( الجزء الثاني عشر )
مع نزولها من الدرج ,, صادفته في وجهها 00 ناظر فيها 00 ثم ناظر في لابسها
وهو ميت قهر من جلابياتها اللي فقعت مرارته
عرفت تفكيره لوين راح 00 وحست فيه 00 اصلا هي تبيه يكرهها ولايشوفها حلوه
تدرون اني اتعمد البسله كذا ماابيه يشوفني حلوه 00 بتقولون خبله 00 بقول عن نفسي ايه 00 كيف بااتكشخ عند انسان من اول ليله ضربني 00وطردني من غرفته 00واهاني 00انتم ماشفتوا الوجع اللي حسيت فيه 00 واني تعذبت كثير وانذليت اكثر 00 ومن بعد ماسمعت كلام عمي يوم يتكلم هو وياه 00 خلاص حلفت في داخلي مااخليه يشوف حلاي ابد 00 ابيه يكرهني ويطلق خلاص كرهته واكيد بل اكيدات انه كارهني وماانزله في زور ابد 00 وش فايدة زواج مصلحه وبعد سنه ماادري وين مصيري 00
شافت وجه عمها الكريه وهي تدخل اللي صد بنظره عنها
وأول مااستوت على الكرسي 00 فجأهم دخول دنيا السريع وهي تلهث
دنيا بإرتباك – نوف قومي ابيك
بدريه – هالحين تغدوا وبعدين لاحقه تكلمينها
دنيا – لا هالحين وضروري
نوف توقف 00 وهي عارفه وش تبي فيها 00 ولما طلعوا مسكتها دنيا مع يدها
ودخلتها مجلس الحريم
دنيا بمسايسه – نوف الله يخليك لاتقولين لحد تعرفين مافيه بنت ماتغلط
نوف وهي تنشرح اساريرها – لايادنيا موكل بنت بس انتي الله يهديك بس إن شاءالله
تعرفين غلطك 00 وماترجعيله وبعدين معقوله بااخبرعليك وانتي بنت عمي
دنيا بقهر من ذلها بهالصوره – مشكوره نوف ماقصرتي ومعك حق في كل اللي قلتيه
نوف – وهالحين امشي خلينا نتغداء
دنيا بقهر – يالله امشي
دلال بعصبيه – ماعلي منك يالشيبه تدري كم عمرك
عبدالعزيز بعصبيه – يمه الله يخليك افهميني شنهو شيبه وشنهو هالكلام
دلال بإستعطاف – يايمه ياعبدالعزيز ابوك يجلس كل ليله وهو يتلهف لشوفة ضناك يايمه ليه بتحرمنا
عبدالعزيز بهدؤ – يايمه افهميني انا ماابي الزواج ماابيه
دلال وهي ثايره – اسمعني ياعبدالعزيز انت فيك عله وش مخبي انت يإما مورجال ابد ,, ولا شايفلك شوفه
عبدالعزيز اللي عصب من كلام امه – وش هالكلام يايمه إلى متى وانا اشوف وعارف هاذي نظراتكم علي حاطين في رؤوسكم هالشي انا تعبت منكم تعبت
( وهو يعطيها ظهره طالع من البيت )
دلال بعصبيه – والله ماتطلع ياولد بطني قبل ماتعطيني كلمه انا خطبت لك بنت انت فيك بلا فيك عله قول تكلم بصرف هل البنت
عبدالعزيز بقهر الدنيا فيه وبعصبيه وبتهور وبدون حتى لايعرف
منهي البنت – مافيني لابلا ولاعله واكبر دليل اقول اللي قلتيه يمشي انبسطتي يايمه
دلال واستبشرت وانبسطت – ايوالله يانظر عيني انبسطت
في الجناح وتذاكر 00 عليها اختبار صعب شوي
دخل عليها وهو طفشان ومقهور من روتين حياته مع هالانسانه اللي ملابسهاوشكلها وكل شي يدل على تخلفها
