( الجزء الخامس والعشرون )
حمود – يعني كيف مااقدر اخذ قرض
موظف البنك – للآسف يااخ حمود ماتستطيع
حمود – طيب المبلغ اللي اقدر اخذه كم
الموظف – يؤسفني اني اقولك ولاريال لان ضمانك هو راتبك والراتب لو صار بينك خلافات انت والشركه نحن اللي نتحمل المسأله
حمود بحزن – يعني مافيه ابد
الموظف – تقدر لوتعطيني ملكيه خاصه فيك مثل بيت او عماره او شي نقدر نعتمد عليه لو اخلفت موعدك معنا بس للآسف انت ماتملك شي
وقف بحزن وهو يجر أذيال الخيبه طالع من البنك
على طاولة العشاء
دنيا تهمس – ليش ماتأكلين
ساره – بس مااني مشتهيه
بدريه – ريم حطيتوا عشاء لنوف
ريم – ايه
بدريه تناظر في مشعل – ليش ماتأكل
مشعل وقف – الحمدالله شبعت ( واتجهه على جناح نوف تحت انظارهم )
بدريه بصوت عالي – وقف
مشعل وقف بدون مايلف وجهه
بدريه – إذا ناوي تسمعها كلمتين من اللي تسم ارجع مكانك
مشعل اتجهه لها من دون يفتح فمه
ساره بهمس وهي معصبه – قوليلي وش اسوي اذبح نفسي يعني
دنيا – خليه ( وتبتسم بسخريه ) هالحين تطرده وتطرح وجهه
ساره وهي شاده على اسنانها – إن شاءلله
مبسطوط ومستانس وهو يسمع صوتها رجعته سنين ورى – يعني كذا
هلا – ايه رد لو مارديت بذبح نفسي
طلال – بسم الله عليك
هلا – ابي اتحداك واشوف انت قد التحدي ولا لا
طلال بحماس – افا اكيد قد التحدي
هلا – واللي بتحداك فيه بتسويه
طلال بحماس اكثر – اكيـــــــــــــــد بس انتي قولي هلوي
هلا بدلع وتحدي – اوكيه اتحداك ياطلولي بكره الصباح تفطر معي
طلال بتحدي – يعني كذا تتحديني
هلا – ايه وبشوف بتجي ولا موانت قد التحدي
طلال – طيب نشوف من يصبح الصبح انا قد التحدي ولا لا
هلا – طيب نشوف
جالسه بهدؤ 00 وكوب النسكافيه قدامها 00 وجالسه تحركه وهي سرحانه 00 دخل عليها ناظر فيها 00 وناظرت فيه 00 وطال حكي العيون بينهم – ليش مانمتي
عبير – تأخرت
عبدالعزيز قرب منها وجلس – كان عندي اجتماع مهم
عبير – انتظرتك كثير على العشاء
عبدالعزيز – اسف
دخل يده بجيبه 00 وطلع الجواز
عبدالعزيز – خذي هاذا جوازك
عبير بصدمه – امداك تخلصه بهالسرعه
وقف ومشى وعطاها ظهره – كل شي بالواسطه يمشي
ناظرت فيه وهو معطيها ظهره 00 متأكده انها في داخلها بتفقده 00 هو شخصيته بس آثرت فيها 00 محترم وتعتبر اكثر شخصيه محترمه قابلتها في حياتها 00 كلامه إسلوبه يتمنى اللي مقابله انه مايسكت من كثر ماهو محترم 00 تنهدت وهي عارفه ان القلب محبه ولا بيحبه ابد 00
منسدحه على جنبها 00 ومعطيه الباب ظهرها 00 سمعته ينفتح 00 ظنت انها ريم جايه لها
نوف بنفس مكانها ماتحركت ولاناظرت من دخل - إذا جايه بتكلميني عن الهمجي الله يخليك ماابي اسمع عنه شي
جلس جنبها 00 وهو يناظر فيها
نوف – ليش جيتي روحي اجلسي معهم
ماسمعت رد
نوف – ريم
ماسمعت رد
لفت راسها شافته جالس مكانه 00 رفعت راسها وجلست وناظرت فيه بعصبيه – نعم خير وش تبي
