( الفصل السادس والثلاثين )
ربت على كتفها 00 وهي تزيد شهقاتها 00
عبدالله – خلاص لاتبكين
ريهام – مو متخيله حد يكون في مكان امل عند اخوك
عبدالله – هاذي سنة الحياه
ريهام – بس امل كانت هايمه فيه مجنونه فيه كثير ولو كانت عايشه مستحيل تعرف حد غيره
عبدالله – وحتى عبدالعزيز تأكدي انه يحبها ويحبها كثير بس ابوي وامي غصبوه على الزواج مو مستحيل يعيشون ولا يشوفون عياله يبغون يفرحون فيه
ريهام – ايه بس عاد مو كذا هي مالها مده طويله من ماتت
عبدالله – بس خلاص ياريهام الحي ابقى من الميت وصدقيني عبدالعزيز ماله يد في وفاة امل مهما كان
ريهام اسكتت وهي بين فتره وفتره تشاهق 00 امل كانت لها كل شي في الحياه كفايه انها رافضه هالحياه عشانها 00 وتظاهرت بالجنون وصرفت اموالها عشان تقعد مع بشر مجانين 00 ومع مدمنين 00 لان حياتهم على الأقل اخف بكثير عليها من حياه مع بشر صاحين وماتشوف وجه امل فيهم
خيوط الفجر بدت تتسلسل على شباك غرفتها 00 وهي في وسط هالغرفه تصيح وتبكي 00 رفضت تشوف أي حد 00 اندق الباب عليها أكثر من مره 00 بس كيف تقابل ناس مو ناسها 00 وأهل مو أهلها 00 وعائله مو عائلتها 00 لازم تكلم خالها لازم تتأكد منه لازم 00 هو الوحيد بس اللي يعرف بقصتها 00ماان اصبح الصبح حتى دقت على جواله وهي تبكي 00 وماسكه شهقاتها ودموعها
رد عليها وهو مستغرب إتصالها اللي طول لين جاه – هلا والله ببنت أختي هلا باللي مودره خالها ولاتنشد عنه
نوف اكتمت شهقاتها – هلا خالي ,, سامحني ياخالي ( وش اقول لك 00 سامحني على ضعفي 00 ولا على غبائي 00 ولا على إيش وإيش 00 هل معقوله أكون بنت صالح اللي عشقته وحبيته وياما أفتخرت اني اكون بنته )
ردني صوت خالي – بنتي وين سرتي
دموعي صبت وانا اكتم عبرتي – خالي وحشتني بالحيل ,, متى بشوفك
خالي – يابنتي قولي لريلك ييبك عندنا حشى مكن لج خال وهل هني
هزيت رأسي وكأنه ينظرني – خالي ( وخفت وش اقول له 00 وش اقول )
خالي – لبيه يابنتي
انا بخوف – ابوي هو ابوي ؟؟
خالي مافهم – كيف يعني
انا بتعب من اللي صارلي وماعرفت اثمن كلامي – يعني انا بنته
انصدم خالي وبان التساؤل في صوته – اكيد ابوك ليش تسألين
انهرت 00 وانا أتذكر عمتي 00 لالا خلاص هي مو بعمتي 00 لما سمعتني اللي قالته 00 اللي طعنتني فيه – يعني انا بنته
حزن خالي لحالي وعصب – انتي يابنتي شكلك قمتي تألفين من راسك أكيد بنته يعني من بتكونين
انا بصدمه له – بس عمتي تقول غير هالكلام
اليوم 00 هو يوم خروج عبدالعزيز من المستشفى 00 وعبدالله مابيطول وبنرد كلنا مع بعض 00 عبدالله اتصل في عبدالعزيز وبشره 00 يعني قريب برد للسعوديه واخيرا 00 مليت من امريكا 00 سمعت صوت عبدالعزيز – امل
ألتفت له بسرعه بس هو ماحس انه غلط في الكلمه – عطيني ملابسي
مادري ليه حسيت نار تحرقني من جوه 00 ياربي كيف أغار من إنسانه ميته
وقفت وجبت ملابسه له – تفضل
عبدالعزيز – مشكوره
حسيت ابلل على خدي 00 حطيت اصابعي 00 وشفت دمعتي نازله 00 لا كل هاذي غيره كل هاذا حب له 00 كيف حبيته بهالصوره كيف
سألني وهو مشغول في لبسه للقميص – نمتي زين البارح
أنا وانا ألملم دموعي – ايه الحمدالله
عبدالعزيز وهو يلبس البنطلون 00 لفيت راسي عنه وانا أحس الخجل أكل وجهي
سمعته يئن 00 لفيت عليه 00 شفته وقف 00 مسكت يده – لاتتعب عمرك إذا ماتقدر تقوم وتمشي بجيب العربيه
هو بتعب – لا مو مشكله بس مكان العمليه يعورني
انا وامسك يده زين – اوكيه استند على يدي زين
هو ومغمض عيونه – طيب
مشيت معه 00 وأحسه يتألم بين فتره وفتره 00 ناظرت فيه – يوم ماتقدر تمشي ليش أصريت على الخروج
هو بألم – لاني مااقدر اجلس واخلي عبدالله كل يوم هارب من المركز عشان يجيني
يالله كبر هالانسان في عيني 00 يقدم مصلحة غيره عن مصلحته 00 سكت وانا اتألم لألمه 00 مسكين الله يشفيه
خالي بعصبيه – كذب كذابه عمتج قاعده تخرف عليج وعلى هلج هاذي بالله شو هاي عمه هاي
بلعت ريقي من عصبية خالي
شفته زفر وهدئ – فعلا ابوج كان مايقدر ينجب
انصدمت 00 يعني صدق موبنته 00 سالت دموعي
بس فجأني خالي لما قال – وبذل الغالي والرخيص عشان يجيب من امج لو طفل واحد بس في يوم زار البلاد دكتور بريطاني متخصص في الأنجاب 00 ورحت ويا ابوج وامج له 00 وقال ابوج بس يحتاج حق عمليه صغيره عشان يستطيع ينجب 00 خبينا عن هله مشكلته 00 ورمسني مااخبر حد ابد 00 خايف ان سالم اخوه ذاك الوقت يعايره ويتمسخر عليه 00 وامه تنغث عليه وبعد فتره بسيطه حملت أمج منه ( وعصب خالي ) وعندي الاوراق اللي تثبت كلامي وصحته أوراق ابوج مازلت محتفظ فيها 00 وموعد عمليته وكل شي عندي
أنفرجت اساريري 00 وانشرح قلبي 00 ما أبالغ لو تركت السماعه ورحت اسجد سجود شكر 00 رديت للجوال سمعت خالي يقول – سمعي يانوف لاتخلين حد يهز ثقتج في نفسج او في ابوج انتي بنت صالح واللي يقول غير كذا غلطان انا بدز لج الاوراق على الفاكس خلي الكل يشوفها وانا بييج باجر ان الله عطاني عمر وعمتج هاذي بعرف شغلي وياها بس كم رقم فاكس البيت
انا – مااعرف خالي بس اكيد الخادمات يعرفون بسألهم وأرد ادق عليك
خالي – لا انا بدق عليج سيري بس ييبي الرقم وانا بجهز الأوراق