جلس على الكنب وجلس يطالعها
نوف تناظر فيه – تبي شي اسويلك شي
مشعل بعصبيه – لا ماابي شي ( وعينه عليها وسارح في خياله )
نوف تناظره بخوف 00 وهي خايفه من جلوسه بهالصوره معها 00 ونظراته فيها
في الصاله
بدريه ودلال وساره ودنيا ونوره
دلال – وانتم شااخباركم
بدريه – الحمدالله بخير
دلال وهي تتلفت – الا وينه مشعل مااشوفه وقرويته وينهي
بدريه وهي تناظره بنص عين – مووزين اللي تقولينه يادلال عيب
دلال – الله يصلحك يابدريه هالبنت مايعرفها غيري قبل عند امي وهي متعبتها لا ومتمرده وشايفه نفسها ودائم تنطنط عند الباب تموت ويشوفها شباب الحاره الا عساها ماتنطنط عند البيبان عندكم
بدريه بإستغراب وشك من كلامها – لا اعوذ بالله نوف عاقل ورزين وحاشمه عمرها
ساره – لاتغرك المظاهر ياعمه
ريم اللي اقتحمت جلستهم وهي تقطع السالفه – السلام عليكم
ساره قهر وغيظ لانهم بدوأ يدخلون الشك في عقل بدريه – وعليكم السلام
الكل – وعليكم السلام
سلموا عليها وكملوا جلسه وسوالف
الخدامه تطق الباب
نوف تقوم تفتح الجناح – مين
الخدامه – انا مدام هذا مدام بدريه تقول انزلوا تحت مدام دلال ومزمزيل ساره تحت
نوف – وععع خلاص بينزلهم مشعل
راحت تطق عليه الباب 00 وهي تشوف الباب مسكر
سمعت صوته – خير
نوف – عمتك دلال موجوده تحت
مشعل يفتح الباب – متى جت
نوف – مدري عنهم
مشعل بخوف – وليكون نزلتي لهم
نوف – لا
مشعل اللي مستحي حد يشوفها ويشوف لبسها وشكلها – احسن ولاعيني تشوفك نازله فاهمه
نوف بإستفهام – ليه
مشعل بعصبيه وهو يأشر على مزاجه – كذا
نوف بإستسلام – إن شاءالله
نزل تحت وعيون دلال وساره بتاكله 00 وهو لابس وكاشخ وريحة عطره وراه
وقفت دلال تسلم عليه وتهلي وترحب
دلال – وشلونك يمه
مشعل – تمآم والله وشلنك انتي ياعمه
دلال – بخير اعذرني ياعميمتك ماقدرت اجيكم كنت في جده
مشعل وهو يجلس معهم – ابد بس شاخبارها خلود عساها بخير
دلال – بخير جلست في جده تقضي عدتها
مشعل – الله يسهل الايام عليها خلود ونعم الاخت عزالله والله من دريت ماشلت الاهمها طايره بتركي وتموت عليه
دلال – ايوالله وانا امك ماشفت مثلهم الله يرحمه يارب
مشعل – ذكرياتي انا وخالد معها ماتنسي حتى لما نسافر جده هناك تحلف علينا هي وإياه الا لازم نتعشى عندهم
دلال – عزالله انه فقيده الله يرحمه ( وهي تتلفت ) وينهي زوجتك هه لايكون ماتبي تشوفني
بدريه – ايه وينهي نوف
مشعل بكذب – نايمه
دلال – وقطيعه ماتقولين عمتي جايه تشوفني صدق مالت والله اني ماارتحت لهالبنت ابد الله يعينك عليها يايمه
مشعل سكت وهو يحس بالذنب انه منعها تنزل ويسمع هالهجوم كله عليها
بدريه – دلال ترى نوف راعية واجب ولو تعرف بجيتكم نزلت بس هي ماردت الا متأخر من الجامعه وتعبانه