مشعل بهدوء – قومي البسي بنطلع للمستشفى نطمن على رجلك
نوف بعصبيه – مايخصك فيني
مشعل وهو يشتت نظره عنها – لاتحسبين اللي بسويه يعني مهتم فيك ويكبر راسك علي تراه بس شفقه مني لك وغير اني حاس بالذنب
نوف بقهر - اطلع برى
مشعل يناظر فيه وضحك بسخريه – كذبة ابريل تبيني اطلع من بيتي
عصبت وانهارت وقامت تبكي 00 من شاف حالتها كذا 00 قام بسرعه وقفل الباب عليهم 00 عارف ان امه هالحين بتجي 00 والكل بيتجمع عليه
جلس وناظر فيها بهدوء 00 وكأنه مو مسوي شي ابد 00 وهي امامه تمط شعرها وتصرخ 00 وتسب وتلعن – اكرهك اكرهك طلقني طلقني انت ليه مو راضي تطلقني وين كرامتك وين
اذن من طين واذن من عجين 00 يناظر فيها وساكته 00 انقضت عليه مثل الوحش
وقامت تضربه مع صدره – ياحقير طلقني طلقني ماابيك ماابيك
يتصدى الضربات مثل الجبل شامخ 00 ماهزه ولا حس في أي شي
مسكته مع وجهه وهي منهاره – ناظر فيني مشعل ناظر فيني استحق انك تعذبني قول استحق انك تعذبني
ألمته نبرة كلامها 00واوجعته في الصميم 00 غمض عيونه
نوف - من ايام النمسا وانا متحمله إهانتك زواجاتك علي ضربي كل هاذا مكفاك قولي مكفاك
حط عينه بعينها ومسكها مع كتوفها – ليه انتي ماخنتيني ماعرفتي غيري ماكلمتي حد بدالي كم واحد تعرفين نوف كم واحد ( وهو يهزها )
نوف تصيح ومغمضه عيونها – مااعرف احد مااعرف احد
مشعل بصوت عالي – كذاااااااااااااااااااااابه
نوف – انت إنسان مريض مريض والله العظيم مريض
حس بألم في راسه فجأه 00 وتراخت يده عنها 00 وتعابير وجهه تغيرت
ناظرت فيه نوف بخوف 00 فجأه راح الآلم اللي حس فيه ووقف – امشي بنروح العياده
نوف – ماابي
مشعل – لاتعاندين وامشي نوف مو فاضيلك
ناظرت فيه لو عاندته وش بتستفيد 00 ومنها تتطمن على رجلها اللي اتعبها الجبس
نوف – طيب
مشعل طلع وخلاها ينتظرها في السياره
واقفه عند الحوش 00 ورايحه راده على باب الشارع 00 تأخر كثير من طلع الضو ماشافته ابد 00 بكت لين ماعورها قلبها على حض حمود 00 اللي كان خلاص بيجمع عشان يسويله مشروع صغير 00 وهالمشروع طار 00 والآحلام تبخرت
وهالمائه اللي سهر وتعب عشان يجمعها لازم يحط ضعفها ست مرات 00 عشان يسدد الدين اللي ماله ذنب فيه 00 المشكله حتى ابوها مااهتم 00 لانه عارف ورى حمود خويا لو طلب منهم بيعطونه
انفتح الباب ودخل حمود بشكله المبهذل 00 وحزن مالي وجهه
منال ركضت عنده – هاه عسى وافقوا
حمود بحزن – لا رفضوا يامنال رفضوا ( وجلس على الدرج حق مقدمة البيت )
منال بحزن وريعه وقفت عنده – قول والله
حمود وهو يمسح على وجهه – والله العظيم
منال جلست جنبه وقامت تبكي 00 لف حمود وجهه لها وقام يضمها ويطبطب
عليها – حرام عليك منال لاتوجعيني اكثر ماانا موجوع
منال وتمسح دموعها وترجع تطيح – المشكله ان ابوي وهو ابوي مو مهتم وصباحوه تتشمت هه
حمود غير ملامح وجهه – ليش وش قايله