سكرت من خالي وانا بطير من الوناسه 00 ماأبالغ لوقلت هاذا أسعد يوم في عمري 00 والله هالشي نساني فرحتي في برائتي 00 بس ماعليه من أثبت اني بنت صالح لهم 00 مافيه حد بيحط عينه في عيني 00 ولا وربي انصرني بالبراءه يعني مافيه حد له عندي شي 00 بس اللي قاهرني اني ماشفت مشعل ابد يالله يمكن هو من اللي طق علي باب الغرفه امس 00 وانا رافضه افتحله 00 ايه ايه ( لعبت على عمري بهالكلمتين ) واخذت الرقم من وحده من الخدمات لانهم يرسلون اوراق على ديرهم وهالفاكس يعرفون رقمه 00 دق علي خالي واعطيته الرقم 00 دز علي الأوراق 00 وياما ضحكت وانا استلمهم 00 مبسوطه والله العظيم مبسوطه 00 عارفين يوم حد يغرق 00 وخلاص شاف الموت بعينه 00 وحس فيه حد جاي من قارب بعيد وأنتشله من هالعذاب 00 هاذي انا وهاذا خالي الله يخليك لي ياخالي 00 وااااااااااااي حدي مستانسه انه بكره بيزورني 00 صعدت لجناحي وانا اتأمل الأوراق اللي تثبت ان ابوي تعالج 00 من وطت رجلي الجناح حتى سمعت التلفون يدق 00 ركضت له وانا حاسه عمري بطير 00 اليوم انا غير وأحساسي غير 00 تذكرت كلمات لشاعر معروف 00 اليوم انا غير احساسي غير ومدري وش يقول فيه 00 بس خطيره ذيك القصيده 00 رفعت السماعه والضحكه شاقه وجهي – آلو
سمعت ضحكة سخريه وشماته في نفس الوقت انتي لين هالحين قاعده صدق لين قالوا لصقة عنزروت ,, يالله ضفي قشك واطلعي عن بيت خالي لاتلوثينه يابنت الشوارع
ضحكت بسخريه وتكلمت بنفس لهجتها – والله عاد البيت بيتي ( وعشان أكسحها اكثر واكثر ) وبيت زوجي حبيبي و ......
قاطعتني بحقاره وهي تضحك – والله حاله مصدقه بيت زوجها قال زوجها قال هيه اصحي اصحي انتي لانتي من لحمنا ولا دمنا سلعه مغشوشه والحمدالله أمي كشفت غشك انتي وامك يالحقيرات ومشعل قالي انه بيطلقك قريب لانك بنت شوارع وش يبي فيك و
قاطعتها وانا اصرخ – انطمي انطمي انا بنت صالح ( وقهرتها يوم قلت ) وعندي الأوراق اللي تثبت ومشعل بيعرف كذبة امك وبيطلقك انتي يالصايعه يالضايعه
ضحكت ضحكه قويه وبسخريه – عاد تدرين اول مره ارحمك صراحه حبيبتي مشعل حبيبي توه كان نايم عندي وسهرت انا وإياه سهره معتبره وأحتفلنا انك منتي منا وهو قالي بالحرف الواحد انه بيطلقك اليوم بس هو رحمك امس وايه صح عشان اثبتلك انه كان نايم عندي يوم بيجي بتلاحظين قلم في جيبه الأمامي طبعا امس اهديتله هالهديه ومحفور فيه حرفي وحرفه
تجمدت إلا انصعقت 00 وسكرت السماعه على وجهها 00يعني خدعني 00 يعني عشمني في الحب وخلاني احبه 00 يعني لعب علي 00 يعني ضحك علي 00 يعني صرت مطنزه لهم 00 وانا لما شك اني اكلم موتني ضرب وطق 00 وهي لما اكتشف الحقيقه نايم عندها ويخطط علي 00 نزلت دمعتي بمراره للي اتذوقه
والحشرجه اللي بحلقي تؤلمني 00 عشاني يتيمه يستغل يتمي 00 يضربني ويهيني ويشتمني وكنت مستانسه عليه ومبسوطه ولعبت على عمري وحبيته 00 سمعت الباب ينطق ومسحت دموعي ومثل المسبهه فتحته عشان أنصدم باللي كان عند الباب صدمة عمري
يعني خلاص بتروح
عبدالله وهو يأكل بهدوء ويبتسم لها – بعد أسبوع تقريبا المختصين قالوا لي لو استمريت على العلاج الأسبوع الجاي بتتحسن حالتك الحمدالله وبودعكم
بدون ماتقصد – وانا
ناظر فيها 00 وهي حاولت تصرف – اقصد اا انا بعد ودي اطلع طفشت من المركز بس من اطلع منه بطلع برى امريكا يمكن اروح اعيش في اسبانيا خوال امي هناك
ناظر فيها بتمعن – وليش بتطلعين لاسبانيا ليش مابتمين هنا
هي وتناظر صحنها وتحرك الملعقه بملل – ماابي اعيش في مكان عشت فيه مع امل والقى هالمكان هالحين خالي بدونها امل كل شي في حياتي ياعبدالله
عبدالله صدمها – وليش ماترجعين لديرتك وهلك في السعوديه
ريهام – لا ماابي ارد ثقافه وبيئه وعادات وتقاليد كل شي غير وبعدين ماابي اشوف حد من هل ابوي لانهم خدعوه
عبدالله قطب حواجبه – كيف اخدعوه
ريهام وقفت – قصه اسمحلي ما احب اقولها لاني اكره سماعها ,, تسمحلي بروح غرفتي
عبدالله – خذي راحتك
راحت 00 وهو يناظر فيها 00 وش هي قصتك ياريهام 00 ابغي اعرفها 00 معقوله فيه حد مايبي يشوف هله وديرته
وقف وهو حاس بوخزة حزن من فراقه لها لانسانه اللي تعلم أشياء كثيره منها
ماأن افتحت الباب إلا انصدمت باللي قدامها 00 ونوف بالكاد ماسكه دمعتها- خير
ناظرت فيها بإنكسار – ابي اتكلم معك
نوف – مابينا كلام مستقبلي وضيعتوه والبيت وبتاخذونه واخوك وزوجتيه بنت عمتك وصاحبتك معاد عندي شي ( صرخت وهي تجر هدومها ) مافيه شي باقي تأخذونه مني
انصدمت دنيا بحالتها – نوف ا
نوف قاطعتها وهي تبكي – مارحمتوا يتمي وضعفي كلكم كنتوا علي ماوقف في وجهه الكل غير امك وريم اما الباقين كانوا يخدعوني يخدعوني ( وانهارت على ركبها
دنيا انصدمت وجلست جنبها – نوف الله يخليك سامحيني انا اخطيت مو بحقك انتي وبس حتى في حق نفسي انتي بنت عمي ومن لحمي ودمي حتى لو قالوا الجميع غير كذا كل هاذا كذب وانا مو مصدقه حد انتي طلعتي الطيبه فينا
نوف وهي منهاره وترد شعرها لورى بقوه – بدري بدري تصدقوني انا مستحيل اتم في هالبيت دقيقه وحده ( لفت لها ) اخوك خدعني اخذ كل حجه زينه فيني مستحيل اسامحه مستحيل وحوبتي مابتتعداكم انتم كسرتوني كسرتوني
دنيا بكت معها – نوف انتي شكلك منهاره انا ا
نوف قاطعتها – انا اكرهكم اكرهكم ( وقفت وناظرت فيها ) إذا متفقه مع صديقتك على خدعه ثانيه انا خلاص بتركلكم الساحه وبغادر خذيتوا كل شي مني مابقالي شي خلاص تاخذونه وقوليلها الله يهنيك معه