دلال – ولو مايمنع بس هذا عذر تحطونه لها وهه وش تدرس ياحظي
مشعل وهو يوقف – اتوقع ادارة اعمال
دلال – ايه موهي زارطه امي ومأثرة عليها عشان تكتب البيت بإسمهاوهالحين دارسه هالاداره علشان بكره تستثمر هالفلوس
مشعل بتفكير في كلام عمته وهو طالع من الباب ويستاذنهم وكله استغراب من اختيارها لهالقسم بالذات
هي ومنال يسولفون
مي – تصدقين ارتحت لنوف كثير مومصدقه مر على معرفتي فيها شهر
منال – والله اني حبيتها كثير واعزها ماتدرين عن قصة حياتها الماسأويه اللي عايشتها
مي بإستغراب – ليه كيف
منال – مشعل متزوجها مصلحه عشان ياخذون البيت اللي بإسمها
مي باستغراب – أي بيت
منال – بيت جدتها اللي كتبته بإسمها
مي بحزن – يالله
منال – ايوالله يامي اخوي مشعل مخبرني 00 والله انها مسكينه بس انتبهي تبينين لها شي
يقطع عليهم صوت صباح اللي تهاوش وتصارخ – مشاءالله هنا مقضيه الوقت في السوالف وانا اللي اكرف في هالبيت قومي فزي وريني طولك بسرعه
منال اللي تسد السماعه بيدها – عمه تكفين لاتفضحيني
عشان صباح تعصب وتفصل الفيش – يالله قومي
منال بقهر وهي توقف – حسبي الله ونعم الوكيل
صباح – هين يابنت الكلبه تحسبين علي ان معلمت غازي يمرمطك بعقاله تعودتي على الدلع حسبي الله على اخوك اللي خربك علينا
عند شنطتها اللي رافض مشعل تدخل مع ملابسه 00 وهي ترتب فيها بعد ماتروشت وذاكرت وخلصت 00 سمعت صوته داخل الغرفه 00 خافت يلعن خيرها لويشوفها في غرفته ماتدري شاتسوي كل اللي سوته تخبت في دالوب ملابسه 0 0 ومافكرت انه ممكن يتسبح ويجي ياخذ ملابسه 00 المهم انها تتخبى وبس
وهو يغني ويدندن فتح الدالوب عشان ينصدم بمنظرها وهو ماط عيونه 00 وهي منكسه راسها
مشعل بقهر – وش تسوين هنا
نوف بخوف وارتجاف – كنت هنا ارتب ملابسي سمعت صوتك وتخبيت انت ماتبي تشوفني في الغرفه
مشعل بقهر – طيب اذلفي ولااشوفك هنا
نوف – ان شاءالله
مشعل – ولاوقفي مدامك دخلتي هنا برجلك 00 تعالي نظفي ملابسي ورتبي الغرفه خلنا ننتفع من جودك في شي نافع موجلسه عطالي بطالي
نوف – طيب
وقف شوي وناظر فيها00 ويناظرها وهي منزله رأسها
اخذ روبه ودخل الحمام وهو يصفق بالباب
{[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 07-07-2010, 11:21 PM 
©؛°¨غرامي فعال ¨°؛©
رد: رواية إصبعي و هو إصبعي إذا غدرني أقطعه / بقلمي
دنيا تبكي – آآآآه ياساره قاهرتني
ساره اللي جاها الحل اللي بيطير نوف على طبق من ذهب وتخوف دنيا – اكيد بتعلم عليك مشعل
دنيا برجفه – لا كل شي ولامشعل طلال ولاراشد يتفاهمون موذاك
ساره بقهر – وانتي بتنتظرين لين تخبر عليك تغدي فيها قبل تتعشى فيك
دنيا بإستفهام وهي تمسح دموعها – كيف
ساره – انا اقولك كيف
سمعت الصراخ وبسرعه طلعت تركض لمصدر الصوت اللي جاي من الصاله