منال ترد تبكي – تقول هه هاذا وانتي اخذه ولد الوزير مساعدكم لو اخذه عايض اخوي اللي يحبك مكان احسن
حمود ويلف وجهه عنها – خليك منها ليكون بس خبرتي صديقاتك
منال بخوف وبسرعه – لا وربي يمين الله مخبرت احد حتى مي تسألني وش فيني وليه دائم مزاجي مو رايق وانا اخبي اني تعبانه
حمود وقف – احسن عشان اضمن مافيه حد يدري ,, امشي نطلع نرقد ومن اصبح افلح وإن شاءالله ربي بيساعدني
منال وقفت – إن شاءالله
اتجهت له بخطوات متعبه 00 وهي تجر رجل وترد الثانيه 00 اقتربت منه وسط نظراته اللي تتبعها 00 فتحت الباب الخلفي وركبت
مشعل – ليش راكبه ورى
نوف - بس ماابي اركب قدام
مشعل زفر بتعب – تعالي نوف احسن ماتشوفين شي ماتبغينه
نوف بخوف – ماابي وفكني من شرك هنا مرتاحه
مشعل فتح الباب وهو يقول – بس انا مو مرتاح
فكت الباب بكرامتها ونزلت وركبت قدام 00 تحت مراقبته 00 ولما ركبت سكر لها باب السياره 00 وساره ماشافتهم إلا على هاذا الموقف وجنت جنونها
اتجهوا للمستشفى وكل واحد سارح في خياله
نوف – ابي افك الجبس
مشعل لف وجهه لها ناظر فيها 00 بعدين ناظر قدام – نشوف
نوف – لا حتى لو بيقولون بدري ابيك تقولهم فكوه
لف وجهه لها – حتى لو كان فيه مصلحتك
نوف – لاتخاف انا ادرى بمصلحتي منك
مشعل هز كتفه – كيفك
وصلوا المستشفى ونزلوا 00 طلب عربيه لها وجابوها 00 بس نوف رفضت تركب فيها 00 يمين يسار معانده 00 عصب منها وخلاها 00 توجهوا على غرفة الدكتوره اللي كانت سعوديه 00 طلبت من الممرضه تسويلها الاشعه عشان يطمنون 00 بعد فتره يمكن نص ساعه وصلت الاشعه 00 ناظرت فيها الدكتوره
مشعل – هاه طمنينا يادكتوره
الدكتوره – فيه تحسن ملحوظ وراح نشيل الجبيره عنها ونخليه مشد للرجل
نوف – مو مشكله اهم شي الجبس ينشال من رجلي
الدكتوره ابتسمت – إلى هالدرجه مضايقتك الجبيره
نوف – ايه كثير
الدكتوره – سلامتك اجل الف سلامه ( ناظرت مشعل ) تفضل هاذي الوصفه تمرون فيها الصيدليه وتداومين على المراهم اللي مكتوبه لك ويفضل انك ماتشيلين المشد
نوف – مو مشكله
الدكتوره – يالله تفضلي الغرفه الثانيه عند السيسترات هناك يشيلونها وماتشوفين شر
مشعل – الشر مايجيك مشكوره
{[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21-09-2010, 03:20 PM 
©؛°¨غرامي فعال ¨°؛©
رد: رواية إصبعي و هو إصبعي إذا غدرني أقطعه / بقلمي
في امريكا \ وشنطن
صحى الصباح وهو فيه إرهاق وخمول وكسل ويناظر في حسام اللي نايم عنده بالصاله
عبدالله – حسام حسام
حسام – هممممممممممم وش تبي
عبدالله – قوم تأخرنا على المحاضره ترى هالمره لو تأخرنا فصل
حسام وهو مغمض عيونه – احسن فكه بعد
عبدالله عصب – وش فكه بعد انت من صدقك
حسام – ايه من صدقي وإذلف عن وجهي احسن لك
عبدالله شاف الكوب جنبه 00 وصبه على حسام اللي قمز مرتاع وجلس وهو يمسح وجهه – ياكلب وش سويت