دنيا وقفت وضمتها وبكت – والله العظيم اني ندمانه قد شعر راسي وربي عاقبني
سامحيني يانوف سامحيني
نوف فكت عمرها منها وهي تمسح دموعها وتقوي نفسها – انتي خدعتيني مره وصدقتك والمؤمن مايلدغ من جحر مرتين ( وعطتها ظهرها ) اطلعي برى ماابغى اشوفك
دنيا بدموع – بس انا
نوف قاطعتها – اطلعي برى دنيا ماابي اسمع شي
دنيا لفت ظهرها بحزن وطلعت 00 ونوف سكرت الباب بقوه 00 وركضت لشنطتها تجمع الأغراض اللي بس جت فيها 00 ماتبي شي من ناس وعالم خدعوها 00 وهي تشهق بألم 00 ليش تصير نهايتي كذا ليش ليش 00 حبيته عقب كل اللي سواه لي وانخدعت وحبيته 00 يقوم يسوي فيني كل هاذا 00 معقوله تكون تلعب علي 00 ومشعل منام عندها 00 لما يجي بتأكد 00 سمعت باب الجناح انفتح 00 سكرت سحاب الشنطه ورحت اشوفه 00 ووقفت متفأجاه من شوفه 00 والطعنه اللي ماحسبت حسابها مابردها
ترتجف والخوف ذابحها 00 ضحكت مي – اللي يشوفك بيقول هاذي بيودونها للمسلخ
منال بخوف – اسكتي لااضربك بالشنطه اللي عندي
مي – يالله صباح خير عشان اليوم عرسك ترتجفين مثل الورقه وتبين تضربيني وفري ضربك لمسيو خالد بيه
منال بخوف – مي والله موفاضيه لمزحك حدي خايفه ياربي وش اسوي
( وقعدت تبكي ) 00 ناظرت فيها مي وانصدمت – انتي وش فيك انهبلتي
منال – تخيلي اليوم عرسي وامي وابوي مو معي
مي حزنت لحالها – دخيلك لاتبكين وتبكيني معك وهاذي سنة الحياه وخالد بيعوضك إن شاءالله
منال ضمت مي وبكت على حضنها – خايفه كثير يامي خايفه
مي ضربتها على كتفها بمزح – اها وينهي منال خفيفة الدم طويلة اللسان
منال انصدمت ورفعت وجهها 00 ومي خافت من صدمتها 00 اخذت منال المخده وضربت مي على الراس 00 ومي انصدمت 00 وجلسن يضحكن 00 ويتمنن نوف معهن بس هي قالت لهن بتحضر الليله العرس عشان خاطر صديقتها
اقتربت منه 00 وعينها مركزه على شي معين فيه 00 وهو منصدم من شكلها وشكل وجهها 00 مو هي اللي يعرفها 00 طلعت القلم اللي في جيبه وتمعنت فيه زين 00 ناظرت فيه بألف معنى ومعنى 00 وهو مركز في عيونها بصمت
نوف بهدؤ عكس البراكين اللي جواها تطبخ – تتوقع اني مو بنت عمك صح أكيد متأكد اني بنت شوارع مستحيل اكون بنت عمك صالح
وهو يناظرها بصمت وعينه مركزه في عينها اللي تحمل قوه غريبه
نوف تكمل وبنفس الهدؤ – تصدق عاد انا بعد اظن اني بنت شوارع
رفع حاجبه وهو بنفس الصمت
نوف وبنفس الهدؤ – خساره البيت اللي كتبته لي ام صالح وسالم مسكينه ماتت ماتدري اني مو بنت صالح
وهو بنفس الصمت المطبق 00 اللي يشوفه يقول بلع لسانه
نوف وتكمل – وخساره بعد فيني الزوج اللي عندي حسب نسب ولد عيله وناس وجميل ووسيم ومريوش بعد ( تتكلم وهي مستغربه صمته العميق ونظراته فيها )
تصدق عاد اني مستخسرتك فيني 00 وخساره خساره انت فيني 00 وتستاهل تقضي ليله حلوه وجميله ومعتبره مع بنت الحسب والنسب اما انا دخيله عليك وانغصبت فيها لا وفي النهايه اطلع بنت شوارع 00 حتى لو كانت بنت الحسب والنسب خدعتك وخدعتني 00 او عفوا عفوا اشيل انها خدعتك ( ودموعها تنزل) لانك قضيت عندها ليله حلوه وأكيد انك سامحتها ( ناظرت في بطنها بحزن ودموعها تصب على خدودها 00 وهي مقهوره انها نزلت )
رفعت عينها له – تدري اني أكثر شي حزينه على هاذا ( تأشر على بطنها ) طفل وانخدع بالدنيا لان أمه ضعيفه وضعيفه مره وماتستاهل تكون امه ولا حتى تكون انت ابوه 00 لاني مادافعت عن حقوقه من البدايه 00 وللأسف رضيت ان الكل يقول عنه ولد حرام ومو منك بيجي على الدنيا وأمه مظلومه لان بس اخت صالح قالت ان امه موبنت صالح
مسحت دموعها وبلعت ريقها – مشعل انا من البدايه المفروض مااكون معك لان مكاني هنا غلط بينكم
مشعل ساكت ومسند ظهره على الجدار وعينه فيها
رفعت القلم في وجهه اللي كان بيدها طول الوقت – وهاذا أكبر دليل على ضعفي
وعلى اني مجرد امعه في المكان اللي تحطني فيه تلقاني فيه مالي دور ابد ومسكينه ماوراي ظهر يحميني ( صرخت في وجهه ) تدري ليه لاني بنت يتيمه ابوي وامي ماتوا وخلوني ( ناظرت فيه ) ايه لاتمط عيونك امي وابوي ميتين انا مو من الشارع انا بنت صالح اللي حتى هالشي بتحرموني منه لان اسهل شي عندكم الكذب والخداع والنفاق والزور انا بنته بنته ومن صلب صلبه بعد ( مدت له الأوراق ) خذ هاك اقرأ ( مشعل قعد يناظر فيهم ويقرأ ) شوف دّور تلاقي مدخل لكذبه جديده تألفونها على راسي من جديد
مشعل رفع عينه عن الأوراق – نوف انا
نوف قاطعته وهي تصرخ عليه – بــــــــــــــــــــس دخيلك اسكت ماابي اسمع صوتك لانه يقرفني يقرفني يقرفني
مط عيونه وبحلق فيها – انا جنيت على نفسي بنفسي وهالمسلسل او هالروايه اللي ألفتوها مستحيل تتم تدري ليه ( تمعنت فيه ) لانك بطلقني وهالحين بعد ولاتخاف بترك لكم المكان باللي فيه لاني ماأستاهله تدري من اللي يستاهله
( رفعت القلم في وجهه ) صاحب الكذب والخداع واللي نفسه طويل طويل مره
واللي يعرف يمحور الأمور لصالحه ( حذفت القلم في الارض
( ناظرت فيه ) - مشعل انت مستحيل تحبني ومستحيل تحترمني ومستحيل انا نكمل مع بعض لان لاأنا أنفعلك ولا أنت تنفعلي وان كان فيك ذرة رجوله تطلقني
مشعل – نوف انا متأكد ان فيـ
