عشق المومنين(أبناء الساده)

البارت الثاني...

❤مساء المحبه❤

...نازك الحمراني......
..عشق المؤمنين.....

امـسـح عـلـى قـلـبـي ،  لـيـس في وسـعــي أن أشــرح ألـمـي لأحـدٍ مـا ســواك ، أنـت تـعـلـم مـا فـيـه ، تـعـلـم بـأنـنــي فـقـيـرٌ و مـحـتـاجٌ إلـيـك ، فـلا تـتـركـنـي وحـيــداً...ياصاحب الزمان

اندك الباب مال بيتنا فتحته سميره
واشوف جدي دخل  متعصب...
لأن  سامع اني بطلت من المدرسه....

فتحت الباب سميره...جنت بطارمه انظف
دخل جدو ابو کامل متعصب
حتى ماكدرت اسلم عليه..
لان دخل وهو يصيح..بعلو صوته

-أطلع أبو رامي ولك اتبطل حفيدتي من المدرسه
هاي الأمانه...ترى وحق عليل كربلاء
أن سمعت عقيله هاي السنه ممداومه أخذها منك
سنه كامله ضيعتها عليها...
تريد أضيع بعد سنه....لك ماتستحي على روحك
سمعت كلام جدو واني فرحانه...
رحت للمطبخ...ركض
جبت كلاص مي... واني أركض فرحانه
جدو هنا...تقربت منه واني انطي المي
جدو شلونك لاتتعصب موزين عليك...يصعد ضغطك
اخذ كلاص المي مني وهو يشرب
تقربت منه أحضنه..
مشتاقه النفسه الطيبه...الروحه الحلوه..
وهو حاضني....طاحت دمعته على خدي
رفعت راسي له...واني اتنوع الوجهه الحنين...كالي

-ااأااااااخ ااااخ ياريحة ناجيه...ياريحة بنيتي الحنينه شخبارج يبعد جدج تراه كلش تعبان
من رحتي الحد هل لحظه...
جدج خلكه موزين....شلونچ یابنت الغالیه.. ياريحانتي...حظنته

-زینه الحمد الله....جاي أجاوبه...طلع والدي يرد على جدو

-حجي أبو كامل...جنت بالحمام اسبح وسمعت الكلته
بس لاتنسى هاي بنتي...وبكيفي
بس رح أحترم الدم البينا والخاطر روح ناجيه بس شني تهددني مو انه الاتهدد

تقرب جدو بعصبيه من بابا...

-شوف أبو رامي عندك حلين...
الاول ياأما ترجع عقيله للمدرسه وداوم
ياأما أرجعها الحضني وحضن عمتها
وخالها. .وأنت فكر زين بكلامي

-شنييييي أرجعها حجي ابو كامل بس متشوفها اشطولها..صارت مراه شكبرها وهاي النوع يجيبنا البلاوي والناقصه

....برغم كلامهم چبیر علیه..
بس فهمته..

هنا جدو دنى على بابا بعصبیته زنخ وهو یدفعه للحایط

-آیاك تحجي على عقيله هيچ يانذل لك
هاي اشرف منك ومن اليتفزع الك هاي تربت صح ومامشت بتربتيتك الزفره...رح احترمك لآن چنت فی يوم زوج بنتي...

واني طالع هسه...
اريد البنيه ترجع للمدرسه...وغصب عنك
ولك يتيمه خاف الله بيها....