عبير بصراخ – ماباخذه يعني ماباخذه
محمد بصراخ – موعلى كيفك انا بعرف إلى متى وانتي معتكفه عن الزواج اصحي ترى اللي جايك ولد وزير وزير
عبير – والتبن
ام محمد بصرخه – عبيـــــــــــــــــــــــر
محمد – هذا اخر الدلع شوفي ياعبير انتي اخذته اخذته
ام محمد – تراني دلعتك فوق الازم ابعرف شاسبب رفضك ترى موكل مره بتلقين حد مثل عبدالعزيز سمعه وجآه ومآل
عبير تبكي وهي اول مره تذرف دموع قدام حد – يايمه ارحميني
ام محمد بعصبيه – إذا تبين رضاي يابنت سعيد خذي محمد غير هذا لايطب لسان لساني
عبير ودموعها تجري على خدودها – الله يخليك يمه
ام محمد عطتها ظهرها وهي تطلع الدرج 00 ومحمد صفق الباب باأقوى ماعنده
مي اللي واقفه عند الباب قربت من عبير وضمتها وبكت معها
عبير بقهر – يامي ماابيه ماابيه اكره ذيك العائله اكرهها
مي – الظاهر وانا اختك مالك مفر عنه وامي بتقاطعك عشانه
عبير وهي تشهق وتضم مي بااقوى ماعندها
ساره بحرص زائد – اهم شي الجوال لتجيبينه فاهمه
دنيا – طيب بس
ساره – ولابس ولاشي والباقي خليه علي
دنيا – ومين الولد
ساره وتضحك ضحكه شريره – من غيره زياد صايع ضايع اعطيه كم قرش يبيع الدنيا ومافيها
دنيا برحمه – موكانه حرام اللي بنسويه
ساره – ياربي عليك اقول خلاص معاد لي دخل وخليها تخبر عليك مشعل وإذا ذبحك لتقولين ياساره افزعيلي
دنيا بخوف – خلاص خلاص صح صادقه
ساره بوناسه – ايه خلك كذا احسن
واخيرا خلصت ترتيب وتنظيف وبخرت بعد الغرفه بالعود 00 طلع من الحمام وهي استحت ولفت وجهها عنه
مشعل يناظرها وابتسم من حياها قرب منها 00 وهو مخدر ومو في شعوره ابد 00 كفايه طول موهو في الحمام وهو يفكر فيها وفي عيونها اللي تذبحه من الصميم إلى الصميم 00 مهما بالغ ومهما لقى عذر يبعده عنها كل هذا يكون شي مترسخ في عقله بس قلبه ورجلينه وجميع حوآسه تقوده لها 00 مهما شاف حلوه ومهما تزوج حلوات ومهما ومهما مايبلغون ذره في بس حدة ورسم عيونها اللي ابدع الخالق فيها وكأنه يوريهم حوريه تمشي على ظهر الارض ومو بس حلم في الجنه ولا رسم وابداع وتفصيل جسمها
حست في حراره تلفح ظهرها وحراره قويه بعد 00 اتخدرت هي من بس الحراره اللي تلفحها 00 مرر يده على عنقها وهو يمسح بيده على نعومة جسدها الحرير
وهو مخدر وموبوعيه ابد ابد ابد 00 لفها لوجهه وخلاها تقابله 00 ورفع بيده وجهها وحطت عينها في عينه 00 عشان يرتجف من نظرة عيونها اللي صوبها عليه
كيف كان صابر وهالانسانه عنده 00 اكيد انه رجل خارق جدا 00 كيف استحمل وجود حوريه مومن البشر بهالقرب منه اكثر من شهرين 00كيف كان مانع نفسه عنها 00 لعن وسب غبائه وتضييعه الايام هباء منثورا
خرب عليهم الجو اللي متأكد انها ذابت فيه معه 00 لعن وسب اللي خرب عليهم الجو