نوف بصراخ – قلت لك بـــــــــــــــــــس لاتتكلم الكلمه اللي ابي اسمعها منك هي طالق اما غير هالكلمه ماابي اسمع شي لانك تقرفني تقرفني يامشعل تقرفني
مشعل عصب – مستحيل اطلقك وبتسمعيني للأخير
ركضت عنه 00 ودخلت غرفة الملابس 00 لبست عبايتها وشالت شنطه اللي ماتسمى شنطه لانها ماطلعت غير باللي دخلت فيه هالبيت الجلابيات والقمصان فقط 00 ( ناظر فيها بخوف ) – وين رايحه
نوف وهي تناظر فيه – انت غدرتني يامشعل غدرتني عشمتني باأنك ممكن تحبني في ألمانيا بس انخدعت فيك بالرياض واصبعي وهو إصبعي إذا غدرني باقطعه
طلعت من الغرفه وهو مصدوم من هالكلمتين اللي قالتهم 00 وقف برهه وهو يناظر بالفراغ اللي كانت واقفه فيه 00 ماتوقع ان نوف ممكن تتركه لان مالها أحد ابد بعد فتره طويله شوي 00 وعقب ماتقبل اللي صار 00 ركض وراها وهو يعض أصابع الندم
نوف اللي نزلت وهي كاتمه دموعها 00 وبدريه ودنيا وريم واقفين في الصاله لان دنيا خبرتهم انها بتطلع
بدريه بحزن – نوف يمه نوف مدت يدها بمعنى اسكتي 00 ناظرت في البيت وفيهم وابتسمت واطلعت 00 وقفت تاكسي 00 وركبت معه 00 وهي تشهق بصمت
نزل مع الدرج وهو يركض وناظر فيهم – وين راحت
بدريه وريم ودنيا اللي يبكون قالوله طلعت 00 ركض وراها وركب سيارته 00 وطلع باأسرع ماعنده وهو يدور عليها 00 بس للأسف هو طلع با أتجاه ونوف با أتجاه بعيد جدا عن هالأتجاه
دنيا وهي تبكي – يمه انا ظلمت نوف من البدايه مستحيل اسامح نفسي مستحيل
وركضت فوق وهي منهاره
ريم اللي تبكي – يارب مشعل لحق عليها
بدريه – اركضي دقي عليه يمه بسرعه واسأليه
دقت عليه بس مارد عليها 00 اصلا هو مو بحال جوال ابد
ريم – خالتي مارد علي
بدريه حزينه – ربي سترك ودخيلك تحفظهم يارب
دور عليها دور وهو يدمع بقهر 00 ضيعها من أيده يوم قدر يوصلها وحست في حبه ضاعت من ايده 00 وين يلقاها وين وين تكون راحت 00 نوف دخيلك لاتتركيني والله العظيم احبك والله العظيم احبك بس لاتتركيني لاتتركيني
.
.
وصلت البيت المنشود 00 ناظرت في البيت اللي جنبه ودمعت بحزن 00 طقت الباب 00 وسمعت صوت حرمه كبيره من وراه – من عند الباب
نوف بإنهيار – انا انا نوف بنت صالح حفيدة أم سالم وصالح
انفتح الباب بسرعه وضمتها العجوز – من نوف وين رحتي يابنيتي لعاد تنشدين عني ولا عاد شفت لتس أثر سألت عليتس عربان واجد وقالوا مايعرفون وين قصر عمك
نوف بكت في حظنها وهي تستنشق ريحة جدتها في هالعجوز ام سعود 00 دخلتها ام سعود داخل البيت – انتي علامتس تبكين يابنيتي
نوف بإنهيار – انا أبي اتطلق من مشعل ابي الطلاق ابيه ( وضمت ام سعود وبكت على حضنها )
دخلوا الغرفه وهو حاس بألم و كاتم ألمه علشان عبير 00 حطته على السرير وهي تزين المفرش له – ارتاح ارتاح ياعبد العزيز
عبدالعزيز – تعالي اجلسي ياعبير
عبير جلست عنده – ابيك ادقيلي على امي وتعطيني إياها
عبير بإستغراب – تبي شي عبدالعزيز
عبدالعزيز – لابس ابي اطمن عليها
عبير وقفت – اوكيه
دق على حمود وهو منهار 00 وحاس بالألم انها ضاعت من يده – حمود دخيلك وينك فيه
حمود استغرب صوت مشعل – مشعل فيك شي لا انا بالبيت
مشعل بهم وحزن – نوف مجت عندكم عند اختك
حمود – لا انا واقف من اليوم عند البوابه مع العمال وأشرف عليهم تقريبا مافيه حد دخل لا متأكد مافيه حد دخل
مشعل بحزن – متأكد حمود
حمود – ايه متأكد ,, مشعل صاير شي ليه تدور على نوف صاير شي
مشعل – ايه صارت مصيبه مصيبه نوف راحت من يدي ياحمود راحت
بكيت في حضن الجده ام سعود 00 هي صديقة جدتي 00 وزمان كانت تجينا كثير على ايام المرحومه 00 تذكرني بحضن جدتي اللي احبه 00 واللي اشتاق له لما كنت امرض وتجيني حراره 00 كنت اهاذي طول الليل وجدتي تكون حول راسي وتعتني فيني 00 وتضمني لصدرها الحنون 00 ولما يطلع الصبح كل هاذا يختفي ماكنت اعرف ليش هي قاسيه كذا !! 00 احن من الأم على طفلها 00 وفي الصبح تختلف الصوره تماما 00 طول عمري ياجده بدعيلك انتي وابوي وامي ومابنساكم ابد 00 انتم اللي كان لكم معنى في حياتي 00 سمعت ام سعود
تقول – يابنيتي علامتس تبكين علميني وش ابتس هو عمتس ولا رجلتس سوابتس شي
زادت شهقاتي اكثر واكثر 00 وماقدرت حتى اتكلم 00 انا مقهوره لنفسي كثير 00 انا عانيت كثير 00 انا هنت نفسي كثير على حساب هالعم وهالرجل اللي مستحيل في يوم يحبني 00 مستحيل 00 اذا هو يشوفني أقل منه في كل شي 00 في كل شي
سمعتها تقول – يابنيتي انتي شكلتس حامل وهالبكاء مو زين لك
انا عارفه ان هالطفل بيجي ومعه مشاكل كثيره 00 والسبب في كل هاذا ضعفي وغبائي المستعصي 00 كنت احلم اكون عيله ونعيش في سعاده أطفال وانا ومشعل 00 بس مشعل غدرني غدرني 00 مشعل مستحيل يحبني مستحيل 00 كان يلعب علي لمصلحه في نفسه 00 والأكيد انه خذاها ورماني شر رميه 00 لوثني وكرهني في نفسي 00 اكرهك يامشعل اكرهك 00 ومستحيل يجبرني عليك مين مكان مستحيل
حمود وهو مستغرب – وين راحت
مشعل وهو منهار – قلت لك مدري مدري
حمود – طيب طيب لاتعصب تعال لي بسرعه خذني وبندور عليها سوى
مشعل حرك لبيت حمود وهو منهار تماما 00 والخوف عليها مسيطر عليه 00 وحبه اللي كان بيعترف لها فيه ضاع 00 كان جاي وبيعترف لها انه ماغيرها ملكت قلبه ولا غيره هي اللي حركت مشاعره 00 ولا هي اللي زلزلت كيانه بس كل هاذا ضاع وراح 00 نوف هالحين ضاعت من يده 00 وخايف عليها 00 كيف بيلقاها !!