تقرب جدو باس راسي وطلع من البيت

تناوع اله شلون طلع مااحس اله صياح سميره اجتي عليه مغضبه.. جرت أذني
حيل جاي اصرخ سدت حلكي بايدها الثانيه وتشد بيه حيل وتغلط وتكول

-رااااااااااااااح اخليچ یاااااااااااااابنت ناجيه ترجعين للمدرسه هاااااا بس شرط غصب عنج تلبسين عبايه لاااااااااعبالچ
وتلبسين بوشي طلعین بعیونچ الزرگه مااخلییییییچ

سمیره  تحچي بعصبيه وتأشر الوالدي
-شوووووووف شوووووف بنتك عيونها صلفه وفوگاها  ضخمه
ولللللك اااااااشلون أبو رامي ترد للمدرسه
يعني هم بنتك ومن لحمك وهم يجون اهلها وعووووود خوالهة يدخلون...لااااا وانت سااااكت الهذا الشوييييب ووخليته يصيح عليك ويهييييين بينه شنووووووه تاااااايهيييييييين خاف انت مخلي خااطر
الهذاااا ااشايب العايب دخل يجي مره ثانيه البيتي...اله اطرده

تقرب والدي منها...معصب كمش ايدها ولواهاااااا ورى ظهرها نتر

-وووووووولچ ياسميررره سویها وشوفي.
شحدچ وشحدچ اطردين ابو کامل
هذا أبو المرحومه...

لچچچچچچچچچ یاحقيره هذا أبو ناجيه
عمي أبو كامل ليكوله ووووالیحچی بیه يمشي...
ومثل ماااااکال  ترجع عقيله للمدرسه
...ضاعت عليها سنه كامله نلبسها عبايه وحجاب
وهذا اخر الكلام....دفعها وطاحت للكاع...
عيوني البابا...

الي تنرفز على جدو...وهان زوجته سمیره
يجوز چان یحب ماما‌ گلش هلهیچ تعصب

تتاوع الیه والسمیره الواکعه بلکاع عافنه وركب درجته وراح الدمعه بعینه

شي بداخلي مقهوره على بابا برغم عصبيته بس زنخه جدو ماحچی ولا رادد
ومن حچت سمیره دافع الجدو..وفوک گل هذا يرجع تعبان من الشغل...وكله دهن
وحتى نوبات أيده مجرحه من التعب
برغم قساوته .بس شفت عنده حنيه من ينجاب طاري امي

ويجوز عصبيته بسبب سميره...
الي كلما يجي اسوي سالفه ومشكله
وتوزه عليه

بهل فتره قت الأيام تمشي مثل ماهيه...
بس تأزم الوضع
والدي كعد بلا شغل....وسميره دردم على راسه
وتريد افلوس من عنده...
بقى يشتغل عماله فتره يجي مترب تعبان
ومن الاسمنت ايده مضبره

ومن يجيب مسواك..يخلي العلاليك بلكاع سميره تشيله تاخذهن وتوزع الفاكهه على كل جهالهة بس  ماتذكرني...

اكعد على الدرج أتحسر على شي اسمه فاكهه تطردني للغرفه لو دزني اعجن اي بدت تعلمني سميره عل خبز.....

بيومها وكفت على تخته المخبازه بيدي واول ماخبزت احتركت ايدي طحت للكاع  ابچي....طاحت الخبزه بتنور

سميره شافت الخبزه طاحت تعصبت عليه...واني محتركه
نزعت انعالها وبقت تضرب بيه...وتفشر جرت ضفيرتي..

-بنت ناجيه طيحتي خبزه...بعد يوم كامل متاكلين خاي خبزتچ یااافگررررررررر
من الوجع ولوعة الحرك صارت عندي قوه شردت من عدها‌ الغرفة الجهال...

شلت اخوي الزغيره سويت روحي انيمه
كلش اختنكت...