مشعل بقهر – مييييييييييييين
بدريه – انا يامشعل
مشعل بغرابه – روحي افتحي لامي الباب على ماالبس واجيها
هي بإستسلام – إن شاءالله
طلعت تفتح الباب لها
نوف – حياك عمتي
بدريه – هلايمه ( وهي تدخل وتجلس على الكنب في الصاله ) وينك اليوم ماجيتي
نوف – هاه ايه كنت نايمه وتعبانه
بدريه – ايه انا قلت كذا عساك مبسوطه في الدراسه
نوف – الحمدالله
مشعل اللي لابس البجامه وهي فاتح ازريرها ويصك فيها – حياك يمه
بدريه – هلابك يالغالي شكلك توك متسبح
مشعل وهو يعتدل في جلسته ويرد شعره للخلف – ايه يالغاليه
نوف اللي واقفه – بروح اجيب شي تشربينه وش تشربين ياعمه
بدريه – بس يانظر عين عمتك روحي بس لريم ساعديها من اليوم تحوس في المطبخ مدري شاتسوي
نوف اللي اعرفت ان عمتها تصرف – إن شاءالله تامرني شي مشعل
مشعل – ابد شكرن
عبير اللي جالسه معاهم على العشاء 00 وحاسه في جفاء امها ولاحتى ناظرتها
كرهت نفسها وهي توقف – الحمدالله
طلعت للغرفه وهي تبكي وتندب وتسب حظها وتسب في عبدالعزيز سبب هالمشكله كلها
دلال بعصبيه – خير خير عيد ماسمعت من تكون بنته
خالد بقهر من امه – يمه انا اللي بتزوجها موانتي حرام عليك
دلال بقهر – حرمت عليك عيشتك ياولد محمد اذلف فارق عن وجهي لاعبين عليك ومصدقهم هه لا وابوهم سكار
خالد وهو شاد على شفايفه – والله ثم والله ثم والله اني لااخذها يابنت نوره وانا لواني عزيز ولاعبيد ولاسويره بنتك كان طرتي تراضيني بس انتي تكرهيني كره العمى وانا مدري وش مسوي ليكون بس مااني ولدك
دلال اللي عصبت ومطت عيونها – انت شقاعد تقول
خالد وهو يتكتف – اللي سمعتيه ليه ماقلتي ولد دلال وش معنى كله مره ماتقولين غير ولد محمد لايكون ابوي غلط وانا نتيجة هالغلطه
دلال بعصبيه – تخسي وتعقب وانت ولدي بعد بس طبعك مثل طبع محمد يالهيس الاربد ولاعبدالعزيز وعبدالله وساره مايعصولي امر ,, مومثلك انت واختك خلود
اللي تبي تاخذ العده هناك في جده لاعارف ولامعروف ولا كن عجوز قريح هي واختها دارين عنها
خالد – هالحين كل هذا مايهمني متى بتروحين تخطبين لي منال
دلال – وعععععععع بعد اسمها منال وش هالقراوه
خالد بتمثيل عشان يقهر امه – يآآآآآآآآآآآآآآه اروح وطي على اسمها بس
دلال – وصمه انت بتموتني ناقصه عمر يالكلب
خالد وهو يعتدل – اسمعيني يايمه انا عمري ماطلبت منك شي ولاحتى اتعبتك في طلباتي ولاقد عصيتلك امر لاتخليني اتمرد عليك زوجيني برضاك عشان مااتزوج غصب عنك وبعفيك من حياتي بعيش بعيد عن هالبيت لان وجودي مثل عدمه كله واحد عندك
دلال بطيبه – وش هالكلام يايمه حرام عليك انا امك وانت وش لك في هالعله
خالد – احبها والله ياام عزوز احبها افهميني
