................
انتظر الجد قاسم فى غرفه الضيوف قدوم محمد زوج عنبر ، ليعلم منه ما هو السبب الذى دفعه لطلاقها ..
وعندما حضر محمد توجه إلى جده قاسم واطرق الباب فى اسف وعلامات الحزن مرسومه على وجهه ..
قاسم . خوش يا ولدي ، اجعد جارى .
جلس محمد واستمع لاوامر الجد .
قاسم . مالك مستحى عاد من جدك ، مش جادر تطلع فيه ولا تحط عينك فى عيني مش اكيدة
محمد بندم . يا جدى
قاطعه قاسم . بجى اكيدة يا امحمد يا ولدى ، تطلج بت عمك من تالت يوم عاد ،انى جولتلك ربيها زين ، مش ترمى عليها اليمين عاد
محمد . يا جدى عنبر زودتها جوى ، مش عشان بحبها ورايدها ادوس على رجولتي وكرامتي ، اني تحملت كتير يا جدي ، وهى كيف البجم مابتحسش على دمها ، ومتفرعنا عليه يا جدى ، طب اشكومها ازاى يا جدى ، كل لم اجرب منيها تهب كيف البابور تسمعني حديت زى السم ، وكيف هستحمل يا جدي مرتي كل شوى تجولي مش رايداك مش طيجاك انا مغصوبه عليك ، وهطفش ومش عارف ايه ، دى هانتني بما فيه الكفاية ياجدى ، وأنا طفحت الكيل ، وهدوس على جلبى إللى حبها ، عشان انى راجل صوح وعندى كرامه وعزة نفس ومش هجبل انها تهينى لحد اكيدة وكفاية ، ربنا يعوض عليها ، وسامحنى يا جدى ، انى طلجتها بس حضرتك خابر كيف لسان عنبر زى المنشار
قاسم بحزن . خابر يا ولدى ، صعبان عليه حالك يا ولدى ، هى إللى هتندم وانت راجل هتجوز من دلوك لو حبيت ، بس هى بت .هى حفيدتى برضك يا امحمد ومش رايد الناس تجيب سيرتها بالعفش ،.
محمد . إللى تجولى يا جدى هنفذه ويبج سيف على رجبتى .
قاسم . راجل يا ولدى من ضهر راجل ، وهجولك تعلم ايه وتربي البت دى كيف
امحمد . شور عليه يا جدى
قاسم . اتحدت مع منتهى وجول انك رديتها لعصمتك ، وتاخدها وانت معاود وتربيها من اول وجديد
محمد بتردد . بس هى هتجبل يا جدى
قاسم هشيع لمنتهى تجى وتشكيها عمايل بتها ، ومنتهى هتجدر عليها ، اسمع كلامى وعنبر لم تعيش امعاك هتعرف معدنك واصلك الطيب وانت عاد هملها فى دراك ومش تتعامل امعاها خليها تحس على دمها البومه دى
محمد . ههههه بس هى جمر مش بومه يا جدى
قاسم . شوف ياخوى الولد ، بشوجك هههه
.............
بعد ان قرأت محتويات الورقه التى تركتها ماريا ، ابتسمت بحب وقبلت الورقه وطوتها ووضعتها داخل دفترها الخاص .
.....
كان يزيد منشغل بعد ان غادرت ماريا وهو يفكر فى ثورتها بلا سبب ، ولكن شعر بالحزن فى نفسه من كونه اول مرة يعامل أحد بهذا الجفاء ، وماذا ذنبها هى فيما فعله شقيقها بصغيرته ، ولكن نفض الافكار من رأسه ، واكمل اجراءته الخاصه التى تشغل باله ، فهى اول اهتماماته ، .لا يريد ان يشرد فى شي يشتت افكاره ،وقرر التوجه إلى غرفه شقيقته لاصطحابها معه إلى المكان الذى اجرا به اتصاله ..
...............
مالك يحاول أن يراسلها .
مالك لنفسه . هو شغل مراهقه بس هعمل ايه مُطر ،هههههه
ولا شكلي هيبق وحش ، مافيش غير أسر ، عشان محمود هيذلني أخويا وانا عارفه ، وبعدين انا سايب الحمل على إسر لا كدة كتير انا هروح اشوف جميله وارجع اسكندريه ،أسر حرام مطحون فى الشغل ، بس هسيب قلبي هنا ازاى ،ابعت محمود هو مايصدق يثبت نفسه فى الشغل ، وجي الوقت يشيل معايا شويا ..
حاول ارسال إليها عن طريق الماسنجر ..
والله هرجع زمن الشقاوة تاني ، لا دة انا حالتي بقت صعبه ، ربنا ياخد إللى كان السبب .
...........
كانت بغرفتها عندما دلف إليها شقيقها ، وهو يطلب منها ان تبدل ملابسها ، يريد أن ياخذها لاجراء بعض الإشاعات والتحاليل المطلوبه ، بعد ان تحدث مع البروفسير الألماني الذى كان مشرف على رسالته ،