كملت هي الخبز وتغدو واجت اخذت ابنها ردت شي يصبرني عجوع مكدرت

تذكرت عندي راديو زغير طلعته بقيت اسمع بيه محاظرات وسمعت أنو لينام جوعان اله اجر....
فرحت بداخلي...لان كلشي بيه اجر احبه
كلشي بيه رضاه الله افرح بيه..حتى لو مبكي لو يوجع
صار الظهر...الكل نايم  عدنا كتاب قرأن
تسحبت للديوانيه...اكو ميز زغير لكيت عليه القرأن
اتلمسته بيدي...وذاكر كلمات ماما أم أحمد
دائمآ الكاها تقراء قرأن ومن أسئلها ليش تقراء
جوابها انو من أضوج تفتح القرأن.....
ووتحچي  وي رب العالمين....الي يشرح الصدر ويزيل الهم
اخذته ورحت للغرفه فرحانه
فتحت أول ورقه...منه واني اتعوذ..وابسمل
باوعت هاي سورة الفاتحه حافظتها...
يعني اول ورقه حافظتها على گلبي...
اجى بالي فكره....
نو مادام حافظه اول ورقه
اكدر كل يوم أحفظلي ورقه...منها
هم الهي نفسي...
وهم كلام الله يريح القلب
واعتبرت اول يوم الي احتركت ايدي بيه
وتوجعت وهاي نار الدنيا فكيف نار الاخره

لذالك أول يوم حرك ايدي هو  أول يوم مسيرتي بحفظ القرأن...
وأول يوم ابدي اشكر الله على كل دمعه"
وعلى حزن لان هو عرفني طريق حفظي للقرأن...

بديت اطبق قراري كل ماتأذيني سميره
وتضربني احفظ ورقه من القرأن حتى يكون الاجر اجرين
يعني...بكل ضربه واهانه من سميره..
احفظ ورقه كامله....لحتى اصبر روحي

وهنا استوعبت حياتي الي صارت عباره عن مربيه لاطفال سميره وهيه كل سنه تخلف...طفل
اخوي رامي ازغر مني ابسنتين
بس چان نحس وکیح.....ونحس

رامي يحرك كلبي مره طلع من البیت واني كاعده بلباب انتظره
خاف يعبر عالشارع....اختي ابتهال يمي
ابتعد رامي من يمي
واشوف تعارك وي ولد جارنا شال رامي طابوكه
وفشخه بيها وطلع دم من راس الولد

....دخل رامي بسرعه للبيت
واجتي امي الولد معصبه....وتريد تضرب رامي

اما أني فركضت لسميره خايفه من منظر الدم
الي براس الولد.... وكتلها رامي فشخ ولد
طلعت سميره للمريه... جايبه ابنها مدمى ودكلها

-عيني أم رامي ابنچ رامي فشخ أبني

...ليش خيه
اندارت سميره عليه وهي تملص أذني

-لچ هاي أسوالفچ...انتي چنتي بالباب...
احس أذني نار صارت....
الوجع قوي...وهي تضربني

-لا خاله والله رامي اااااااني كاعده بالباب والله...كاعده بلباب

المريه أم الولد جرتني من ايدها وهي دكلها

-لچ عيني حرام هاي يتيمه ليش هيچ...هي شعليها عوفي أذنها
...لاتنشرم...

شکد چنت انکسر من واحد یکول یتیمه...
لآن اني عندي اهلي....بس حرموني منهم...
عندي ام احن ام..
وجد آحن جد
واب احن اب
سميره حارمتني منهم عافتني وانه دخلت للبيت

دخلت وسميره اتحضر العشا..وانه انظف
كملت غسل الماعين والسنك وبدت سميره تسوي لفات لأخواني..اجيت عليها اخذ لفه عاطت بيه طردتني..

-روحي ماااااااااالچ حصه روووووووحي
لااااا اموتچ
...رجعت للغرفه
كرصتني معدتي من الجوع...وبقيت أتألم
حتى القرأن ماكدرت أقرأه....برغم چنت قویه بلقراءة
نمت....وچان الیل هندس‌بس صوت بطني..تقرقر
الصبح وی صیاح الديك...فزيت بفرحه
اندك الباب...

ركضت فرحانه...بلا شعور "بلا ماادري
فتحت الباب  وشفت ماما
حضنتها وهي بلباب...كتلها تدخل رفضت
كعدت بلطرمه واني يمها
ابوس بأيدها....

-ماما ليش عفتینی عفیه انه مارید هنانه اخذيني وياچ...