انطق عليه الباب 00 وهو كان واقف في البلكونه 00 يشوف الناس والعالم تحته 00 وكان يستنشق الهواء العليل والصافي – ادخل
انفتح الباب بهدوء 00 وطلت هي من خلفه 00 ناظرت فيه وإبتسمت 00 بدوره هو ابتسم لها – تعالي ادخلي
ادخلت وهي تبتسم بألم لحالها وللي وصلت له 00وهي شايله بيدها كيس فخم جدا00 وقفت جنبه على الشرفه وهي تناظر في الناس والعالم 00 غمضت عيونها واستنشقت اكبر قدر ممكن من الهواء الغائم الممطر – الله ريحة الجو روعه
ابتسم – انا احب المطر
لفت راسها له – مين مايحب المطر المطر أجمل شي بالنسبه لي
ناظر فيها – بالنسبه لي مطر وفنان وريشه وإبداع يحكي إبداع ولا دفينشي
ضحكت – كأنك تقول شعر
ابتسم لها وهو يسرح – لا بس اشتهيت ارسم
ناظرت فيه بتمعن وهي تحفظ ملامحه – تحب الرسم
لف لها – تقدرين تقولين رسام مبتدئ بس انا احب الرسم كثير كنت مقرر من يوم كنت في السعوديه اني اقضي وقت فراغي في أمريكا بالرسم بس للأسف ماكل مايتمنى المرء يدركه
طبطبت على كتفه – والحمدالله بالعزيمه والإراده وصلت إلى إكتشاف الغلطه اللي سويتها ياعبدالله وعرفت الصح من الغلط
عبدالله – لولا الله ثم اخوي عبدالعزيز كان لين هالحين غارق في عالم الأدمان
ريهام – الحمدالله على كل حال ,, تدري كان نفسي اقابل رجل طموح والحمدالله تحققت امنيتي
ضحك بقوه على كلمتها – أنا طموح
ناظرت فيه بتمعن وسرحت فتره من الوقت 00 وهو استغرب نظراتها وصمت وتمعن فيها 00 عيونهم هي اللي حكت 00 هي ترسل إشارات 00 خذني معك لعالمك 00 ابي اكون انا وانت سوى 00 ابي يجمعني معك المكان 00 والأمان 00 والحضن الوسيع 00 والصوت الحنون 00 والعشق المجنون 00 في عالمك انت وانا 00 مافيه من يبعدني عنك ابد 00 خذني معك 00 أرجوك 00 أتوسلك خذني معك
تمعن النظر فيها 00 وش وراك ياريهام 00 هو حقدك الدفين 00 ولا الغربه خلتك إنسانه غريبه 00 من تكونين 00 مستحيل تفهمين عاداتنا وتقاليدنا 00 اللي رفضتيها 00 أكيد كارهه كل حد بيذكرك في عبدالعزيز 00 وأنا من ضمنهم 00 مستحيل أخلي مشاعري تجرفني معك 00 مستحيل ...
نزلت دمعتها 00 واستغرب هالدمعه اليتيمه 00 لفت راسها وناظرت في الشرفه والعالم اللي تحتها – يمكن تستغرب اني اشوفك طموح بس بالنسبه لي اللي وصلت انت له قمة الطموح 00 بس انك تعترف بخطاك هاذا بحد ذاته طموح للشي الجميل 00وانك تسعى للتغيير 00 ( لفت راسها له ) انت علمتني ان الموت قضاء وقدر انت علمتني اللي ماقدر كل هالعالم انها تعلمني حتى هالاطباء اللي خذوا شهادات قويه ابد عجزوا يغيرون عندي حقيقة الحياه عقب أمل 00 كنت اشوف أمل كل شي بالنسبه لي 00 جزعت على موتها 00 وربي بلاني وخلاني في نظر العالم إنسانه مجنونه وأستاهل 00 حتى زيارات عبدالعزيز البسيطه لي 00 كانت تردني للواقع ان أمل ماتت 00 بس ماكنت حابه اشوف أخوك عشان مايذكرني با أمل وسوء الحياه من بعدها 00 بس جيت انت شفت الدنيا لها لون غير 00 ريحه وطعم غير 00 انت علمتني ان الحياه عشان تعطيك لازم تأخذ منك 00 وهالحياه خذت مني أمل وانا ابيها تعطيني تعطيني الأمان والحنان 00 تتوقع ياعبدالله بتعطيني هالأمان المنشود
عبدالله ناظر في الشرفه – الله يرحمها واعرفي ان الله سبحانه معك
ريهام – والنعم بالله ,, ( ناظرت فيه بحزن ) عبدالله يؤسفني بالمره ان وقفتي هاذي بتكون الأخيره 00 اليوم سمحولي اني اسافر وبطلع برى امريكا 00 لأول مره بحياتي أطلع برى امريكا هه 00 كنت متوقعه اني مستحيل اطلع عنها لين انت وصلت 00 هالحين خلاص ابي اشوف حياه غير هالحياه هاذي 00 بعد ثلاث ساعات طيارتي 00 توصيني شي
عبدالله ابتسم لها 00 وهو يخفي عنها حزنه – الله معك ياريهام واعرفي ان الخطوه الصحيحه هي اللي اتخذتيها
ريهام بحزن لأن رحيلها ما أثر فيه 00 ومدت له الكيس – تفضل عبدالله ابيك تحتفظ بهالذكرى مني 00 وأعرف ان أفضل شخص بعد أمل مر في حياتي هو انت الله يحفظك ويردك إلى هلك سالم
عبدالله خذى الكيس 00 واتجهه على جواله – عطيني رقمك
هي ماتبي تعطيه تبي تنساه 00 حتى لوكانت كاتبه له شعورها برساله داخل الكيس ماتبي يرجع يتصل فيها عشانها وضحت مشاعرها له في الرساله – صدقني مو لازم اعذرني انا بطلع
هو استغرب خطوتها هاذي 00 أكيد ماتبي تشوفني 00 ولا تسمع شي عني 00 أكيد عشان أخو عبدالعزيز