عبدالله – لاتكلمني بهالنبره من تكون
حسام وعيونه حمراء – تكون كلب تحت رجلي
عبدالله وقف – تخسي وتعقب
حسام وقف وضحك بسخريه – انت هيه هيه مصدق نفسك على إيش ترى حلك وحلالك تحت يدي انت هالحين صاحي يوم تسكر تبوس رجلي ياحيوان
عبدالله عصب – كذااااااااااااااااااااااااااب
حسام تحسر – آآآآآآآآآآآه لو مالبيت بإسم اخوك التعبان كان خليتك تتنازل عنه
عبدالله انقض عليه وتعارك هو وإياه 00 وشيل وحط 00 وشيل وحط في النهايه تعب حسام اللي الخمر والمخدرات قضت عليه – اوريك ياحيوان اوريك
عبدالله بعصبيه – اطلع بــــــــــرى بيتي ااطللللللللللللللللللللللع
حسام – إذا ماجيتني الليله في الشقه تحب رجلي مااكون حسام يالكلب
عبدالله يصرخ – اطلــــع اطلـــــــــــــــــــــــــــــع
وطلع وخلاه وسط غضب عبدالله وقهره من المستوى اللي وصل له 00 لعبوا فيه عيال الحرام 00 والمشكله مايقدر يستغني عن الشرب ولا المخدرات
مفتوحه ابواب السياره 00 ويناظر فيها 00 وهي امام الآمواج العاتيه 00 وثوران البحر القوي 00 فتح بابه ونزل 00 واقترب منها – خلصتي
نوف وهي جالسه وضامه جسمها - تعبت
مشعل – لا بس طولتي ( وجلس جنبها )
نوف – اكره البحر واحبه 00 ودي اكون قريبه منه وبعيده 00 وودي اشوفه ونفسي اغمض عيوني عنه
مشعل لف وجهه لها بإستغراب – كيف يعني
نوف – احبه لانه يسمع هموم عظيمه واكرهه لانه يبلع اروح كثيره احيانا ودي اكون قريبه منه لانه مثلي يشبهني تماما وابي اكون بعيده خايفه منه ابي استمتع في جماله وماابي اسمع تلاطم امواجه
مشعل بسخريه – تقولين قصيده
نوف وهي تنظر للبحر – تكرهني انت صح
ارتبك – ليش السؤال
نوف – خطر على بالي فجأه
مشعل – انتي تكرهيني صح
نوف – مابكذب عليك ايه اكرهك
مشعل بألم – عادي تقولينها في وجهي
نوف – لانك انت عادي تجرحني
مشعل – لهدرجه حاقده
نوف – واكثر مما تتصور
مشعل ابتسم بحزن – اهنيئك على صراحتك
نوف – طلقني مشعل
مشعل لف راسه لها بقوه بينما هي تناظر البحر – لاتناظرني كذا إذا تبيني اذكر لك شي حلو طلقني
مشعل غمض عيونه بقوه – لهدرجه تكرهيني
نوف تبتسم بسخريه – هه انت ماجسدت شي حلو في حياتي غير الي في بطني بسسسسسسسسسسس لا ومشكوك فيه بعد
فتح عيونه بقوه وبقهر وقف – قومي بنرجع
نوف لفت وجهها له – صراحتي اوجعتك
راح وخلاها بدون كلمه 00 قامت بصعوبه ونفضت عبايتها ولحقته
نوره بعصبيه – مو على كيفك تروح ولمين تتركنا
طلال ينافخ – افففففففففففففف ردي على الطياره
نوره – طيب بنرجع معك
طلال بطفش – مايصير عندي شغل سيده بروح له
نوره طنقرت وشوي وتبكي – حرام عليك طلال
طلال شال شنطته – يالله اشوفك على خير والتذاكر بحجزها لك وللعيال وتعالوا على الطياره
نوره – اففففففففففففففففف طيب
هاذا الاسبوع الثاني اللي تشوف طلال متغير عليها 00 انقهرت من هالتغير اللي اتعبها 00 جلست على سريرها وقامت تصيح من تغيره المفاجئ