باست راسی وگالت

-امرچ بید والدچ بنتي هو كفيلچ
تدرين اشكد احبچ....
وحتی آختچ غفران مریضه عليچ.
کل یوم تشبك بدلتچ وتنام....
کطعت الآکل....وتمرضت عليچ
وهسه یله صارت زینه غفران اجت تموت علييچ
مااکدر اجیبها...تشوفچ لان خاف اتشوفچ وتتعلق بيچ
وترجع تتمرض من نروح من یمچ..
وهسه شوفي اشجبتلچ.

طلعت علاکه چبیره...وسمیره فوك راسنا تتحرمص
لان ماما جابتلي...عبايه وملابس داخليه
حلويات....ملابس صداري اثنين قمصان.
احذيه...حجابات...

بقيت اطلع بالملابس واني فرحانه...
فواكه كل الانواع كعدت ماما تكشرلي برتقال وتوكلني
شبعت اگلت فوکه وکعك وعصاير واني أباوع الماما....
رفعت راسی للسما...وعیوني الماما

-تدرين ماما الله اشكد يحبني...باوعتلي

-الله يحبچ لآن انتي تحبيه....وهسه اني رايحه
باستني وطلعت...جاي أخذ الغراض
..والفواكه
جرتهم سميره....وهي تعت بيه

-انتي تاكلين فواكه وخوووووانچ حسره علیهم...
اخذت الحلويات
وحتى نص الملابس...

رجعت الغرفة أخواني...واني اكدر بلعبايه
اريد أتعلم عليها...
اجتني سميره....تريد تاخذ الملابس الداخليه..
لان ماما جابتلي درزن...وهو بيدي جرته..

-خاااااااااااالهه اريده لأن اني عندي عذر شرعي باوعتلي بخزره

-يعني بلغتي ورح أداومين رح تكسرين ركابينا
مااعرف اشتقصد...كلامها كله چبیر علیه..
نمت فرحانه.....باچر اداوم
الصبح کعدت حضرت نفسي وبدلت...
لبست العبايه

سلمت على بابا  وطلعت للمدرسه اتمشى بطريق كل خطوه اريد أعثر لسى ممتعلمه على العبائه
دخلت المدرستي...
واشوف وجوه جديده ...
لأن اني متأخره سنتين...
صديقاتي هسه بالاول متوسط
واني هسه بالابتدائيه...
يعني اني اكبر منهن...مااكدر أصادق اي وحده
ألحمد الله من رجعت للمدرسه

صار عدنه فرصه وصرت اتمشى بصف وبسرعه تعلمت على العبايه...وصارت صديقتي
رجعت لدروسي...والكتبي
بس سميره بقت تحاول متخليني اقره
وضل تصخر بيه....تحملني شغل هواي...
خبز   کنس..مسح..طبخ

بقيت احضر دروسي بالمدرسه..
من يصير عدنا درس شاغر
او بالفرصه احل الواجبات
واحاول اقره تحاضيري...بیهن
او  اقرأ من أقري اخوي رامي اصغر مني بسنه
بس هو راسب فصار وياي
فبقيت استغلها فرصه
من تكلي سمیره قري اخوچ رامي

جنت اطلع جدولي"وجدوله واقري" واقرأ وياه اخليه يكتب وطلع كتابي واقره

وهيج خلصت طفولتي وي سميره
المعلمات يحبني لأن شاطره...
وعمتي وجدو كل فتره يجوني
وكلما اريد أكلهم على سوالف سميره...
اتظل كاعده يمنا....كاتمه انفاسي اسكت مااكدر احجي لان من يرحون تگتلني
.................

خلصت السادس بتدائي وصرت بلمتوسطه
اول متوسط..
وسميره زادت مانقصت....اول يوم جاي ادوام
لبست عبايتي والحجاب جاي اطلع وكفت
اكبالي وبيدها نقاب...وتصيح..