ركب حمود 00 وتحرك مشعل وهو يحس بألم
حمود بخوف – وين راحت مشعل
مشعل وهو يحس ان الدنيا تدور فيه وبيأس ووجهه سود – مدري حمود مدري
حمود – لاحول إله ياربي
مشعل لف راسه لحمود – تهقى راحت بيت جدتي
حمود بخوف – انتبه مشعل انتبه سياره
مشعل ضرب فرامل وغمض عينه بألم 00 ناظر فيه حمود – مشعل وش فيك بغينا نروح وطي
مشعل مسك راسه – آآآآآآآآخ راسي يعورني
حمود فتح الباب ونزل – انزل انزل انا اللي بسوق
مشعل فتح عيونه وهي حمر – طيب
بدلوا المقاعد 00 حمود – طيب وين بيت جدتك تعرفه
مشعل – ايه امش امش وادلك
هالمره لازم مااضعف 00 لازم اقوي عمري 00 عشان اواجهك يامشعل مستحيل اضعف مستحيل 00 مسحت دموعي اللي وعدت عمري عقب هالمره ماتنزل ابد ودقيت على خالي 00 خبرته بكل شي 00 عدى سالفة انه تزوج علي 00 لحد الحين مو داري ولو يدري ضربني ضرب كيف ادوس على كرامتي برجلي 00 وخالي بيوصل المغرب بعد شوي 00 بس اللي قاهرني اني موقادره احضر زواج منال ابد
لازم ادق عليها واعتذر
صكرت نوف مني 00 عقب ماحذرتني فوق المئة مليون اني ماأخبر حد عن مكانها ولا حتى انها دقت علي 00 مسكينه يانوف 00 وأنا اللي حمود جنبي 00 وخالد يحبني وخايفه 00 كيف انتي اللي عشتي الظلم والأهانه اللي عشتيها عند عمك ومشعل اللي خساره اني اعجبت فيه في يوم من الأيام 00 الله يصبرك يارب الله يصبرك يانوف 00 والله بكيت معها 00 مابخبي بس ماحبيت ابين لها 00 كفايه خاطرها شين وماسكه شهقاتها 00 الله يصبرك على اللي حصلك يانوف 00 هاذا وانتي حامل مارحمتك عمتك ومشعل الله لايوفقه 00 آآآآآآآآآآخ قاهرني 00 ومي من درت وهي تدعي على مشعل وساره 00 ضحكتني في دعاويها 00 وانا لوكنت فاضيه كنت شاركتها بس انا ارتجف ياناس خايفه وقلبي يرقع 00 اليوم عرسي ماصدق ياما انتظرت هاليوم 00 بس يوم جاء خفت يارب سترك يارب
{[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12-11-2010, 08:42 PM 
©؛°¨غرامي فعال ¨°؛©
رد: رواية إصبعي و هو إصبعي إذا غدرني أقطعه / بقلمي
حاطه يدها على خدها وتحرك رجلها بتوتر – هاه رد
ريم – لا ياخاله مايرد
بدريه – اووووووف ماصارت العصر خلص وهاذا مايرد يطمن قلبي
هلا – يمكن ياعمه حاطه صامت
بدريه – مادري ,, ريم يمه روحي شوفي دنيا من شافت اللي شافته وهي حابسه نفسها
ريم بحزن – إن شاءالله
هلا – مسكينه نوف
بدريه وهي تدمع – مسكينه هالبنت كسرت قلبي حسبي الله على إبليس يامشعل والله ياستحملت أمور ماحد يعرفها غيري آآآآآآه ياقلبي عليها
هلا – الله يعين المشكله ماترد على جوالها تطمنا وتقول لاتشيلون في بالكم انا بخير
بدريه – نوف كبتت ياهلا لين انفجرت ومشعل بيدفع ثمن هالانفجار
وصلوا البيت طقوا فوق المئة مره 00 مافيه رد 00 بينما نوف كانت ملاصقه لجدار هالبيت 00 وهم مايدرون 00 مشعل ماسك رأسه ويتألم بشده 00 وحمود خايف عليه – مشعل امش نروح للمستشفى
مشعل – لا مايحتاج بس عشاني مانمت زين ,, حمود خلنا نروح نبلغ الشرطه
حمود – تو مامر على طلعتها اربع ساعات نروح وش نقول
مشعل – نقول أي شي بس ماأقعد مكتف كذا نوف ان صار فيها شي مابسامح عمري ابد
حمود بحزن لحاله – طيب امش
مشعل – لا خلاص انت روح لبيتكم بعد شوي عرس اختك انا اللي بروح للشرطه
حمود – لا رجلي على رجلك
مشعل بحزن – لا دخيلك لاتحملني ذنب فوق طاقتي انت روح وانا بروح للشرطه
حمود – لا رجلي على رجلك مومخليك وانت تعبان كذا وحالتك حاله
مشعل – زين بس حطني في الشرطه وخذ السياره وروح برد على تكسي
حمود ناظر فيه 00 منال صار لها وقت وهي تدق عليه وهو حاطه صامت 00 عشان مايحس مشعل ويتوتر ويحمله شي – طيب صار وسيارتك بأخذها انا مااضمنك تسوق وانت تعبان كذا
مشعل – صار
اتجهوا لقسم الشرطه حمود نزل مشعل واتأكد انه دخل للضابط وطلع متجهه للبيت خالد ومنال ازعجوه بالإتصالات
ضحكت بخبث وهي تسمع الأخبار من نوره 00 ودلال تتأفف بقوه 00 على وناستها ان اللي متلصقه بأخوها صالح ذلفت 00 بس خالد ولدها بيأخذ وحده مو من مستواهم ابد
ساره – احلى خبر سمعته هههههههههههأإأإأإأأي في قلعة وادرين يارب
نوره – بس المسيو مشعل ركض وراها هاذا بس اللي قهرني
حمقت ساره بقهر – ايششششششششششششش !!