ساره – بموت قهر يادنيا لين الحين مارجعوا
دنيا اللي تنتظر إتصال من محمد - هالحين يردون
ساره وهي توقف – افففففففففففففففف اصلا اللي يشكيلك غبي طول ماانتي جالسه معي عينك بهالجوال
دنيا ارتبكت – لا بس انتظر وحدة من البنات تدق علي
ساره – اها على العموم انا بروح للبحر هناك وبنتظرهم لين يردون (وراحت وخلتها)
اقتربت عند البحر وجلست ادمع ( ياربي انا وش اسوي خايفه خايفه يويلي لو الكلب فضحني عند مشعل والله انه عادي يقتلني ياربي دخيلك 00 آآآآآآآآآآآآه ابي انام ابي انام ليش حتى الراحه في النوم ماتجيني كل نومي آحلام وكوابيس 00 آآآآآآآخ ياقهري من اللي جلسه جنبك هالحين يامشعل 00 وانا القهر والغل هنيا يذبحني 00 ليش آفكاري متشتته والقهر والخوف لافين على رقبتي 00 ( وقامت تمسح على رقبتها ) 00 حسبي الله عليك يازياد حسبي الله عليك 00 الله ينتقملي منك يارب
وقفت السياره في الشاليه 00 وقبل تنزل 00 مسك يدها – أنا اسف
نوف لفت وجهه له وببرود – على
مشعل بإرتباك – على اللي صار مني
نوف ببرود – وتتوقع اني بسامحك على اللي تسويه فيني
مشعل رفع حاجب – زي ماانا سكت على اللي سويتيه فيني
سندت ظهرها وبقهر – وش سويتلك انا
مشعل وينظر للآمام وبألم – خنتيني
نوف بسرعه وعصبيه – ماخنتك ولا بعمري عرفت غيرك وياليتك يامشعل تص ....
انقطع الكلام لما سمعوا طق على الشباك حق مشعل 00 رفعوا رؤوسهم وانتبهوا وشافوا ساره تناظرهم 00 فتح الدريشه
ساره بدلع – ميشو حبيبي تعال ابغي اوريك حاجه بسرعه بسرعه
ونوف نزلت بعصبيه عقب هالموقف 00 مشعل ناظر فيها 00 بس ساره سحبته ونزل بإستسلام معها
اليوم هو اليوم الآخير لهم بالشاليه 00 السيارات واقفه تنتظرهم 00 وهالمره نوف راسها وألف سيف ماترد مع مشعل
في الصاله \ الشاليه
مشعل بعصبيه واقف مقابلها– كيف يعني
نوف جالسه ابرود – ماابي ارجع معك برد طياره مع عمتي
بدريه بهدؤ – خلاص مشعل روحوا هي بترد معنا وبعدين طيارتنا الساعه تسع الليل ماتوصل البيت إلا وهي قدامك بعد
نوره وساره متنرفزات من مشعل
مشعل – انا مايهمني بس هاذي مو حاطه لي حساب قومي ردي معي
نوف بقهر – لا لا لا
مشعل عصب – يعني تعانديني
ساره بعصبيه وقهر – خلاص ماتبي تروح معنا انت وش لك خص فيها خلها تذلف
مشعل ناظر فيها
دنيا – اففففففففففففففف مشعل عورتوا راسي انت وش تبي في هالمريضه وبعدين انت من صدقك عقب اللي سوته تبيها
مشعل بتبرير لهم ولتصرفاته اللي كاشفته – انا اتقرصت مره وماابي انقرص مره ثانيه ( لايلدغ مؤمن من جحرين )
وهالكلمه بثت الرعب في قلب ساره ودنيا 00 اللي ابلعوا ريقهم 00 ساره بزياد اللي يهددها 00 ودنيا بمحمد اللي تكلمه
في النهايه رفضت نوف السفر مع مشعل 00 وبدريه اقنعته انه تعب عليها وتركها وراح 00 عقب ماوصى امه مليون مره ماتخليها تغيب عن عينها نظره