-ابوووووووو رامي تعال...هاي بنت رح اجيب العين..
تعال قنعها تلبس..البوشي...اجى بابا على صوتها...
وهو واكف يمي...كز اسنانه عليها

-ولچ اشبیچ تخبلتي بس اصيحين..لايطك عرج عندچ مو تعبااااان گافي موتي البنيه

-لاااااااا مو احچي علمودك عيونييييي ابو رامي بنتك تفتر بشوارع بعيونها الزرك
مايصرفلي هذا....

وانت رجال مؤمن كلها تحلف براسك..
واني أبوي شيخ جامع... تالي عمرنا يطلع حچي علينا
هاك هاي بنتك وقنعها تلبسها...
بقى بابا يتنوعلي...جر البوشيه وكف كبالي..كال

-هااااااچ بنتي ترى  ام رامي ماتکرهچ  تريد مصلحتچ...الستر حلو
وانتي الله يستر عليچ بعد ابوچ حلوه

...جاوبته بخجل

-بس مااکدر بابا ارجوك والله هو العبايه...
والوحيده اني بلمدرسه لابستها...انوب نقاب..تعصب

-بقى يمچ حلین یااااااااتما البوشي ...لو مداومين...
اخذته من عنده...لبسته...

-،لااااا البسه بویه عااااتدي

لبسته والدنيا صارت ظلمه بعيني ...
كال ابوي

-حتى البوشي مطلع عيونچ الزرك حلوات بس اشوى روحي بويه الله وياچ

طلعت امشي التقاطع..وکل اشوي اعدله الى أن جاي اعبر الشارع اجتي تضربني سياره
عبرتها بسرعه وطحت علی تراب

دخلت للمدرسه. متربه..وهنا بدت مرحله ثانيه المدرسات الي تنتقدني
لان زغيره ومبوشه
ولي تحچي علیه....
الحد ماتعلمو علی لبسي...
صار عندي صديقه تعرفت عليها..
چانت متآخره...المدرسه رزلتها وکعدت یمی
آسمها رقيه حبيتها...
بس بسبب سمیره وکرهه ِلي...
اجتتني رقيه مره للبيت طردتها..وصاحت عليه

-شوفي بنت ناجيه سالفه صديقه طب وتطلع
ماكو صاحبتچ حدچ ویاها بلدوام بس...
ومن
بعدها ترکت الصحبه..
ولان آني انطوائيه على نفسي
بقيت بلا صديقات...

جهدي صار لحفظ القرأن...وتحضير للدروس

أستلمت النتيجه ناجحه...
ومن نجحت اجتني ماما للبيت وهي بيدها الهدايه
ومن ضمنها كتيب صلاة اليل
وكتاب مفاتيح الجنان ...فرحت بيهن
استغليت العطله
بقيت اقرأ هل أدعيه
واضبت على صلاه الليل...
وبقيت من اتأذى ماابجي بس اسولف وي ربي
لان عمتي ماما ام احمد جانت دكلي
الله مو بسماء الله اقرب الج من حبل الوريد
الله موجود داير مدايرج
وياج وبكل مكان يدرك الابصار
ولاتدركه الابصار
هذا لحجي جنت دائما اذكره
واكعد اتوضه واصلي وابجي يم ربي وخالقي
اصير اقوى واتقبل الواقع الي اني عايشه
بي ومااذمر....

صبرت بطيب خاطر...بواهس ابنيه وحيده
اتعلمت انو بس الله الي يسمعني...
لأن هو بكل وقت موجود....

كل  سنه تمر واني  بلمتوسطه المدرسات يحبني..اكثر لأن شاطره.....ولأن رفعت اسم المدرسه
شاركت بمسابقه تجويد القرأن...
فزت الاولى على تلث مدارس...
دراستي الاول متوسط...والثاني اعفاء...
الحد الثالث متوسط...تعلقت بدراسه...كلش
رامي يرسب تحاسبني سميره..
ودكلي بسببچ ماتقریه
وانکتل...بلا سبب...
برغم الملابس"والتنظيف عليه...اني انجح

سميره نست التنظيف بس الطبخ عليها...
صادف أمتحانات الثالث متوسط
رجعت جايبه الجدول...
دخلت للبيت اتلكتني سميره....

