اصبعي وهو اصبعي ان غدرني اقطعه

14

طلعت بالغداء في الصاله 00 وحطيته قدامهم
صباح – ناظروا كم الساعه فيه حد يتغداء الساعه اربع بعد العصر
منال – وش اسوي ياعمه ارد من الجامعه وحده وعلى بال مااوصل مع الباص
اوصل ثنتين وسيده للمطبخ حتى ماابدل ملابسي
حمود – ماعليه نسمي بالله اصلا انا ماارد الا ثلاث احسن ناخذلنا قيلوله على بال مايجي العصر نصلي ونتغداء
صباح – انا موعاجبني هالنظام
وغازي مستسلم للسكوت
منال تشجعت وردت عليها مع انها عارفه انها بطين عيشتها – عاد موعاجبك اطبخي لنا انتي
صباح عصبت – انا شيبت وين اقدر اطبخ
منال – وانا شايخصني إذا ماتبين شغاله تجي وتطبخ لنا وهالنظام موعاجبك قوليلي وش يعجبك
صباح بعصبيه – تنطمين
حمود بعصبيه – وليه تنطم وهي قالت الحق ,, ومن بكره بقدم على خدامه
صباح – وليه التبذير هاذا خلها تكرف وتطبخ
حمود – والله إذا دفعتي من جيبك تكلمي اختي وراها دراسه واختبارات ولاهي ماتقصر بس ابي الشغاله تساعدها
غازي خلص اكل – الحمدالله 00 لا 00لازمنا شغاله قدم وانا ابوك اختك معاد تقدر تلحق
فارت صباح وعصبت وطرطعت وهي لازم تسكت

طلع الدكتور يطمن بدريه اللي واقفه ودموعها تنزل 00 وتتحسب وتستغفر
آكيد فيه لبس في السآلفه آكيد 00 هي متأكده من نوف وبكل مافيها متأكد انها مظلومه وبريئه
شافت الدكتور وركضت له – طمني الله يطمنك يادكتور
الدكتور – الحمدالله قدرنا نوقف النزيف00 المدام حامل واعجوبه من الله ماسقطت وقدرنا نلحق على الجنين 00 بس لازم نستدعي الشرطه
بدريه بشهقه وصدمه وطاير عقلها – ايشششششششش الشرطه
الدكتور – اللي في المريضه ضربات وكدمات شي موطبيعي ولاقد مر علي مثل حالتها كيف لحد الان مستتره على الفاعل .. لو ماجيتوا في الوقت لمناسب كان طاح الجنين
بدريه بحزن – لاحول ولاقوة الابالله
الدكتور – ياليت تتفضلين معنا وتحكيلنا عن اللي صار
بدريه بخبره وحنكه وذكاء – اول شي بكلم ولدي راشد وبخلي المحامي يجيني
الدكتور – ياليت الحين تكلمينه لان الشرطه على وصول ولازم يستدعونك
بدريه – إن شاءالله
بسرعه كلمت راشد 00 اللي قال لها انه في الطريق جاي ويا ريم

دلال وهي توقف وبصرخه – تخسي هالحيوانه تطرح من عينك دمعه ولاتنزل رأسك قم ياعين عمتك قم ويمين الله ماتطلع من هنا الا وأنت مالك على ساره بنت عمتك تأديب وترهيب للكلبه
رفع رأسه بسرعه – أيشششششش
دلال – اجل تبي تسكت عن هالقرويه قلعتها من دخلت الجامعه وهي بايعه الستر قبل امي قادره تسيطر عليها وحابستها حتى انها تقفل الباب لما تروح
مشعل بصدمه – إلى ذا الدرجه
دلال وهي تزيد خبث ودهاء اكثر واكثر – وأكثر يامشعل البنت الله يستر عليها لولا انها موبنت اخوي ولا كان ماخليتك تاخذها
زرعت الشك في رأس مشعل اكثر واكثر وبحزن – معقوله ياعمتي
دلال – ايه
جاه اتصال 00 ناظر المتصل شافه راشد 00 اللي حكاله عن السالفه
عصب – تخسي ثم تخسي ليش ماخليتوها تموت
راشد بعصبيه ويصرخ عليه – شكلك انجنيت
مشعل – الجنون انها تعيش لحد الحين
دلال تسمع وتبتسم 00 بينما ساره على الدرج تضحك بشماته ووناسه
وكل اللي سواه راشد انه سكر الجوآل في وجه مشعل