دلال – حبتك القراده ياوخويلدوه رح اذلف عني وعلم ابوك إذا وافق معليه
خالد بوناسه – صدق يمه
دلال- صدق بس اذلف عن وجهي لاارتكب فيك جريمه
خالد ويبوس راسها وهو مستانس ومبسوط ويعد الايام لرجعة ابوه
بدريه بقهر – وليه مومعطيها جوازها تسافر لخالها يايمه خلها تنبسط وتستانس وتشوفه
مشعل – بس خليها عقب سنه تذلف له هالحين لوتحب كوعها ماراح تروح تبين ابوي يذبحني
بدريه – وإن شاءالله ناوي تطاوع ابوك في اللي قاعد يسويه
مشعل – هه وكأنك موعارفه انه غاصبني عليها
بدريه – مشعل هالبنت يتيمه ومالها غيرنا 00 وانا مااني مستعده اشاركم الذنب اللي بتسوونه في حقها
مشعل – انا شادخلني هاذي قرارات ابوي
بدريه – وانا عارفه ابوك اكبر طماع على وجهه الارض ويبي يلهف فلوس هاليتيمه
وان طاوعته يامشعل تحل عليك لعنة الله وغضبه
مشعل – انا ماسويت شي وانتي عارفه كل هاذي خطط ابوي
بدريه – بس انت مشاركه
مشعل – طيب وانا وش تبيني اسوي هالحين
بدريه – احجز لكم تذكرتين وسافر فيها لخالها
مشعل – افكر هالايام مشغول ولااحك راسي
بدريه – دبر عمرك فض نفسك لو يومين
مشعل – إن شاءالله
بدريه توقف – يالله مشينا تحت العشاء اكيد جاهز
لما نزلوا تفأجاوا في الاسم اللي سمعوا الحارس عند البوابه بعيده لهم
مشعل – لاموبوقته
بدريه تناظره بقهر – عيب عليك
مشعل بشوي نرفزه – افرضي خبرته في شي كيف بيكون شكلي
بدريه – خل ابوك يدبر هالسالفه موهو دائم عنده حلول روح للرجال وانا بنادي
على نوف تشوفه
مشعل بخوف – لا لاتجي غير لما اجي اناديها فاهمه يمه
بدريه – طيب
توجهت عند الرجال الوسيم اللي يشوفه يعطيه في العمر في اخر الثلاثينات كان وسيم وياخذ لمحه من عيون نوف 00 استغربت وقفته اللي تدل على توتره
قربت منه وانا ابتسم واوجهه – حيالله من جانا
احمد بإبتسامه – الله يحيك يارب
انا – اقلط اقلط حياك الله
احمد وهو يمشي معي لجهة المجالس – الله يبقيك
دخلنا المجلس اللي كان مشغله انواره وتكييفه – يالله يحيي من جانا عسى ماتعبت
احمد وهو يسند ظهره على الكنبه – الحمدالله لا ماشي تعب إلا بتخبرك الهرمه نوف ليه ماتسأل ولاتنشد عن خالها
انا وابلع ريقي وابتسم بتوتر – هي ضيعت لرقم لفت ودارت تدوره ولاحصلته شكلها نسته في البيت القديم
احمد وهو يتكتف – ولو موعذر الاهي وينهي مااشوفها
انا بتوتر – بروح اناديها
ويوم وقفت شفت اخوي راشد مقبل وهو يهلي ويرحب 00 في داخلي ارتحت اني مابستهم بجلسته لوحده لين افهم البقره انها ماتخبره حرف واحد
دخلت عند الصاله الداخليه وانا ازاعق باسمها 00 شفتها تناظرني بخوف وهي ترجف خايفه انها مسويه شي 00 وشفت نظرات امي اللي بتاكلني وهي ودها تسأل بس تبيني امهد الامور لنوف 00 اخذتها لواحد من الصالات الجانبيه وسكرت الباب