-بنت ناجيه اريدچ اتلمعین البیت الیوم....بلا نقاش

-صار خاله....نزعت البوشي...وبدلت
صليت الظهر"والعصر...واكلت لكمة عالسريع.. حت نظفت الدوانيه...والصاله
غيرت الحصران....

انطتني افرش جدد..
وبالي اشعدها طلعتهن...وهي تخاف عليهن
وضامتهن من زمان....صاحتلي هل مره بهدوء
وهي بيدها سچین...تقطع کیك..كالت

-حضري لستكاين وياچ...الیوم جایچ خطابه..
ابوچ اکدر اقنعه...ان شاء الله
الله يخلصنا منچ....وارتاح من همچ...لآن متت منچ
کلامها سچاچین دخلن بگلبي...فاض الكيل بيه..
ست اسنين اخدمها واقري جهالها.وانظف
وفرك بيها من غير اهاناتها....وفوكها تريد ازوجني..
كملت كنس...واني احاچیها

- خاله ليش هيچ تصرفین ویاي..
هسه مو شايله بيتچ....ودراسة الجهال
وممخليتچ آسوين شي العود ماتشيلي كله کله علیه
ليش تريدين آزوجيني....
أني اريد ادرس وهسه ثالث متوسط
ما ..ما اقبل...ولا ازوج...لو شیصیر..
درت وجهي وکملت کنس...وطيتها ظهري
صوتها مغضب اجاني...

-وووووووووووووووولچ يابنت ناجیه هذا الاخاف منه...عرفت  عندچ واحد

انداریت عليها متعجبه من کلامها..
بس درت وجهي ماحسيت شنو شمرت و شلون...
شمرت عليه السچینه البيدها...هفتها عليه وهي كاعده..
مااحسیت بعیونی ولا بوجع لاااااكو وجع
وماشفت بس حمار ..وجع قوي
وجع حار بطن عیوني....

صرخت واني اركض
اركض بلا مااشوف..ايدي على عيني مااا
اكدر اشوف .بس بعين وحده كوه افتحها
طلعت للطارمه.أتلمس الباب...
مااعرفت من الألم الي بؤبؤت عيني
.شصرف
حروره عيوني...
واشوف بعيوني الوحده
جارتنا اجتي تركض على صريخي...
شاافت ايدي كلها دم
وعيوني تنزف

هناااا أشوف الناس ملتمه..
سميره خايفه وتصيح عليه..

-بنت ناجيه افتحي عيونچ..خل شوف شصار بيها وتکل للنسوان عزا...هاي اختها نوال..
تضحك وياها بسچينه وشمرتها تشاقه
وماتدري فكست عين اختها....

شوف الحظ کلمن عیونه زرك محسود...
تريد تحضني...واسمع صوت ماما...وخطواتها
وهي تجي يمي

-الله ينتقم منچ سمیره....لیش هیچ..
لچ جایتها صدفه گلبي نغزني من البارحه. عليهاااا ولچ سمیییییره تغارين من عيونها
شمسویه للبنیه...يلكطعيه

آخذتني ماما وانه الوجع ماخذني اسمع بس شهيك و بچي ماما ...ركبنا سياره...
وبعين وحده شفت الدم مالي ثوبي ماما بيدها موبايل
خابرت على جدي...