نوره – اللي سمعتيه وصديقتك شوفيها منطقه فوق مسويه إضراب عام عشان الهانم طلعت
ساره بقهر – لا مااصدق دنيا تكرهها
نوره بقهر – حبيبتي هاذا زمان يوم تكرهها هالحين تبكي عشانها طلعت من البيت وتقول انا السبب
ساره بعجله – اسمعيني نوره انا بسكر امي تبيني تبين شي
نوره – لا باي
سكرت منها 00 وبسرعه دقت على دنيا اللي بصعوبه لين ردت عليها
دنيا – نعم ساره
ساره بعصبيه – انتي باي حق تبين الحيوانه ترد
دنيا عصبت من تهجمها على نوف – الحيوانه والله انتي مو نوف نوف بنت عمي ومن لحمي ودمي بس انتي ماتصيرلي حتى ماتحملين نفس اسم عائلتنا
ساره عصبت اكثر – ياوقحــــــــــــه انا بنت عمتك ولا هي وامها تلصقوا في خالي صالح و
قاطعتها دنيا – طبعا هاذي من كذبات امك لا ياحلوه انا متأكده ان نوف منا وفينا
ساره ضحكت بسخريه – هاااااااااااه وشنهو اللي يثبت
دنيا – كفايه انا عارفه انتي مو لازم تعرفين
وصكرت السماعه على وجهها 00 شمقت ساره بقهر وحذفت السماعه من يدها وهي تكسر كل اللي في الغرفه عندها 00 وتسب وتلعن في نوف
الضابط – اخوي صدقني مانقدر نقبل البلاغ إلا لما يصير على مرورها اربع وعشرين ساعه
مشعل عصب بقهر – لين تروح من يدي ساعتها تتحركون وش يضمنلي انها هالحين ماصار فيها شي وحتى ننتظر هالاربع وعشرين ساعه تعدي
الضابط – اسمحلي هاذا القانون وما أتعداه
مشعل ضرب على الطاوله ووقف – انا برفع خطاب لمدير الشرطه في الرياض وهالحين يعني هالحين تدورون عليها
الضابط عصب – اعلى مابخيلك سوه
مشعل وعينه بعين الضابط – تراك ماتعرف من تكلم بس ماعليه نتواجهه
طلع وصفق بالباب وراه وهو معصب ووجهه احمر 00 وقف له تاكسي ودله على الأستراحه يبي يفكر بعمق وين راحت 00 وين راحت 00 والدنيا اتقفلت في وجهه ونوف معاد لها أثر
شافته نايم ونفسه منتظم 00 وقفت على راسه 00 وهي تقيس درجة حرارته
جلست جنبه ومسكت يده 00 فرق شاسع عن اول يوم لها معه وهالحين 00 هالحين تحس بالأمان معه 00 صحيح حست بألم لما ناداها با أمل 00 اللي مقدره شعور انه لين هالحين مانساها 00 بس يقدر اني انا عبير وذيك امل اللي ماتت 00 اللي هي تفرق كثير عنها 00 هي جميله 00 وأمل ناعمه بالحيل 00 هي قصيره نوعا ما بالنسبه لطول امل الشاهق 00 هي وجهها دائري ومليان 00 وامل وجهها طويل وعظام وجهها بارزه بس النعومه تشع من وجهها 00 وباين ان امل كانت طيبه كثير لان هي تحس من العيون إذا هاذا طيب ولا لا 00 اكيد عبدالعزيز مايقدر ينساها لانها تركت بصمه في حياته
طلع من مطار الملك خالد الدولي 00 وهو معصب والنار تشلع بصدره 00 كيف يسوي اللي سواه في بنت اخته 00 ولو كان يعرف باللي هي مخبيته عنه 00 كان ثارت ثائرته 00 ومستحيل يعديها على خير
اتصل عليها تتجهز لانه بيجي وبيطلعون الفندق 00 اتجهه لبيت ام سعود الملاصق لبيت المرحومه ام سالم 00 خذى نوف واتجهوا على فندق الفيصليه 00 وهناك علمت نوف خالها بكل شي اللي أنذهل وسبها كثير وخانقها 00 نوف بكت – خالي الله يخليـ
قاطعها – انطمي انا صكت على إهانات كثيره سواها فيك هالمشعل وتقومين ترضين باللي سواه فيك يتزوج عليك ويتهمك بعلاقات مع شباب وتوك تخبريني
نوف وهي تبكي – خالي انا صكت ماكنت ابي المشاكل انا كنت ساكته عشان خاطر ابوي اللي شفت فرحته انه بيرد لديرته عند امه واخوه واخته اللي فقدهم وعيلته واهله بس ماكنت متوقعه ان اللي صار فيني بيوصلني هالمواصيل
احمد – كنت مخبرك وكنت قايل لك انتبهي منهم قلبي مو مرتاح لهم حتى المرحومه جدتك بس يطمني اني اشوف الحنيه في عيونها بس الباقين لا قلبي قرصني منهم
نوف وهي تشاهق – انا تعبت ياخالي تعبت كثير
احمد بعصبيه – طبيعي بتتعبين عقب اللي أنقال فيك واللي سووه فيك أشك انك بنتهم وعمك وش سوى
نوف وهي تشاهق – مادري طلعت ولا ادري عنه
احمد اللي عرف ان عمها استسمح منها – مو بعيده بعد ان اللي سواه خطه من ضمن خططهم
نوف مطت عيونها وهي تبكي – لا ياخالي هو بكى وضمني واستسمح مني كثير وحكالي قصته هو وابوي
احمد اللي النار شبت فيه – مابصكتلهم صدقيني مابصكتلهم ومشعل هاذا بعرف شغلي معه
مشعل اللي غصب عمره واتجهه لحفلة زواج خالد ومنال 00 كان جالس جنب حمود لما جاه الأتصال من رقم غريب 00 رفع الخط وهموم الكون فيه – آلو
احمد – قلة هلا ومرحبا يالخسيس ياللي مافيك ذرة مرؤه ان كانك تعد عمرك رجال قابلني في الفيصليه انا انتظرك
مشعل اللي مستغرب الصوت بس شك – انت احمد خال نوف
احمد بسخريه – زين والله تذكر ان لك بنت عم وزوجه اسمها نوف
مشعل اللي وقف وهوبيطير من الفرحه – نوف عندك
احمد – معك ربع ساعه بس ان ماقابلتني خذيت نوف معي الأمارات وتحاكمنا هناك
مشعل اللي ركض برى والعالم مستغربه منظره 00 وحمود ركض وراه
مشعل بفرح – طيب طيب هالحين جاي مشوار الطريق بس
سكر منه 00 ولف لحمود – لقيت نوف ياحمود لقيت نوف
حمود – وين هي
مشعل – في الفيصليه مع خالها عطني سيارتي بروح فيها
حمود وهو يركض قدامه – امش رجلي على رجلك
فتح الكيس الجميل 00 وشاف داخلها ساعه فخمه 00 اعجبته 00 وشاف داخل هالعلبه رساله 00 فتحها وقعد يقراها 00 وكل حرف فيه بدأيشده أكثر وأكثر
،، بسم الله الرحمن الرحيم
ربما ان أقسى مافب هالحياه هو الرحيل 00 هو الفراق 00 هو العذاب 00 بالأمس فقط ودعت أغلى من سكنت الفؤاد 00 وكدت أجن وأفقد عقلي 00 واليوم أفراق الحبيب الذي بث فيني الحياة من جديد 00 نعم أحببتك عبدالله !! لاتستغرب ربما الغرابه انني لم أفصح لك 00 ولكن خجلي كان يمنعني 00 أنت من علمتني أن الحياه لن تتوقف 00 وأنت من علمتني ان خطئ الأمس صواب اليوم يمحيه 00 انت من رفعت لك رايتي البيضاء 00 لأنني عرفت معنى الحب معك ,, كما عرفت معنى الصداقه مع أمل 00 لانني عرفت معك الحياه ,, كما عرفت مع أمل الموت 00 عبدالله انت من تمثل لي الوطن . العائله . الأهل . الأخ . الأب . الأم . وأخيرا الحبيب لانني أحببتك يجب ان ارحل 00 حتى لاترحل انت عني 00 انا هاذه المره يجب ان ارحل لآنني أكره طعم الفراق والوداع 00 لذلك سأكمل الحياه بعيدآ عن ذكرياتك انت وأمل ...
