اصبعي وهو اصبعي ان غدرني اقطعه

جزء13

جلس على الكرسي وسرح واسترجع كلام امه
عبدالعزيز – ومن يكونون عاد الناس اللي دبستيني فيهم لايكون بنت الوزير اللي تبين نسبهم
امه بصدمه – هه ذيك البنت راحت خذها ولد واحد من التجار
عبدالعزيز – اها اجل من طلعت
دلال - لا هاذي عبير بنت سعيد
عبدالعزيز بصدمه – وش هــــــــــــــــــــــو
دلال بنرفزه – وش فيك
عبدالعزيز بعدم استيعاب – عبير عبير ماغيرها
دلال – ايه
عبدالعزيز ويزيد تأكيد من الصدمه – اللي جاتنا الشهر اللي راح بجده
دلال بعصبيه منه – اييييييييه ماغيرها هي هي
عبدالعزيز وقف وهو مستانس لان عبير مستحيل توافق – ايه خير إن شاءالله اطمنوا البنت ماراح توافق
دلال – لا اطمن متأكده راح يوافقون
عبدالعزيز التفت لها بعصبيه وهي تمسح بقايا الامل اللي تمسك فيه – وليه متأكده كذا
دلال – لان هالبنت بالذات وحده شايفه نفسها وانت صاحب جاه ومال وابوك وزير ياسرع موافقتها
عبدالعزيز ابتسم بسخريه وهو يعطي امه ظهره – هالبنت بالذات تكره المظاهر

حط الكوب على الجنب ووقف وهو يتجه للالبوم اللي مفارقه كل ليله لازم يتأمل فيه

وهو ياخذه ويتجه فيه على الكنب الموجود بجناحه ويناظر الصور
( اييييييييه ياامل معقوله رحتي 00 معقوله تركتيني 00 معقوله خليتي نفسي خاليه
من أي مظهر للحياه 00 اعيش زي الآله 00 واكون مثل الآله بعد 00 اعرف ومتأكد انك تبيني اعيش 00 وهم عارف انك تبيني اتزوج 00 واكبر دليل وصيتك 00 )
تذكر بآلم شكلها عند الموت ومسك راسه 00 وعصره 00 وزاد عصر 00 يبي يمسح الصوره بإي شكل 00 وهو متأكد مستحيل صورة ابشع موت شافه ولمين لقطعه من قلبه 00 واللي هو السبب فيه 00 انها تنمحي من خياله 00 ماله إلا الدموع 00 الدموع اللي اكيد بتريحه شوي 00 بس عارف هالحاله 00 مستحيل حتى الدموع تمحيها 00 بسرعه اتجهه على الحبوب المهدئه 00 عل وعسى تمحي صورة امل 00 اللي بس هالصوره من خياله يبي يمحيها 00 معقوله مع الزمن بيقدر يمحي كل صورها 00 تظايق من نفسه 00 وهو يبلع الحبه 00 كيف عقله وباطنه البشري مايقدر يتقبل 00 صورة اقرب قريب له 00 اقرب من القلب والروح بالنسبه له ويبي يمسح هالصوره 00 اتوجهه على سريره 00 وهو يعصر راسه بألم ألم هو مايقدر يتحمله 00 لين مااخذه النوم ولعالم أمل 00 اللي حتى بالمنام تنام وتصحى معه