وهي لحد الان ترجف وتناظرني بخوف
وقفت اطالعها وماودي اصدمها – فيه حد ودك تشوفينه
هي بخوف – حد مثل من
انا وبنرفزها شوي – مدري ودك تشوفين حد
وفجأه شفت في عيونها استغراب بعدين تغيرت نظرتها وهي تناظرني وتبتسم– لحظه
ليكون تمزح علي
انا بتمثيل للعصبيه – وليش امزح شايفتني فاظي لحضرتك امزح معها
قطبت حواجبها ماعجبها إسلوبي – هاه لا
انا – المهم من اللي توقعتيه
هي وبإبتسامه – خالي احمد
مدري ليه بس ابتسمت معها – حلو وصلتي خير ( وهالحين بيبدأ الشغل الثاني )
ياااااااااه حدي مبسوط ومستانس حد يقرصني يقول خلّود انت ماتحلم 00 معقوله شوفة بنت بهالشكل تخليني اطير واحلم فيها 00 ياربي انتم ماشفتوها 00 بس هي مواصفات البنت اللي دائم احلم فيها 00 تكون ملامحها هادئه 00 وجمالها غير مبالغ فيه 00 وعيونها غير شكل بس يوم رمشت تستوعب جلوسي وهي تفتكرني حمود اخوها دوختني وقلبت كيآني 00 تخيلوا من رمشة عين بس 00 كيف لما شفتها كلها وناظرت عيونها الزمرديه00 الناعسه 00 يوووووووه ولاعيون افلام الكرتون اللي اشوفها ذيك الوساع 00ايه اكيد شفتم عيون ساندريلا 00 وحنين 00ومين ومين الكراتين اللي كنا اطفال ونشوفهم 00 عيونها بالضبط مثلهم 00 والله مااكون خالد ان ماخذيتها 00 بس لحد الان منصدم كيف حوريه تكون اخت لحمودوه 00 هو موشين بالعكس فيه لمحة وسامه وسامته تعجبني مواللي مبالغ فيها مثل وسامة مشعل اللي صفاته اقرب مالها صفات بنت 00 ههههههههههههههه لويسمعني بس 00يالله والله مومتخيل ان فيه عيون كذا 00الله يحفظها لين اكحل عيوني في شوفتها
ياربي مومعقول الحب من اول نظره 00 ضحكت على نفسي وتفكيري 00 وانا انسدح على السريري اللي فيه ريش ناعم يحسسني وكأني طاير من الارض 00 وليه مااطير وانا بااجتمع في اجمل عيون شفتهم في حياتي 00 نمت وانا موفي بالي غير صورتها 00 اللي عيت تفارق خيالي 00 المقحوم غصب عنه فيها 00 وانا تارك الدنيا وراي 00 وربع اكيد بيفجرون جوالي ان ماجيت وسهرت معهم الليله
طلعني من الغرفه وهو يعيد ويزيد حرص 00 وانا اتمتم براسي 00 والله ماابقول شي بس خلني اشوف خالي واكحل عيوني فيه
وانا ااسترجع في عقلي حركاته اللي ظنيت انه بيخليني اعيش بهدؤ 00 هه اثاريه الكلب بس عشان مااخبر خالي 00 يقطع الله ابو الماديات ياناس 00 تفو عليه ونا مصدقه مع وجهي اني بعيش في حياه مستقره وهاديه 00 وانا متناسيه الظروف اللي احبرته علي 00 واجبرتني عليه
وقفت عند المجلس 00 وانا استجمع هواء في حلقي 00عشان لما اشوف خالي ماانفضح ويبان كل شي على وجهي 00 ناظر فيني بهدوء 00 وانا منزله عيوني
دخلت له وانا اسمي بالرحمن في نفسي وانا اطلق نفسي اجاري العاصفه في ركضها عشان اتشبث فيه بقوه وابكي 00 شفت راشد بطرف عيني طلع 00 والحيوان بعده واقف عند الباب 00 خايف افضحه هو وابوه عافين خالي واصل وبيقلب عليهم عاليها واطيها