عبدالله أنت الرجل الوحيد الذي أثر في حياتي 00 كم أتمنى لك السعاده مع زوجه صالحه تعينك على الخير وطريق الصواب
محبتك :- ريهام
سكر الرساله وجلس على السرير وهو صامت تماما 00 مو بوعيه منصدم 00 يعني هي تحمل لي نفس المشاعر اللي أحمله 00 يعني خلاص راحت من يدي 00 يعني تركتني 00 خلاص يعني كل شي انتهى وراح 00 برحيلك ريهام 00 ركض برى الغرفه وهو يعدو الخطوات حتى يرى لو بصيص أمل ان ريهام ماراحت مو جوده لف المستشفى كله 00 قالوله طلعت خلاص 00 ركض للأداره وبالكاد سمحوله عقب ماحكالهم القصه 00 وافقوا تعاطفن معه 00 ركض للمطار وهو يستقل التكسي اللي بالكاد يمشي في اعتقاد عبدالله
دلال اللي جالسه ومو عاجبها عجب 00 بينما مو في الصاله غير هي وخلود ونوره وساره وكل وحده مكشره وجايات وهم مغصوبات 00 ماعدى خلود اللي متحمسه تشوف منال اللي اصر اخوها يأخذها وهو متحمس لها ويحكي لها كثير عنها 00 بس اخفت شعورها عن امها لاتسوي شي 00 ولا تفضحهم في العروسه اللي راحمتها كثير مالها حد ابد 00 بس هم اللي في البيت 00 دخلت لهم ام محمد أم مي ومي اللي من الصباح مع منال وهم فوق مع الكوافيره
خالد انتظر حمود اللي طلع هو ومشعل ولين الحين ماردوا 00 وهو يبي يدخل عند منال خلاص طول وهو جالس 00 وهو معاد فيه صبر 00 معذبته وسارقة احلامه وأفكاره اليوم بتكون معه 00 وبينصك عليهم باب واحد 00 وبينربطون برباط مقدس 00 مافيه حد له دخل فيهم ابد 00 هو بس الوحيد اللي يتدخل فيها 00 وهي بس الوحيده اللي لها دخل فيها
ركض للفندق أول ماوقفوا 00 وحمود يركض وراه 00 جلس ينتظر أحمد اللي قاله ثواني واجيك 00 حمود يساسره – وش فيك مشعل
مشعل – ابي اشوف نوف واعلمها بالقصه
حمود – أي قصه
مشعل – قصة نومة الأمس والقلم
حمود – وش قصتهم
مشعل – ا
قاطعهم احمد وهو معصب – اخيرا شرفت
حمود استأذن وخلاهم 00 وجلس على طاوله ثانيه
مشعل وهو يزفر – نوف عندك احمد
احمد – ولك عين تسأل عنها
مشعل – أكيد مو زوجتي !
احمد بسخريه – توك عرفت انها زوجتك عقب ماحطيت عليها بنت عمتك واتهمتوها زور وظلم انها تكلم شباب وتعرفهم لا والأعظم من هاذا كله تقولون انها مو بنت صالح
مشعل – مو انا اللي قلت انها مو بنت عمي صالح
احمد بعصبيه – بس سكت وخليتها مصدومه اليوم كله وفي الليل تبكي وماذاقت نوم
انت مستحيل يطلق عليك إنسان تجردت من الأنسانيه كلها حتى لو هي غريبه عنك ماسويت فيها اللي سويته فما بالك انها بنت عمك ومن لحمكم ودمكم
مشعل حس براسه أفتر 00 حط يده براسه – احمد والله العظيم اني اعز نوف
قاطعه احمد – جب انطم اللي يعز يذل ويهين ويتمسخر كل اللي ابيه منك هالحين جوازها وورقة طلاقها وانجلع ماابي اشوف وجهك
مشعل وهو حاس بالألم ومعصب – بس يحقلي اشوف زوجتي واتفاهم معها
أحمد بعصبيه – تخسي ولك عين ياجلب تبي تشوفها
مشعل يقاطعه – أظن من اليوم مقدر حالتك ومخليك تسب على راحتك بس يوصل انك تمنعني اشوف نوف لا هاذا مستحيل اسكت عنه
احمد وقف – روح سير ييب الجواز وورقة الطلاق بكره نلتقي في المحكمه
مشعل وقف – انا بجيب الجواز بس الطلاق لو تطيرون للسما وتردون مو مطلق
احمد بسخريه – يصير خير ( وراح وخلاه )
مشعل اللي جلس على الكرسي بتعب وهو ماسك راسه 00 مكان متوقع ان اللي صار يصير 00 نوف لا مستحيل تضيعين من يدي مستحيل
حمود ركض لمشعل ومسكه – مشعل الله يخليك وش فيك
مشعل وقف بتعب ومشى وهو يترنح من الألم – حمود وصلني للبيت ابي أخذ أوراق مهمه هناك وبعدين روح للزواج اختك اللي طلعتك منه
حمود بحزن لحالته – طيب ( وهو يمسكه مع كتفه )
مرتبكه وخايفه 00 قبل شوي انطق الباب ودخلت علي اخته خلود 00 وخبرتني ان خالد يبي يدخل 00 وحمود ماله أثر 00 دقيت عليه ويعطيني مشغول 00 انا خايفه يكون صاير فيه شي 00 اندق الجوال 00 ناظرت لقيته حمود يتصل بك رفعته بسرعه – حمود وينك
حمود وباين صوته متعب – هلا منال انا نص ساعه واجيكم
انا بخوف – صاير فيك شي حمود
حمود – لا بس مشغول شوي نص ساعه واكون فيه
انا بخوف وارتباك – حمود خالد يبي يدخل وانا ابيك معي
حمود – لا لايدخل لين اجيكم انتظري شوي ابي اشوف شكلك يوم يدخل ( وضحك )
انحرجت كثير – طيب ( واحاول اخفي إحراجي عنه )
وصلت المطار وانا الهث من التعب 00 الحيوان راعي التكسي 00 ساعه يمشي على قشر بيض 00 ركضت مثل المجنون أدور على اللي تشبهني 00 تشبهه شخصيتي تشبه إحساسي 00 وحيده مثلي 00 فريت كل المطار مافيه أثر ابد إلها 00 ماأبالغ ان قلت حتى الكافيهات والمطاعم والأسواق اللي موجوده في المطار مالها أثر ركضت على الرسبشن 00 سألت الموظفات عن الطياره المتجهه لألمانيا وقالولي لها خمس دقايق بس من أقلعت 00 بلمت 00 وأحاسيسي ماتت 00 ريهام تركتني ليه ماعطتني رقمها أقدر اوصل لها 00 ليه اعترفت وهربت عني ليه ياريهام ليه 00 ماأبالغ ان قلت طاحت دمعتي 00 ظلم وقهر 00 الأنسانه اللي أثرت في حياتي سافرت وتركتني 00 راحت وراحت بعيد 00 مشيت وانا تايه ومحطم نفسيا 00 وقلبي متعب كثير 00 آآآآآآآآه ياريهام آآآآآه 00 مسحت دمعتي ورجعت أدراجي للمركز 00 وانا أطمن نفسي هي فتره قصيره لاغير ياريهام واجيك احتريني احتريني ياريهام انتي لي وأنا لك طال الوقت ولا قصر