لحد الان متشبثه في خالها على الرغم انهم جالسين في جناح الضيوف 00 ومشعل ميت قهر وخايف 00 بس كلام ابوه طمن جانب منه انها مستحيل تخبره لانها بتعرف مصيرها 00
احمد – يه وانبسطتي عاد
نوف اللي ناسيه نفسها وعايشه في متعه وهي جنب خالها – هيه وايد وايد خالي
مشعل اللي مستغرب كلامها معه 00 وكيف تتقن لهجة هل الامارات
احمد يلتفت لمشعل ويقطع سرحانه – وانت مشعل
مشعل – هاه ايه ايش
احمد – وين درست انته
مشعل – انا درست في المانيا بس كنت مستقر بالنمسا
احمد – مو تعب عليك
مشعل – لا انت تعرف مافيه فرق بين النمسا والمانيا حتى كلامهم نفسه بتكلمون زي بعض والنمسا كأنها قطعه من ألمانيا وكنت لما اخلص استقل القطار وبعض الاحيان لما اتعب وابي اغير الروتين اجلس مع واحد من اصحابي في المانيا في الشقه عنده ولما تصير الاجازات البسيطه اروح وياه فلتي اللي هناك
احمد – وايد حلو التغيير جيه مطلوب
مشعل – ايه
احمد – وشو تخصصك
مشعل – انا ماستقريت على شي معين كل شوي اغير لين ارتحت للعلوم الاداريه
احمد – هيه وايد حلوه العلوم الاداريه الله يوفقك
نوف وهم يتكلمون تسترق النظر لمشعل
مشعل وهو ويوقف – يالله بنخليك ترتاح ,, قومي يانوف
نوف وهي تتشبث في خالها – ماابي بتم عند خالي
احمد ضحك – شو نوف مابطير يابنتي باجر من تصحين بتلاقيني في ويهج مابسير بقعه بتم وياج
نوف ومنزله عيونها – ابي اتم عندك وانام بحضنك مثل قبل
احمد وهو يناظر مشعل اللي باين انه معصب – هيه خلاص لازم تودرين طبعج الاولي هالحينه مشعل بيزعل وغصب عنج بتسيرين معه الا ان جانه طيب وبيودرج عنه هالليله
مشعل – لا اعذرني يااحمد ,, ( ناظر نوف ) نوف قومي عيب اللي تسوينه
نوف وهي تحس بالامان وهي ماسكه يد خالها – ماابي اسير
مشعل – نوف قومي عيب
احمد بنظره حنونه – خلاص نوف قومي يابنتي انتي سيري نامي ومن تصحين بتلاقيني بويهج يابنتيه مابسير مكان
نوف بطاعه – طيب
اطلعوا من عنده 00 وهو ماسك يدها بعصبيه وشاد عليها 00 مما خلا نوف تخاف وتوتر اعصابها – مشعل تعورني
طلع معها الدرج وهو شاد اكثر واكثر 00 ومانطق بحرف 00 لين وصلوا الجناح
عشان يصرخ - ليه تبغييييييين تنامين عنده عشان تقوليله كل شي وتنحاشين وياه
نوف مطت عينها ومسكت فمها – انت شقاعد تقول
مشعل – اللي سمعتيه كم مره بحذرك يانوف 00 انتي ورثتي ابوك ومايحقلك تشردين بورث غيرك خذتيه غصب عنهم
نوف وهي تدمع – ومن قالك خذته غصب والله مادريت ان جدتي كتبت البيت بإسمي
مشعل بعصبيه – نوف اسمعيني قسم بالله لاتحلمين اطلقك غير بعد سنه هذا اولا
ثانيا البيت بيروح لااصحابه لابوي وعمتي ولاتخافين بقول لابوي يعطيك من حصة ابوك
نوف وهي تصفعه كف ومط عيونه وهي تبكي – بس بس بس ليش تحكم علي كذا
انت تبي تدمرني وبس والله ماابي فلوس ولاغيره اللي ابيه انك اطلقني عارف وش ابيك اطلقني
مشعل مسك يدها ولفها وهي تتألم رص جسمها على صدره
وبفيح مثل الافعى – شوفي يابنت صالح تزوجتيني غصب قلنا ماشي 00 اثرتيني ووترتيني وخليتيني اقرب منك هم قلنا ماشي بنعطيها حق من حقوقها حرام مااعطيها حقها وتعاني 00 دخلتي الجامعه وماحبيت ادّخل فيك بعد قلت ماشي بمشيها من لها عقب ماتتطلق غير شهادتها ( وهو يقرب فمه من أذنها ) بس تجين وتصفعيني كف لا يابنت العم ( قرب منها وعظ شحمة اذنها ) مما خلاها تصرخ صرخه من قلب
دزها على الكنبه اللي تنام عليها00 وانسدحت عليه وهي ماسكه اذنها وتبكي 00 قرب منها 00 وهو يتأمل اذنها اللي صبت دم 00 مسح من دمها وحطه على خشمها علامه وهو يبتسم بسخريه 00 دخل غرفته وصقع بالباب بااقوى ماعنده وهي تبكي وتتألم