سمعت ارهف صوت في حياتي – يه يه يه نوفوه يالخديه ليش تبجين
انا بخوف ومتشبثه في خالي واشهق ماابيه يتركني ابيه يظل واظل بحظنه اللي يشبه حظن ابوي في حنانه – خالي ليش قطعت فيني شو ماتحبني
سمعت صوت ضحكه – يوه نوافه شبلاج مااحيدج جيه علامج استويتي رهيفه
( وهو يفكني ويناظر في عيوني بعمق وبحنان ) لهدرجه وحشتج
انا بخوف وانا ابكي –ليش ماكلمتني
هو بصوت حنون – شو نوافه تراج غيرتي البيت كيف بااحيد تلفونج
انا بقهر واشوف الحمار بعده واقف مكانه وفي عينه نظره ماعرفتها – ليش الا تراك تعرفه بس انت ماتحبني
خالي وهو يمسك يدي ويجلسني جنبه ويحظني بحنان – ياناس ياعالم شوفوا هاي الحساسه نوف حبيبتي شجايج يابنتي مااحيدج حساسه جيه ( وهو يناظر مشعل بنظره انبسطت فيها ) ليكون حد مضايقنج ( وهو يرد يناظرني ) شوه مشعل مضايقنج ولامطفربج
انا بهدوء وخوف وانا اسحب الكلام سحب – لا سلامة راسك ( وغيرت السالفه ) كيف خالتي روضه وحمودي وغيث وعنوده وشمامي
خالي بوناسه – كلهم يسلمون عليج واذوني ابتداء من خالتج روضه لين شمامي متولهين عليج وايد
انا بفرحه – فديتهم والله وانت كيفك ياخالي عساك بخير
هو بإنبساط باين على وجهه – من شفتج يانظر خالج صرت تمام ( فجأه ناظر بمشعل) مشعل علامك واقف جيه قرب شو مااحيد حد غريب ولاحد تستحي منه
ياناس اكبر ممثل شفته في حياتي 00 قرب منا وهو يبتسم
مشعل – ماحبيت اخرب عليكم الجو خليتكم على راحتكم
احمد – تراني زعلان عليك ليش ماييتوا عندنا منها شهر عسل واشوف بنتي
سمعته يبرر وانا مبسوطه بخالي اللي يهزبه احسن يستاهل يزاه واقل
واقف في البلكونه وهو لابس بجامه حرير سوداء 00 وماسك كوب 00 وتفكيره منصب في البنت اللي شافها من ايام من ذاك الشباك
( ياترى ذيك البنت هي نفسها 00 اللي امي بتزوجني إياها 00 ولاتكون اختها 00 ولامين بالضبط 00 آآآآآه كاره نفسي 00 وكاره كلمة امي 00 اللي مسكتني فيها على الوتر الحساس 00 سامحيني ياامل 00 والله انتي اللي بالقلب 00 وبتكونين بالقلب 00 مافيه غيرك ابد 00 عارف انك وصيتيني 00 وسمعت وصيتك 00 وهم نفذتها 00 وحلفت من عقب الرفض مااتزوج 00 بس ماابي اكسر قلب امي وابوي 00 وبنفس الوقت فيه شي بنفسي 00 ابي ادفع ذيك السعلوه ثمن كلمتها 00 كيف تقول عني اللي قالتها 00 لا وتبي تمد يدها 00 وين عايشين 00 صدق صدق قوية وجه 00 بس بتشوف الشغل 00 ماابسكت لها
فجأه مطيت عيوني شكبر وانا اشوف ذيك الانسانه اللي قلبت تفكيري وكيآني وهي واقفه ومبرطمه 00 حسيت فيها حزن 00وشي مكدرها 00 انقهرت مين الكلب اللي مكدر اجمل وجه شفته في حياتي