-عميييي الحك حفيدتك فكسو عينهاااااا
...اني رايحه للمستشفى
مافكرت ابوجع ولا بأي شي
بس افكر خاف تضررت عيوني
...ومااشوف بيها
ماما ماعافتني

وصلنه يم  لدكتور يفحصها...كال

،-سبحان الله اقل من شعره چان آنفكست عیونها...
الضربه صارت بدائره آلون یعني أضررت العين كلش...
يعيني الشكل أضرر...بس النظر بتدريج يرجع..
يجوز الضربها يغار من عيونها...راد يجاملني لان العيون الثانيه تموووت

خدروني....من الوجع...ماحسيت ابشي
اله واني بغرفة المستشفى...
اشوف ماما...وزوجها...وخالي مصطفى..ومجتبى
وجدي حاضني يبچي...سئلوني شلون أنضربت
كتلهم سميره..لأن ماقبلت أزوج

خالي مصطفى تعصب ....من دخل بابا...
اول مادخل زنخ  بابا من قميصه وضربه بوكس..
بابا رجع الضربه على خالو مصطفى .. وتعاركو...
جدي كام وهو يستند على عكازته...
تقرب من بابا شال عكازته بقاعدتها ضرب
بابا  بصدره حييل كله

-ووووووووووحق عليل كربلاء لو طافيه عين بنيتي
موتك مايشفي غليلي...
الله يطيح حظك ..
وحظ الي أنطاك حرمه بيوم من الايام..
بعد من هل لحظه ما ألك بنت يمي
امشي من جدامي....يلخزي...

عيوني وحده مشدوده...وثانيه اشوف بابا
الي قميصه كله دهن...وعيونه مدمعه..
انقهرت عليه....أقترب مني...خفت اريد اغطي وجهي
أبالي رح يضربني...بس هو دنج وباس راسي...
ودمعته طاحت على ايدي
بلحظتها حسيت ابوي خايف عليه" وقلقان
اندار على جدي....وهو يوكف يمه

-اااااااااااسف ياااااااعمي والله ااااااسف
واعتذر منك صدك ملتهي بلعيشه
ونسيت بنتي...بس ارجوك ا شكال الدكتور
خو مضررت عينها ...
جدي دار وجهه من عنده....

-اطلع منا ابو رامي...الخاطر بنتي چانت تحبك
قدرتك...بس أنت ماقدرت شيباتي
روح حاسب نفسك...قبل لايحاسبك ربك

خذلتني بوجع قوي على حفيدتي
ومادام خذلان وألم  مااعتقد تستحق أسامحك
أو انطيك فرصة ثانيه....
وحتى زواجها....ما الك غرض بيه
اني ازوجها اذا هذا همك...بس مو هسه
من تاخذ شهادتها....
بعد عقيله ...وحياتها كلشي بيدي وانه الي اشوف الزلمه اليستحقها مو ياهو الچان

طلع والدي....واني ضجت عليه...

وانه رجعت البيت ماما عمتي ام احمد
ورجعت الحضن جدو...
وعرفت معنى  رب ضاره نافعه...
حتى لو ضررت عيوني....بس رجعت الأهلي
ودخلت للبيت....وكأنما داخله للجنه...
وشفت غفران....اختي
الي تحاضنا أني وياها...مثل مشتاقين البعض..
واخذتني غفران الغرفتها تبوس بيه كالت

-تعاي نامي على چربایتي تمددت
.على فراش مريح...
واني افكر اشلون امتحن...ومتحاناتي بعد كم يوم
وعيوني لساها...توجعني وتحركني...
( ربي إني مسني الحب وأنت أحب المحبوبين )
..............
لمن نتكلم عن شي يخص الأيمان القوي...
اول مانكول هذا اشكد مؤمن لأن صابر على بلواه
فأني بديت وياكم بمرحلة الصبر الي چانت عقیله ملتزمه الصبر القوي بحيث

صبرت على تهمت العرض
صبرت على  الجوع
صبرت على الضرب المبرح
صبرت على السب
صبرت على القذف
صبرت على العذاب كل انواع الصبر صبرته بحفظ القرأن فقط..صار القرأن محفز الها

القصه رغم اختصرت معاناة عقيله لكن لسى مابدت الها ابعاد وتشعبات هواي.. .
جاي أحاول امشي وياكم خطوه....ومره خطوتين الى أن نوصل لعمق وقوة ماهية عشق المؤمنين